德記山水豆腐花

營業中

休息中

到此一遊…………..山水豆腐花收$18蚊……..食少碗都唔係損失…….芝麻糊$23……普通過普通……遊客價錢……….收費貴啲預咗……….但係，水準比一般更差⋯⋯

豆腐花已經加價去到$18一碗… 一見到個價錢覺得嚇親，但係行咗一大輪又好想搵個位坐低食嘢，就坐低咗～ 味道非常極度普通，服務態度都唔係好，我自己覺得真係好唔值但冇辦法啦，喺嗰個地方冇好多嘢揀如果下次再去昂坪，會試吓另一間豆腐花

今日去玩，行心經簡林，我覺得都幾抵值得去，附近都仲有可以去行吓山唔錯！行到陪佢哋，就隨便搵咗一間食山水豆腐花！其實安平市集對出，大佛底下有好多間食山水豆腐花，有一間比較大煙所以冇去就去咗隔離嗰間！但呢間就冇咩人！薑汁山水豆腐花$18遊客區來講價錢差唔多，但呢碗豆腐花有冇豆味，又鞋又澀，每一啖最尾係會有種澀味薑汁味得少少，小小甜！當然你都可以選擇食唔甜嘅，佢就話加豉油！如果下次再嚟，可以選擇其他，可能會更好！

🍭國慶假期，諗住嚟昂坪坐下纜車🚡睇下大佛，哇，真係好多人呀，見到呢間寫住生磨芝麻糊，又有位坐，咁就入嚟試下生磨芝麻糊(熱）$23香就幾香嘅，但食落一d都唔滑，食咗兩啖就冇食了我係屋企自己用機打仲好味，應該係我食過最唔掂嘅芝麻糊，環境都好一般

假日到昂坪360走走，地方不錯，很適合一家大少到此地方遊覽，去到一間叫德記嘅豆腐花鋪，想著疫情關係見店內無太多人於是入內進食，豆花價格正常，味道算正常不算滑。但杯凍奶茶海鮮價，店內並無顯示價錢，問左先話30蚊杯，唔怪得旁邊店舖坐無虛席，呢間拍晒烏蠅，當自己買次經驗！

昂坪市集其中一間豆腐花鋪，整體都係比較簡單式嘅食店豆腐花 $18豆腐花真係好滑，質地較為偏水，食落豆味唔算重，但難得嚟到昂坪，一試無妨芝麻糊 $23芝麻味好香濃，有點似係生磨芝麻，陣陣芝麻香味，芝麻糊杰度適中，又唔太甜，幾好味揚揚整體評分：7/10揚揚環境評分：6/10揚揚味道評分：7/10揚揚服務評分：7/10揚揚抵食程度：7/10揚揚返食機會：7/10

山長水遠來到昂坪.....點都要食下豆腐花.....價錢預咗......質素呢......冇預咁囉.....唔係唔好味.....係冇味.....可以給讚的是......環境懷舊.....有Feel......凍食夠凍.....

同條佬搭昂坪360睇下大佛，上到去人流唔多，好空曠～ 可以享受一下寧靜嘅時光，遠離煩囂🎋 唯一可惜嘅係大佛維修緊，睇唔到大佛全貌！😅 今日天氣都幾熱，行完一陣已經好攰，想坐低食下嘢。search咗一陣，見到呢間德記好評比較多，就入咗去坐啦！❤️ 山水豆腐花 $17附有一羹薑汁，薑味唔濃。豆腐花分量唔多，質感都滑嘅，可能因為水嘅比例較多，無咩豆味，亦唔夠清甜🤨 我覺得同我之前食過嘅山水豆腐花仲有一段距離！😬 不過夠凍，可以消暑嘅！好食度：⭐️✨ (1.5/5)餐廳推薦度：⭐️✨ (1.5/5)其實附近都有幾間賣山水豆腐花，我就覺得呢間麻麻！同埋睇其他食評都話德記服務態度差，我現場的確見到職員有同食客有小爭執😅

經過大嶼山見到咁多嘅舖頭買豆腐花芝麻糊就求其入左一間啦都預咗價錢唔會平㗎啦大概$20一碗到啦 性價比係唔算高嘅我覺得芝麻糊同豆腐花佢都磨得好細幼 又唔會太甜同平時街邊食落嘅真係有分別 但如果唔好溝咁多水就更好啦

今日同班朋友約左挑戰行香港最高既山鳳凰山係呀係想問點解最高既山唔係大帽山咩？其實冇錯最高既山係大帽山，鳳凰山只排第二，不過大帽山山頂係禁區，行山人士係唔行得上去架所以鳳凰山就變咗行山人士可以挑戰最高既山喇😎我地幾經周折行左2個鐘攻到934海拔既山頂，再用2個鐘落山到達昂坪市集，對行山人士黎講咁辛苦行完最開心就係見到有山水豆腐花賣，去到市集發現有4、5間賣山水豆腐花，即刻上網搵下邊間好評啦，結果搵到德記好評多少少就試左佢結果比我試到最難食嘅豆腐花⋯豆腐花同芝麻糊溝左太多水 淡而無味，$25又細碗 碗又唔乾淨，炸墨魚丸$25得4粒，味道普通同好油😭雖然係旅遊區，但都太冇良心經營了，影衰晒香港既形象，希望大家唔好再助長🙏

今日睇完大彿，見呢間小食店寫住石磨豆腐花，都見有幾個人食緊，於是幫襯下啦，見 17元一碗，都覺價錢明顯貴，不過心想旅遊區就算啦，叫左兩碗豆腐花，店員攞埋黎真係眼都突，一個黃色膠飯碗裝住D豆花，竟然裝得 2/3 碗滿，真係駛唔駛賺成咁。真係四匙就食哂。 至於味道平心而論就可以的。 祇是份量真是小的太離譜。

豆腐花水到爆，芝麻糊稀到得糖味。賺都吾洗賺到咁盡。好彩而家少遊客，只係一班香港人因為360有優惠，所以被騙也沒辨法。作為旅遊景點，真的影響香港印象。太失望了！！記住個名

昨天一班好友行完虎吼石河，大完打佬加上天氣極濕熱，好想在尾站昂坪吃碗山水荳花+冰凍可樂。可樂$9，雞翼+4粒燒賣+4粒丸$75，豆花不知道價錢，因為是朋友買的，呢度做遊客生意價錢咁貴都係預左，但食物質數一點都反映唔到出來，半價也不值。最想講係果三位姐姐的惡劣態度，全程黑面，而隔離檯有一檯國內遊客，父母帶住三位小朋友：1. 那檯客人將兩張頗舊的檯拍埋…鬧2. 小朋友吃幾塊薯片…鬧3. 有食物碎掉落地面…鬧不準吃自帶食物我絕對理解，但用不到幾位姐姐輪流不停大鬧吧？我唔知道呢幾位姐姐平時都係咁的態度、還是極憎恨大陸遊客，但呢度唔做遊客生意，難道會有很多港人會幫襯嗎？昨天眼見德記係比其它食店人流小很多，只有兩檯客人，請檢討一下吧，自問一定不會再次幫襯！

到寶蓮寺食完齋心情靚靚，又點少得食番碗豆腐花做飯後甜品呢！ 每次來到拜大佛一定會幫襯德記的豆腐花， 今次就試埋芝麻糊，山水豆腐花$18 & 芝麻糊$15。山水豆腐花長期保持滑滑的水準，豆腐花質地好滑，但就沒有豆味，感覺水分比較多稀釋了豆腐花的豆味。芝麻糊味道偏淡，原本滿心期待的石磨芝麻糊，一啖落口感覺沒有糊狀的質感，唯一好處是熱辣辣的。但是價錢來說，到了遊客區都算是有良心的鋪頭，糖水只是十幾蚊一碗，當大家行得攰的時候， 坐低食碗糖水也是賞心樂事吧！

為左行上大佛，必先做足準備。其一便是食個甜品大佛附近有多檔小食店，但因為太早，只有德記營業，所以冇得揀。山水豆腐花（$18）vs芝麻糊（$15）＞＞＞石磨＋香滑來到郊區，對佢地既山水豆腐花和芝麻糊充滿期待，希望真係食到手作製品。但呢碗芝麻糊好令人失望。芝麻糊太稀，沒有糊狀感，芝麻香太淡，幸好不算太甜。唯一好處是夠凍，夏天食碗凍野透心涼，味道有時反而係其次。而且，18蚊一碗芝麻糊，在遊客區來說，很便宜了。