德記粥品飯店 (已結業)

幾個月前0黎食個齋腸, 今日0黎試試佢d 粥.叫了個牛肉粥($9)... 原來係碎牛肉, 賣相幾似嘔吐物@_@ 粥底質地有d 似潮式蠔仔粥, 唔夠綿, 而且搞笑地有一條條米粉碎0係粥入面(!?!?), 食落味道幾淡, 米香亦唔係咁出. 整體麻麻0地好食, 亦令我諗起只會0係身體抱恙時先會食的「家庭式碎牛粥」, 不過一碗粥$10 有找, 仲想點?口淡淡, 又叫個炸兩, 點知賣晒(!), 結果要了齋腸($7). 依然又薄又滑, 好0野!搵日要再早少少0黎食炸兩.

13/11(二) 10am這全個星期也要對著紙筆墨硯發呆,想起來也頓時奄悶起來!作戰前,先把面部好好護理妥.到土記做面前,相約剛下班的男友到九龍城市政大廈吃早點.坐在樂園那邊,點了德記的炸兩$7及白粥$4.白粥--白粥入口水汪汪,毫不綿滑,幸好米香尚存!炸兩--份量雖少,但勝在新鮮即做;油條香脆,腸粉嫩滑厚度適中;唯三色醬水準不濟.值得褒獎是環境十分乾爽企理,而且光線充足,令人吃得格外開懷!

上上上個禮拜六，一心去樂園食朱扒飯。原來太太一早有心水，要試德記d腸粉。於是叫個牛腸。即叫即蒸，幾分鐘後熱辣辣上。平時我多數食燒，因為牛腸多數都麻麻地。不過，呢度d牛腸冇"蘇"味，d 粉皮仲好滑好滑，真係"嘟"一聲就吞晒。味道美而且價錢平(好似$9蚊)，食腸粉又一好選擇。

心血來潮想食炸兩, 去到添才記無得食, 就同媽咪摸咗上街市食. 以前細個成日都會黎, 上面幾間鋪的食物都係水準之作, 雖然話係街市, 地方唔會靚得去邊, 不過總算乾淨企理.講番德記, 未食之前已經有個叔叔好熱情咁招呼我哋, 好有親切感=) 結果我哋叫咗個糉, 一碗艇仔, 一碟炒面, 當然唔少得炸兩啦!!! 個糭好足料, 點糖估唔到都好好食; 艇仔的粥底好綿, 而且無味精, 食完唔會口渴; 炒面係新鮮熱炒的; 至於主角炸兩, 係就係細碟咗d, 不過d 油炸鬼仲脆, 都三點幾, 仲有新鮮油鬼~ 正!!! 本來諗住叫魚片粥, 不過叔叔話無魚, 因為佢哋d 魚唔留隔夜, 所以臨近收鋪通常都比人食晒wor... 聽到呢到, 就算無得食, 條氣都順晒~ 而且下次去一定要食魚片粥!!!同埋, 我覺得個service 真係好得, 個叔叔又細心又和藹, 同d 大餐廳waiter 機械式咁叫歡迎光臨, 差得遠!! 食物好的地方很多, 食物好+ service 好比較難得, 今次幫襯幾十蚊有咁好招呼, 真係要多d 上去食.

心血來潮想食甜醬腸粉, 諗起阿爸阿媽介紹, 走0左0黎呢度.叫0左個走淨豉油的腸粉... 一大碟熱辣辣的, 腸粉又薄又滑! 不過可能天氣熱, 米漿容易變酸, 食到最後有少少澀澀0地. 而且, 有少少後悔自己落得太多甜醬-_-" 不過整體真係唔錯的.另外要提0下其中一位叔叔, 好友善, 好熱情0既招呼; 佢見我拎住部相機係咁影食物/檯上面d 0野/周圍環境, 走0左埋0黎問(唔係質問, 只係友善咁R 0野講) 我點解咁有興趣乜都影, 同佢講0左兩句之後, 佢最後就話"唔好介意叔叔咁唐突咁問你喎." 哈哈, 唔會唔會!

沙爹雪菜飯當然不夠後,今次捨馬仔,在對面德記叫個艇仔粥,炸兩.其粥底很綿,味道清甜,材料足,其即拉腸粉尤其出色,不過這個鐘數,叫炸兩有點不合事宜,不過想吃,便叫.腸粉皮拉得細滑,油條放上一段日子,不夠脆口,這是必然.下次中午時段再來,吃回叉燒腸最為恰當.不過樓下榮記燒臘的郭太已經解甲歸田,感覺略有所失.祝安好.

寫了近一年的粥戰，是時候終結。沒刻意的找上了這家檔子，但刻意地點了這碗白粥。背靠著盛油器的櫃子坐下，檯下是一個大櫃，雙腿迫不得要放在指定位置上，才可以安頓下來。碗內的米粒被打得幼細，煲得滑、綿，入口時已經進入化的境界，但可惜的是，粥化人不化。