怒茶巷 (已結業)

喺葵廣行街，見到3樓呢度開咗間新嘅手搖飲品店。而家手搖飲品閑閑哋都要三、四十蚊！但見到呢度價錢好相宜，亦都有好多選擇！有純茶、果茶、鮮奶茶、芝士奶蓋。呢度茶嘅size只有一個，就係500毫升。叫咗杯草莓檸檬四季春，草莓副產品經常性麻麻地，但呢度竟然有驚喜，佢唔係好假嗰種藥水甜味！而且再配埋檸檬酸酸地可以中和返！啱晒鍾意飲茶而又想有啲新意思嘅朋友啦。另外仲叫咗杯芝士四季春茶，佢個芝士奶蓋好厚身，好重奶味，唔會好快溶。茶底嘅茶味亦都夠濃。飲到一半將芝士奶蓋溝埋茶飲，反而冇咁飽飽濟濟！估唔到新開嘅鋪都可以帶來驚喜，下次黎嘅話仲想飲埋佢個鮮奶茶!

放假同家姐一齊黎行葵廣，行到想食野即刻上最高個層搵食兼搵野飲😆 咁啱見到呢間位置唔算好起眼嘅怒茶巷，佢個鋪位咁啱縮左入條巷到🤣 一望鋪面係間良心小店，即刻要支持下💛💛💛佢野飲種類都算多，我地要左一杯芝士三重抹茶，同埋一杯芒果大馬士革綠茶，唔使等好耐就有得飲了!先黎試下杯芝士抹茶，望下個面，除左厚厚嘅奶蓋，仲有用抹茶粉整個啲pattern出黎，賣相即加分😆 個個蓋都好貼心，方便唔飲時可以擰埋個口。味道方面，一飲第一啖個奶蓋超濃(好邪惡🤣)，再大啖啲飲終於飲到抹茶，都好香濃！兩樣夾埋好似食緊抹茶cheesecake咁😋😋再試下個香芒大馬士革綠茶，同芝士抹茶係兩個世界，更有驚喜，因為好清新，特別飲完芝士嗰杯後，呢個酸酸地即刻清下口腔😆😆而且佢唔會好甜，成個感覺都好light! 下次黎再試下其他先😆😆😋

每次去葵廣🥢手上都會有杯手調🤣 今次都唔例外🤪 眾多嘅選擇中 黃店係最重要💛而依間新開既小店 更加要大大力支持🌟價錢係中低價位 每杯平均$18-$26芒果大馬士革🥭 $25推薦✅ 芒果味好香 但唔會搶走個茶味大馬士革聞落好香濃 偏清甜既茶味🍵兩者配合好夾 飲完會令人好回味🥰下次要再飲先得啊!☺️芝士烏龍 $26芝士奶蓋 好厚好多 非常重本😝愛芝士奶蓋既人 一定唔可以錯過啊😚個烏龍茶 唔會太重茶味 比較清淡😌剛巧令到個芝士味更岀 更特別🤩

位於葵廣3樓摩登世界，其實都算近大路位置，希望新店會多啲人流，店裡貼了好多有意思嘅宣傳單張😊🥭芒果大馬士革綠茶　$25🥤店主推薦大馬士革綠茶🍵飲落帶點花香味道嗁綠茶，飲落唔會太甜，啲冰唔會太多，真材實料！最尾有淡淡芒果味道，成個感覺都好fresh！🥤奶蓋四季春 $26🧀芝士奶蓋味道唔會太咸！又唔會太過芝士，芝士同奶比例做得好好，配搭清新淡淡四季春茶味道，兩者好夾！我鐘意呢杯，最後飲到底要吸埋啲奶蓋添🙈

喺葵廣掃完嘢食，食埋食埋咁多好西自然會口渴㗎啦，問題就嚟喇，成個商場開咗咁多間手調飲品店，究竟邊間先係唔伏呢？淨係3樓都已經有不下5間喇大胃嘅眼光不似世人，人排我又排，偏偏揀一間勁偏僻，未有人龍出現嘅舖頭，希望飲到滄海遺珠大胃作為芝士控，當然要嗌芝士奶蓋啦，飲落出奇地唔會死甜，茶香滿溢帶有啲澀味完全中和到芝士奶蓋嘅豐滿，mix埋仲有啲椰香撞咗出嚟𠻹杯蓋嘅設計都好方便你飲奶蓋同茶仲有杯芒果溝綠茶，一樣好平衡，彼此味道唔互搶得嚟又各自發揮到香味所以有時飲好嘢真係唔一定要排晒隊

今日同朋友仔去葵涌廣場行街街，好耐無黎喇，耐到d鋪頭都好似唔同哂樣。小食店飲品店愈開愈多，今次又可以試吓新嘢。每次行葵廣行到渴渴地都會買返杯台式飲品嘆一嘆。由於三樓實在太多人，今次特登兜咗個圈，入咗條叫摩登世界嘅小巷，見到呢間怒茶巷個名幾有型，就試吓呢間啦！💛紅柚四季春💛要咗少冰少甜，𥚃面有好多紅柚果肉，酸酸地，配上四季春，非常清新！💛芝士炭焙烏龍茶💛個人比較喜歡呢杯。呢個烏龍茶底茶味香濃，上面一層厚厚嘅芝士好creamy，好濃郁。呷一口芝士，再飲啖茶，超正！

#ewhk葵廣掃黃指南💛.葵廣又有新嘅手搖店啦💛「怒茶巷」係三樓，潮食閣個條巷嘅對面巷仔可能因為個到比較少人經過，星期五晚都冇乜人等緊嘢飲大家要分散支持唔同嘅黃店啊！🥺.嗌左杯芝士四季春🌱奶蓋嘅份量比得十分慷慨！味道都幾唔錯～係正常好飲嘅芝士奶蓋味🤣茶都唔錯啊，夠味又唔會苦澀.雖然葵廣越來越多手搖店，不過支持下啲冇咁出名嘅黃店都好緊要💛.芝士四季春 $26———不專業評分💯食物指數 🍴: 💛💛💛💛🤍環境指數 ⛱: 🚫抵食指數 🤑: 💛💛💛💛🤍推薦指數 👾: 💛💛💛💛🤍———📍怒茶巷葵芳葵富路7號葵涌廣場3樓摩登世界31號舖———

轉季了小編有藉口又到葵涌廣場掃貨了🤣逛得累透了最後到三樓醫醫肚。 口乾乾便先到有人氣的 怒茶巷 ～ 靠近扶手電梯的摩登世界內～這裡提供以純茶、鮮奶、果茶及芝士做Base 飲料 🥤 早前吃過的黑糖珍珠彈牙中不會過甜，而芝士味道稠杰濃郁！ 芝士控小編曾要求添加兩份芝士 🤣今次挑選了店主推介的 芝士三重朱古力 HKD 32 及 草莓檸檬四季春 HKD 25 友人芝士三重朱古力好好味～ 朱古力味道又滑又濃郁；小編喝的草莓檸檬四季春 清香中帶點淡淡莓味～ 是解喝不二之選 😎整體晤錯，而職員服務也態度親切～ 可再回頭！

飯後一杯茶享受生活中小小的幸福😊食完中午當然要行下幫助消化，唔係會好眼瞓做唔到嘢😆咁啱行過葵廣3樓係小巷內有間新開茶舍，飲茶都可以幫助消化，咁就當然要整返杯啦！支持小店！聽講老闆對茶好有研究，仲好講究配搭上嘅味道👍🏻今次揀咗芝士大馬士革綠茶，原來大馬士革係一個地方名，真係見識短淺仲走咗去問咗職員🙈，第一次聽所以好奇就試下！大馬士革綠茶茶味都好出！而芝士一定要同茶撈勻來飲，唔係嘅話就會飲晒啲茶剩低芝士飲唔到，經驗之談啊🤣同埋撈勻咗係更加香濃！另外朋友揀咗烏龍鮮奶茶，原來佢係第一次飲烏龍茶+鮮奶呢個配搭，因為佢一直好怕烏龍茶會太濃，第一次新嘗試而且好滿意👍🏻原來唔會好濃仲好好味😂行出咗第一步，戥佢開心！