德島

營業中

休息中

如果要講一樣最代表到香港嘅特色飲品，應該都非「絲襪奶茶」莫屬！而將奶茶沖到極致，甚至拎埋國際大獎，就係今次要介紹嘅天后新店「德島」羅德師傅喇👑首先要讚係小店每位員工比人感覺都好友善同好客，唔會因為得到「國際冠軍」嘅名銜就會串串貢，感覺好舒服😌👍🏻 除左拿手奶茶、鴛鴦外，亦有多款三文治同公仔麵，充滿經典港式風情～🇭🇰《 熱奶茶 》 $25 5 / 5 🌟🌟🌟🌟🌟飲靚奶茶，一定要飲熱嘅先最品嚐到佢嘅質感！😎 奶同茶比例恰到好處，要講突出嘅位應該係茶膽好香醇，入口順滑完全無甘澀，係煲茶已見功架👍🏻《 餐肉煎蛋出前一丁 》 $30 4.5 / 5價錢已經好抵食，有菜心，餐肉仲要係厚切嘅，加埋燶邊流心煎蛋，丁麵亦無煮得太淋，出色👍🏻《 沙嗲鮮牛肉滑蛋三文治 》 $30 4 / 5相對丁麵就遜色少少，沙嗲味略厭唔夠出，不過鮮牛肉同滑蛋都好滑溜，烘底亦脆得黎唔會太乾身👍🏻整體價錢合理，奶茶建議叫熱嘅會更佳，凍嘅唔太飲得出有咩特別🙈 野食亦好有水準，絕對會再訪😎———————————————🏠環境舒適度：💛💛💛👅舔脷回頭度：💛💛💛💛💛📸打卡able度：💛💛💛💛🙇🏻‍♀️服務滿意度 ：💛💛💛💛———

大約上一星期去食呢間新開嘅冠軍奶茶餐廳，當時係由港式奶茶國際冠軍羅德師傅沖製✨不過呢幾日聽到消息羅師傅不幸去世，不過沖奶茶嘅配方仍然會承傳下去▪️冠軍奶茶($23)羅德師傅在2010年國際金茶王得到冠軍嘅奶茶，獨家調配，紅茶葉比例同花奶配合，十分香滑，香溢四方。最重要係有茶味之餘又不澀👍🏻▪金牌鴛鴦($23)呢杯就係2011年得到國際金牌嘅鴛鴦，咖啡與冠軍奶茶配合得無瑕，比例唔會有搶味，豐而不雜，氣鼎香浮✨▪沙嗲鮮牛肉滑蛋三文治($30)炒蛋十分香滑，沙嗲汁好濃味，牛肉亦好嫩滑✨加上烘底真係食得好滋味😋▪秘製紫蘿豬柳包($30)呢個包真係好特別！入面有紫薑同菠蘿，配上煎得又香又滑嘅厚身豬柳，回味無窮🤤.✍🏻整體:雖然羅師傅已經不在，但佢嘅配方同人情味會長存。

又去試下另一間冠軍港式奶茶先！聽朋友講天后開左一間冠軍茶王師傅主理的茶餐廳，嚴格嚟講係奶茶店，食品係輔助角色。主打冠軍港式奶茶，金牌鴛鴦。店內食物選擇唔多，不過，已經夠，加上主打唔係茶餐廳嘛！一個人嚟探下店，又係食得唔多的我。只係點沙爹牛肉滑蛋三文治加熱冠軍奶茶！奶茶質素好，滑加澀味低！食品質素唔錯，有誠意，起碼有牛肉夾係三文治入面嘛，唔係得d肉碎。室內坐位都坐得好舒服！值得再嚟！下次再嚟可以試多啲嘢先！

鍾意飲地道港式奶茶注意‼️由港式奶茶國際冠軍羅德師傅主理既進駐左天后喇 街坊們有福喇🥳羅師傅有高達五十年既茶藝經驗難怪一入門口已經係水吧枱可以一睹純熟又有功架既冲茶技巧而羅師傅亦非常好客 好熱情同顧客們傾計交流 貫徹以茶會友 感受到每一杯都係用心製作著重顧客們既需要 實在心感敬佩👍🏻🌟冠軍奶茶師傅獨家調配茶葉比例茶味香濃悠長 口感幼滑醇厚掛杯🌟金牌鴛鴦完美比例既冠軍奶茶同咖啡兩者味道香氣平衡得剛好 互不掩蓋再加上淡奶 味道獨特濃香滑又帶回甘🌟凍檸茶做法特別 師傅會先戳好檸檬🍋更出味茶膽靚所以一定好飲🌟沙嗲鮮牛肉煎蛋出前一丁🌟沙嗲鮮牛肉滑蛋三文治另外餐牌上亦有輕熟食提供配奶茶或鴛鴦都好適合💯

經過見到好多人等位，好奇心起，看看餐牌，原來是得獎奶茶在此開店，人人慕名而來，為的就是一杯經典得獎奶茶🧋。一場來到，當然要試下其他野食，店員介紹紫羅豬🐷扒包最受歡迎，我們就點了豬🐷扒包，奶茶，咖啡，牛🐮肉公仔面，效率好快，幾分鐘就送到。紫羅豬🐷扒包賣相好靚，豬🐷扒新鮮炸起，加埋子姜菠蘿，鮮嫩多汁，不油不膩，奶茶咖啡都好出色，飲出豐富的層次，真不知奶茶師怎樣調配出來的。份量雖然不大，但精益求精，得獎實致名歸。🥳🥳餐牌選擇不多，這樣是造就食物足夠新鮮，保證質量。餐廳不大，但光潔明亮，服務周到，是街坊鄰居的好選擇。

平常到茶餐廳一定點杯凍奶茶，這天剛剛經過這間新店被它的介紹所吸引。這店是由奪得香港金茶王（2010 年）、國際金茶王（2010 年），及金鴛鴦（2011 年）的三冠軍王羅德師傅所主理，主打港式奶茶及鴛鴦。這裡有室內和室外座位，座位不多，裝修整潔舒適。德島除了奶茶、鴛鴦、咖啡、擰茶、擰水之外，還提供麵、飯、多士、三文治、豬柳包、菠蘿包，可謂應有盡有。❈ 冠軍奶茶(凍) HK$25我點了一杯凍奶茶，它看起來是金黃色的，喝起來不但沒有苦澀味而且香滑回甘， 絕對要試。