德藝會

營業中

休息中

芝心大蝦$136/2隻大蝦中釀入咗好多芝士，大蝦沾上炸粉口感非常香脆，最正係入面嘅芝士造成拉芝流心效果，蝦肉爽甜香煎蘿蔔糕$45.8呢個好食！蘿蔔糕，質感軟滑，食到蘿蔔絲，煎得四面香脆，加埋XO醬一齊炒，味道絕配濃湯鮮竹卷$39.8幾好食，多汁蟹籽燒賣$45.8飲茶必食之一，口感彈牙乾蒸牛肉球$32.8同平時食開嘅有少少唔同，呢到嘅牛肉球較獨特，有少少似牛肉燒賣星洲炒米$128炒得幾靚夠色澤，唔算多油，味道唔太鹹💰$504/2ppl🚩德藝會 (九龍灣)📍九龍灣德福花園P13-14號

疫情下，公司嘅 Annual Dinner 無奈取消！Deposit 擺咗成一年，終於決定食咗佢算啦！$5000 一圍滿是驚喜呢！因為4人限聚，所以菜式都係分開幾份上枱。乳豬配刈包 皮脆肉嫰脆卜卜，配刈包可以減低油膩感。如果可以片皮去骨就完美喇！帶子炒甜豆火候啱啱好，有鑊氣之餘，帶子仲好鮮嫰。酥炸生蠔脆漿好薄超級酥脆，大大隻桶蠔非常Juicy，係高水準嘅佳作上湯燴魚翅高湯濃郁，魚翅分量足，好滿意。美極煎大蝦海蝦炸得香脆，連殼食埋都得，但略嫌over 咗少少，蝦肉太乾身。清蒸東星斑海鮮鮮味，係靚魚一條，蒸得啱啱好，魚肉嫰滑。蠔豉扒豆苗蠔豉平日唔多鍾意食，今次算係豁出去試食，蠔豉味道濃郁，配豆苗都幾夾。炸子雞皮脆入味，肉質鮮美，好快就食晒喇！乾燒伊麵絕對係油＋膩嘅組合，伊麵太軟身，加上好多油，食半碗都頂唔順。瑤柱蛋白炒飯炒飯粒粒分明非常乾身，味道偏淡，中和油膩感。雪糕泡芙味道一般，應該係外面啲急凍甜品。蓮子百合紅豆糕結冰嘅紅豆糕上枱時仍然處於冰點，食唔出糕嘅感覺，當紅豆雪條咁食，就發現材料豐富，係正宗嘅蓮子百合紅豆沙。總括嚟講係水準之上，除咗伊麵，甜品外，大部份都好滿意。

今晚同屋企人食晚飯，屋企人對d食物水準評價高。 其中芝士龍蝦伊面， 龍蝦足料，肉質鮮美，芝士分量適中，味道岩岩好。 另外，鮮菠蘿咕嚕肉，賣相吸引，用鮮菠蘿，酸酸甜甜，配合個肉好開胃。仲有個蒜片牛仔柳，肉質好嫩滑。

今次飲茶，menu 有新 dishes ， 望到幾吸引，所以order 左黎嘗試下。 其中一個系墨魚籽蝦燒賣， 味道好鮮美，屋企人都好中意食。另外一個系鮑魚雞粒酥配黑魚籽醬，新配搭，味道唔錯。

當天同家人去「德藝會」飲茶，雖然這店地方較細，但好像換了員工，這次惠顧感覺到這批人服務很好，好熱誠，而且客人亦比之前多，雖要輪後，特別提提點心我叫了「竹笙椰皇灌湯餃」真係做得很出色，餃子及椰皇味道都好好，價錢折後又唔貴。另隻乳鴿很乾身，最好食是博藝會的乳鴿，如去，一定要叫來食。

九龍灣飲茶，同事訂了Club One ，這裡環境很舒服，光猛，不擠迫，很有空間感。三個人食七碟，沒有意頭不意頭，叫多浪費，叫少不夠，不於拘泥，就食七算了。三人不想炒粉麵，又想飽肚及試多款點心，叫了薑葱牛柏葉、瑤柱珍珠雞、蜜椒雞翼、油鹽水浸菜苗、八味豆腐粒、XO醬炒腸粉。每款點心都很滋味，珍珠雞餡足，很飽口；雞翼蜜椒味濃，很惹口；豆腐不太細粒，很脆口；腸粉醬味濃，很滑口。儘管點心不是特色食物，但味道很不錯，比起一些掛著酒店之名的點心有水準。最後甜品，叫了一個燒焗椰皇燉蛋白，嗅到很香濃椰奶味，份量不太大，兩個同事分羹處理它。埋單價人均約一百四十蚊。

今天在德福行街，晚飯就去了德藝會，因為比較早去，所以不是很多人。叫了幾樣菜，當中有幾個菜值得再試，炸虎蝦，虎蝦炸得脆，咬落去十分香，肉質肥美。咕嚕肉也不錯，酸酸甜甜，十分開胃。蟹籽炒飯，炒得很想香，飯粒十分香口。

朋友德福花園新居入伙，但佢屋企冇ready食物，於是去樓下既德藝會食晚飯(5分鐘路程)。3個女仔都唔算大食，叫4個菜就岩岩好：鐵板牛仔柳、海味什菜煲、美極虎蝦、瑤柱蛋白炒飯。海味什菜煲好大煲，而且好香雞湯味。美極虎蝦食材新鮮、有美極既香濃味道，但蝦殼炸得唔夠脆。其實虎蝦殼太硬，食材轉做中蝦既效果應該較佳。鐵板牛仔柳牛仔柳煮得又淋又入味，連飯食一流。瑤柱蛋白炒飯個飯炒得乾身，而且冇想像中甘淡味，幾驚喜。

今天在德福行街，行到中午的時候，決定去飲茶，就去左會所1號，位置好方便，行出商埸，步行5分鐘就到達。叫左個鐵板燒牛肉，牛肉比較腍滑，食落去比較有口感，用鐵板燒令牛肉更有香氣，值得試。另外，點心方面，咖哩鱿魚，律為一般，沒有咖哩香味，嗰汁又太濃，可能落左好多粉，感覺一般般。奶黃包反而有惊喜，奶黃味濃而香。

整個環境舒適，淺藍色裝修風格幾優雅。座位好寬敞。小食蜜糖雞翼外皮煎得脆脆地，蜜糖香味ok, 肉質幾鮮嫩。另外order 左甜品椰王燉蛋白，甜度適中，蛋白幾嫩滑。雪山叉燒包好好食，唔同普通個種叉燒包，幾中意距個皮脆脆地。

同朋友相聚當然會選擇一個中間聚腳點，交通方便的地方，而且平時食開西餐，今日就試試中式晚宴。ClubONE近排推出的果宴都唔錯，會員價$1488半圍有龍蝦鮑魚。首先值得推介是蒜蓉蒸波士頓龍蝦，6個人，每人分到1邊，好大隻，啖啖肉，而且充滿蒜蓉香。其次是鮑魚柚子沙律，新鮮的蔬菜配以果醋及柚子粒，酸酸甜甜幾開胃。還有火焰菠蘿肉鬆沙飯，一上枱大家都覺得好新奇，因為真係有火的，炒飯粒粒分明，再配菠蘿提子粒，大人細路都鍾意。其他還有花膠螺頭湯，好清甜; 脆皮燒雞比較普通 ; 珍珠茄浸菜苗可以清油膩感 ; 士多啤梨炸松子魚，香脆開胃，想添多碗飯。最後以Movenpick雪糕作結，好好味。ClubONE除左環境優雅，其實佢細心的服務，到令人想再光顧，因為一出龍蝦時，除左每人派刀叉及開龍蝦鉗的器皿除，仲俾濕紙巾我地，唔錯唔錯。

無論老友鬼鬼定係一家大細我都會選擇中菜，全因不用趕客一樣，與友相聚片刻最佳之選。皇帝蟹宴除了半席之外，還有送西班牙啤酒1支, 飲品6罐。西班牙啤酒帶有少許花香，容易入口不錯。原隻清蒸長腳蟹 (約4斤)大大份的原隻長腳蟹相當吸晴，你甚能相信有4斤重呈現眼前，真的太美味！啖啖肉沒有半點抗拒的理由，份量也相當多。沙拉脆皮金豬金豬半席的關係，猶如BB乳豬的感覺。乳豬皮脆肉嫩恰到好處而且有沙拉在旁邊，可減其膩。夏日鮑魚佛跳牆原盅佛跳牆一睇就知道相當滋補，鮑魚大大隻相當腍軟而且味道猶如老火湯，令人想無限追加。西蘭花炒龍躉球龍躉球炒至相當有鑊氣，而且西蘭花利用蒜蓉炒香，非常惹味。鑊氣，西蘭花金蒜蒸龍躉骨腩，一客二食的龍躉骨腩非常多骨，不過清蒸的關係蒜香美味。會所一号脆皮燒雞，脆皮燒雞雞身嫩滑而且外脆內軟，份量十足不錯。飄香荷葉飯，利用荷葉包著濃濃的飯粒內含雞粒，有嚼勁又美味好食。鮑汁炆伊麵，伊麵炆至濃郁並配上鮑汁，美味極了。最後還有清涼的椰汁紅豆糕作結。

為了慶祝朋友生日，所以一早book 了此洒樓半圍晚餐。一入去。只見四圍抬，我們坐的位置冷氣空調不足，所以要求開風扇。因為此酒摟，也放了二大把風扇呢。全場只有五圍抬光顧，起初我們只有二人到達酒摟，待應居然一次過拿駛六罐汽水和一支啤酒。我對待應說我的朋友未到，咁快拿出來。她只答我：是。就沒有理會。最好笑我以為他拿一個桶出來，入邊是有冰的。原來什麼都沒有，只是那一個桶，要來裝住一支啤酒，OMG 。然後我叫侍應幫我倒水，居然沒有人理我，我不斷揮手，他們也不理我，只見三五成群，企在角落位，傾計。人齊了，上菜，皇帝蟹也大隻，肉質很濃郁，不錯。但食皇帝蟹也應該有濕紙巾提供一下，可以抹一下手，汗浄一點，但完全沒有，又要再揮手問待應，有沒有。原來是有的只是他沒有拿俾我們。乳豬皮，淋，皮不脆，加一大舊肥肉。炸雞也ok西蘭花炒龍躉球也OK，但沒有醬汁點。鮑魚佛跳牆湯，完全沒有味道，差。蒸龍躉骨腩，一個字咸。他們趕着收工，9:40已經叫我們埋單，趕我們走咁唔通我們真的阻住人收工。

伴娘去完旅行返嚟又約我食飯俾手信我佢話今次不如飲茶話去博藝會我諗諗吓我好似去過博藝會一次仲要係朋友結婚飲茶又未試過喎所以就同佢喺呢度開餐啦九龍灣呢個地區，我冇諗過呢間酒樓係唔爆人囉😱環境又靚因為佢係做俾人結婚擺酒㗎嘛望下個餐牌，侍應姐姐過嚟sale我哋二百幾蚊一位二人餐，我同伴兩都覺得lunch 唔使食咁貴嘅所以都係散嗌左啲點心唔係講笑每一款啲點心都好新鮮滾熱辣侍應姐姐仲走過來同我地講，每日都係師傅晨早返嚟自己整所以我覺得好有heart特別推介我同伴娘都好鍾意嘅蝦餃佢蝦餃入邊係有啲筍粒👍🏻

放假的日子，作為傳統廣東人既家庭，最愛就係上酒樓食上一盅2件 但往往一想起擠在門口等叫籌的人龍便會卻步 為左舒適的嘆下茶，傾下家常，我寧願捨棄官塘的熱鬧，來到德福飲茶德藝會 ClubONE Telford呢度本身係德福住客的會所，但入面的德藝會其實係開放俾公眾的 (係咪唔講唔知呢~) 德藝會亦係婚宴場地，所以無論裝修，佈置都花過心思架~呢度係屬於新派的結婚場地，以湖水藍，湖水綠以及白色3色為主，非常高貴典雅~呢度既茶市/飯市，開中午12點，非常適合我呢D放假想瞓晏D既人~XD 當日12點黎到，係第一枱入黎，可以任影呢個咁靚既環境~ 柔和的色調令人非人放鬆，好適合放假的閒適心情而且來光顧的客人都以斯文為主，整個場都很安靜的，沒有傳統酒樓的喧聲震天，也不用扯大喉嚨黎傾計~非常謐靜舒服~成個場放到十幾圍，當日後半部份俾人包左場搞生日會 不過佢有獨立門出入，絕對無影響的~ 呢度有2-4人枱，亦都有6-8人枱以及更大的12人枱~ 適合不同既家庭~食具同樣用上了簡單的白色瓷器，同場地非常合襯唷~坐下後，待應快速地地送上了2壺，一壺茶，一壺開水那個瓷器茶壺呢，圓圓的身和蓋，要加水時，千