德興小廚 (已結業)

諗住去完staycation喺黃竹坑行返去香港仔食完個晏晝返屋企。行咗幾間餐廳諗住試吓呢間啦，叫咗叉雞飯，瓜粒湯飯，凍檸茶兩杯，滷水拼盤。叉雞飯嚟到入邊有雞髀腳尾嗰舊骨 ，但係佢冇俾個雞脾我，都唔知點解要無啦啦比舊骨我。果碟蔥油係暗綠色似係整咗幾日，唔新鮮！食落去都食得出。叉燒係正常野冇乜特別叫瓜粒湯飯嗰時問阿姐，瓜粒湯飯入邊有咩餸，阿姐答我師傅俾乜你就係乜🤣 OK，我只係需要知道有冇蛋。因為阿女食唔到但佢冇蛋就算啦！但係黎到見到都真係大雜燴有豬肚豬頸肉，全部都大大件，係求其咁樣煮埋一齊就俾你囉，見到其實都唔想食。。諗住凍檸茶應該正常啲啦⋯⋯點知係冇茶味 ，係似個茶膽沖好多次已經沖到無曬味得返啲色。。好似人生未試過飲過茶餐廳嘅凍檸茶差到咁。。最後兩杯只係飲咗其中一杯既三份一杯，就冇郁過嗰兩杯凍檸茶。。其實以上既野都算，但係佢嚟咗個滷水拼盤先嬲到我哋。佢圖入邊個滷水拼盤$88乜嘢都有好似好吸引，點知嚟到之後同個圖根本係唔不符，跟住佢話你叫嗰個係細㗎，大先係跟圖一樣，大佬啊你嗰個圖根本都唔係寫，完全係誤導客人，其實因為嚟咗呢啲碟野我先影相係呢度寫佢。落單阿姐就覺得係我地錯咁$88點會有圖嗰

點了鹵水鵝片、蠔油芥蘭。味道一般，還算正常。不過服務員非常不懂禮貌，不說謝謝不說再見。點菜時間小姐都不願意站起來，好不容易過來一下還在客人面前剪指甲，感覺髒髒。完全不能推薦。

受疫情影響少咗出街食飯，都想買好食啲嘅外賣，未試過德興都想試下，企門口等外賣，見到完全冇客既....？老公揀咗一款飯，而我就揀咗四寶飯，返到去開出嚟睇，呢個係四寶飯！！？？豬耳佔大部份，而燒鴨大部份係骨，加兩條好硬嘅肉！+1隻冇味道嘅滷水蛋。至於我老公嘅燒鴨飯仲慘，靠啲骨嘅味道送飯，完全冇肉食！本身都鍾意飲湯，但係對佢個湯都冇期望，跟住飲兩啖，感覺到加咗幾次水，淡到不得了......不過好好彩，杯飲品冇問題，算係正常可以絕多兩啖，不過經過今次，以後冇下次啦！減到$20一個飯都唔會想食...

今日午餐想食好少少所以出左香港仔，行過附近已經聞到好香既滷水味，於是發現呢間店就決定試下。由於成間店既滷水味好濃，所以我都好自然咁叫左個潮式四寶飯食，其實仲有好多選擇都好似幾正，不過留返下次再試啦!過左5分鐘左右已經送到，首先以一個午餐黎講佢絕對係份量足夠，有鵝、豬耳、腩肉同埋一隻蛋，加埋碗熱辣辣既白飯真係好夾。每一款滷水都好入味，唔會過咸或者煮得太耐，鵝亦都係相對上少骨，啖啖肉既感覺好滿足。另外佢既醋亦都係好好食，唔會太酸同辣，就算係腩肉有少少肥肉都唔會覺得膩，今餐真係好滿足!

香港仔有間德興小廚開了幾個月 間中都有幫襯 鹵味同小菜都ok 昨晚四條友決定食好D 試咗佢地新出嘅鮑魚雞煲翅四人餐 $888 每人有一隻鮑魚冬菇 一煲翅有五至六碗 龍躉炒球及蒸班頭腩 仲有個鹵水拼盤 味道都唔錯 連酒水$1023 除開每人都係$250左右 有鮑魚有翅 有龍躉 都算抵食

聽papa 講香港仔開咗一間茶餐廳有「即燒乳豬仔」食，燒得唔錯，皮脆肉嫩，午市乳豬套餐有成四份一隻，算幾抵食，於是上星期日晚抱着很大的期望去咗食晚飯！我們叫了孖寶套餐A, 有半隻即燒乳豬和一斤白灼蝦，盛惠$198，價錢合理。乳豬望落唔錯，雖然細細隻，勝在皮薄而且不太多肥膏，以為叫得「即燒」，吾熱辣辣都暖暖哋，誰知一咬落凍冰冰，雖然皮都脆脆哋，但都大打折扣，詢問侍應為何即燒的乳豬反而係凍冰冰，未問完即得到的答案是「燒完又掛係架一輪梗係吾會熱啦，小姐！」，真給氣壤，若然就請不要標明「即燒」啦！吾通我對呢個詞語理解錯咗？！而白灼蝦雖然夠大隻和肉質算實， 但都只是微暖！點解白灼都只係微暖呢？吾明！另外叫了原隻椰皇燉鬍鬚雞，看餐牌嘅相好吸引，用很多材料燉，但上枱之後不但個椰皇好細個，打開椰子蓋一看，只見清清的燉湯，看不到雞肉，再用匙羹撈下就只見到有兩小丁（如一節手指尾般大細）雞肉，實在和相中差得太遠了！反映給待應知，於是她取走話換另一盅給我們，不久回來說盅盅都係咁，我們可以取消。$48 只是飲兩啖湯覺得認真吾抵，於是就取消了！仲諗住可以滋潤一下，點知又失望而回！成晚最滿意的是碟椒絲腐乳通菜，碟頭