德興酒家

營業中

休息中

朋友一向鍾意打邊爐，佢上次去食一間火鍋放題，夠鐘還枱都話未食飽，哈哈，今晚就同佢黎德興食，德興係無限時，食到收舖都得㗎。成人$199一位，任飲任食仲包一客movenpick雪糕，抵！飲品都幾多唔常見嘅選擇，但就無無糖飲品，有需要嘅都可以要求開壺茶嘅。湯底又係好多款揀，連雞煲都有，但兩個人怕太飽食唔到火鍋，就要左清湯併麻辣湯。清湯幾鮮味，麻辣湯好重花椒八角味，唔算太辣，個人覺得呢個辣度打邊爐剛剛好，太辣會失去味覺，哈哈。醬料也有不少款，重要係有我喜歡的麻醬同芫荽。自助bar有炸魚皮，響鈴卷等。點的火鍋料完全無漏單，點三份就真的來三份。肥牛都幾靚㗎自助bar仲有蔬菜，雜菌，丸，腸等，至正有蓮藕片同鮮淮山片，大量encore！肥牛有分幾款，牛肉眼同心腹肉都正。麻辣湯底配羊肉卷勁正，又係大量encore！打邊爐甜品～水晶奶皇包，可惜未淥已經爆皮，小心舊奶皇餡跌左，哈哈。熟左後，用鹹湯底整熟佢都無怪喎，甜甜鹹鹹幾得意。最後就係雪糕啦，有朱古力同奶凍味揀，我同朋友都要左朱古力口味，雪到好凍呀～食左三個幾鐘，邊食邊吹水完全無壓力，唔使怕趕住還枱。

今晚無意中發現一間性價比超高既火鍋放題場地超闊落，完全無壓迫感連火鍋底既款式都好多，有好幾款我都想食......最後還是決定要「甘荀粟米椰子雞煲」滋潤之選雞件係脾位黎架椰子味超香，完全地真材實料性價比超高部分火鍋料係自助形式的，主要都是蔬菜、丸類，而其他肉類就要點，所以好衛生啲食材好新鮮豚肉好爽口，好有驚喜！鯇魚頭夠哂新鮮呢個價錢實在太抵食啦湯底同火鍋料都好有質素海蝦同樣夠新鮮，我一咬開個蝦頭，已經可以肯定呢度既蝦係100%海蝦勁鮮甜蝦肉好爽口彈牙！呢間已經列入左我心目中火鍋放題之選仲有一個驚喜原來會送Movenpick雪糕呢個係我最鐘意食既雪糕呢間酒家果然有品味

白天逛完街即慶想吃火鍋，便和朋友隨便走進了尖東的一間商場找吃的；這裡一邊吃放題一邊吃火鍋，我們都說下次可以再來試試另一邊！入去的時候是晚上七時多，經已接近全場爆滿了～除了放題還可以選擇另外再加購其他特別食材，但今晚我們打算先吃吃最基本的放題餐單。下單後就可以去調製醬料！另外還有一些火鍋配菜都可以隨便拿朋友選了椰子雞湯作湯底，想不到雞的份量這麼大！！！雖然煲滾雞塊需時較長, 但雞肉很嫩滑, 雞湯配其他火鍋料也很好吃。牛肉脂肪比例十分好，吃下去口感不太肥也不過瘦！丸類款式很足，我和朋友都點到自己喜歡的！還有很多蔬菜, 吃到尾聲我們還再加湯吃吃新鮮蔬菜作結 !

好耐無約埋三五知已出嚟聚聚，趁暑假大家都讚成去尖沙咀麼地道半島中心德興酒家吃無限時火鍋放題，可以唔洗受時間限制。地方寬闊，天花掛上多盞名貴大水晶燈，有懷舊式龍鳳大禮堂。自助吧區有自助醬料、火鍋配料，又有多種不同口味的蔬菜和各類品牌的飲料，都是隨便任拎任飲。火鍋湯底有十幾款。我們揀了滋陰養顔的黑松露姫松茸螺頭花膠雞鍋湯底，湯料豐富，湯底清甜可口！配有多件新鮮雞件，肉質嫩滑。肩胛牛肉眼和肥牛心腹肉，兩種牛肉都是矜貴的部位，在滾湯灼兩灼巳可入口，牛肉味濃郁且腍嫩。生猛鮮海蝦，size足足有隻碟咁長，還有鮮帶子同樣肉質鮮甜爽口。我們一邊盡情吃一邊暢所欲言，大家都感到很滿足！

前幾日，和家人去了位於尖沙咀的德興酒家食火鍋，又再一次是第一次去既餐廳，所以要試下味道如何～環境方面，餐廳設有自助取食物區；真的很方便，在等既同時，可以出去取其他火鍋配料。另外，當然不可少既就是混醬區和飲品區！東瀛海鮮鍋：湯底比較清，好岩中意清淡既我；當中會有蝦，帶子，青口和大蔥；吾會蓋過配料原有的味道啊！一般火鍋配料依度應有盡有，而且是有部份是自助形式拎配料；所以吾怕黎吾切食少左野。當中包括鵝腸，牛柏葉，芝士腸，丸類，粟米等等，各樣也很乾淨。肥牛心腹肉(4件)：單睇外觀已很鮮色，牛脂方面也不會太多；所以食起黎吾會太油膩。但肉質依然保持到多汁，也是不錯的牛款。肩胛牛肉眼(4件)：牛脂比前者更加少，外觀是圓片的。同樣地焯後會滲出肉汁，喜歡食牛既朋友有兩款牛類選擇呢～另外，水晶奶皇包是我第一次見的火鍋配料；覺得新奇所以也order左。奶皇甜度剛好，而且有水晶皮包著，吾會甘易爆開啊！竹串海生蝦：蝦既size不大不細，海生蝦肉質結實；相信不是死蝦來的，我也不停點了呢！

位於尖沙咀半島中心2樓既德興酒家，地點方便，地方又夠大，絕對係一大班人去聚會打個邊爐既好地方價錢絕對公道，仲包你每人一杯movenpick雪糕，值回票價啦本身包既食物，種類已經算好多，有肥牛鮮蝦脆鯇白鱔，想食好d 既可以加錢叫更高檔既美食牛胸油雖然佢叫牛胸油，但其實係牛胸前肋骨上既一塊筋膜肌肉黎，有超豐富既骨膠原架，一d都唔油膩，可以放心食，超濃牛味但口感係勁爽肩胛牛肉眼就咁睇d 肉質同埋脂肪比例，叫做中規中矩啦肥牛心腹肉呢款就會香d 但係油膩d竹串海生蝦上枱時仲係生勾勾識郁架，好鍾意打邊爐食蝦👍脆鯇魚片色水都尚可以，食落唔算重鯇魚味，可能雪得耐左白鱔片勁鍾意打邊爐食白鱔片，味道好濃郁之餘魚肉又滑口，超級正😍最後當然要歎埋杯超正既雪糕啦

無限呢樣嘢真係贏哂喎👍！好多時訂檯食飯一大班朋友有遲有早到達，集合時間真係有點困難，對喜歡飲酒嘅朋友更是喜訊，三五好友聚會飲啤酒吹牛食飯更加不想受時間束縛，仲要貼地價錢，德興火鍋就可以解決以上問題喇！無限暢飲放題🎉啤酒配火鍋就是真正朋友。👍細個時火鍋就是火鍋，沒有現時的花巧，主打湯底都是沙嗲清湯皮蛋芫荽。配料方面都是以肉類丸類海鮮類為主題，我們首輪點了手打蝦丸、鯇魚片、鱔片、生蝦、花膠仔。花膠同帶子是必食回本料，這個又點能小，帶子就灼二分鐘，味道鮮甜可口，花膠就最好五分鐘可盡吸湯汁精華，入口會更滋味🥢肩胛牛肉眼牛味濃！牛腔朋友可大飽口福了！👍🥢肥牛心腹肉 看起來比較肥經灼熟後油脂分佈平均，入口鬆化嫩滑。朋友說：羊肉都不錯啊！🥢大大隻竹串生蝦，鮮甜爽彈。🥢蔬菜一盆盆自由選擇，乾淨衛生且份量恰好，我喜愛食莧菜。懷舊都要與時並進 Movenpick 雪糕打完邊爐一人一杯就是完美無缺一個歡樂晚餐。🥢水晶奶皇飽呢個有趣生上自己放入鍋裡煮熟，口感是外面咸咸地軟軟地而裡面卻是甜甜的奶王香。環境不錯傳統大酒樓

德興火鍋都好聞名，聽就聽得多，但未去過食，今晚甘岩同老公行完尖吵咀，就行過去半島中心的德興火鍋食晚餐，原來放題任飲任食是不限時。火鍋店佔地廣闊，設有自助區，清潔整齊，分門別類的擺放不同火煱配料，有丸類、蔬菜類、麵食、飲品等等，其他精選配料就要寫餐紙形式點選。我們選了湯底冬瑤螺頭豬筒骨鍋，足料清香。火鍋料有很多種類選擇，新鮮美味，不會因為任食就以低级數的食物給客人，我最喜歡黑豚肉卷，鮮嫩有肉味。竹串海生蝦鮮甜彈牙，魚頭雲滑溜，白鱔片彈牙，其他配料質素也不錯！

真係唔係女朋友帶我嚟食都唔知，原來尖東嗰間德興酒家，晚市有任食火鍋，仲要好抵食，百幾蚊任飲任食！晚上7點左右嚟到已經人山人海！好彩早到一步，如果唔係又要等位！連飲品都好鬼有誠意，除左例牌啤酒汽水，仲有維他既支裝飲品，仲有特色到薑母茶都有，飲多幾支都抵返！連個調味架既選擇都多過人，配料大大兜唔會轉頭就無，各式各樣配料，總會溝到心水口味既醬汁！再嚟睇下任食配料有d咩，呢度有各式各樣既配料，有d一碗碗整齊地放喺雪櫃！另外有d就放喺叻一邊既碗度，魚皮同響鈴幾脆口，豆卜都千祈唔好錯過！唔知係唔係佢哋集團有做魚蛋粉既關係，白色魚蛋做得幾彈牙，仲有同樣彈牙又好食既黑色墨魚丸，佢哋其他丸類都好出色，千祈唔好錯過！返到檯，有d落單既配料都送到，牛肉同羊肉都幾鮮色，食落都係ok!鮮蝦係新鮮生生猛猛仲識郁嗰隻，真係抵食！我哋叫左個花膠雞鍋，陣陣雞香味撲鼻而來，用料都幾豐富！花膠同雞都好易揾到！大大件雞肉，隨便都夾到，怪唔得湯底鮮味十足！要推介一下任食既牛坑腩，大大件，啖啖肉，大量供應，牛味十足，滾完之後都幾軟稔！仲有羊肉都係推介之選，食落有羊味，呢個價錢實在抵食！最後想埋單時，唔係經理提提我哋有甜品都唔知有

今日又做無飯煮婦，放工同同事食埋先返屋企。要搵一間唔限時嘅地方。（因為可以呻下）最後決定係公司附近德興酒家打邊爐。唔限時，任飲任食。地方又夠大。除咗剔紙之外, 大廳有好多菜及丸類任攞先揀湯底，有10款以上湯底任揀。我地揀咗花膠螺頭雞。有花膠，螺頭，杞子，茶樹姑，雪耳。夠晒養顏。肩胛牛肉，肉嫩，肥瘦分明肥牛心腹伕肉金錢展，細細塊黑豚肉卷好好食，冇渣鮮蝦夠新鮮彈牙鮮蝦雲吞大大隻手打麻辣牛肉，夠辣得嚟有牛肉味手打蝦丸彈牙鱔片薄薄一片，魚肉爽脆花膠仔，都幾厚呀！仲有任飲啤酒果汁汽水。仲有竹蔗水，味道剛剛好。最後每人一杯movepick雪糕唔經唔覺一路食一路傾咗3個鐘。所有怨氣冇晒。要歸家訓覺了。訓醒又要再返工lu。

 又來到帶著媽媽去開餐系列，這次就吃她最愛的火鍋放題，而地點就是尖沙咀德興酒家。   德興酒家推出了不限時尊尚火鍋及飲品放題，價錢只需HK$199起(另收加一服務費)。    自助吧有各式各樣白白食物，當中包括蔬菜，如: 蓮藕、淮山、金菇菜、木耳、豆腐等等。  另外，還有牛栢葉、鵝腸、水魷及魷魚仔等。 丸類方面，種類不少，當中較特別的是蝦餅。    另外，點心紙心畫單同樣有大量免費火鍋配料選擇，當然，想吃得豪氣點，可以於極品推介收費配料上揀選。    火鍋湯底選擇超多，我點了黑松露松姬茸花膠螺頭雞湯。   湯底材料是另上的，果然是真材實料，有姬茸、花膠、螺頭及半隻雞。 湯頭非常鮮甜，帶有濃濃雞味及淡淡的菌香，而且湯的味道隨著時間耐了，而變得濃厚鮮甜。  肩胛牛肉眼入口帶有油花，味道甘香，帶點微嚼勁。 竹串海生蝦味道鮮甜，入口爽彈，可以encore。    大蝦非常鮮甜，肉質爽彈，美味。    雲吞餃子都真材實材, 粒粒脹卜卜, 好食。飲品包括森堡啤酒、酸梅汁、竹蔗水及各款汽水。 每位更奉送movenpick

今天與朋友相聚，相約來到了尖沙咀的德興酒家試試。我們8點來到，已經十分滿座。湯底方面，我們點了黑松露姬松茸花膠螺頭雞鍋。雞件十分足料，湯底很鮮甜，我和朋友也喝了幾碗。出面有放題火鍋自選區，有醬料可以任配。麵類有烏冬和出前一丁。也有個凍櫃放菜，可惜太搶手，只剩下一種菜。丸類方面，有貢丸、魚蛋、牛筋丸、芝心蝦球，還有芝士腸等等。又有蕃茄、蘿蔔、木耳、腐竹等等。又有涼瓜、金菇、東菇。又有海鮮類。還有炸響鈴、炸魚皮、山根、豆卜、栗米。在點心紙上點了肩胛牛肉眼和肥牛心腹肉。牛肉鮮嫩，我個人比較喜歡肥牛心腹肉，肥牛吸收了湯底，再點上醬汁，十分滋味。我們又點了一份手打蝦丸。手打蝦丸十分彈牙，蝦味香濃。我們又點了鮮蝦水餃，鮮蝦水餃中的鮮蝦肉彈牙，而且很大粒。我們又點了脆鯇骨腩。骨腩肉質爽口，而且新鮮。另外，還有飲料櫃，有汽水及樽裝果汁。今天真的很滿足，下次會再來試試。

見近日減肥開始有成果，這天決定放肆一下，大吃一餐。放工坐地鐵直落尖東，與好友到德興酒家吃火鍋放題。火鍋放題價錢相當超值，價錢HK$199 (加一另計)，就可以無限時任食。而自助吧的火鍋配料種類很多，有蔬菜、豆卜、公仔麵、簥麥麵、蓮藕、金菇菜、豆腐、牛栢葉、水魷、牛丸、蝦餅、鵝腸、魷魚仔等等，可謂各式其式，應有盡有。  這裏的飲品全都是任拎任飲，包括森堡啤酒、酸梅汁、竹蔗水及汽水。想吃點肉的話，可以在火鍋紙選擇其他火鍋配料，部份是免費的，而部份就需要收費。黑松露松姬茸花膠螺頭雞湯 其實這裏的湯底有很好，而個人認為最吸引就是黑松露松姬茸花膠螺頭雞湯，送上來時半隻雞及配料就展現眼前，湯滾後就將雞件連同姬茸、花膠及螺頭等材料放進去，雞湯很鮮甜，帶有重重雞香及黑松露松姬茸香味。肩胛牛肉眼及肥牛心腹肉 兩款牛肉當中，個人較喜歡肥牛心腹肉，因為它的口感較牛肉眼軟淋，而且油花較多，脂香豐腴，超甘香。白膳片 白膳片切得薄薄的，不過，個人認為不夠爽脆，而且帶有骨絲。帶子片 帶子片細細片的，不過，味道不錯，非常鮮甜，如果換成帶子粒的話，相信會更好。竹串海生蝦 生蝦味道超讚，新鮮度滿分，蝦肉爽口彈牙

香港人喜歡大熱天時開冷氣打邊爐已經是世界聞名的了,但是一般的火鍋放題也是有限時一個半小時至兩個半小時不等。豬豬最近再去尖東的德興酒家打邊爐,竟然發現他們的火鍋放題已經改為不限時。只要你有時間,可以從傍晚六點開始吃到十點半。唔怕你食唔飽,最怕你唔食。大家可以看到,這裏的客人數量不少,還未到七時,已經入座率已經到達八成了。還未坐下,已經聞到陣陣的椰子雞香味,咖喱先生立即表示希望吃椰子雞湯底。點選形式的火鍋配料,看下去並不多,還以為是沒有什麼可以吃。原來這些只是點選的配料,放題火鍋專享食品區放着自由選取的配料,分量和選擇原來非常多。各式丸類蔬菜類,也應有盡有。連調味醬料也放出來任意調配。肉類就放在冰箱內,讓客人自由提取。這裏提供的是無公害水耕蔬菜,放在冰箱內供應客人自取享用。各式各樣的無酒精飲料,可以自行享用,但是啤酒就因為法定年齡的限制,客人需要向店員領取。打邊爐自然會有口乾熱氣的感覺,於是是豬豬二話不說,就取了一大瓶竹蔗水喝,希望消消熱氣。之前也提到我們點了粟米椰子雞湯底,而且很快就送到我們的桌子上了。因為大家也喜歡吃嫩滑的雞肉,所以湯底、椰子肉和雞肉是分開上桌的。當水滾後,才由客人自行