心。泰 (已結業)

間餐廳裝修得幾好, 坐得亦舒服, 但食物唔得真係唔會再去。。。冬蔭功係飲過最差既...有一陣好奇怪既味...應該係某一種香葉放多左, d味好怪...唔ok...未試過飲少少就唔想飲~叫左個唔知咩春卷,入面有d粉絲&鴨肉....好油...個味道亦有"差"既感覺....唔掂個泰式蜆沙律ok囉...都唔係特別好.其他都無謂再提亦唔係好記得食過d咩...總之食物黎講係假泰國菜....一點也不好吃而且頗難吃~~~~~

星期六下午兩點左右o係沙田搵食，見間嘢新開，咪走去幫襯試下，點知....我們兩個人叫了一個脆豆腐青芒果沙律、青咖哩海鮮炒麵、蒸粉卷同珍多冰。等左一輪，蒸粉卷先o黎，我只可以說D粉卷好削，點埋魚露都冇味。但食完碟粉卷之後就一直都冇嘢o黎。再等o左半個鐘，終於忍唔住叫侍應追下D餸，個炒麵都算，冇理由整個要沙律咁耐(基本上D客唔多)。點知追左之後D嘢都係影都冇，唯有再追多次。好不容易，碟炒麵終於o黎，但一睇就知呢個唔係炒麵而係炒意粉。貨不對版都算，最慘係D意粉都未熟，硬的，於是即刻叫侍應換過碟棷子焗飯。之後就繼續等呀等，再追呀追，終於一個鐘之後D嘢先o黎齊(都唔知點解今次會咁好耐性)，至於D質素，同街邊求其一間地踎泰國菜館沒多大分別，但價錢就貴一倍。本來一坐低發現間嘢原來係King Parrot集團o既，已心感不妙，點知今次又真係再中招，唉!

星期六都要返工, 下年返沙田呢邊食lunch, 係中環返到黎都2點lu...自己一個人行吓等媽咪, 等到2點半, 可以食下午茶呢~於是捱多15 mins去呢到食tea, 因為佢係2:45 開始tea, 入座開始計首長佢service 真係一流呢, 帶位個位女仔好有禮貌, 而且都幾靚女我地點咗個西多土, 同埋豬頸肉素菜券...同媽咪share~d 野食黎到, 諗住問住攞2 隻碟, 一揚手, 個waiter 就好醒目咁拎碟俾我地~~抵讚!個西多土都好特別, 入邊好似有d 香草咁, 好有泰國風味~而且唔係好甜, 啱晒keep fit 嘅我~~hehe豬頸肉素菜券就一set 2 大份, 入邊都好多料, 有肉, 有d 金菇, 香葉咁la...都好香~但係就唔係好熱, 熱d 應該會好味d~埋單都係70 幾~~好抵arr!!會再黎呢~

放工後來了這裡晚餐, 文迪生病了, 就吃得清一點.一坐低就問我們要甚麼味的香氛, 就要薰衣草, 去不了富良野看薰衣草, 聞一聞都好.雖則成晚都唔係點聞到薰衣草味. 鼻塞?東北泰烤飯糰$12: 8分, 帶點飯焦的飯糰, 幾香口, 點上醬汁更加吸引.香芒米紙卷$54: 7分, 又係食米紙, 同Rice Paper比, 這裡的米紙沒有那麼爽脆, 口感差了點, 芒果不太甜, 有幾件仲帶點酸, 但係整件米紙卷來食, 酸酸甜,甜, 又不錯.泰妃海南雞飯$58: 8分, 上次吃過覺得不錯, 今次再吃評價依舊, 至少比很多名店優勝. 油飯好香, 雞件幾靚, 肉質夠嫩, 黑肉部份更加好, 加上三色醬同菜乾湯, 令人滿意.但這個好像唔係泰式, 係新加坡式的. 係呀, 這個唔係泰式海南雞飯, 係泰妃海南雞飯.食物水準幾好, 環境就好嘈, 臺排得好逼, 但都算係這層中令人滿意的餐廳.

今日星期日晚飯時段, 途經新城市廣場七樓, 見此食店最多人排隊, 心想'衰極有等', 點知中蕉!冬蔭公隻蝦不新鮮, 椒盬鮮魷只得脆粉, 個軟殼蟹重過份, 不新鮮兼肉霉, 吃完還要拉肚子, 真氣結。此新派泰菜太不濟了。

同友人踩單車後到此食晚餐，點了紅咖哩蟹肉炒麵、青咖哩海鮮飯和香葉包雞；另外還點了三杯雞尾酒(不含酒精類)的飲品。先來的是炒麵，因為太快便上菜，令我們有點擔心，不過味道都幾好，麵身炒得不俗，只是有點凍....如果紅咖哩多一點會比較好味。第二上的是香葉雞，她煮的比快餐廳的好千萬陪，雞嫩、佈滿醬料，香口非常，好快便食完了。最後的是飯，她用一個椰子殼盛載的，上面放滿帶子、魚柳、一隻青口。咖哩加上少少濕、軟身的飯令我這個不喜歡食飯的人也要再嘗幾口。有點不好的是底部沒有咖哩和配菜，如果多一點汁會比較好。至於飲品方面，分別點了Mango Aloe Vera, Tropical Calado, 仲有一杯不記得名字的荔枝飲品。最好飲、味道最濃是Tropical Calado，有點像加了奶的質感；最清新是Mango Aloe Vera，底部是一粒粒芒果加蘆薈，有口感得黎比較有置身夏日海灘的感覺。最後荔枝飲品比較酸，本人就不太喜歡了。的確食得過，可惜價錢比較貴~~

前幾日屋企人同我慶祝生日我提議黎呢度食, 因為之前一直都想試環境唔錯，坐得幾舒服但隔離「木台」d 細路嘈到好誇張又少少影響附近食客心情我地叫左海南雞飯﹑炒雜菜﹑白菜仔﹑燒雞﹑椒鹽豆腐﹑咖哩蝦同埋魚餅我最中意係海南雞飯，飯極香，差d想叫多個d雞就滑但唔夠味炒雜菜okay, 我幾中意個茨, 但量太少椒鹽豆腐好好食, 屋企人好中意咖哩蝦就差d, 個汁好食, 但蝦唔夠新鮮，有d 霉燒雞okay, 冇乜特別魚餅我地完全食唔慣，4塊食剩2塊切餅費收左30蚊個waiter 捧住蛋糕出黎仲唱生日歌, 好好笑而其他服務員都幾有禮貌, 唔錯

年假未放完，在人家還未放食飯之時段來這裡吃個午餐，點了三個午餐大家共享，最喜歡這種食法，因為可多吃幾款。香茅豬扒湯河($52)，河粉幾滑口，算不錯，湯底夠熱，不會很重味道感，但豬扒沒香茅味時亦炸得不脆，好像是上午炸完放至中午才置在河粉上，但勝在肉質仍軟熟。蟹肉紅鴨炒飯($58)，鴨胸的肉質怪怪，好像是在吃潤似的，不好吃，炒飯內有三色椒伴炒，蟹肉相信已溶掉在飯粒之中，半點屍骸也找不到，飯質有點濕，又帶點煙韌，有點像吃意大利飯。大蝦炒泰米($68)，蝦不算太爽口，但仍帶點蝦的味道，泰粉炒的不錯，軟硬度與酸甜味也適中。每個餐除了飲品之外，還奉送多一小杯的酸子汁，味道不特別，不凍不熱，勝在醒下胃。連餐的前菜，要了蝦米卷，在粉皮包裹著的蝦像是被水泡得過時，夾在一起的青瓜絲，如不是醮點帶椰味的沙嗲醬來吃，是完全沒半點味道的。另外的魚餅，侍應說不辣，在餐牌上寫著有紅咖哩的，奇怪為何他會說不辣？！來時吃一口，辣！香茅味道比那個香茅豬扒來得味重，咬下實的的，似豬肉餅多一點。總結︰在沙田區工作的話，在沒多選擇下可以再來，非在此區工作的我，可以不用再來了。

哦...原來佢岩岩改左名做simply thai, 剛從外國回來, 真係大鄉里呢....見之前既食評都好像不大好, 但佢可能改左名, 個廚房都換過呢. 因為今次的水準不錯呀~set lunch幾好, 頭盤同主菜都有約6款揀, $38-$68. 首先有一杯仔梅子汁(好似係...聽得唔清楚)開下胃. 柚子沙津:幾特別,酸酸辣辣.satay chicken: satay汁好味~white curry lemon grass pork chop with rice: 推介, 好好味.豬扒仲脆脆地; 又有d白菜,豆角同egg plant, 唔駛淨食肉.海南雞飯: 媽咪話唔夠雞味喎~順帶一提, d咖啡好香濃, 好好飲!

I spent like 15 mins to read their menu of weird named dishes and still wasn't able to decide on what to order. There aren't many that seem attractive, on top of the fact that there's actually little to choose from. I'm fine with few choices if the foods were all well prepared (but NOOOOO!!). It's really quite hard to find such poorly made Thai dishes. Seriously, it was awful... even I could do better...Serice: disappointing as well.Conclusion: I felt completely ripped-off considering what I

上2個星期同朋友2人去哩間野食飯,啱啱轉左名同name 無耐ge,諗住試下d新野la,order左一個crabmeat fired rice 咁上下ge飯,一碟蒸茄子,椒鹽魷魚,seafood laksa,2杯cold drink 。碟飯同椒鹽魷魚都唔錯,幾好味,值得一試~seafood laksa都幾好，但係份量好少好少，真係好少．．．．．．而碟蒸茄子就．．．．．好難食，好似食緊腸粉咁．．．Too bad ~ 但服務好好，都無咁嬲～總括黎講,最唔好ge就係份量極少,完全唔夠食,有d呃錢ge感覺!!!!!!

tea set order 了一客架央多士, 從相片中見到是普通烘多士的模樣, 但上檯時卻變了西多士??? 由於是用西多方式來整, 所以食唔出架央的味道.配的荔枝蜜(hot drink) 反而唔錯

d 野都叫ok, 但係冇其他香葉店咁多野食。但係都唔緊要，佢地班waitress 雲遊咁舉手叫佢好耐先應又唔理d 台上空空o既客人仲竟然一張台，2個waiter/ess 服侍等死人

新派星馬泰菜館如雨後春筍，小至自家打理私房菜，大至餐飲集團都想分杯羹。呢到主打改良新派星馬泰菜，侍應姐姐起勢咁講更o岩港人口味云云。睇得出呢到無論裝修家俬定燈光，or餐牌菜名至上檯個樣都經高人指點過，但係d靈魂都係欠缺d內涵。先出場o既係個名好得意o既輕輕燒吞拿魚，個汁係敗筆，酸到將所有味道蓋過哂，食罐頭仲o既好味。其實可以只備魚露，不放汁落吞拿魚，保留其輕灼微焦o既味已經好正。跟住上o既係香芒柚子沙律，以青木瓜作底；賣相超吸引，用香茅串起3隻大蝦，成隻戰艦咁；可惜一樣係酸到嘔，廚師今日係咪hup醋呢？就算醋都可以加糖ga ma。仲有呢個沙律有d馬虎，d柚子仲係一kai kai，個情況就好似食住個碌柚飲楊枝甘露，無哂口感。蒜蓉炒溫室椰菜更慘烈。無錯，上檯時鑊氣十足，但係溫室椰菜硬過石頭，後生仔都話硬，老人家就更加不在話下。仲有個海南雞飯，身為海南雞教教徒當然身先試味。。。urhhhh，一陣雪味由然而生，雞肉鞋口難登大雅之堂，其中酸汁一樣貫徹酸到嘔o既宗旨......唉！如其花心機玩花臣，不如花心思再搞搞d味道仲有經濟效益。全晚唯一一讚o既只有咖啡骨同班蘭雪芭同蛋糕。咖啡骨好特別，無諗過

美心集團很有趣，很少重複使用餐廳名，同類的餐廳會冠以稍微的不同名稱，如香葉棧(Little Basil)、香葉天(The Basil)、香葉坊(Fresh Basil)，以及Thai Basil Bar & Cafe。中菜餐廳更是多不勝數~ 個人認為這個做法很聰明，正如女孩子為什麼會買那麼多不同的衣物，都是因為可以帶來新鮮感。　說回正題。上星期與朋友在沙田香葉坊午膳，我們分別點了一個酸辣魷魚沙律．蒜茸飽，以及鮮蝦淡咖哩南瓜盅．椰香飯套餐。與香葉天一樣，每款套餐都附送一小碟蔬菜，類似餐包的概念。這裡的菜式擺設是花過心思，所以賣相無疑是精美的；味道方面，我不太懂得欣賞它的沙律，咖哩對我而言也不夠香。是選擇問題嗎，我覺得香葉天/棧的食物都會較佳。又包括一杯飲品，我點的青檸梳打水準普通，有點後悔沒有點咖啡。　環境不錯，至少座位寬敞，比香葉棧坐得舒服；雖然我還是最喜歡位於朗豪坊頂層的香葉天。服務則很好，有求必應，連咖哩汁也不夠也可以refill。　就是這樣了：不同店名可以逐一比較，比較就是趣味的來源~