德如茶餐廳

營業中

休息中

綠色的路邊大牌檔，在中環和灣仔仍有保留。須從第二次世界大戰了解，綠色與戰時武器物資大量殘留有關。大牌與港府恩澤戰後窮人，發出路邊食店牌照有關。午飯時間，真是大排人龍，街邊檯凳排排坐。加上附近內街環境，大有懷舊風味。被人群吸引了來，想不到在疫情下仍較不衞生，空調不足。福建炒飯的炒功很普通，沒有昔日大牌檔風味。很多茶餐廳都做到更好。因厨房人手不足，根本應接不來。62元碟頭飯，不包飲品，價格偏貴了。幸好西多士是熱烘烘，花生醬足。很頹的感覺，只是塞飽肚子的地痞店。

已經有段時間冇幫襯呢間懷舊茶餐廳，對於每逢放假都差唔多每隔一個禮拜會嚟幫襯的街坊，前一排我仲以為佢唔做感到十分失落。但當知道佢開翻我真係覺得好開心，可以食翻至愛的南乳雞翼炒公仔麵和家鄉炒飯，實在太好了！新的裝修的確比以前望落乾淨和寬敞咗。少了老闆，加了新的面孔和餐牌，感覺截然不同。我一心嚟食家鄉炒飯，當然二話不說就點了這個和一杯奶茶。等了幾分鐘，我的家鄉炒飯來了！驟眼睇我以為佢俾錯炒飯，因為以前上面的魚乾仔唔見咗，飯望落亦唔夠乾身，同以前有明顯差別我拎起匙羹，食一啖，以前的鑊氣無咗，飯的質感也唔同咗，一種食落好香口的味道消失咗 ，我好失望。以前食呢個飯我永遠唔會加調味，避免影響到本身飯的味道，同埋好夠味。但今日我嗌咗碟辣椒油送飯總括而言，我唔能夠講話呢碟炒飯好難食，只係如果同我一樣有食過以前德如鼎鼎有名的家鄉炒飯，應該會完全明白我依家呢種差落感。。。。如果有”舊街坊”見到我呢篇食評，有其他意見不妨分享下，好想知道間餐廳係咪已經換哂廚房？小小題外話，其實我堂食前個禮拜，外賣已經叫咗南乳雞翼炒公仔麵，感覺也是一樣今日諗住俾多次機會，結果都一樣

好耐無寫文了...真係不吐不快今朝真係特登黎呢間老字號度食早餐，點知直昇機咗…. 叫咗個早餐沙爹牛麵走包，凍奶茶…朝早10點去，注意番成間餐廳得我同另外一個已經食緊野的客人。待應攪錯野要我覆三次單呢啲係好小事…主要係講食物質素呢個價錢的早餐，俾塊好油的蛋皮真黎…跟本唔係炒蛋來…不能接受然後沙牛凍冰冰係行規，都算數…個麵係硬到未煮好…成餐野得杯奶茶係OK。唔止OK，其實有茶香係好飲既。如果爆曬場我會理解您煮個麵點解煮到咁…但得我一個客實在無理由係咁…硬到係一用叉夾起已經知道未煮好…唉…浪費個招牌食兩啖，頂唔住，埋單走個麵放到我走都仲係咁堅挺你就知無吹水...炒蛋（0／10）：根本唔係炒蛋，仲要多油奶茶（8.5／10）：茶味奶味好夠，唔澀口，好味沙爹牛麵（3／10）：牛肉唔鞋算係咁，個麵真係XYZ!@$#%$@#

超開心呢間餐廳竟然會重開！山長水遠都要嚟食佢個下午茶。港式凍奶茶一間茶餐廳嘅好壞取決於奶茶嘅品質，而呢間餐廳嘅奶茶簡直係我嘅top 1。見到師傅最少拉咗10次茶，超架勢！呢個奶茶既香滑又濃郁，必要一試！西多士西多士看似普普通通，但佢係即叫即炸，熱辣辣，外脆內軟，配上楓糖漿，簡直係邪惡之物，冇得頂。咸牛肉蛋治又係即叫即做，麵包仲要係有烘底，非常有誠意！咸牛肉份量頗多，二十幾蚊份，性價比高。南乳炸雞翼睇個樣都已經知道係非常酥脆，南乳味超香，最重要係雞肉十分嫩滑，呢個食物質素完全對得住個價錢！

聽聞德如轉手重開就去幫襯下 65年歷史不容易 充滿人情味 裝修後店鋪乾淨好多坐都坐得舒服啲 位置都吾同左水吧位變左近廚房 幫襯過幾次 今次去無見到舊老闆 但見到有是日精選飲品半價 良心老闆👏🏻 距地啲碟頭飯份量多到可以兩個女仔share食 好抵食！特別推介家鄉炒飯辣辣地又夠鍋氣 由於吾會成日有人同我share 我一個人既時候只會叫沙嗲牛肉麵 朝早同晏就都order過 我發現早餐同中午既係吾同 中午係有埋青椒紅椒吾會得啲肉 岩曬我地啲女士有菜食 吾洗加錢叫碟菜 我個人幾中意中午果個 食得出係落鍋炒過吾同出面果啲咁hea 至於四大奶茶之一點會吾飲距地杯奶茶 杯奶茶夠滑又重茶味 我個人吾中意偏奶 正中我心意 正！太古廣場多數都貴野 尼間野岩岩係三期隔離 所以對比價錢黎講係吾貴 上班族長期飯票！

聽人講哩度最出名就係家鄉炒飯，黎到就一定要食，咁我就一於放晏就過黎試下。嘩好大碟，自己一個食唔哂，同啲同事share一個飯，佢又唔會話一定要2個人就叫2個飯，除番開每人都係$32 已經好飽。因為見隔離幾枱都有叫西多，最後又叫左一份西多，個侍應問想要邊隻味 (花生醬/火腿芝士) 估唔到有2隻味可以揀，好好食!  仲叫左杯熱奶茶試，因為唔想啲冰溶左溝淡左，好滑，比起以前好飲好多! 好懷舊好正，今次真係大滿足

有65年歷史嘅茶記於同一個地方重開 由於地點好近我屋企 於是我哋就喺店舖重開後冇耐就幫襯 店內裝修冇乜點變 感覺上好似乾淨咗😂😂⠀⠀奶茶出名應該好多人都知道 食物方面我就鍾意食麵包類 (西多士、奶醬多、鹹牛蛋治) 多過炒粉麵飯 嗰日去食晏叫咗個沙爹牛肉麵 味道和做法同其他茶餐廳嘅好唔同🤔 我呢碗沙爹牛肉似係豉椒牛肉嘅做法😂 我個人唔係好buy😂😂用呢種煮法然後放落碗麵度⠀⠀價錢方面以茶餐廳嚟講真係收得貴 HKD48一碗沙爹牛肉麵 一份午餐精選$56唔連飲品 叫埋飲品差唔多$80買賣單....⠀⠀四月去嘅時候服務係唔錯 可能係因為有舊老闆喺度睇住 今日再去....嘩....落單嗰位嬸嬸究竟係未瞓醒定係喺太空漫遊緊..講咗N咁多次都落唔到單 嬸嬸好坦白同我哋講佢係新嚟嘅 啲單亂晒籠 明明未嚟齊啲食物又話齊晒 ..⠀⠀店外嘅茶檔車依然保留住喺同一地方雖然已經冇開檔 但依然成為客人們打卡嘅熱點

又係lunch時間今次黎到金鐘/灣仔既德如茶餐廳係太古廣場三期附近比較隔涉，有少少難搵不過lunchtime都幾多人下睇黎都幾受歡迎嗌左最出名既「家鄉炒飯」🤩我張大枱5個人有3個都係食呢個 😂睇英文係叫Indonesian Fried Rice，應該係算印尼既家鄉炒飯 😆個炒飯好夠色，有叉燒，蝦面頭仲有啲乾脆既白飯魚口感非常有趣個飯有少少辣，食左陣就嗌埋枝大可樂係玻璃樽裝，好有風味又熱又香又微辣既炒飯配埋大枝可樂真係一流 😍不過野飲全部另計，大可樂$16個炒飯$62夾埋$78有少少貴不過個家鄉炒飯果然名不虛傳，係好食既 😊

朋友來灣仔區搵我食lunch，特登帶佢來德如，露天cha chaan ten，好好feel，最近天氣又涼涼地，吹下水食個飯，重要有好多白鴿係隔離building，呢個view對於中意懷舊茶居仔的我來講真係無得輸！完全唔覺自己置身喺咁商業的灣仔area。叫左個星洲炒米 $68，超超超超超大碟，兩個人share都完全夠飽！美中不足係佢餐不跟野飲，要散叫，最平都$18 can of coke不過個飯咁平，當拉上補下都非常超值呀：）大推！！！！！！！

呢間餐廳其實都有留意開, 每次經過嘅時候外面總會有人等緊位.睇過一些食評都話侍應態度差, 其實佢鋪頭細細只有兩個上左年纪嘅侍應. 地方有確係淺窄. 但係筆者留意到其實佢哋有一大群熟客, 經常留位畀熟客. 相信呢個舉動形成功挽留一班熟客嘅心. 或者可見好多中年男子都有其受落. 所以可以話呢間餐廳第一間有固定客源嘅餐廳.就筆者所見是應亦都毫不吝嗇會請一啲食完食物嘅顧客離開, 因為呢間店舖真係長期都有人等緊位.就食品方便看到很多食評都是焗豬扒飯. 筆者自己本身尚未嘗試豬扒飯, 但是鐵板餐亦不少人下單.就是次用餐食物質素而言, 不過不失, 份量不少. 筆者下次應該會嘗試焗豬扒飯或者乾炒牛河.

今日同舊同事食lunch, 由於我女朋友好中意食佬野，所以一開頭已經filter out d 矯情嘅餐廳。見灣仔有間老字號嘅茶檔，就梗係要去會一會拒。一坐底，menu 已經有哂經典嘅炒粉麵飯。當然，身為一個要扮中佬gei我，要叫番中式gei 飯，嗌左咸蛋蒸肉餅飯。一黎到，幾大碟飯，有菜，拒仲要有成個咸蛋黃，用足料，肉餅更加吾洗講，好入味好好好食，最後食哂d肉餅食吾哂飯。最衰拒野飲要分開叫，甘黎得，就一定要try try 拒d奶茶，都ok ge, 係埋單貴左d......

由大排檔做到舖位，嚟間老字號在灣仔靜靜的一角無人不識。週六下午比較少人，可慢慢享受寧靜的一面。奶茶非常出名，濃厚的茶味在口腔內徘徊，質感滑溜。奶醬多士比較細件，烤得焦脆，奶跟花生醬比例恰到好處，好味。

某日午膳時間經過日月星街, 看見這間餐廳外, 有綠頂的檔, 就好像中環 蘭芳園 一樣. 看見有很多人幫襯, 在炎熱的五間有四五枱客人坐在路邊. 心想這間餐廳 一定有一定的水準.於是入內叫了一碟乾炒牛河, 牛河鑊氣夠火喉足, 牛肉份量不少, 配上辣醬. 可以說是少有的好吃. 看見牆身的報道, 奶茶應該是一絕. 所以更點了一杯奶茶.果然奶茶沒有令我失望, 茶底和一般的港式奶茶不太一樣, 牆上的報道說有七種茶底混合而成. 奶茶可畀中環蘭芳園.

是日同男朋友黎依間食野，因為佢話依間好出名。我地lunch time黎到果然已經好多人，佢地係兩邊都拍晒台比人坐（其實有d阻街），好多都係附近返工既西裝友同鬼佬。咁男朋友就叫左個泰醬雞扒飯，我就叫左黑椒牛肉炒紅飯（即係蕃茄汁炒飯底）。留意佢地係無餐既，所有野散叫，另外叫兩杯野飲。有偷食左男朋友個飯，味道好普通唔驚喜，似我媽煮既煎雞扒加泰式辣醬。雞扒唔夠脆口。到我果個，其實覺得個combination好奇怪，個面係黑椒汁但個底又係蕃茄，anyway係食唔到蕃茄味。如果就咁叫個黑椒汁牛肉飯會更好一d。埋單兩個人都170，味道真係好一般無人講到咁好，但價錢就相對地貴。

友好介紹德如茶仔，趁在附近一試。平時都在附近濕平和食西餐，原全沒有留意它的存在！OpenRice 的相像大排檔，原來真實是小店有室內有少量戶外，地方整潔，員工有禮。在OpenRice 很多人推薦的家鄉炒飯$58，顔色比較深濃味，材料豐富；小蝦，臘腸，义燒粒，卜卜脆和蛋，幾特別。飲品要分開叫，奶茶以我水準不夠濃，顏色淡，加上膠柸上，失望😞以午餐$79一人計，舊茶仔格局偏貴。