必勝客 (新都會廣場)

營業中

休息中

是日品嚐了分：黃金芝士熔岩批 2人套餐的海鮮LAVA熱大批，這薄餅的甜酸醋令芝士海鮮提「仙」到恰到好處，值得一試。建議空肚進食套餐，芝士薄餅加芝士波菜絕對吃到津津有味又滿！湯選了南瓜湯，感覺忽然健康，芝士罪惡感都冇咁勁！套餐資訊：來自pizza hut官網

之前都食過，味道係吾錯。但係今次既服務質素令我好失望。望到旁邊新來的顧客都開始用餐，而我的薄餅卻遲遲未到。相片中清楚顯示點餐時間同送達時間。手錶上的時間是送達時間。單據上的是點餐時間。而重點是 午市當然是午餐。很多打工仔午飯時間只有一小時，但是我正正花了40分鐘來等待我的pizza,捱著肚餓，望著鄰近座位的新來客滋味地享用午餐。而我卻呆呆地望著廚房一碟一碟的午餐拿出來，而沒有一份是我的午餐。其實我極度懷疑送錯餐給其他客人，但送錯了也要把我的薄餅排在優先吧，始終是我先點餐的。

Pizza Hut通常都夜晚去食，但下午茶原來都好吸引好抵食!同兩位朋友叫咗三個餐，大概50蚊一個連嘢飲。自己點咗一個墨西哥海鮮餡餅，啖啖海鮮肉好滿足，配上墨西哥餡餅簡直是絕配。另外，朋友點咗超級夏威夷迷你批，經典口味當然冇問題啦。第二位朋友揀咗個再平啲嘅蒜蓉包同薯蓉餐，三十幾蚊，適合細食嘅朋友。至於嘢飲，青檸梳打唔太啱我口味，如果有得加糖漿會更好。整體嚟講下午茶好抵食，當Early Dinner食就啱。今次用咗Pizza Hut 會籍，有埋9折優惠

好多年無食過pizza hut 啦，朋友話積分到期送個大批梗係一齊食啦，雖然個薄餅等左半小時，但新鮮即場整係要等，但一斑朋友傾下講下就好快到啦，個大批薄得嚟又夠脆，料多，最好嘅係薄片莎樂美腸好脆好惹味，菠蘿又夠juicy 唔乾，無失準。叫左個午餐巴拿馬火腿卡邦尼意大利粉（$103），跟餐加10蚊仲有兩隻辣雞翼加多4蚊有兩杯凍檸茶。意粉好食，對版，尤其是好多煙肉碎及菇，檸檬茶好飲茶底清唔澀。香辣雞翼好味惹味，整體非常滿意。

想食西餐，又想坐得舒服啲，就嚟食pizza hut，平日夜晚唔洗等位，又可以慢慢坐。嚟pizza hut唔一定食pizza嘅～晚市套餐有飯有麵，又有湯同飲品，仲加咗錢食雞翼，正酥皮忌廉蘑菇濃湯晚市套餐有得揀沙律或者湯，我就揀咗湯。pizza hut嘅忌廉蘑菇湯好好飲，有大大舊蘑菇，加十蚊就有酥皮。鹹蛋黃醬雞肉焗飯第一次見呢道菜式，好新奇，一定要試下。個飯嘅鹹蛋味好香，出奇地同焗飯夾，雞肉冇乜特別，略為油咗啲。蒜蓉大蝦炒意粉炒得好香，意粉彈牙，啲蝦好爽好大隻，有少少辣，夠晒惹味！香橙綠茶見到新嘢諗住試吓，跟鹹蛋醬雞肉焗飯免費轉配，味道就麻麻，得好假嘅橙味冇綠茶味，叫返普通飲品會好啲～

葵芳新都會呢排成日去simply xxxx 一時去M 記StarbuckX. 又鬼死咁多書釘好耐冇去過pizza hut 入左去try 吓下午茶倆個人叫左倆款下午茶甜品1. Apple tart w vanilla ice cream 2. Apple crumble w vanilla ice cream 倆個賣相都好ok Apple tart味道幾好！ $4x 呢個價錢唔錯！餐飲熱咖啡☕️夠大杯夠熱！ 唔錯!但Apple crumble 就太太甜、crumble 唔夠多雪糕好太舊、但個底太濕！唔合格跟杯凍咖啡唔使加錢、但一般！人唔多、冷氣夠Hea 都ok

星期日同媽媽兩人去pizza hut食下午茶，呢間pizza hut人流唔算好多，2:30pm到等左3分鐘有位。 😎叫左2個下午茶餐，超級夏威夷($69)，跟餐有一杯飲品。pizza hut 堂食pizza一向質素都唔錯，熱辣辣，厚批底有口感又香脆，菠蘿甜甜酸酸好開胃，芝士拉絲，除左size太迷你，無咩好投訴的。😂 卡邦尼煙肉意粉($72)，調味剛剛好，煙肉好香，但意粉太冧，失去應有的口感，小失望。☹️最後用會員積分換左蒜蓉包，平時pizza hut蒜蓉包好出色的，但今日既蒜蓉包大失水準，麵包焗得太長時間，硬曬但又唔熱。👎🏻畢竟pizza but 價錢唔便宜，應該保持番應有水準，及增加份量。😔

與朋友隨意吃，地點方便所以去左葵芳分店進食。-我地晚餐時段到，可能6點左右所以都吾需要等位，直接就有位。-與朋友合共3位去叫左個套餐再加左小吃。Pizza Hut d pizza一向都合幾合本人口味，再加上啲包質感夠有咬口。個沙津正正常常，但對個豬仔骨有小小失望，為左食佢所以點了豬仔骨晚餐但上台時豬仔骨不夠熱，但附上既薯條不錯😋-另外點左個意大利素飯，飯既味道同質感都不錯，出乎意料有少許驚喜。-走果時都見到門口開始有人等緊位都好睇早左小小到🤡

說真的，對上一次食pizzahut 已經係幾年前既事了。見咁耐無食，就去試下。次次食pizzahut 都會睇下佢個新批，而今次就係咸蛋系列既批，睇落都幾吸引。本身我地想嗌個軟殼蟹咸蛋批，但竟然賣斷市，轉左個蝴蝶蝦，而另一款就係雞肉，我地覺得雞肉好普通所以叫左蝴蝶蝦咸蛋批既套餐。個套餐包兩碗湯，忌廉雞湯同埋南瓜藜麥湯，南瓜湯好好飲，呢個係我估唔到既。俄羅斯沙律呢個沙律我真係食唔慣😢面層係普通沙律，個底係薄脆，我地淨係食左面頭d 沙律。拿破崙雞肉意粉賣相好ok, 食落都唔錯。黎到主食pizza, 賣相已經麻麻地，食落先知原來伏左，原來佢地咸蛋唔係個批度，只係舊炸蝦入面，成個批食落好乾身，好後悔嗌左呢個批。

今日午餐係pizza hut Pizza Hut 不嬲都好難唔好食由佢個湯開始 已經係俘虜咗唔少人又滑又濃 餡料十足香蒜肉絲意 成到個口鬼咁臭 但都會叫 蒜香吸引 有肉有火腿 同雜豆 意粉彈牙 爽身至尊pizza 我地十二點去 人少少 食物好快到 pizza較平時的香脆 辣肉腸咸香 風味十足pizza皮香脆軟 辣味雞翼 一個餐加十蚊 就有兩隻

農曆新年本來開開心心和朋友一起聚餐拜年，近來鹹蛋熱潮興起🤪而且見到電視廣告中提及必勝客新出鹹蛋黃芝心批所以就去試下。個pizza一嚟到之後立刻感覺被騙了😡，軟殼蟹少得非常可憐，完全和圖片相差很遠😰。一食之後即刻火到來🔥完全感覺中伏🤮，我和朋友都感覺完全吃不到有鹹蛋黃醬味道! 小小味都5覺！失望😑😑而且簡直淡而無味，再講所謂的軟殼蟹賣相非常可怕，猶如炸昆蟲一樣🦗，超級難食👎忌廉湯鹹到入唔到口😤

9點幾，突然想食piZza，就諗起葵芳新都會新開左間必勝客，過去就有機會要排長龍，於是便叫外賣，有必勝客VIP既我當然是用網上訂購然後過去拎啦！付款後才發現為何沒有折扣，於是便打電話過去必勝客查詢，佢檢查左話我無登入，他要求給予資料查詢，佢幫我加入member再給予折扣，再退錢給我，服務態度一流

經典的食物，永遠係最好食既。新產品煙三文魚pizza相當普通，pizza火候未夠，失色。其他食物唔錯。個飯有蒜頭，但一d都唔怪，好有口感，意外的夾。意粉好好食，黑椒調味恰當。至尊pizza一如以往，剛剛出爐 熱辣辣好味

商場新開的pizza hut, 第一次試！ 平時用餐時間總係塞滿人！今次我地6點鐘就到，不用等就有位了！ 我地6人，但有些人都飽飽地，所以就點了個四人餐，再用積分換左個細pizza! 個沙律麻麻地，不太新鮮，菜的邊位仲有點黃黃地！意粉幾好味，意粉夠乾身，質地唔會太冧，又有小小辣，不到幾分鐘就俾我地食曬左！ 主角係新出的煙三文魚pizza, 但可惜煙燻味不夠，又不夠咸，有點失望！ 好彩個pizza 底都不差！ 意大利飯，都幾好食，但我們太飽了，食左幾啖就打包了！

周日下午五时左右，还来得及试试下午茶，因为下午茶至五时半。怎料侍应不礼貌地说下午茶已停。我查询现在还未到截停时间，这位侍应只好晦气地落单。我叫了三文治下午茶，水准和招呼就可想而知，差劲!!