必勝客 (華都商場)

營業中

休息中

放工約了男朋友去屯門市中心行, 晚餐想食Pizza, 所以去了華都個間pizza hut~Pizza hut一向都係大路野, 個個人都食過, 見到個二人餐有最近新出的pizza, 決定試一試~華都呢間pizza hut一向都多人食, 特別是星期六, 日, 出面經常見到有人等位, 好在今日是平日, 仲要是星期一, 少D人出街食, 唔使等就有位加多8蚊要了杯朱古力曲奇咖啡沙冰, 幾好飲凍檸水唔使加錢周打蜆肉湯幾好飲, 賣相也不錯磨菇湯普普通通, 其實平時出街飲的味都差不多肉丸正常, 不過我本身唔太好食肉丸新口味, 要了芝心批, 好食最唔like就係加28蚊先有的虎蝦意粉首先虎蝦比睇到的細好多.....意粉又太淋.....卡邦尼汁又唔好味........雖然是跟餐加28就有, 但我覺得個質素唔值28蚊= =去pizza hut是但食個2人餐加個意粉埋單要335 >< 依家出家食野唔平

想不到PIZZA HUT的下午茶十分抵食，因為懶得煮，所以帶埋BB去食返個下午茶先，只需48蚊有飲品有湯有沙律有個飯，1人下午茶份量絕對夠哂我同BB食，而且賣相和食物味道也是十分好的，餐廳的職員也有提供兒童餐具和兒童椅，態度也十分好，因此十分推介PIZZA HUT 的下午茶抵食夾大件!!

應該有3-4年沒幫襯過Pizza Hut了，聽聞這幾年人手短缺，令到食物以及服務都水準下降，也令我對這店有點偏見. 不過這天媽媽說想吃點輕食，就決定來試試是否如傳聞般差勁. 可能是平日下午茶時段，客人不多，我們被安排坐靠窗卡座，都幾舒適呢! 大蝦煙肉焗薯蓉配蒜蓉包 ($22) 我沒眼花吧! 只是$22 便能有一客下午茶連指定飲品，即使要加一，也比茶餐廳便宜. 雖然我沒吃這下午茶，但媽媽的評價是正價的，說CP值很高，也不如傳聞般差勁. 俄羅斯沙律配煙肉菠蘿芝士酥 ($26) 沙律菜都幾新鮮，再配上一隻爽口大蝦，以及熱烘烘的酥脆芝士酥，既便宜又美味. 紅莓夢幻 紅莓加上疏打水的特飲，味道酸酸甜甜，都幾解渴~ 青檸魅力 媽媽所選的青檸特飲. 最後發覺原來Pizza Hut是自己到收銀處結帳的，不知這實施了多久呢? 真的超耐沒來過了. 屯門屯利街1號華都商場華都大道3樓1A號舖 2450 4867 2330 0000

星期日放假約左朋友去屯門華都商場食我至愛的pizza hut,離遠見到pizza hut門口已經見到有好多人企左係度等位了，於是乎我地急急腳行快幾步走去㩒飛等位！好彩只是等左大約十五分鐘，侍應就帶我地坐低了！忌廉雞湯……味道唔錯，飲落香濃美味好好飲一迷你魚籽田園沙律……好清新好fresh, 食完好舒服迷你吞拿魚盛薈厚批pizza ……好足料好多配料，個pizza 仲要食落卜卜脆，香濃惹味，口感一流，超級好食！正到爆！焗肉醬意粉(牛肉)……意粉弹牙爽口，再配埋D牛肉蕃茄醬真是超级惹味，真是好食到不得了！最後飲埋杯冰凍可樂同一杯冰凍青檸真是透心涼好好飲，絕對是完美飽肚的午餐！

先2日見到電視賣廣告 pizza hut 有新款 pizza 食，又好似好耐冇幫襯過咪去食下囉。去食之前見到報紙賣廣告話有龍蝦喎，咁咪又食下囉，終於4個人去食但只係叫左個2人餐+龍蝦。超簡單咁介紹下:香烤之星: 有雞肉、腸仔、菠蘿、桃肉、芝士，味道偏淡，一D都唔似佢 style，不過最唔鍾意嘅係個pizza 好快凍，上枱嘅時候已經唔熱。芝士焗龍蝦: 龍蝦起肉加入蘑菇粒同洋蔥粒等材料撈埋芝士同 cream 去焗，隻龍蝦都ok新鮮，但係個面焗得唔夠脆口，有少少扣分，薯條好食過麥記，脆口冇入過雪櫃，好食。不過咁細隻加埋一計要差唔多三舊水……唔多抵食。其他都係中規中矩就唔講喇。

今日難得放假，同最愛去食lunch,因為佢做左會員，有d優惠送比我地，所以就去食由於係會員優惠，飯面類買一送一，所以我地叫左一個焗芝士海鮮飯，一個肉醬意粉個焗飯個樣冇咩點焗過咁，似係白汁海鮮飯，連芝士味都冇，好失望，同埋我好鐘意做海鮮飯舊魚，但呢個冇，所以我覺得個飯都係Fail肉醬意粉就好食的，保持番一般作風另外仲叫左個午市套餐，有個湯、青檸soda連個pizza，我覺得好好食，pizza足料，脆口，我們兩個人食到勁飽。另外，都想讚下個湯，足料，夠濃，正。PS.我都即時做左會員，方法會簡單，就係先download pizza hut 個app,之後張枱有個牌，牌上有個QR code，掃描後就打番少少個人資料，即時就完全，送左好多優惠，都幾抵的，所以我建議大家如果去食，就做左會員先✌🏼️

大大份的薄餠，原來是超薄批底，所以吃完意粉後也不怕不會吃光哦以 西班牙黑毛豬火腿和香腸為主角，咸香味濃😝，油脂滿溢，芝士拉絲，咸得惹味😏配上沙律菜和小蕃茄，帶點清新。批底超薄香脆，非常不錯

星期日睇完戲差不多一點四十五，想係屯門一連幾個大型商場搵食係一件極不容易的事！好恐怖既「人患」！忽發奇想，就提議去必勝客睇睇情況。到門口攞到30號籌，叫到25號，門外只係有一家人同一對人在等候⋯⋯大約十分鐘左右，已經安排入座了。兩個人，叫咗一個午餐：沙律、普通批加芝脆邊跟cream soda(大概HK$92)，散叫一個海鮮寛條麵（HK$79)。想起以前惠顧任何意粉、焗飯（HK$39起），都會跟半條蒜蓉包。轉咗好耐，蒜蓉包只有單叫⋯⋯今日齋叫一條蒜蓉包要HK$40！不過⋯⋯Pizza Hut 堂食蒜蓉包真係好好味！海鮮寛條麵，味道一樣的濃，不過年紀大了，自覺有點鹹同漏的感覺，可以多返2注寬條麵同海鮮，會感覺值得少少Pizza加了芝脆邊，又係冇得輸，熱騰騰好好味。最後想講：好掛住你呀 "自助沙律吧"～

今日黎旺角揾個朋友食飯，跟住為左揾個地方好好坐低傾下偈，就費事周圍揾，一上openrice就見到呢邊有多間食野嘅舖頭，於是就去左簡下有邊間好食，行行下見到呢間餐廳想醫肚嘅我地，就簡左呢度開飯喇。海鮮闊條面入口都算已經令人滿足嘅。不過味道就真係太非一般咸喇，雖然唔算貴，但點都應該整好啲俾人食喇，又咸又燶，雖然有陣芝士香味，不過真係咸左啲喎，都唔明點解咁咸，餐廳比起一般舖頭都有好多位應該做得更好更加到位，但係有小小失望囉希望有機會會再黎喇

早前經過華都覺得餓餓地。見到pizza hut有下午茶餐，大概係40蚊左右，又幾抵wor，決定一試。嗌左個公司三文治拼薯條，連飲品。賣相同味道都好，份量多，一個人仲食唔晒。環境比茶餐廳舒適得多~一個人坐卡位，而且價錢分分鐘仲平過茶餐廳... 整體好評

今日兩口子又去左PIZZA HUT，我地通常一出新野就會去試，今次promotion係TRIPLE ROYALE PIZZA 「三重趣脆芝香批」，有兩款味 - 海洋趣脆&盛薈趣脆。聽個名都有驚喜。 叫左二人套餐：餐湯《忌廉湯二客》；小食《炸薯條配炸雞》；意粉《香辣雞肉炒意粉》；大批《盛薈趣脆》；飲品《可樂&柚子梳打》；會員卡換左四隻雞翼其他野冇特別，同平時一樣，反而對個pizza有d感受toppings好足料，勁豐富，有青瓜，辣肉腸，香腸，雞肉，煙肉，手撕牛肉，蜜桃，波羅，墨西哥脆脆Honey Mustard sauce好正有軟心芝士，配上個邊邊係用芝士粉，咸咸脆脆的，好鬼正，但有點乾，而且凍左冇咁好食服務好左好多冇黎屯門呢間有兩個月，服務完全係嚇我一驚。所有服務生都有禮貌，每上菜我講thank you佢地都吾該前吾洗客氣後，仲會每次上菜都講菜名+慢慢享用；上湯就會講小心熱！好warm，下單仲會好細心解釋呢個套餐可以配咩吾可以加咩，仲推薦我地如果想食咩就叫邊個餐好，真係好surprise，睇得出有做training同埋改善方案。最鐘意有進步既餐廳！抵讚

Pizza hut 的忌廉湯一向都好味有水準，香濃忌廉湯配上磨菇簡直一絕。平日點開厚批嘅我，今次試薄批，竟然有驚喜，薄脆批底配上豬肉腸及芝士，配料份量恰到好處，不會覺得飽濟，原來薄批都可以咁好食。咖哩豬排飯不會太辣，唔食辣嘅你可以一試。

真係好耐無食過必勝客了，突然間想食個肉醬意粉，拿拿聲叫外賣我仲叫多左個蒜蓉包同一客迷你春卷自選組合食肉醬意粉＋3隻雞翼肉醬意粉仲係當年既味道，真係無咩點變過⋯⋯肉醬味道濃郁，醬的份量多，每條意粉都有。正！蒜蓉包就變得無咁脆了，淋左，但蒜香依舊⋯⋯迷你春卷一口就可以咬晒，方便又好味！店鋪既裝修都好年青，同以前斬唔同晒了。

當天是妹妹的生日，我們下載了PIZZA HUT的應用程式使用了生日優惠，好像有不同的電子卷，使用時覺得頗抵用的。其實很久已經未到這裡用餐了，今天就去了試試。在門口等候的時候，就捉到POKEMON的小火龍了，哈哈，很好呢，而且這裡有免費WIFI，我就不停捉精靈啦～我們使用了電子卷是買一送一的焗飯，更點了芝士牛油酥皮田螺、自選配料的薄餅、加八十八元的燒春雞。一家四口，這樣點餐都已經很飽了，埋單是五百元左右。先來芝士薯蓉酥皮田螺，淨是賣相就有點減分，好像隨意鋪上酥皮一樣。賣相已經跟以前的不同，猜不到叉子一挖到薯蓉時，是能說是八成芝士兩成薯蓉，而且芝士是溶得像液體一樣..... 猜不到連食材份量都是大減... 而田螺份量不算多，不過偏向細隻，幸好仍有嚼勁。不過這個好像是五十至七十元價錢中間，感覺很不值。再來兩個焗飯，感覺不過不失，熱騰騰，而且味道不錯。而薄餅是芝士辣肉腸蘑菇薄餅，整個來說不膩不重味精，而且薄底非常香脆又容易咬開，而且每樣食材都擁有本身味道，不會是經雪藏後就失去本身味道。最後就是香草烤雞食物，它配有薯條及黑淑汁，薯條不過不失，而香草烤雞就有半份，一上枱時非常香噴噴的。近雞腿位置是

由於上次鑽石星芝批真心好食所以突然對pizzahut 有期望就試下新推廣產品bbq濃醬香烤薄餅海鹽tabasco烤雞 大批 $170每片都有一舊cream cheese 隔離有菠菜上面有d bbq醬 擠得有d似大板燒材料:海鹽烤雞 火腿 菠菜 蜜桃 黑橄欖 車厘茄 紅洋蔥 忌廉芝士 夏威夷果仁 辛味蕃茄醬 燒烤醬蜜桃加洋蔥甜甜地 配烤雞一輕一重 有對比感覺其實係烤雞先會有Tabasco 批底係冇食落少少辣 又帶番茄酸夏威夷果仁係碎 其實唔係咁覺有佢存在如果似鑽石星芝批咁 加入去cream cheese會好好多另外cream cheese菠菜係星芝堡壘批配搭菠菜同芝士 好似芝士菠菜雲吞咁不過只係覺得 其實冇bbq既味道連bbq醬都得好少 主角位置明顯被搶走買滿$180 優惠券送雞翼拼意式迷你腸正常味道 好食在有蜜糖係表面十足十燒野食食到既味道(似平時咁燒爆腸另加左$18 梳乎里芝士蛋糕夠硬身感 適合自己口味甜度足 再有cream cheese個種微酸食完又要節食番囉