恒樂海鮮菜館

營業中

休息中

同朋友一齊黎長州玩， 黎過無限次既長州， 竟然第一次食海鮮🦞！比想像中便宜好多，2384個小菜再送一碟青菜！ 乜原來海鮮都可以咁便伽咩！我地叫左蒜蓉蒸蟹，瀨尿蝦，豉汁鱔，聖子同通菜，仲送左個粟米湯兩個人食真喺好飽，我最愛蟹，朋友最愛瀨尿蝦，佢話每次必點。我地見其他枱，好多有叫魷魚🦑，下次可以再叫。味道上，都新鮮，但食完好咸。每碟海鮮細隻，大隻就唔止呢個價啦😂整體而言，238蚊物有所值，我會翻兜， 哈哈😄

入得長洲就更會食海鮮，我地一路行睇下食邊間，甘好有緣就去左昵間，呢度有套餐，套餐都好平，又可以自來海鮮係到煮，收反油料錢，我地就自來海鮮係到食，呢到D招呼好好，一坐底就即刻送左一大窩粟米湯比我地飲，我地只得兩人都飲吳哂😂我地有幾種海鮮，每種都幫我地煮吳同既味道，吳使我地唸✌️✌️食飯其間仲同我地有傾有講，長洲村民好nice粟米🥣——好有人情味的窩心粟米湯❤️上湯龍蝦—煮得剛剛好，煮得夠嫰夠清甜😋🦐——蒸得時間恰當👍元貝——蒜茸粉絲蒸，又係好好味😋😋聖子——豉椒做，又食出不同味道👍包魚——用果皮蔥蒸夠香，肉彈牙夠嫩😋😋班仔—蔥蒸時間恰當，骨剛好離肉，肉夠滑廚師煮嘢既煮工一流，每樣海鮮煮得時間啱啱好，仲每種都煮吳同既味道，有心思對客人，客人食到不同味道仲食到舐舐脷長洲既村民對遊客來食嘢，就好似自己村民一樣，明碼實價，又好招呼，又有風土人情味道，下次再去長洲都要去反呢間食✌️✌️

中秋節兩公婆入咗長洲玩兩日，感受吓長洲節日氣氛，下午搭船到去，先去酒店攞房，放底行李就出去覓食。喺長洲揾嘢食一啲都唔難，大街小巷都有得食，聞名嘅芒果糯米糍，大大粒魚蛋一定要試，但都要留定肚晚飯食海鮮，在海傍行吓見到幾間海鮮菜館，店舖職員都好落力推介菜館美食優惠，最終我們選擇了恒樂，六點幾就食晚飯，由於時間尚早，唔駛等位，一坐底就嚟咗個粟米湯(送嘅)，再睇餐牌，佢地嘅超值套餐由二個餸至十二個餸都有，我哋兩個人叫咗四個餸嘅套餐$238(免加一)，仲送多碟菜。五餸一湯，超飽超抵食。

襯著啱啱開始暑假就去轉長州先今日長州唔算多人 但快船都爆曬嚟長州就梗係要嚟食海鮮dinner啦今日揀左呢間紅色檯布吉餐廳食$188有三個海鮮再送一碟菜其實$188係三個餸 有肉有菜有海鮮任你揀但係既然有得揀海鮮咁無理由唔揀架先嚟一個椒鹽瀨尿蝦瀨尿蝦唔算太細隻 椒鹽味道適中 微辣得嚟好惹味肉質好好味實得嚟唔會硬 而且份量都幾多其實今次係我第一次食瀨尿蝦 所以我冇得同其他比較 但我覺得係幾好食之後就有個蒸聖子聖子比我之前食既第二間舖頭大隻味道鮮甜而且冇沙 配上我 好鍾意既粉絲 好正普通既蒜蓉蝦都唔會失色蒜蓉蝦係開邊既 食起上嚟好方便蝦唔會好細隻 味道重而且感覺新鮮最後有一碟菜 我地揀左腐乳炒通菜d菜炒得好靚 唔會過老最鍾意食卜卜脆既通菜 完全滿足倒我長州食海鮮真係性價比之選 質素比起價錢好 絕對唔會因為平左就比d好差既海鮮你

假期去咗長洲一日遊，入到去長洲滿街都是人群，但係已好久沒到過長洲了，同朋友去了「恒樂海鮮菜館」，叫咗一些海鲜及小菜。雖然長洲真的很多人，但係入去差差電後，翌日再繼續工作，都不失為一件好事。薑蔥炒蟹，蟹肉同蟹膏非常新鮮, 炒得都好惹味。蒜蓉蒸鮮魷，蒜蓉份量夠多，鮮魷夠新鮮，火喉足！ 長洲有很多食肆，有牛丸粉麵，有地道小吃 仲有少不了的海鮮菜館，就在假日試下忙碌中取休閒，入去玩下食下消閒一下

入到長洲又點可以唔去食海鮮, 其實成條街海鮮檔 一間接著一間， 都各有特色，行到呢間，店員好有心推介菜館嘅菜式，小朋友嗌肚餓，坐低叫咗个六餸海鮮餐，抵食夾大件， 推介推介先上最受小朋友歡迎，大人亦都喜愛嘅粟米斑塊，魚好新鮮，粟米汁啱啱好，送飯最正! 然後係豉椒炒蟶子，蟶子唔算大隻，但係炒得好入味，另外，大家都必食嘅炒蜆， 屬水準中上，之後就係菜膽雞，好大碟，好好食，熱辣辣，下面仲有菜，繼續係蝦仁炒蛋，蛋炒得滑，蝦夠熟，爽脆然後，海鮮豆腐煲，材料有魚，豆腐，魷魚等等，師傅手勢都唔錯，如果下次大人自己嚟，可以叫多啲辣嘅海鮮試最後係食店送嘅蒜蓉炒白菜，正常發揮。呢度好近碼頭， 預好時間，食完可以慢慢行過去搭船回家，剛剛好。

服務態度還好，價格相宜但水準不佳，浪費食材。蟶子一堆沙，扇貝不是扇貝，只是普通不知名小貝。人多要調位都無通知就將你的餐具用枱布包走調位。想食長洲海鮮勿試此店及隔離康記！！

好耐都冇入過嚟長洲喇!今日同女朋友放假，決定入嚟行下。咁遠水路入到嚟，梗係順便食埋個海鮮餐先走啦。喺海傍條街度行咗個圈，望到呢間特別多人食，心諗冇死錯人，就試呢間!入到去環境光猛，都算乾乾淨淨，我地一坐低，乜都未叫，伙記就送上咗兩碗熱騰騰嘅粟米湯。唔理咁多，天氣凍，暖咗個胃先 味道都唔錯。我地跟住先開始睇食咩，由於得兩丁友，所以只叫咗兩三道菜。最驚嚇嘅係，原來呢度係套餐玩法，“食海鮮，送炒菜”，結果我地慳一個菜。最後叫咗個椒鹽九肚魚同埋豉椒炒蟶子。三個餸都唔錯，鑊氣都夠，個菜亦唔會太鹹 （有啲餐廳炒通菜好似食鹽咁）一個白飯兩份分，整多支啤酒，埋單200有找又一驚嚇 多謝哂，下次再會

已經第三次光顧，每次去上洲留到夜晚的話便會去恆樂食晚飯想起第一次幫襯，是因為店鋪的員工比起其他飯店更加主動去招攬客人，被吸引去試，十分熱心去介紹菜式、價錢等好記得每次都會稱送一碟菜，其實每枱客人都會有如果曾試過長洲海旁食飯，138兩餸，188三餸之類絕不陌生質素當然成正比，唔好期望海鮮會有大大隻為返六十左右一碟餸亦不過份不過！大家可能未必試過係旁邊海鮮檔自己買海鮮比佢地加工所以今次專程去海鮮檔買了一百元中蝦，去恆樂加工加工費$40，但並非馬虎了事劏開蝦頭，走油，豉油皇炒蝦味道極之香口，絕對係夠哂火喉夠哂鑊氣如果再去長洲留夜晚，必定會再光顧

難很放假，所以走入長洲行下食下野。唔知係咪因為秋天的關係，四圍都好多中學生，感覺好似去緊學校請旅行咁。落船之後想搵個地方坐底食個lunch...行來行去，覺得食海鮮同喺茶餐廳食個飯個價錢分別不大，所以目標都係食海鮮吧。行到去有好多海鮮餐廳的大街，好多姐姐會截停你講好多價錢俾你，有一種的壓迫喺度，煩到一個點，就會開始是但坐底一間。2個人食$138套餐就夠哂。但個餐係無飯的美味remark 避風塘炒蟹由於平日屋企根本無辦法整到，自然就會喺餐廳叫黎食。味道好濃，雖然蟹仔細細 ，但都算多肉。一碟的分量都多，但因為好濃味好咸，都係要叫碗飯吃。蒜蓉蒸聖子正常味道啦，蒜蓉粉絲又係食飯一流。炒通菜套餐係包一碟的炒菜，其實對於2個人黎講係大碟的。2人餐其實放滿左張枱啦。感覺好好。簡單的食物。價位都算係ok可以接受吧最後2人餐+1碗白飯+1支啤酒=$178

難得平日放假，和媽媽去長洲半日遊，以前很常去長洲，但最近一兩年沒有去了，因為星期六日假期實在太多人，有點怕怕。行下買下食下，大約六點往背對碼頭的左邊走，因我知道這裡有好幾間平價海鮮。到路口，已經有幾位姐姐在推介食店，我以前吃過幾間，其實我覺得它們間間也差不多，包括食物質素和價錢，所以沒有特別選。這間姐姐推介很落力，重點是她說可以坐室內有冷氣就選這間了，因為我媽媽很怕熱。我們叫了兩餸餐，送湯送炒菜，再叫一碗白飯，一支可樂，不用二百元。湯的味道一般，但這是送的。腐乳炒通菜，很大碟，菜的質素不錯，但重手了，太夠味，要吃多幾口飯。椒鹽鮮魷，又是很大份，很脆。蒜蒸蝦，這個有驚喜，雖然蝦比較小隻，但味道不錯。總的來說，這個價錢，這個味道，這個份量，還算不錯。

第一次入長洲吃海鮮，謝謝這位朋友的招待，帶我到這裡來，我無特別喜歡吃海鮮的，所以等朋友發板~3餸餐-蒜蓉蒸蝦、蒜蓉蒸蟶子、蠔餅，送炒生菜。當然平就不能要求又大又新鮮，不過這裡都不錯，我喜歡吃蒸蟶子/帶子的粉絲，原本不是叫蒜蓉蒸蝦，可能落錯單，我們都不想再等，想快些食完搭船，所以蝦和蟶子差不多味，蟶子都比我想像中大的了，基本價錢來說，十分抵吃！蠔餅醮甜酸醬，很開胃，挺好吃啦！支裝可樂稍微貴了些，要15元，感覺最不值鄰近幾家海鮮店都是差不多，所以可以再來試其他店吧！

端午節入到黎長洲..食個lunch...有好多餐廳..隨意地揀左黎間..見佢d套餐都好抵..一黎阿姐就sell左我地食今日限定既芝士龍蝦伊麵..隻龍蝦都幾細..但都爽口彈牙既..$198..都可接受..我地五大一小..所以叫左6個餸既$388套餐..螺都算ok..但好明顯半斤都唔知有無..瀨尿蝦外表好靚..但d肉係無味既..好明顯係唔新鮮..豆腐雜菜煲偏鹹..最好食係個雞..個皮勁脆👍雖然得幾舊...仲有個鱔..其他人話好脆..本人就唔食既..但見到都係十隻手指數得晒..真係好珍貴..所以係價錢平..但份量好少..埋單6百幾蚊..只能講平價..唔係抵食.😂有得揀可以試第二間..呢度好多選擇😂p.s:我地走既時候..芝士龍蝦伊麵變左$298..真係海鮮價🙄

比人del左post，再po多次！長洲海鮮餐廳 ? 食到有鐵絲！問你驚唔驚 ! 我真係好少 post 嘢 , 但真係好鬼嬲 ! 事源我同女友今日去左長洲行下 , 行到夜晚 6 點左右就去左長洲碼頭附近嘅餐廳食飯 。一入到去 , 態度已經差 , 個男人頭帶眼鏡呀姐全程仲要周不時撞你背脊幾下 。 咁叫餸就叫左蒸開邊蝦 , 椒鹽鮮魷 , 海鮮豆腐煲 , 仲有碟腐乳通菜送 。 收費 188 , 唔包飯 。 等左十幾二十分鐘 , 先嚟第一碟鮮魷 , 都算正常 , 冇咩特別 。 第二樣係蝦 , 真係慘過乞食 , 總數得 7 隻蝦都算 , 細隻到咬起 d 肉都難 。 第三係通菜 , 苦嘅 , 連咁普通嘅菜都可以煮到咁 ? 主角嚟啦 ！海鮮豆腐煲 。登！登！登！登！食食下見到條鐵絲 , 鐵絲呀 ! 食到你喉嚨出血都得呀 ! 連叫人嚟睇都要叫好多次 , 仲態度好差 ！嚟到睇啦 , 態度唔單止衰 , 仲要毫無歉意 , 諗住拿拿臨換左就算最後我地選擇取消 ，都食到一肚氣 ! 第一次打食評！就係想大家小心呢間嘢 , 真係要考慮清楚會唔會去 !

來長洲第二次，第一次食呢間，非常完全唔得，蒸仙貝又唔係仙貝，肉又薄又細粒既唔知咩貝，聖子又係得幾粒肉，蟹又細隻無肉，蠔仔蛋係炸的唔係煎那種，又干又無肉，未試過卡難食的海鮮，無一樣係得的，價錢平但無質素可言，二大一小埋單300多好似無食過野一樣，一定無下次，怪之得門口丫姐這麼熱情拉客，真係一試難忘，平時很少寫食評的我，都故意上來寫⋯⋯⋯