德星酒家 (已結業)

同屋企人飲茶...有個好抵既4-5人餐!!有燒味拼盤, 自選4個點心, 自選一個炒粉麵, $138!!!!!!嘩嘩好平~~~個拼盤係好大碟好多的!!!!!!!!!!!炒飯又好大碟!!!!!!同埋好好味!! 我地食生炒福建炒飯**點心都係點心咁啦,,冇話特別好唔好味既HAHAHHAHA~3個人呢個餐其實有點過多和爆肚hahahha~~

我果日去過打邊爐...@@我覺得佢d野食..真係好新鮮...係我食甘多間酒樓裡面...佢算係好新鮮果個.....@@同埋我大碟= =""我好鍾意食蝦...佢d蝦又新鮮又大隻..我好好好滿意....@@之前去其他酒樓食d蝦...又細隻..仲要係霉左的....=.=""價錢又貴...不過佢的侍應真係好似見唔到人..哈哈

朋友生日黎打邊爐.係門口搞左陣因為唔知去富林好定呢個..但價錢就呢間吸引d.. $88 有埋氣水任食...野食放哂係出面採用自助式!自己想食咩要幾多就自己夾.我覺得咁都幾好! 自己就返食幾夠又唔洗浪費d點食物紙.雖然野食就唔新鮮嫁啦..但我覺得款式都多.有燒賣tim肥牛同炸魚皮都任食!除左d材料,仲有d熟食.炸雞wing, 蟹柳呀.碗仔翅栗米羹咁..我見到夜d9點幾到仲有蛋tat 仍.. 但太飽食唔落.我覺得好味ga有肥牛啦, 蟹籽丸同埋水餃! ;)其實我覺得呢個價錢都ok呀咁多野食.但你要係唔好咁yim jim囉..如果唔係你會覺得環境又唔好食物又唔太新鮮..

由同事帶路，第一次來食，唸住以$88仕包價呢個價錢，又任飲又任食，都唔會好多選擇。點知去到食物檯範圍，見到火鍋料外，仲有汽水啤酒豆漿五花茶任飲，又有熟食炸物如雞翼、茄子、蝦片，兼有糖水(綠豆、紅豆、麥米、喳咋)同湯(碗仔翅、魚肚湯)，真係多到眼都花食物質素火鍋--材料普通但選擇算多，魚類新鮮，芋頭夠粉，肥牛較肥，每檯有一碟生猛海蝦送，會由侍應送來，都好新鮮。熟食--一入坐極之肚餓時既最佳填肚美食，因為6pm就來食，剛好蜜糖炸雞翼剛剛炸好，熱辣辣食，超好味。佢既炸漿做得好，薄薄脆脆又唔油膩。熱湯羹以碗仔翅最正，夠料，有竹笙、冬菇絲、肉絲、仿翅、木耳，好食過街邊賣$10一碗0個d多多聲，食佢既熱食會不知不覺食過籠，要時刻提示自己食少d，唔係就無胃口打邊爐飲品--大路百事、橙汁、7喜、啤酒，假期有豆漿同五花茶，選擇算多糖水--正正常常，係邊爐完既下火物總括來講.以$88全包價2hrs，有呢個質素，都算唔話得，來過一次，我必定會推薦朋友來呢度食，捧下場

大年初一相約哥哥去飲茶,因我哥住觀塘,所以我就佢去觀塘飲茶,原本想去富臨但驚人多等位耐.所以去隔離果間德星,因唔洗等位大把位。一去到門口有個帶位講歡迎光臨,入到去酒樓就兩個世界,無人理仲要自已搵位,都唔緊要,我哥到先,佢已叫叉燒飯食,到我去到後就叫了幾款點心加一碟炒意粉,原本都無乜唔事,叫完野食就傾計等食物到,點知突然佢個收銀唔知發生乜野事將果D賀年音樂開到好大聲,咁我就坐正係個喇叭底,即刻叫個著黑衫打呔既,叫佢同我收細聲或者同我換個張檯,點知等好耐都無反應,見到佢同個收銀係度唔知傾乜,我再叫企係我隔離既侍應員同我換檯,點知個女服務員,只係眼望望然後行開,理都無理度,就係咁,又等一陣依然無理到我既要求,跟住來子一碟鹹水角,都無食,我就叫埋單走人,因為我覺得這樣一間酒樓,服務質數實在太差勁,我唔會再去光顧呢間酒樓,因為我覺得佢唔似做生意,想我再去光顧必須要我聽到有人同我講佢好我先至會再去！未見過一間咁差服務既酒樓失敗！希望佢會有改善既一日！這次消費$68唔算貴(原本叫既食品應該要2佰幾蚊埋單架)不過服務差令我無哂食野既心情,失敗！食品無試到,應該唔會太差,我哥都食碗叉燒