快樂蜂 (葵涌廣場) (已結業)

比家鄉雞更Juicy 的選擇依家爆桶食炸雞都多左選擇，其中一間係Jolibee，眾所周知好受外傭姐姐歡迎!雖然食物款式都係大同小異，炸雞固然是必點的口味! 個人認為兩次炸雞的SIZE都相當有份量炸皮超脆，同埋夠熱，相信都係剛炸起就上台了! 雞肉都幾嫩滑，肉質唔會「霉」，仲有肉汁 雖然佢會有舍蘑菇汁可以蘸，但個人覺得唔係好夾到炸雞,都係食返原味或者茄汁都已經好夠味! 薯條口味就正常吧! 都是熬辣辣炸出! 如果是粗薯條就完美了這個餐都是40蚊左右… 其實都幾有CP值，起碼炸雞是夠高質!

剛巧同老公一齊day off 自己又唔想煮飯喎，見Jollibee推出新口味所以提議不如去試下囉😝我地點左兩set《意粉配2件樂脆雞$5️⃣4️⃣》再加個漢堡雞包🍔，我地簡左樂脆雞辣味亦有唔辣選擇。熱辣辣的送上即刻試咗炸雞先👅OK 喎！外面層皮非常鬆脆入面雞肉嫩滑多汁而且炸得唔會過油，炸雞本身配有肉汁點上，自己唔算好食得辣所以都覺是有啲辣的，不過又好鬼惹味😋再食我都會再選擇辣味🔥所有樂脆雞套餐都可以選擇辣味架🌶

雖然新冠肺炎肆虐香港，好多人唔出街食飯，但係我仍然keep住每日出街搵食。今晚嚟呢度食炸雞加肉醬意粉。炸雞我通常食最大果間連鎖，但呢間分店最近幾年係香港越開越多，而且個人覺得佢啲炸雞係新鮮同入味啲，就算雞胸都好滑，而且價錢都較吸引，之後都會多啲幫襯呢間。個意粉雖然無好特別，但係個汁加埋啲腸仔係幾好味，我鍾意偏甜嘅汁。50幾蚊兩件雞加意粉，飽晒。

Jollibee雖然喺好多年前已經進駐香港, 不過一直都無特別想試(大概因為麥當勞同KFC佔盡地理位置優勢, 落樓下就有得食)~終於, 今日收工之後去開葵廣但又唔想掃街, 於是諗住行個圈睇下有咩想食... 行到Jollibee門口, 把心一橫反正未食過一於試下! 叫左個ChickenJoy, 兩舊炸雞(配蘑菇醬)+炸薯條+一杯凍可樂~ 說實話, 食炸雞配蘑菇醬都係第一次試咁既搭配, 可能食唔慣個醬, 我覺得唔點醬食好味過點醬食... 另外, 炸雞既外皮雖然無KFC炸得咁爽脆, 不過雞肉就比KFC既嫩口, 起碼咬落口果時都仲Juicy, 唔係「乾真真」～

黎到葵涌廣場， 當然上頂層食好野， 點知阿女見到 Jollibee 的小蜜蜂， 嚷著要入去睇下， 店內半開放式，剛好門口有張吉枱， 但只有一張圓椅。 清潔姐姐很好近的圓凳也搬過來給我， 然後把枱面抹得乾乾淨淨。非常喜歡她的芝士茄汁意粉， 面條煮得非常淋身，每條長度剛好不會太長， 比較一般意粉較幼， 蕃茄汁少少酸非常開胃，快餐店有這個水準不錯， 但嫌太油，不太健康。炸雞肉都不錯， 沒有太多炸粉。肉質較粗有口感。薯條炸完都係白雪雪，估計唔係用千年油。

放工諗住去葵涌廣場行街，行行下覺得好肚餓，於是周圍搵野食。今日突然唔想掃街，想搵一間餐廳坐係度食，於是經過Jollie B就入左去。Jolliebee位於3樓，店舖位置好當眼，其實上一次到旺角分店食過，印象只是一般般，所以今次都唔敢抱太大期望。兩個人叫左六件雞+1個薯條。六件雞只係$90，平均$15 一件，以呢個價錢來講真係無咩要求。本身我對啲雞無咩期望，但係好好味！雞非常juicy 🤤 雞炸得好脆，炸粉唔多，而且每一件雞都好熱辣辣，一咬開入邊仲有好多雞汁🥰 一百分💯Jolliebee 好食過KXC好多！下次再黎😆

平日注重另一半健康的我，甚少機會食炸雞快餐。難得星期日一條友，當然要到快樂蜂放肆一番之前甚少機會到訪呢間話題性十足既快餐店，適逢放工經過葵廣發現呢隻過江龍，當然點下佢地既肉醬意粉同炸雞🍗炸雞皮脆肉嫩，雪藏味不明顯，整體同肯x基平分秋色。唯一不足的是餐廳沒有主動提供塑膠手套🧤，就當做左手部雞油護膚療程啦。至於肉醬意粉份量剛好，醬汁偏甜，兩者的確係有趣配搭。炸雞過後配上冰鎮light Pepsi, 大概這就是一個人的浪漫吧 💕

人山人海的葵涌廣場，掃街勝地無人不知，但有時想係舍寸金尺土的旺地，坐低食野又真係空間不多，好消息終於來了! 曾在1996年進駐香港的祖樂堡，改名快樂蜂後重新開第五間的分店!而且進駐在葵廣食街! 就近公司嘆到這間菲律賓的過江龍，簡直是葵芳街坊的福氣。場內座位算是足夠，空間感比想像中好，員工大部分是菲律賓或外籍店員，保持Jollibee一貫自己餐廳自己人的作風，二話不說選了最Heavy的雙雞意粉餐$52取號後等待送餐，要留意一下英文號碼叫號啊。Jollibee雖然炸雞款式單一，沒有複雜的辣雞燒雞，但就是勝在專注一款雞，雞鎚雞胸比其他品牌嫩滑而且能夠保持當中的肉汁，做到薄皮而且十分脆，油膩感也不會像伯伯雞太濃熱氣，咬一口熱辣辣地感受到那份新鮮，冒出煙來盲天加令人治癒!炸雞醬非常惹味，Gravy Sauce肉汁質感較稀，慢慢一路食一路倒在手上的炸雞上，品嚐皮脆、炸漿薄、肉滑如嫩肌的一品炸雞!怪不得總有人說「肉質是快餐店之中最好的」。肉醬意粉意粉醬內有大量芝士同香腸芝士味並不太明顯，反而肉醬味較濃郁，將芝士粒的味道MIX埋，如果有要求，就是意粉未能做到一條條分明，質感較為林有點失望，下次還是試試