忠孝東路

營業中

休息中

上年話過試哂isquare既餐廳，點知試咗幾間就無再繼續啦。前幾日咁啱去，所以就開啟翻呢個計劃！忠孝東路 相信係新開既，之前個位置好似係間麵包店黎裝修同餐牌係有台灣味道既滷水豆腐滷得幾入味，份量ok既豆醬炒a菜呢個好食！炒得爽口 豆醬又唔會太咸台式慢煮鹽水鴨片自從係台灣食過之後就念念不忘啦，冷盤黎既 唔係熱食 鴨味重得黎又唔腥！魯肉炒飯魯肉炒飯就好似真係第一次食，飲底唔乾仲加咗豆令口感豐富忠孝生果菜熱天最啱就係嗌杯凍冰冰既生果茶，涼快！柯仔煎呢個就遜色咗啲啦，偏偏偏咸！但個蛋底幾香口仲唔知點解有翻個9折優惠添，等於無加一！總結，一間去得過食既台灣餐廳！

今日又同阿姐去左半島開會，攪到8點...捉阿姐陪我食埋飯先歸家！搵個地方坐底又舒服既，應該只有 isquare 可以！上到去阿家又唔想食西餐，本來佢話茶木...我選呢間既原因係我冇食過 🤣🤣 想試下！去到門口唔駛等位，直入！坐底都有好多野想食，但兩個人食得乜！都係叫個小食/主食/菜就算！突然又話想叫碟肉，仲話要食甜品！冇可能囉 🤣 笑死我！我姐仲話一碗飯驚唔夠，我地笑左勁耐！雞絲粉皮，呢個叫左好後悔，麻醬都算好飽肚 🤣 麻醬好重花生味仲有微粒花生，雞絲唔多，但青瓜同粉皮都好多！兩個人都真係唔會食得哂 🤣 呢個就係我地笑左好耐既鹵肉飯，我地臨叫果陣問侍應大概幾大碗，佢俾左個手勢我地做比對，咁阿姐話都唔係好大啫，諗住叫兩碗，好在我及時制止佢 🤣 因爲佢話想食甜品，黎到都真係勁攪笑囉！我估入面有3碗飯囉！都唔緊要！佢唔夠鹵肉同汁囉！味道唔差既，但太乾喇！鹵蛋同酸菜唔錯！份量都真係可以細，又或者你可以選價錢同 size囉！唔好浪費！豆醬A菜黑醋骨，呢個每一件都真係骨...雖然係細細舊，但冇肉食囉！醋味強勁，但未到拿喉既！水果茶，唔錯！我飲到有茶味！唔太甜 👍🏻

在尖沙咀Isquare想吃個下午茶，來到忠孝東路門口，不用問一看就知道賣台灣菜的，有下午茶而且免加一，就嚐嚐看。6號忠孝牛肉湯麵先喝一喝湯，有接近在台灣吃過的紅燒牛肉麵既湯底的感覺，湯底濃，微微辣，充滿牛肉的味道，不錯。牛肉半肥瘦，煮得焾，好吃！麵比較粗，很Q很彈牙，口感不錯，還有酸菜，浸過湯就不會太酸，而且為湯增加一點點酸味更開胃，總合來說是非常不錯的台灣牛肉麵。8號台式醬油炒飯一上碟看到滿滿的櫻花蝦灑滿飯上，配料主要是香菇片，看起來很普通，但一入口才知道它的厲害之處，飯煮得剛好，不會硬也不會過軟，炒得也有鑊氣，一啖吃下去充滿香濃的醬油味，是高級醬油的味道，高級的咸香味而不死咸，把米飯包裹得非常均勻，加上櫻花蝦香，一口接一口的吃下去，停不了。看似簡單的菜式，包含了廚師的功力，這個炒飯我大力推薦。台式熱奶茶有預先加糖，不好糖的朋友記得要走甜。

不得不讚，忠孝東路是最近吃過最滿意的台式餐廳。店面光鮮亮麗、裝潢簡潔時尚，座位闊落合宜。重要的是員工親切有禮，連水吧同事也幫忙接待客人，笑容親切，展現了何謂待客之道。星期六也有lunch set，點了牛肉麵和虱目魚各一。另加了錢要特式飲品。lunch set包括了前菜，我要了涼拌酸辣貓耳朵，同桌要了炸菜鴨腎。前菜雖少，味道卻甚為出色。甜鹹得宜，酸甜有致，可空口而吃，不必配飯，是真「前菜」。牛肉麵＋炸菜鴨腎牛肉麵麵條甚粗，粗得有點近烏冬，湯底濃厚，不錯。虱目魚＋涼拌酸辣貓耳朵虱目魚裹上粉剪至香脆，金黃可口，魚脂豐厚，極為出色。最令人意外的是飲料出色得驚喜。oreo沙冰oreo味道極濃，已經有點像在吃oreo雪糕，卻不膩口！柳丁柚子桂花茶柳丁味鮮明，桂花香同樣突出，兩者融合得宜，同樣出彩，以後就算吃飽了飯，也會考慮來買一杯外帶飲料，太出色！

今日放假去左係尖沙咀買野，買完野肚餓就入左去iSquare搵野食。見到呢間門面光鮮潔淨的「忠孝東路」，主打台灣菜食物，店外仲有台式飲品沖調區，啱哂我，就自己去左覓食啦！餐牌設計簡潔清晰、圖文並茂、選擇都幾多樣化，仲有晚市二人套餐，定價適中亦有各款特式台灣飲品，口味獨特忠孝魯肉飯好懷念台灣滷肉飯的味道，所以就點左呢個餐廳推介的忠孝魯肉飯。半肥瘦的豬肉碎滷得入味，鹹香滋味，肉質香軟，口感同味道都一流，配上Q彈的米飯食用係最佳的配搭，充滿台灣風味！旁邊仲有隻半熟糖心蛋，大滿足呀滷水牛筋份量都幾多，牛筋呈深歇色，幾入味，滿有滷水汁嘅香味。牛筋好有彈性同膠質，但炆煮時間可能未夠耐，所以大塊的牛筋有dd硬，整體不過不失吧炭燒烏龍奶茶走糖走冰的烏龍奶茶同樣好飲，既有奶香，又有烏龍茶的炭燒香，正啊

2個人想簡單食野。坐低左。叫了一碟飯加個菜$103元。落完單先有個經理走過來話呢度有最低消費要每人叫一個午餐。禮貌問一下在外邊餐牌無提及。得到平淡回應一句公司規定。最後唯有叫多個外賣午餐。

忠孝東路是台北東西邊來往的一條重要的交通大動脈，途經之處大多為臺北市的精華地帶（如信義計劃區、東區商圈、敦南商圈等），當中與10個捷運站接連，包括市政府站，華山1914的善導寺站，及台北的銅鑼灣-忠孝敦化站等。..............................香酥怪味雞配涼拌酸辣貓耳朵（$75）-香酥即是炸，雞塊多肉汁不會丸乾、皮薄炸得 如薯片一般的脆，但不會有油膩感。-涼拌酸辣貓耳朵：酸味足略欠辣味，份量也較少。-以尖沙咀的價錢，這質素算合理。.

閒日好熱周圍行～悠閒時光嘆下午茶3:00-6:00免加一，真係有一種味道叫快樂🤣有十個下午茶餐但都係飽野黎，好正氣呀🤣半價飲品，無咩特別野，勝在唔貴叫左個8號仔台式醬油炒飯，即係櫻花蝦鮮冬菇片醬油炒飯，竹筒上賣相不錯，飯粒圓潤飽滿，醬油味濃唔油帶一點中式甜味，菇菇大片，啲櫻花蝦乾都幾多，唔會好硬加點唔同口感食完咸再叫多個甜食，俾個麻糬吸住左，台式麻糬窩夫配朱古力泡沫果仁，泡沬原來係check…等我以爲係分子料理果啲泡🤣🤣我真係諗多左，麻糬軟軟的，窩夫幾脆口飲品就⋯⋯真係麻麻地Bye,廚房有幾家女仔聲啲粗口好爛口⋯⋯

好耐無行iSquare，睇開戲經過，見到有間裝修不錯的台式餐廳，餐廳以粉色系列的裝潢，牆上畫了一些畫作及文字，感覺文青，食下嘢影下相都不錯。同老公二人點了香酥雞，份量不少，有起碼8件雞塊，仲要大大件，香脆鬆化👍👍忠孝魯肉飯，份量夠晒大，二人食都食唔晒，美味肉汁多，配飯一流😍😍豆醬炒A菜😋😋👍👍滷水拼盤，有牛𦟌、牛筋好入味，肉質炆得剛剛好又夠林身，仲有滷豆腐、鴨舌及蛋，滷汁入味👍👍不錯雜莓牛乳沙冰，估唔到佢哋嘅飲品夠晒大杯，而且仲好好味又足材料，今日飲唔到佢哋每日限量嘅忠孝東路水果茶，下次好想嚟試下添😍😍

今日特意逃出科學園，最近因為太多野趕， 攪到個人亂亂地， 所以今朝專登抽半天時間，找一間人少嘅咖啡店，一邊喝著咖啡， 一邊靜心思考， 理順思路。工作上我電話一直打來， 但還是可以偷到片刻寧靜的。中午時份， 難得出了尖沙咀，唔使再食飯團， 當然就想試啲不同嘅餐廳啦，在isquare亂逛，最後我揀左呢間台式小館。餐廳有各式lunch set，我就揀左怪味雞配炸菜鴨腎。怪味雞其實是酥炸雞塊，淋上用陳醋煮成嘅醬汁， 酸酸甜甜，好解膩。雞塊炸得香脆唔油， 雞肉都唔乾。雖然明知道好肥，但還是忍不住以半價點了「黑魔」珍珠奶茶。珍珠帶煙韌，最重要係奶蓋超香超creamy呀！走飲管是有點不方便，但我還是很支持的。唔知係咪食得快餐多， 今日可以安安靜靜嘆午餐，覺得好新鮮refresh呢！

我好鍾意餐廳既呢句話，有一種味道叫快樂，希望今餐可以食出快樂既味道，所以二話不說，就入左呢間餐廳時間尚早，人唔算太多呢碗上面有唔少黑芝麻，麻醬當然係主打，而麵質就有d似烏冬叫左個拼盤，入面有牛筋、牛展、糖心蛋、滷豆腐同滷水鴨舌，份量都唔少，岩哂一大班朋友share蚵仔煎配秘製辣醬汁，少少辣加埋蚵仔好夾，又冇腥味，而成個蚵仔煎又唔會整到一pat野咁，蛋同埋蚵仔加埋個醬汁真係好惹味兩個人食左三道菜已經飽到成唔哂

每次去台北都會經過忠孝東路，估唔到尖沙咀都有一間叫做忠孝東路嘅餐廳，顧名思義，當然係食台菜啦。餐廳入面幾闊落。午餐menu有8款，可搭配小食1款。忠孝滷肉飯配香辣小黃瓜（$68）此店best selling頭兩位嘅食物，除咗牛肉麵就係呢個滷肉飯喇。滷肉飯嘅賣相都幾靚仔，有半隻流心滷蛋，滷得幾入味；至於滷肉嘅肉絲，就揀咗偏瘦嘅豬肉，食多啲都唔怕肥。飯嘅份量比台灣嘅大碗，所以午餐黎食一定夠飽。招牌忠孝水果茶（冰）（跟餐半價$19）呢杯生果茶嘅甜度都適中，最特別係佢嘅冰粒唔係普通嘅冰，而係百香果冰球，所以就算飲耐左，啲冰融左都會變做百香果汁，好fruity呢。得閒坐下飲杯嘢都唔錯。

出開尖沙咀買野, 行行下有d肚餓, 就搵間餐廳食下野見到忠孝東路就係正我隔離, 正好又好耐冇食過台灣野, 係門口望左一望個餐牌就決定入去餐廳除左堂食, 門口既水吧位置可以外賣飲品餐廳燈光柔和, 座位都好舒服星期日都有午市套餐, 供應時間由11:30 - 14:00, 竟然唔使加一只係叫非午市套餐既食品需要加一, 咁緊係叫返個套餐套餐包埋野飲抵食好多, 比香酥怪味雞吸引左, 因為好掛住鹽酥雞呀我就揀左沙律做我既小食, 食炸野叫返個菜感覺健康D,,(其實係自欺欺人)個雞塊新鮮炸出, 熱辣辣, 份量超多, 目測都有8件雞件以上炸完都好JUICY, 雞肉都好滑, 底部會有甜甜地既醬汁, 好好味, 但由於份量好多, 到最後我都食唔哂D雞除左個套餐, 仲叫左個炸蝦卷, 外皮好似腐皮咁, 好鬆脆, 仲有粒粒蝦膠同墨魚粒配左wasabi豉油同青瓜絲, 解左層油膩既感覺, 幾好食埋單都係$130左右, 性價比高, 一定會再黎!

落雨最好既節目就緊係逛商場, 今日出面勁大雨又到食飯時間, 就係ISQUARE食個LUNCH, 勝在港鐵站一出就係, 唔使淋雨都好一段時間冇行過ISQUARE, 原來有一間叫忠孝東路食台灣野既餐廳見到都唔錯, 假日都有set lunch供應, 仲要唔使加一餐廳既員工好細心, 驚我會凍所以安排左冷氣冇咁大既位置, 仲比左杯暖水我添, 真係好暖心丫跟住就睇下餐牌有咩食, set lunch由$60幾蚊起, 包左一款小食同埋飲品, 免加一, 都幾抵食今日想食D酸酸甜甜既野, 所以揀左鳳梨黑醋骨配珍珠飯 $78, 小食揀左涼拌酸辣貓耳朵排骨醋過之後先輕輕炸過, 令到個骨香口D, 再溝埋個汁, 酸酸甜甜, 好開胃, 份量都好多我自己一個人都食唔哂, 好彩之後朋友黎到幫下手食D另外再叫左個台式慢煮鹽水鴨片$58切既厚度岩岩好, 鴨肉好香唔會好韌, 加埋食淡淡既鹽水香, 幾好食飲品我叫左杯熱既台式奶茶, 套餐包左唔需要加錢, 加上今日涼左少少, 係冷氣地方飲杯熱飲真係好舒服朋友話好掛住台灣啤酒, 所以叫左支, 餐廳會比埋大既啤酒杯咁就渡過左一個優閒既下晝啦

天氣炎熱，睇戲前，係尖沙咀行街好想飲杯手搖飲品。冇咩選擇下揀左呢間餐廳，可以外賣飲品。我點左紅柚茉莉茶，少甜少冰。$28味道麻麻地，好普通，似樽裝檸檬茶味。朋友叫左香芋奶綠。有芋香。總結，如果真係好想飲，都算止到癮。但如果有其他選擇，就唔會想揀呢間。