2
2
0
港鐵長沙灣站 C2 出口, 步行約6分鐘
繼續閱讀
付款方式
以上資料只供參考, 請與餐廳確認詳情
【#熟食中心 】#德發今日又係熟食中心系列,目的地係長沙灣 #保安道街市。我去咗德發食。佢每日都有幾款午餐,如果唔啱食仲有其他炒粉麵可叫。今日就食咗個午餐, #乾炒豬扒烏冬。食客可以望到廚房紅紅烈🔥咁炒野,所以一萬個放心一定夠鑊氣👍 豬扒斬件上起碼有八件。炒烏冬比較濃味,油難免會多少少,間唔時一次半次冇計啦🤐#凍檸茶 茶味夠,有茶香👍 好飲♥$39+1 有一碟熱辣辣既炒野食,又有一杯好飲既茶,比好多又貴又差既連鎖茶記冰室,算係 #抵食👍推介指數:7/10#港飲港食 #街市大排檔 #長沙灣美食 #炒粉麵 #午餐 #平靚正
繼續閱讀
又到左食晏既時間,同同事食野諗去邊度食永遠係一大難題今日咁岩得3個男人食飯,就想食返啲「麻甩」小小既餐廳,有同事提議去保安道街市既熟食市場食野,我地即時就同意喇,夠哂「麻甩」呀!我地揀左「德發茶餐室」,既然揀左熟食市場就唔好對佢環境有好高期望,我地都係著重返食物既質素。我地3個都係選擇左午餐,或一價錢港幣34大元一個飯加熱飲/湯,凍飲/轉套餐就另外加錢。我地都無轉套餐,就咁配熱飲就算。今次我地叫左兩種食物,分別係照燒雞扒飯同姜茸叉燒炒飯。照燒雞扒飯大大碟,雞扒既肉質都好滑,個燒汁好夾,加埋兩隻流心蛋,正呀姜茸叉燒炒飯好有姜味,叉燒都夠多,炒飯夠鑊氣至於茶走唔會太甜,味道岩岩好!整體黎既唔理餐廳環境,呢個價錢同食物質素係好抵食既!
繼續閱讀
每個星期都會係長沙灣返工一日,每一次食lunch都會去到長沙灣市政大樓一間叫做德發茶餐室食lunch。上到去都好多人㗎啦已經,餐廳得兩個人招呼客人,一個負責煮飯,一個負責落order,佢哋每一次都有最多六個lunch套餐選擇,但係每一次我都淨係食椒鹽豬扒飯,個套餐$31包一碗例湯或者嘢飲,而且另外仲有雜果冰同埋紅豆冰選擇,呢兩樣飲品都係加$3咋。例湯每一次都唔同,我記得之前飲過青紅蘿蔔湯,今次就係薏米湯,個湯好鮮甜,而且大大碗,飲完啲湯底下仲有好多材料添,有我最鍾意嘅薏米,我即刻食晒佢啦。椒鹽豬扒飯佢嘅醬汁係用豉油加辣椒再加蔥加埋蒜蓉一齊炒,豬扒非常好味呀,仲要係辣辣地,而且豬扒好爽口,好林好容易咬到,成大碟飯我都食得晒呀,所以真係要推介椒鹽豬扒飯啊。
繼續閱讀
23/Dec.又是一個要出外吃午餐的日子, 好自然地行十幾二十分4鍾去順寧道搵食! 無他學友人A話事計-長期粮尾是也, 而即使願意俾多十多二十蚊那午餐質素也好不到那裡, 坐位反而連腳都伸唔直的居多, 這裡熟食檔無冷氣主要是室溫, 對無冷氣會斷氣嘅後生來講的確有點吃不消尤其是夏季! 而來這裡預咗係食呢D學生餐, 每檔都是那5/6款食物, 唔使點揀省時方便, 是日快餐係: 揚州炒飯, 粟米石斑煎蛋飯, 搾菜牛肉飯, 燒汁雞扒煎蛋飯, 椒鹽豬扒飯, 雞扒炒公仔麵, 共6款全部均一價錢29, 可以講全場最底價,包湯或者熱飲添, 當日試燒汁雞扒煎蛋飯, 米飯沒有太削剛剛好咬口, 雞扒半塊煎得煎得熟又還剩餘肉汁, 醃味不過濃, 煎蛋才是精彩部份居然係有兩隻, 當然係細蛋啦, 燒汁係現成貨不過廚師也懂在頂灑少少木魚片整下色水, 算係有D心架啦, $29只能揀湯或熱飲, 要咗杯熱奶茶, 有些少茶味, 而另一日30/Dec.就在同店試咗乾炒牛河, 屬於現代清怡版, 所以油水色是不足的,但還好味道沒有太淡, 牛肉的肉味雖不足但也沒有過份使用化學武器!除咗牛肉之外其他伴炒嘅料頭算係充足了,06/Jan再來一次, 轉一下口味試茄子牛仔骨飯, 這次要例湯-南北杏蜜棗甘荀粟米豬骨湯,有蜜棗甘荀粟米煲湯頭實甜, 豬骨係燒豬骨但今次這豬骨似乎汞過水味道沒有另一檔的那麼濃味, 比起熱奶茶我寧可飲這個湯, 飯一拿來眼前一亮,呢個擺碟同淋汁有d功架喎, 飯同餸分開一半半, 個汁好似一層有色透明薄膜芒住D茄子同牛仔骨, 不過個汁就稍嫌咸咗D同時個味實在分辨唔到是石蠔油汁?因為個色似但全無蠔油味, 只知咸中有少甜, 這個汁非常之配合白飯食, 就係有汁牛仔骨的肉唔多都可以食得晒d飯, 牛仔骨份量大概有1-1.5塊,肉質則是經梳打粉化學處理, 所以唔講的話, 講係舵鳥肉都有人信, 腦海中諗到廚師將梳打粉撈牛仔骨的情景, 閃出了幾句”BadThings”的歌詞: Am I out of my head? Am I out of my mind? If you only know the bad things I likeDon’t think that I can explain itWhat can I say, it’s complicatedDon’t matter what you sayDon’t matter what you doI only wanna do bad things to youSo good, that you can’t explain itWhat can I say, it’s complicated By Machine gun Kelly with Camila Cabello言歸正傳, 茄子就過咗輕油, 切碎件除咗慳成本外, 亦係短時間令茄子熟的程序之一, 不過最近經過好似連這裡都要$30/ 快餐了
繼續閱讀