必勝客 (The LOHAS康城)

營業中

休息中

諗住夜晚去尖沙咀睇聖誕燈飾，所以就簡簡單單叫個意式風情Pizza返嚟食，食完之後早少少出門口，免得坐地鐵時太多人，我原本諗住應該都好多人買外賣，所以中午就去訂咗先，之後到晏晝先去拎，但係出乎意料之外，竟然冇我想像中咁墟冚，我去買時職員都好有禮貌和友善地幫我落單，但係我覺得個Pizza好似稍為燶咗少少🤏，食落口乾咗啲，可能面頭啲肉太乾，所以口感一般般，只有啲菠蘿🍍總保留住啲水份喺度，整體感覺上冇之前咁好味😢

康城呢間分店大部份時間堂食都仲有好多位置 好少要等位 今次亦都唔例外👻其實由細到大食Pizza Hut嘅次數 多到數唔清 但係堂食既機會就五隻手指數得晒🙈原來新鮮出爐既pizza同焗飯 爭得好遠 拉絲芝士 脆餅邊 嫩滑雞肉配上爆汁蜜桃🍑真係好正另外仲要左個茄汁珍珠帶子焗飯 茄醬味濃 但係又唔會搶左貝柱既鮮味 如果貝柱既份量再多啲就好喇 呢個焗飯如果再焗多一陣會好啲 未夠乾身 比較似燴飯既質感🙋🏻‍♀️原來依家堂食都係提供包裝芝士粉同黑椒 能夠係疫情衛生⻆度考慮唔錯👍🏻

2021年6月30日 (星期三) 12:00pm 34°C 環境光亮整潔，餐具乾淨。 為慶祝本人的 21 週年紀念日，故此特地挑選此餐廳用膳。 人數：2人 HK$162.8 不用排隊 白松露野菌烤雞迷你必勝批 - 熱騰騰，香脆脆，軟硬適中，雞肉份量少許，不靱，每塊都有半粒車厘茄，洋蔥片帶出香味。整體來說，份量相對以往的少，味道與質感保持水準。 香蒜肉絲意粉 - 蒜味非常濃烈，立即提升食慾。肉絲少量，紅蘿蔔和青豆多。整體來說，份量相對以往的少，不會有飽滯感。 迷你窩夫配朱古力醬 - 香脆美味 雞翼 - 烤得金黃，口感香脆，一碟只得 2 隻，實在太少了耶。 蘑菇忌廉雞湯 - 蘑菇份量多，濃稀適中，忌廉味十分香濃，正呀！ 熱奶茶 - 香滑提神，茶味濃郁。《 餐 牌 》：【 溫 馨 提 示】：❶ 提供午市套餐❷ 結帳付款須自行到收銀處❸ 另收加一服務費

首先員工對自己推廣優惠不清晰，外送服務不準時，錢巳付但遲遲未送，打電話去康城分店冇人接聽，打佢哋熱線追，又係冇作用！真係有怨冇路訴！呢間pizza hut真係垃圾！