影片
營業時間
今日營業
07:30 - 21:00
星期一至四
07:30 - 21:00
星期五至六
07:30 - 21:30
星期日
07:30 - 21:00
以上資料只供參考, 請與餐廳確認詳情
相關文章
有機會都會食呢一間快餐店，今次就第一次喺西九龍食呢一間快餐店，餐廳唔算多同埋人流都唔算多，次次吸引我哋食都係因為你有啲炸雞好味，同埋最緊要要佢配gravy醬，點炸雞點薯條都好好味。今次都係叫皇牌套餐，有兩件炸雞+薯條+蘑菇飯+香芒蜜桃批+一杯可樂，$59/份。炸雞好好味，外脆肉嫩，點埋佢嘅gravy醬真係無敵👍🏻每一次想嚟食嘅藉口😋😋😋不過佢嘅蘑菇飯就麻麻哋，蘑菇味道普通，飯就太軟，鍾意食飯嘅阿仔都唔想食。另外香芒蜜桃批size細細件，好似一個手板嘅size，味道唔錯👍🏻另外，亦試咗煙肉卡邦尼意粉🍝，呢個驚喜，真係唔錯好味😋成日食嚟食去都係嗰幾間快餐店，有時食吓其他快餐店都係一個非常唔錯嘅選擇🩷
繼續閱讀
2 份炸雞個頭真係好大，一口咬落去，成個口腔都係爆開嘅汁水💦，雞肉本身帶住鹹香，超 juicy～雞皮金黃酥脆，咬落去會發出「咔滋」嘅聲音，比起 M 記薄好多，一定要趁熱食！🥔薯蓉 1 份薯泥乾食嘅話口感會比較厚重，搭配埋佢本身帶嘅汁，一口食落去，係鮮香同奶香都好豐富嘅口感。鍾意食薯泥又唔想太乾，呢款一定要試下。炸雞蘸上本身帶嘅肉醬，再整塊蘸埋薯泥食，真係！好！好！食！！厚重嘅薯泥口感配埋炸雞，成個味蕾都爆炸💥
繼續閱讀
當日，我、我媽媽同男朋友三個人一齊喺中午時段，大概十二點至下午一點左右去深水埗西九龍中心食快樂蜂，初時點餐嘅時候都好順利冇問題嘅。但係到取餐嘅時候問題就嚟啦，我媽媽嗌咗意粉拼炸雞鎚餐，咁媽媽偏愛雞鎚，但係職員比左雞胸，所以我好聲好氣拎埋收據出去同職員講可唔可以轉雞鎚，但係職員一句豪無尾音咁講：「冇」，咁我有禮貌地問：「請問可唔可以加錢買？」因為錢唔係問題只想要雞鎚比媽媽食，但係職員黑曬面唔想答我，咁我只好翻埋位食。然後，我媽媽想用即棄手套食炸雞胸，所以就出去問職員有冇即棄手套，當然職員好唔耐煩咁講：「冇手套呀，比紙巾你啦！」我當場懷疑人生，我要即棄手套你比紙巾，有正常思維都知熱嘅炸雞胸用紙巾食咁啲紙巾咪會痴住個炸雞胸，同時比咁多紙巾我都冇意義，我冇拎到轉身走翻埋位，因為我係堂食嘅。再者，我叫左雙重芝士漢堡，因為快樂蜂嘅menu我都試過曬，差漢堡本人亦鍾意芝士，可惜啲醬太重口味蓋過咗芝士嘅味道，盡可能下次可以叫走醬（如果可以的話），同埋個包都唔太好食，普通麵包而已，所以可以揀其他嘢食。同一個禮拜我去左第二次，因為男朋友想食，不過我地係下午時段大概下午6點，啲年輕人係職員，佢地嘅態度好好多對比老嘅職員（女人）都係嗰句，要比錢收氣就冇必要再去幫襯
繼續閱讀
今次聖誕節我地帶埋工人姐姐慶祝下，佢就最鐘意食炸野所以揀左過黎食🎄Jollibee相信好多人都好熟悉既快餐店，專賣炸雞既，最近就有個2人餐係聖誕節推出左，我見都好多野食揀係叫番個🐥聖誕派對2人餐（$158）樂脆雞4件我份炸雞佢新鮮炸起夠熱夠脆，仲好有肉汁，最特別就係呢度係配有gravy去點雞食😋咖喱酥脆雞飯主食可以揀佢地最出名既意粉，磨菇飯，或者我揀既咖哩飯，呢個咖喱酥脆雞飯原來係新出既，咖哩汁偏杰，味道唔錯，雞粒就係來自小食既酥脆雞塊🍚酥脆雞塊（細）個餐仲包有小食既雞塊，我就比較鐘意雞件多，因為雞塊相對冇乜肉汁，但係肉質都係唔錯👍🏻大薯條薯條味道正常，我用炸雞既gravy點黎食覺得都夾😆香芒蜜桃批2件一般食批就都係蘋果批，呢度就有蜜桃批，我覺得都幾適合做批，味道都幾夾🍑青檸茶梳打2杯套餐包2杯推廣中既青檸梳打，見佢普通餐要加$8先有得升級，呢個餐就包埋，唔想飲都可以轉番普通汽水既，我就幾鐘意，因為我鐘意檸檬茶多過汽水😌呢個2人餐都真係好多野食，我地3個人食都夠食，大食d既話就2個人都一定夠，呢個餐我覺得係正既，同埋佢地既雞都真係好食🥰
繼續閱讀
一直都中意吃Jollibee的炸雞，今天在西九龍中心見到有一間好大間，入去吃個午餐。C2套餐 2件雞配薯條辣味樂脆雞+薯條+熱奶茶有兩大塊炸雞，包括炸雞腿和炸雞胸，外皮都炸的金黃酥脆，好香濃，咬下去時瞬間釋放出絲絲香辣感。雞腿部分肉質鮮嫩，充滿肉汁液；而雞胸肉則更加緊實，卻不失多汁，真是好高超的炸雞手法！一包薯條倒出來都幾多下，脆脆地好味！C4套餐 2件雞配蘑菇飯原味樂脆雞+蘑菇飯+芬達同樣是兩大塊炸雞腿和炸雞胸，好有雞肉的純正風味，保持了最自然的鮮美和鮮嫩與多汁！蘑菇飯香氣四溢，帶著濃郁的蘑菇風味，還多配一盒蘑菇汁可以再添加到飯中。快樂蜂真的好抵食，不到一百元兩個人都吃得好飽，真是快捷又實惠！
繼續閱讀