必勝客 (沙田中心)

營業中

休息中

有句話：「執條褲頭帶，唔見副身家」，我就剪下$6優惠券，結果吃咗$178的下午茶，雖然美其名慳得一蚊得一蚊，但我就很感受消費者貪便宜心情，也見優惠券有成効之道！三人行到沙田中心新張不久的Pizza Hut吃下午茶，發覺裝置比剛結業的城市廣場Pizza Hut遜色得多，既來之，則安之，不會因此立刻離開。三份下午茶：最抵食$24 蝦煙肉薯蓉&蒜蓉包，味道OK，加$8轉朱古力曲奇咖啡冰，冰面有個忌廉球令咖啡冰添滑，喝一口，除了朱古力和咖啡味道，更充斥粉碎的曲奇餅，一杯冰冰滿足三種味道和口感，頗好。$47酥脆魚柳拼盤加$8轉凍意大利咖啡，我分享少許沙律，個汁幾特別像果醬。$67卡邦尼煙肉意粉，加$8轉雪球者喱冰，煙肉和意粉份量也不少，意粉上還有脆脆煙肉乾，味道不錯。

同屋企人食lunch, 分別叫左個意粉+pizza+焗飯,首先個意粉嚟到果時係唔熱嘅 (極其量微暖),之後個pizza仲過癮, 大概同phd學生餐果啲pizza大細差唔多,最後個龍蝦焗飯味道偏鹹, 餸亦都唔多 (幾條蝦毛咁上下),跟餐嘅餐湯同樣如是 - 得個鹹字,飲品兩個OT還好, 但個海鹽柚子檸檬梳打甜到非常,價錢如上述次序分別係65+75+85,加一埋單要250,老老實實呢個價錢我寧願貼多少少錢去pizza express食好過.評價: 不推薦👎🏼

沙田中心最近開咗Pizza Hut，一來佢新裝修，坐得夠舒服😌！二來可能新開，唔係太多人知，都唔會等位等好耐～所以佢就成為咗我最近其中一個飯堂😍一見到佢嘅Lunch Set Menu，最吸引我嘅一定係———唔知點解我由細到大都好鍾意食嘅香蒜肉絲意粉😁 可能我鍾意食炒意粉掛😆意大利菜湯味道唔錯，唔會太酸亦唔會太甜。裏面亦都好多配料，蔬菜眼見包括有紅蘿蔔🥕、椰菜、西芹⋯⋯和長通粉。香蒜肉絲意粉，上枱時熱辣辣👍🏻意粉唔會個淋，爽口彈牙😋蒜蓉香味爆燈上面亦都好多配料，蘑菇、火腿、紅蘿蔔🥕、青豆和最滋味嘅肉碎😍不過如果青豆可以煮淋小小，就更加美味了！餐飲包好多幾款唔同類型嘅特飲，我選了熱柚子熱情，其實即係熱柚子蜜。杯底有好多柚子醬，都唔係欺場～

有水準Pizza2018/09/19打風後一日，交通癱瘓，迫住放假，同屋企人試依間新開咗冇幾日的店。餐牌上有promote緊的pizza,特別想試，家人說想食豬手，所以也點了，因在茶餐時間，茶餐較平，於是叫了一個下午茶薯蓉。價錢方面，只記得大約數字，食物名也只記得大約的。這扭扭批很好吃，熱辣辣的上菜，每粒批邊拉出也有芝士，批的醬和料也很好吃，我們4人行，點了普通批。這豬手，有一層厚厚的肥膏皮，煮到入口即溶，如果唔怕肥，其實都幾好食，豬手的肉咸咸的口感也爽滑。但那醬汁有點酒味，我們4人也不太喜歡，食過德國豬手醬汁不是這樣的，那薯蓉冇咩味，普普通通。反而這海鮮白汁薯蓉較好味，旁邊有吸滿牛油的麵包，鬆脆可口，白汁和薯蓉混合來食好味。下次食芝士pizza可以再黎