心怡甜品

營業中

休息中

‼️❤️ 記得CLICK我PROFILE關注我呀 ❤️‼️.🥞 B҉a҉n҉a҉n҉a҉ ҉B҉o҉a҉t҉ with 🄸🄲🄴-🄲🅁🄴🄰🄼 HKD33 @ 心怡甜品 《👽食神大媽食甜品》⠀.⠀👽 大媽覺得香蕉船配三球雪糕絕對系兒時集體回憶，雖然好容易整，但其實依家好多甜品店都無供應架。🥺.呢間心怡甜品已經起廟街好耐，算系區內少數嘅老字號但又唔老土嘅甜品店。佢嘅出品雖然無咩特別玩gimmick，但大部分都對得住價錢並無因為起廟街景點而離地，有時間可以去試下呢間樸實嘅小店喔。😋.⠀📍 佐敦吳松街107號地鋪☎️ +(852）9064-2808..꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.‼️❤️ 記得CLICK我PROFILE關注我呀 ❤️‼️.❤️ 歡迎報料 ❤️.💯 最真實的美食吃播點評香港🇭🇰 台灣 🇹🇼 澳門🇲🇴 泰國🇹🇭 日本🇯🇵 英國🇬🇧.👽 美食紀錄｜真實點評｜酒店實測｜旅遊休閒｜心理諮詢｜外星人忠實粉絲 🛸

心怡位於食肆林立的吳松街，家庭式經營小店，充滿濃濃的人情味，老闆娘好nice ，好有耐性咁解答食客既問題，甜品選擇都幾多，大家喺佐敦想食糖水或飯後甜品不仿一試。心太軟-香濃既朱古力外層，送上台時好夠熱，一刀切落去時，睇住慢慢流心既朱古力漿，好治癒。熱騰騰既口感，配上冰凍雪糕球，實在令人非常滿足🤤榴蓮王子-呢個係心怡既榴蓮系列甜品，甜品入面有真榴蓮蓉，濃味撲鼻，食落去有果肉既纖維口感，鐘意榴蓮既你可以一試，而低下係西米露，唔甜之餘，好解喝，另外配一球雲尼拿雪糕同芒果肉，味道層次多元化。朱古力綿綿冰，刨冰既份量好大，賣相層次分明既冰，朱古力味濃，味道唔甜，口感其實同食雪糕好似，岩哂而家大熱天時食。

前幾日同朋友去佐敦食飯，路過呢間甜品鋪，睇餐牌種類好多，中式同西式都有，我試左個養顏滋補的椰王燉蛋白雙丸，入邊有西米，蛋白、芋丸同湯丸，5分鐘就有得食啦，好足料！好多芋丸西米，有3粒湯丸！好香椰子味！！超抵食48蚊！我朋友食楊枝甘露！35蚊！呢間噶楊枝甘露唔係傳統的用芒果花奶汁低，佢係用芒果沙冰汁底，夠冰涼！朋友話芒果好甜！俾得超多芒果！估計有大半個芒果！！有西米、椰果、金柚、芒果同芒果沙冰！朋友話几好食！夏天應該好受歡迎！！！下次我要試下椰王燉桃膠同楊枝甘露！！！

材料新鮮。芒果係呂宋芒新鮮芒果夠香，椰子燉得岩岩好！45蚊抵食！！會再次光襯！希望可以保持個質量！衣家咁噶良心商鋪太少！40几蚊可以食到咁足料已經係滿足，仲可以咁好食已經係少有！！！

同朋友係佐敦食糖水，呢間糖水甜品都好平，我叫左白雪公主，係一杯芒果沙冰加芒果雪糕，杯內仲有河粉狀的耶汁糕，味道一般，因為d芒果汁係溝出黎，所以唔似果汁味道，但份量係大，朋友就叫左榴槤甜品，48蚊，比上一款好味少少，但榴槤味唔夠濃，俾耶汁蓋過，d西米露又有少許硬身，唔夠入味。 整體味道一般，但勝在價錢抵。可以試多次其他款式，希望有驚喜。環境方面，裝修一般，唔算多人，出面係大排檔，食完飯可以黎食個糖水。

在旁邊的食街食完豐富晚餐後點少得要食返啲甜品做一個完美嘅句號呢！朋友提議到呢間心怡甜品店食芒果腸粉，好奇心驅使齊聲和議，三個人每人一款甜品，包括：芒果腸粉、楊枝甘露、紅棗雪耳燉桃膠。1、芒果腸粉：芒果好甜，腸粉好滑，配合芒果汁味道同口感都不錯2、楊枝甘露：欠奶味、芒果有少少爛味3、紅棗雪耳燉桃膠：唔熱唔凍，味道OK，算足料。每款甜品都係30幾蚊尚算實惠，推介具特色的芒果腸粉，下次可以嘗試刨冰🍧和雪糕🍦

要在廟街附近搵間抵食的糖水店真係好難難得見到吳松街呢間小店不抱任何期望入去只求有地方坐坐同朋友傾多陣計點了雪糕紅豆冰同九毛糕紅豆冰不過不失但略嫌紅豆太少如果多一點就更好至於叫了九毛糕這個甜品純粹出於好奇原來是西米露、蒟蒻及類似白涼粉的食材食入口有點像大菜糕的味道才二十元一碗，亦可以一試

第一次食到那麼特別的鋒芒必露，內有芒果沙冰，焦糖布甸和水晶珠，水晶珠口感特別，有點像三文魚子在口內爆開，加上美味芒果和椰汁，只售$33，性價比高，真的是消暑的港式美味甜品！另外原來他們也有甜品放題1.5小時，價錢由$115-$148，不同時段有不同收費，值得一試！

同老友食完飯，諗住搵個就腳的地方吹下水，見到附近有間糖水鋪，即管入去試下。木瓜燉鮮奶：這個真心正😍鮮奶是半固體狀，滑到像豆腐花，十分香奶味！加埋木瓜一齊食，感覺好滋潤！男人有時都要補一補😂心太軟：心太軟都好食！不太甜不太苦，真的做到內脆內流心！有兩球雪糕好正，一啖雪糕一啖心太軟，真的有冰火的感覺！😂間小店都坐得舒服，不知不覺都同老友坐左一個幾鐘，都唔會趕客。呢度會成為下次搵老友吹水的不二之選！

尋日11點幾去到， 很多位呀， 完全不用等。服務員亦很有禮貌， 叫了芝麻糊湯圓和腐竹糖水，都不錯的， 食物都好快到。 我們吹左陣水便離開了。 這間有很多糖水選擇， 而且營業時間到很晚， 適合夜貓人士。

當時2點幾，唔洗等位，食飯碗凍既芝麻糊先，芝麻糊唔係好甜，好淡口，但係又唔香，無咩黑芝麻味，我懷疑佢係開芝麻粉沖水，而唔係生磨芝麻來做芝麻糊，如果唔係生磨芝麻糊，$18蚊就貴左D，因為超市都買到呢間店可以用支付寶比錢幾方便

$38芒果腸粉，其實都唔預期即叫即整， 但係竟然起冰櫃拎出黎，成兜結晒冰，一咬落去啪啪聲，啲冰粒跌出黎溶落啲芒果汁度，啲汁變晒做水。太無誠意，食過最差嘅甜品，以後都唔會食！

晚上我在家中食完晚飯，離開家後坐車出九龍，最後來到有很多不同地方風格甜品店的「佐敦」區。但是在「佐敦」可以食到甜品的甜品食店，包括「澳牛」、「佳X甜品」等的食店也多不勝數。結果我今次選擇了一間，名氣相對沒有「佳X甜品」那麼響亮的港式甜品店，甜品店的名字也很尋常不過，叫做「心怡甜品」。但是我幫襯過「心怡甜品」過後才愰然大悟，原來「心怡甜品」的甜品味道還是其次，最重要反而是「心怡甜品」出奇不意給我的華麗漂亮造型。而且「心怡甜品」很多甜品的造型除了漂亮之外，還給有點似曾相識，有種無法清楚以文字形容的雷同感覺。或許是我來到佐敦，光顧「心怡甜品」時間尚早的關係吧，所以「心怡甜品」裡面還未有其他食客。「心怡甜品」的店員見我一個人上門幫襯，於是立刻招呼我，跟遞上「心怡甜品」的餐牌。本來「心怡甜品」店員侍應的做法好像沒有問題，但是食店裡面空無一人，「心怡甜品」店員的殷勤態度，反而令我感到有點懷疑。我懷疑「心怡甜品」提供的各款甜品的味道，是否都能完全做到他們餐牌裡面，裡面甜品一樣的華麗造型跟味道。就例如我第一款選擇的甜品「士多啤梨奶凍」，「士多啤梨奶凍」的擺碟跟造型，都令我第一時間想到，之前我在大埔墟的

咁岩行開佐敦，諗住食返個糖水先返屋企，咁既weekend先夠滿足嘛，不過總之就伏左自己。因為突然想食芋圓，行到第3間先有，緊係咩都唔諗入左去先。佢話入面既其他野食加芋圓要$10，我即刻退而求其次，搵樣原本就有芋圓既食，搵左好耐發現得2款，1樣係榴連，1樣係芒果，唯有迫住食芒果。黎到即刻呆一呆，點解$35咁大杯既，好抵食喎，仲以為普通碗仔，而家起碼1.5倍！第一啖試左小丸子同芋圓先，唉...心知不妙了...芋圓外面無味，咬入面都有些少芋味，最大獲係佢既韌力，夠你跑一轉馬拉松，唔硬，就係好韌。唔好以為小丸子無事，佢先最伏，成口都係粉味，我以為佢未煮熟，不過又好似唔係，anyway，好難食。但係佢個芒果係好食既，甜酸度剛好，果肉唔會霉霉爛爛，大家食個芒果西米露最就好，應該最好食，又大碗。另一個都係丸子d fd,得花奶椰汁味，似融左既雪糕，丸子一樣好難食。評語同佢個名一樣：伊甸園，睇得唔食得，自己諗...

晚上，一個人在佐敦一帶走走，突胨很想吃甜品，又不想再到慣常的那間，在網上找找看，正身處吳松街的我，原來有不少甜品店，於是隨意的找。剛好來到這店門前，店主的招萊，又見到店內還有很多空位，於是試試看。看看餐牌，款色也很多。牆角還貼著1.5小時的甜品放題作招萊，看來很特別。我要一個鮮什果加雪糕，很奇怪地，並沒有問我要什麼口味的雪糕。不一會，就已經為我送上，那是抹茶及香草味的雪糕。原本我不愛抹茶味道，既然我自己也沒說要什麼味道，不妨一試。抹茶又不是太濃，仍有抹茶香，反有點喜歡，因為我不太愛抹茶的茶味，這個個人覺得剛好，還可以接受，香草味甜甜，也很濃郁，入口滑滑，不錯的口感。鮮果卻有多種，味道香甜，沒有不良的味道，可見保持鮮果的新鮮。在品嚐其間，人流漸漸增加，很多座位也有客人，這點真的想不到。在吳松街吃甜品，還是首次，不熟識的小店，卻帶給我新鮮感。