德美壽司 (裕民坊YM²)

營業中

休息中

今日食lunch同事介紹一間話開係一個新商場裕民坊入面既日式🇯🇵餐廳（德美壽司），環境同味道都唔錯👍，一於去試下，去到剛好18:00，晚市開始營業，店員服務好好，好有禮貌。店內全部用QR code落單，好多晚市set選擇，而且價錢都好合理，好快我同朋友點左餐。由於我地叫set既關係，每人都會有個麵豉湯，同前菜沙律🥗。食完剛好主食黎左。北海道魚生丼$142:魚生🍣好新鮮，朋友剛由日本返黎食克好野都話好出色，拍得住日本水準。便當三段$92:有炸雞🍗/刺身🍣/迷你牛肉烏冬，比我想像中大份，炸雞好出色，個漿好薄身，裡面保留住肉汁，而且好入味，刺身🍣唔駛講都係好新鮮，最後雖然話係迷你烏冬，但其實都唔少，我男仔食完都覺得好飽。食到好飽既時候，店員拎左甜品黎，原來個set有埋甜品🍮，咁真係原美劃上句號。總結：係觀塘有咁優質既價錢食物水準真係非常唔錯，下次要帶埋屋企人黎食先得。#德美壽司#觀塘#日本#刺身#炸雞#便當#烏冬#裕民坊地址：觀塘協和街33號裕民坊YM23樓310號舖

食晏時間都算難等位，尤其大枱，12:40到，等咗差唔多半個鐘，最後分開坐先有位。叫咗個鰻魚飯定食，$92免加一，有面豉湯、沙律、茶碗蒸同甜品。是日甜品係件細細芝麻糕，都幾重芝麻味，我鍾意～不過主角鰻魚飯就一般般，so far都冇乜食過夠送飯嘅鰻魚飯，呢間都唔例外LOL 味道係ok嘅，質感就絕對稱唔上肥美(見圖)，有少少乾同咬落去比較鬆散。個人好鍾意食鰻魚，所以有啲失望其他配角就ok，下次試吓魚生飯先。

觀塘日式餐廳 爆漿🌋溫泉蛋天婦羅今日第一日番新工，放工老公黎同我食飯。近近地去裕民坊食日本野，因為想買個爆谷😆我地叫左兩個晚市定食套餐加一個小食溫泉蛋天婦羅，口感非常特別，滑溜又脆口。有啲冷熱交融，冰🧊火🔥感覺。定食就正常發揮✌🏻銀鱈魚西京燒 & 野菜牛肉鍋 定食 連湯，沙律🥗，同小甜品 （牛奶凍）銀鱈魚大大塊，燒得剛剛好，仲有球薯仔沙律。牛肉鍋份量足，除左牛仲有蛋有菜有豆腐，有粉絲有菇。推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：8⭐️環境（10⭐️滿）：8.5⭐️賣相（10⭐️滿）：7.5⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：7.5⭐️地點（10⭐️滿）：8⭐️［德美壽司 (裕民坊YM²) (觀塘)］📍觀塘協和街33號裕民坊YM² 3樓310號舖#晚餐 #觀塘美食 #裕民坊 #日式料理 #定食 #食飯 #推介 #美食 #美食推薦 #美食日記 #堂食 #食好西 #吃貨 #hkfoodpic #hkfood #topcitybiteshk #香港美食 #美食推薦 #食評分享 #美食博客 #美食分享 #美食しい #eeeeeats #foodieg

好少嚟YM2，今次嚟到食德美壽司都係貪價錢平。我同朋友分別叫咗個set，味道不過不失，我好後悔叫咗海鮮煎餅，結果大部份都係食緊炸粉XD 朋友嘅牛肉烏冬配壽司相對比較吸引呢。順帶一提，要過200蚊先可以比信用卡，我同朋友差啲就要去禁錢了。可能相對附近餐廳比較平，德美壽司lunchtime都好多人幫襯，店員有時都好忙，未必可以即時提供協助。朋友話食過其他分店，覺得觀塘分店無咁好食。不過呢個價錢同份量我就覺得都還可以啦。

成日去開觀塘都係去apm 搵食， 知道地鐵站附近開咗個新商場- 裕民坊YM2, 朋友話有好多其他餐廳選擇， 今日一於去試吓.去到商場， 見到大部分餐廳集中係2 / 3 樓， 上去行咗一圈， 見到德美, 食日本野， 之前經過將軍澳都想試， 今日就決定食d 間.餐廳裝修光猛乾淨簡潔，坐位寬躺， 枱同枱之間唔算好迫. 夜晚有晚市定食同2⃣️人餐， 怕煩唔想諗食咩既朋友可考慮.三文魚腩刺身： 片片都超厚切， 新鮮，油脂分布平均， 正👍帆立貝壽司： 鮮甜，好味， 手握壽司， 師傅即整冷喬麥麵： 健康之選洋風鰻魚班㦸： 幾特別， 壽司以外另類選擇，咬落去有旦香， 中間夾有鰻魚芒果

收工冇飯食，心血來潮想食壽司，德美壽司聽朋友講幾好食，行過見到就試下由於係公司附近，岩岩6點入座都未需要等位，到差唔到食完既時候就開始多人啦晚餐有晚市套餐供應，套餐包括左湯、沙律同埋甜品！我叫左個三色魚生丼，有三文魚，油甘魚同埋帆立貝，上面仲舖有蟹籽添！刺身都好厚切新鮮，份量都幾多！另外都仲會有散叫既壽司，我就叫左三文魚籽、拖羅蓉、同埋海膽！所以壽司都非常足料！最後仲會送一個小甜品，係忌廉泡芺，整體都唔錯呀！

平日午市觀塘都多人， 所以簡左1:30pm 左右先出去搵食。 我地簡左德美，當日到門口都可立即安排坐位。 座位之間通道比尖沙咀分店闊落。 入座後自己用手機下單。 我地叫左2個套餐，包沙律 同 麵豉湯。 壽司及刺身味道正常，烏冬如果再熱d就好。 最後送上甜品好滿足。午市有限用餐時間🙈

上星期同屋企去左觀塘YM2 商場食飯，咁啱想食日本菜又見到呢間德美壽司，所以就去試下啦🤩晚飯時間都幾多人，環境都幾寬敞，櫈底仲有個籃比客人放袋👍🏽落單係手機自助形式，好方便🫶🏼menu好多野食，刺身、丼飯、壽司、天婦羅、炸物應有盡有，所以每樣都叫下咁😸🔻▪️鰻魚炒飯 $123好香好吸引，飯係濕炒，中間有好多好大粒嘅鰻魚，好入味好好食😋▫️廣島蠔石頭鍋飯 $97啲蠔好大隻，仲有啲蕃薯同丸做配菜，啲飯好香，食到底仲有飯焦！▪️温泉蛋天婦羅 $50推介大家一定要試呢個😍平時天婦羅好少有温泉蛋！食嘅時候啲蛋黄汁咇曬出黎，咸咸地咁超好食！▫️燒腐皮餃子 $50呢個有啲似平時食嘅腐皮卷，但係入面係餃子餡，食落脆卜卜咁，記得要點埋醬汁食😆▪️牛油果軟殼蟹卷 $83面頭有好多蟹籽，入面軟殼蟹仲好脆！▫️三文魚刺身（5片） $66呢個係必食😸超厚切，超新鮮▪️煎鵝肝帶子卷 $86帶子好大粒，鵝肝好肥美好juicy, 好食！

德美幕之內便當 - $98配玉子燒&小食&刺身味噌湯&沙律&茶碗蒸&甜品炸物可選 天婦羅/吉列蠔/炸雞/海鮮雜菜餅燒物可選 秋刀魚/一夜干/豬軟骨/燒大蝦天婦羅🍤整得幾好食，大蝦，番薯，菇，南瓜各一件，粉漿唔算好厚，炸得幾脆又唔會好快淋哂，由其大蝦幾大隻又好食，唔係cheap 又幼嘅蝦仔👍🏻剌身正常鮮度，無話好鮮甜但都唔會腥👌🏻秋刀魚略為瘦咗啲，唔算有好香魚味。蒸蛋好食，幾香，重鰹魚湯味，但蒸得老咗少少整體來講都幾抵食，觀塘分店lunch time免收+1，$100 有咁多嘢食，質素ok ，我收貨😎 但留意返唔係間間分店星期六都有set lunch 食, 仲係12-4pm 都有得食嫁🤓

同老公經過觀塘裕民坊，見到間平靚正日本餐廳，魚生睇落相當吸引，入咗去試左德美海膽魚生丼、野菜牛肉鍋定食和辛味櫻花天婦羅卷。首先是德美海膽魚生丼，魚生鮮美，海膽新鮮，有三文魚、油甘魚、帶子、一隻大蝦、飛魚子、蟹籽等等，每一口都是滿滿的美味。丼飯的份量也很足夠，讓我吃得很滿足。接下來是野菜牛肉鍋定食，這道菜的湯頭非常清爽，牛肉也煮得很嫩，搭配上新鮮的野菜，讓整道菜的口感非常豐富，驚唔夠飽的話，可以加$15 加烏冬，烏冬質感滑溜彈牙。定食包埋嘅什菜沙律菜，口感非常清爽新鮮。辛味櫻花天婦羅卷，用粉漿包裹卷物炸成天婦羅，非常酥脆，配上千島醬什魚和蟹籽，口感10分豐富。

這間德美壽司環境光猛舒服，夜晚的定食及魚生井飯價錢親民，性價比十分高。壽司定食配豚肉烏冬$171，六件的壽司有厚厚大粒的帶子，口感結實而魚味濃的赤身吞拿魚，粒粒晶瑩剔透而味道鮮甜的三文魚軍艦，肥美鮮嫩的油甘魚及三文魚，小朋友都岩食的熟蝦壽司及兩件甜蛋，賣相不錯。迷你豚肉烏冬口感幼滑，豚肉則比較瘦。定食還有麵豉湯及沙律附送。除了定食，還有很多單點品，價錢都不貴。蟹柳壽司雖然簡單，但要讚他們的紫菜不會太淋身。野菜天婦羅，有蘆筍，茄子，冬菇，南瓜，蕃薯，洋蔥及粟米，都只是$53，炸漿薄身，炸得乾身不油膩，讚。凍蕃茄豆腐$48，蕃茄超甜，簡單地撈上芝麻醬，紫菜及木魚碎，已經是個很開圃的前菜。

嚟過幾次裕民坊，覺得行熟咗會較易搵到啲店舖位置，好似呢間日式餐廳喺行人電梯附近一上去就見到。晚膳期間觀察到廚師頗友善健談、同客人好好傾Tokumi Sashimi on Rice 德美海膽魚生丼 > 食材算係豐富、味道和新鮮度/狀態正常okay。海膽外形完整無異味，鮮味一般。三文魚/油甘魚厚切、帶子大粒肉厚、三文魚籽份量也不少，另有招牌玉子和蟹柳，填飽肚子無懸念但留下印象不深。如果無睇錯、餐牌寫配有湯、沙律和甜品，而家望啲相先發覺無甜品Eel Pancake in Western Style 洋風鰻魚班戟 > 呢個pancake較好，班戟軟棉棉有啲蛋香又熱辣辣，裡面有厚鰻魚片、牛油果、杧果、玉子成個組合每樣夾埋幾好食

觀塘新的落腳點真係超級方便🥰食飽係樓下就有車可以返到屋企😄而家都多左係呢度食飯🥢今日放工又來食日本野🍣德美壽司😚🍣花竹蝦壽司係我最鐘意的😁蝦又大隻而且仲有膏的🍱<<鮮赤貝刺身>>😚鮮味又唔腥軟殼蟹牛油果卷好大舊，超飽肚炸雞軟骨又係日本野必食的。。。。。。仲有大大隻醬燒魷魚筒，yummy今次我地全部散點的。冇叫晚市set都超飽重點係呢度食完有大把車可以回家，真係勁爽yy......

呢間一直都想試好耐，成日以為好貴，但上openrice睇一睇menu先發現都唔貴，就決定去試！佢有幾間分店，我地今次就試觀塘店。🤩好大間，空間感足，裝修都勁靚。🤤晚市套餐價錢都好親民，2個人食左$250已經好飽！每個餐都包麵豉湯，沙律，甜品。😍北海道魚生丼 ($140)份量好多，魚生都好大塊，好鮮，又完全無腥味，超好食🤤尤其係鍾意佢個拖羅同蝦！個飯都好有口感。👍🏻便當三段 ($90)便當有炸雞，刺身，迷你牛肉烏冬。有咁多野真係好抵食，仲要有5件好大件既炸雞，炸得超脆，雞肉熱辣辣，又好滑同埋係滿滿既肉汁，再點埋香口既沙律醬，一流。😋刺身正就唔洗講！個厚切三文魚正爆！🤤🤤牛肉烏冬都好唔錯！呢間絕對係超值，非常推介！😍

夜晚有唔同定食選擇，適合一家大細一齊去食，想食熟食定刺身都可以～除咗定食，都可以點卷物，小食，大家一齊share..每個餐除咗主食，仲包括有沙律，麵豉湯同甜品🔸吞拿魚腩茸三色丼 ($151)-海膽，帶子好鮮甜-餐廳一啲都唔客氣，吞拿魚腩茸非常之多，食極都仲有🔸 野菜牛肉鍋定食 ($96) +烏冬 ($15)-本身個鍋無包烏冬，如果驚唔夠食可以加$15要埋烏冬-個鍋牛肉份量好多，仲好有牛味～-鍋入面有菜、菇、豆腐、粉絲