必勝客 (已結業)

星期六十分難得可以同傻鬼食飯, 我地好想試pizza hut新出既三文魚pizza..加上有中銀卡所以我地決定叫左個$188套餐..嘩..個餐真係包好多野..2個人每人一個龍蝦湯- 好漏不過幾多所謂既龍蝦肉每人一杯盧會冰- 味道一般唔太甜.煙三文魚沙津- 煙三文魚一般貨式(不過都唔可以expect咁多架啦); d沙津都算唔錯自己一個食曬..因為有人怕沙津醬正一怪人小食拚盤- 薯角一般; 蝦多士好油, 炸墨魚/蝦角夠彈牙, 炸魷魚圈一般..不過整體成個拚盤都好正..唔錯好啦..個主角pizza出場...失望..所謂既cream cheese又無咩味道, d材料只係食得出有菠蘿其他都唔好味..個餅底又好似食包咁...總之成個pizza都唔多得, 反而d配角仲出色.最後送上2客cream puff..好正入面有雪凍左既雪糕唔係成個都係cream咁.

早幾日同同事食lunch, 一人一個lunch set, 我個三文魚蜆肉意粉份量適中不過味道麻麻, 熱咖啡更係不堪, 不過好彩個忌廉湯幾好飲. 同事個豬扒蕃茄湯天使麵賣相幾靚不過追0左三次單等0左半個鐘先有得食, 真係「得來不易」.今日同朋友0黎食tea, 叫0左兩個tea sets 雖然一樣好耐先有得食, 不過味道竟然有驚喜喎! 原味雞翼水準依舊, 雞肉好滑又甜甜0地; 芝士pizza (無茄汁) 蘸凍冰冰0既煉奶原來比起茄汁鹹食味道好咁多! 一向對d 整到成個cushion 咁厚/「林bad bad」0既pizza 好反感, 估唔到甜食又唔錯喎! 另外亦幾鍾意有「港式奶茶」飲!睇0黎進步0左喎... 雖然我0黎到, 依然堅持唔食佢d 香口膠口感0既pizza.

上星期日媽咪唔想煮飯,唯有出外食啦,見廣告新出既什麼春之薯批張相幾靚,於是就散叫一個普通批+意式焗豬扒飯,一個小食拼盆和店員推介正在做半價優惠既香脆麵包條(原價$20/4條).最先上既係香脆麵包條--食味唔算好香但外皮少少脆,裡面鬆軟的口感好好(姪女一連食左2條),跟住到pizza喇,買點既春薯係蕃薯但份量只得好少,其餘係芝士,少許牛豬肉粒,青紅椒,洋蔥,整個批感覺好乾,芝士味又唔夠香,其他配料份量好少,呢個新出品可以話唔好食,小食拼盆--一般啦,最後係個所謂新出意式焗豬扒飯,大家樂同大快活好食過佢,面有好多茄汁,飯都係炒過但味精味幾重,豬扒只有一塊切得好薄既豬扒,若無炸粉一定好難睇,好孤寒呀,(大家樂同大快活都2塊厚扒丫)呢個飯仲要成$49.呢餐飯9折後$19x,唔抵食.

一年食的第四次,第三次Pizza Hut,專門來到是想吃...九龍灣這間Pizza Hut最細最逼,無所謂,等了一陣位,終於到我們,好野,大家也餓,立即叫.上個湯,吃個頭盆,熱騰騰的pizza終於上了.蜂蜜和芥辣的味道十分合調,甜甜的、間中透出芥辣的辣,可口.反而三文魚有一點腥,但加點辣汁也很適合了.我們也喜歡這個pizza.喝杯熱荼,我們結帳滿足離開.

原來炒既Angel Hair都好好味架！！用DBS CREDIT CARD食滿$60送$20 COUPON，不過只可用於散叫，不可ORDER SET。

叫左兩個ｌｕｎｃｈ套餐，但等左差唔多半個鐘先有得食。雖然好熱明顯係即整，但中午繁忙時段等咁耐就離譜ｄ，特別係得一個鐘食ｌｕｎｃｈ要趕返工。雞皇焗飯ｌunch set ($39) - 好好味！份量足，有用整塊芝士焗，雞亦大大舊。焗菠菜雞絲螺絲粉ｌunch set ($36) 味道唔錯，款式幾新鮮。不過份量極少，女仔都係岩岩好夠。其實我本身唔鍾意食菠菜的，不過佢今次同ｄ螺絲粉一齊食又冇咩野，幾得意。兩個ｌunch set 都連餐湯+ 餐飲。餐湯忌廉雞湯好ｃreamy，亦都係ｐizza hut o既招牌湯。不得不提餐飲- 凍朱古力。超級好味～面頭有好多ｃream，撈埋落ｄ朱古力度反而令杯野冇咁甜，好好飲。雖然要加一，但點都好味又抵食過隔離間別府！

今日陪我朋友特登試新野。我8點唻攞4個位, 點知有成40幾個no先到我! 真係估唔到pizza hut會咁爆! 所以有d心理準備。有pizza card有唔知幾多折, 仲有優惠。咁貪心地叫左個雞扒飯、鰻魚芝心批、雞翼同蒜蓉包。雞扒飯真係唔多得。其實呢…pizza hut 的飯都唔好食。唔推!鰻魚芝心批d鰻魚真係薄如紙。唔好又唔抵食。芝心就不嬲都得架啦。又要等又唔特別好食。唔推。

見門口有某信用咭的豪食套餐,百零蚊,有軟蟹pizza 加意粉, 小食,餐湯, 特飲同雪糕, 意見如下:軟蟹pizza - OK, 餡料有聚埋一, 賣相同口感爭少少意粉, 炒雜菜- 普通雪糕- 差, 有幾舊冰粒雪糕球入面

本來想同屋企人食pizza,但門口登記態度超級差劣,搞到我地一肚氣,以後都唔會幫襯!!!

同同事去必勝客食lunch,無去一排,出左個lunch set係salad combo都唔知。今日都幾滯,唔想食pasta,所以就要呢set。原來個餐都唔少,唔會唔夠飽。先黎忌廉湯,都有幾多菇,不過就好杰,而且有d鹹,至弊係鹹得黎我又覺得好飲喎,咁先衰,因為我懷疑係加左好多味精既原固…主塑係煙豬柳沙律同半條蒜茸包,沙律有三塊豬柳,麻麻地,幾鞋口,另外有d生菜,蕃茄,洋葱同唔知叫咩既菜,其實比較寡,雖然有酸既汁(分開裝),但係唔係咁好味,所以無加,反而個蒜茸包好好食,半條都有四件,幾好!最後都有餐飲。整體上,呢個餐不過不失,勝在黎pizza hut都可以食下沙律咁囉!不過,德福呢間分店環境太open,食既時候可以俾行過既人望到,好似唔知點咁。同埋裝修以黑色為主,氣氛好似黑沉沉咁…

千島海鮮芝脆批- 不嬲都好喜歡千島海鮮, 因為清清地, 自己又喜歡食海鮮, 至於個主角芝脆批, 外面好脆, 鹹左d, 裡面都係咁啦, 我食哩個有d怪癖啦, 會好快食哂個邊先, 因為我覺得凍左裡面d芝士會硬又冇味~海鮮炒肩意粉- 炒得唔油, 但得兩隻蝦, 一隻青口, 料真係好少~

我以前成日食德福間Pizza Hut, 但自從搬遷,裝修再縮細之後再嚟食就怕怕. 唔知係咪呢間d師博唔得,定係d材料唔得, 無一樣野係正常水平, 其他分店真係無呢間咁差. 我唔會再嚟呢間食野.

想試四川雞好耐,今日終於試了.但入到去先知唔可以配天使麪和xo炒飯,所以配了海鮮闊條麪.闊條麪好好食,不過好膩,飲了湯和食了麪都已八成飽,點知仲叫了芝心批,好飽,不過真是好好食.;p

extremely much much 味精, very uncomfortable after eating

不論中午或晚飯都好多人,所以要食就早一點了．有個兒童餐，＄２９，俾小朋友食就最好了，有意粉，腸仔同一些jelly，加＄５又有汽水，加＄１０有沙津，又有小禮物．服務都幾好，可以一試！