快樂蜂 (亞皆老街)

營業中

休息中

朋友介紹話一定要去試下jollibee 的炸雞！食完一定唔會再幫襯大型連鎖的炸雞店！經過旺角，就決定去試吓個下午茶！我認為jollibee的雞除咗外皮香脆，裏便嘅雞肉更加係好滑同埋好多汁。。好juicy ...唔會乾爭爭！而且個雞仲會配埋醬汁！食落去個雞唔會咁乾！個炸雞就咁食或者點埋個醬汁都非常夾！醬汁除咗用嚟炸雞之外。仲可以用醬汁嚟配薯條都非常好食！跟餐仲可以轉熱朱古力！除咗汽水另一個非常好嘅選擇！

呢排聽同學講話Jolibee啲炸雞好多汁好食過KFC好多 所以特登同佢地一齊去試吓 入到去發覺其實有個Tea set 尬算幾平 但係我哋真係好肚餓所以都係叫一個餐食落炸雞的確係好過KFC好多 首先雞嘅熱度係好過KFC 同埋外皮好脆 感覺上好似啱啱先炸完咁 而且開落去竟然係有汁咇出嚟 唔係好似KFC咁乾 薯條就一般發揮同麥當勞冇乜分別 但價錢來講就唔算話真係好抵 $50左右食兩隻雞 但雞嘅大細都唔算話太多 同樣價錢我會寧願食大力水手炸雞 但點都好過KFC

已經聽過唔少朋友講呢度的炸機比KXX好食, 一試, 我認為呢度外皮香脆, 但內裡雞肉好滑好juicy, 絕對比另一間KXX juicy 好多!!! 不過, 呢度就冇咁多味揀, 對鐘意食辣既我就差少少

👩🏻👧🏻草根姊妹一直都好想試吓呢一間炸雞店🍗，今次終於有機會啦！店內主要以外籍人士為主，特別多印傭姐姐👩🏽，餐牌也以英文為主。.2件樂脆雞配蘑菇飯（$43）2 pcs of Chickenjoy with Mushroom Rice雞鎚和雞胸都肉厚juicy🍗，雖然只有原味，不過已十分美味😋。雞鎚非常嫩滑多汁！非常嫩滑多汁！非常嫩滑多汁！重要嘅嘢要講三次！價錢同kfc相若，質素不錯呢👍🏻。蘑菇飯菌香味濃郁，比kfc好吃，只可惜蘑菇汁較少🍄。最後，提提大家飲品點朱古力不用額外加錢喔！香芒蜜桃批 (Set +$6)Peach Mango Pie另外，跟餐加$6就可以加點香芒蜜桃批。批只是小小的一個，外脆內軟，又不油膩，批內有不少芒果肉🥭，味道不錯👍🏻！

見呢間快餐店係香港越開越多，係Yahoo 團購咗二人套餐$79試下，有下面咁多嘢食：4件 樂脆雞-個皮好香脆唔乾身，啲雞超嫩滑，又夠多汁，仲提供蘑菇汁可以點醬添2客 蘑菇飯-好濃嘅蘑菇味，份量都幾多下，連飯食好快食完。2個 香芒蜜桃批-做飯後甜品，芒果同蜜桃味道好夾，啲醬連埋脆脆嘅批食香甜可口。2杯 中汽水-飲埋個人爽曬。總括嚟講好抵食，快餐嚟講質素好高，亦比另外一間炸雞連鎖快餐店好食同多選擇如意粉熱狗等，推薦！

Many people compared this with kfc but actually i would say it’s another type of fried chicken. First of all the chicken here doesn’t have a heavy herbs or spices flavour which kfc is famous for and jollibee replaced the herbs and spices to extra crispy and succulent, juicy chicken, once you bit into the fried chicken, the juice will just bomb out and it will hit your taste buzz with the unbelievable crispiness skin of the chicken. The gravy is also beyond words that it perfectly matched the fri

剛剛朋友看見Jollibee，她說這裡的炸雞很有名，超多人購買，但她從未吃過，想今晚買個炸雞套餐回家作晚餐，而我亦買了一件炸雞立即試試看。Jollibee一件炸雞賣17元，不算太便宜，以它的尺寸來說。我先咬一口原味，不太特別，雞皮酥香度一般，沒有調味。朋友問我KFC好吃些還是Jollibee好吃，我沒多想說KFC，即使Jollibee的雞肉挺嫩滑，味道一無可取，若喜歡惹味的炸雞，Jollibee絕不是選擇。

唔洗多講，高質版KFC！薯條感覺更札實，味道偏咸。每款雞都會配唔同醬汁，脆雞配磨菇汁，脆雞柳配沙律醬，但係原來配茄汁又幾好食喎🤣仲以為呢度嘅粟米同mcdonald 一樣要牛油都要問餐廳職員，但係原來呢度係已經預先撈埋落啲粟米到，食落真係好香，不過就細杯咗啲~

KFC就食得多，但呢間炸雞真係第一次食，因為有人推薦食所以就試下，入到店內裝修同某間炸雞店好似，黎食既人都係外籍人居多。套餐有幾款可選，有配飯有配意粉，都有桶雞。但炸雞既味道如果冇睇錯應該係得一款味 - 樂脆雞，對於想食辣或烤雞既朋友就要另尋他歡了。不過可能係只做一款炸雞既關係，佢既炸雞肉特別鮮嫩，就連雞上脾果部份都好滑，肉厚多汁，呢點比起好多做炸雞既就出色好多了。調味方面就冇咩特別都係咁。薯條方面我覺得就唔係好岩我口味，個人比較喜歡麥當當果款。

去開旺角返學，放學都已經9點半，仲有咩可以快靚正咁搞掂肚餓呢？諗起食祖樂比，呢間位置喺1樓，2樓新開了火鍋店，鋪天蓋地嘅宣傳同廣告，差點讓我找不到祖樂比在那裡，連電梯內都充滿著麻辣火鍋的味道，笑咗。不過講真，祖樂比嘅套餐唔算便宜，漢堡扒飯餐都要45蚊，但冇辦法，佢個汁好好味，同埋佢地唔孤寒醬汁，仲有磨菇片跟汁，所以貴都要食。另外炸雞都係冇得輸，皮脆肉嫰，有肉汁。同菲律賓嘅祖樂比有得揮(之前喺宿霧食過)。服務方面，幾欣賞啲收銀姐姐，好有禮貌。清潔姐姐就差啲，不過可能因為就到關門時間，清潔姐姐拖地整到地下好濕，好驚跣腳

晚上約友人到旺角行街睇戲， 之後唔想食太飽， 首選就係快餐店。呢間炸雞店喺香港都有幾間分店， 旺角嘅呢間分店就喺朗豪坊附近， 大大嘅招牌都算易搵。餐廳內比較多外籍人士光顧， 收銀員大多操英語， 當然也能夠講流利廣東話。一人炸雞餐大約40元， 包兩隻雞 ，一包細薯條和一杯汽水。 主角的炸雞皮脆，肉也多汁， 不過本身炸雞的味道不濃烈， 味道算是偏淡。 可能因為味道偏淡的原因， 徐餐亦會附上一碟蘑菇醬， 不過我個人覺得不太搭配。 總結， 可能食慣家鄉雞， 呢間舖嘅雞硬係冇咁啱口味。

不斷encore嘅快樂蜂😋自從食過快樂蜂之後，真心覺得KFC D雞肉質吾系好掂😅今日肥雞又去旺角嘅快樂蜂嗌炸雞套餐😆好可惜今次無Cheesy fries😫D雞滑過BB仔塊面，又有雞味🤓每咬一啖肉汁都充滿住口腔，好！好！食！丫！

這一陣子，如果諗起想食炸雞的話，我都會嚟呢間jollibee. 雖則佢唔係咁多分店，但係旺角有一間都幾就腳，地鐵站出口一上就係。我會食呢間嘅原因，係因為佢啲炸雞炸出嚟嘅火喉係好恰到好處，肉質非常鮮嫩，而外皮又炸得非常脆。最近要的就是調味唔重手，這也是我最欣賞的。我就係覺得佢調味係恰到好處，一啲都唔鹹。咁你會話如果我本人鍾意食重味啲，咁咪唔啱我食囉。錯，因為另外佢仲有一個蘑菇汁，都算幾香㗎，落多啲就更加好味了。唯一美中不足的, 就係佢個薯條太少了，使到一班薯條嘅愛好者，有一點違和感。雖然量少，但質素亦屬不錯

肥雞自從食過jolibee之後已經好耐冇食過kfc因為佢啲炸雞嘅level係kfc完全比唔上肥雞食過咁多次每次啲炸雞都係熱辣辣爆曬油 好明顯係即叫即炸嗰啲咁今次肥雞呢除咗嗌炸雞之外 亦都試咗佢嘅芝士薯條 講返炸雞先 今次個雞腿同埋雞上髀一如以往咁滑 加上點埋佢送嘅嗰個肉汁 又係張成個味道帶去另一個層次 嫩滑嘅雞肉配上黑椒肉汁 以四十零蚊嘅價錢嚟講真係超級無敵宇宙底 以佢嘅芝士薯條就係啲薯條上面深咗啲芝士粉差唔多每條薯條嘅每一面都沾上咗勁多芝士粉好正

今天在旺角行街，行到三點多有D肚餓就選了《Jollibee》食炸雞，我點了一個3件酥脆雞柳套餐，由於這間炸雞是我笫一次試，所以我就再加多一件炸雞試下，可能食得KFC 多，換一下新口味點下醬，又不錯喎！酥脆雞柳我會更推介。