德國餐廳 (Wetland Seasons Bay)

營業中

休息中

宜家既天水圍舒適既餐廳真係好多地方都有, 地方又大今次就黎到新型屋苑下邊既餐廳揾食順便放下狗, 比我見到我地成日都係屯門食開既德國餐廳就唔諗咁多沖入去喇😁1/ Set Lunch - 卡邦尼意粉 $88 + 甜品(朱古力蛋糕) $8 + 凍飲 $5卡邦尼意粉好creamy, 煙肉加上洋蔥令整個味道更加昇華, 而且份量都唔少, 我地兩個人share食, 每人都食到三小碗👍🏾朱古力蛋糕雖然細細件, 但內裡係超級強烈既朱古力味, 口感好似Brownie, 食落好幸福!!2/ 德國鹹豬手配酸菜及薯仔沙律 $238呢個菜色係德國餐廳既經典, 鹹豬手配酸菜及薯仔沙律, 份量十足, 肉質鮮嫩多汁, 外皮烤得脆卜卜, 鹹度恰到好處唔會過火, 配埋配菜一齊食口感更加豐富! 呢個地區真係好舒服, 得閒一定要過多的黎先😄

德國餐廳開到去天水圍wetland!!!然後我Google map一搵,原來元朗有架69巴士去wetland係超級快㗎🤩🤩即刻同屋企人去試吓🤩🙌🏽😋水準都係keep住好高呀🤩首先必叫嘅一定係佢個鹹豬手啦❤️德國鹹豬手配酸菜及薯仔沙律$238層皮整到脆卜卜㗎🤩超正仲要切得好靚，好容易食有提供刀叉，想再切細啲食都得!!!D酸菜好好食，份量好足🫶🏼同豬手好夾，薯仔沙律味道都勁好🤩有啲驚喜呀😋餐廳坐得好舒服👍🏽👍🏽推薦大家🙌🏽❤️德國香腸拼盆 $172超好食😋加埋啲薯角同酸菜真係100分

好耐冇食過德國野喇!!原來濕地呢邊有間德國餐廳🍴一定要嚟試吓😋😋🌼德國香腸拼盆$172德國腸真係超好食😋有好多種唔同嘅腸有啲辣啲，有隻有好多芝士超級好食，仲有啲酸菜伴碟薯角都超好食🤤好有口感兩隻醬好好味呀😋😋食到lamlam利👅🌼德國鹹豬手配酸菜及薯仔沙律$238份量好多，味道好好👍🏽鹹豬手層皮好香脆🤩🤩CREAM CHEESE FOAM SMOOTHIE🌼蘋果之吻$68🌼橘子樂園$68好好飲!!CREAM CHEESE好香味道唔會太甜😋🙌🏽

細佬住喺天水圍Wetland Park，佢話呢度有間德國餐廳啲鹹豬手好正，一於一齊去食dinner傾下計🙌🏻 餐廳木系暖色燈光，都幾有mood~ 德國鹹豬手配酸菜及薯仔沙律$238細佬食過翻尋味嘅豬手當然必點！皮脆肉嫩仲帶少少濕潤，脆卜卜燒豬皮同粉紅色嘅肉質，火侯控制唔錯，調味又唔會好鹹。配菜仲有酸菜、薯仔沙律，份量又大，食完已經七分飽😜 果然招牌菜！德國香腸拼盤$172肉控嘅我扡進攻埋香腸，有蕃茄醬同芥末醬，仲有薯條墊底。香腸有4款，全部都係皮脆多汁，其中一款仲有辣味，味道有變化，多吃多滋味✨呢度嘅烤乳豬都係招牌菜，不過就要早幾日預訂先有得食，留返下次試完同大家報告😎 如果你哋去開濕地公園玩，嚟呢度試吓都唔錯。

諗住試下間以為好高級嘅德國餐廳，點知質素仲低過茶餐廳 ，首先叫咗個豬扒芥末汁薯菜 ，個汁 只有油益味，豬扒柴過煲湯肉，最過份係啲餐飲，個凍檸檬茶完全冇檸檬味冇乜冰，好似維x檸檬茶溝左水一樣，而杯奶茶係我人生第一次飲到茶，奶，糖分開的奶茶.以為豪宅區啲餐廳一定有番咁上下質素啦，但點知真係估唔到洗左二百幾蚊食啲咁嘅嘢，大失所望

🍴Das Bier@ 德國餐廳🍴天水圍新德國餐廳📍高質豬手🍖好耐冇食過鹹豬手，聽聞無論環境定食物，都唔錯，所以特登黎食下先🥢環境舒適，食物都以德國食物為主，好有外國風味🍴果然喜岀望外🥰#wetland#天水圍美食#濕地公園#德國餐廳#鹹豬手#hkfood #hkfoodig 🍬德國鹹豬手配酸菜及薯仔沙律店員好細心，上枱己經將豬手切件，保留全隻豬手！而且啖啖肉具有豐富既骨膠原，鹹味剛剛好 ，豬肉帶有少少🤏甜同燶邊，外層夠哂香脆，入面嘅豬肉好夠滑，配啲粗薯仔沙律🥔薯味香之餘，中和番豬肉既膩👍🍬是日餐湯配意大利麵包🥯飲個熱既粟米🌽濃湯，啖啖都係磨碎左既粟米，鹹味適中🫕熱辣辣既麵包🥯吸收晒香濃既西湯🙆🏻‍♀️好飲🥄

今日同屋企人落樓食lunch，叫左拿破崙意粉同香腸拼盤。屋企落樓出左大門只係1分鐘咋🤩🤩首先講吓食物味道先：拿破崙意粉非常美味，用料新鮮，有雜菌菇、洋蔥、蕃茄，意粉口感煙韌彈牙，岩哂食素ge朋友。☺️個香腸拼盤岩岩拎到出黎一切落去爆哂汁出黎，一共有4種腸，粉紅色果隻一切落去食落有小小芝士味🤤，一啖腸一啖德國酸菜，酸菜可以解膩，又有薯角，十分之夠飽🥂 啱晒鍾意食肉嘅朋友啦！🤫餐廳的設計風格也十分舒適同其他德國餐廳分別唔大。👍🏻服務員們都非常友善，大大提供高質量的服務，見我杯水飲完即刻refill，讓客人們感到賓至如歸。😊一定會，再次幫襯😆👍🏻👍🏻

濕地公園的驚喜 勁大份德國豬手今次去咗一間非常值得推介嘅餐廳，環境非常舒適，服務態度亦非常好，讓我有一個非常愉快嘅用餐體驗。食物方面，我點咗一份超大份嘅德國豬手同一份fish & chips。嚟到真係勁驚喜，超大份！德國豬手非常嫩滑，肉質鮮美，配特製醬汁，味道非常好。而fish & chips方面，一樣大份，魚肉鬆軟，外層酥脆，配上薯條，超級正，超級好食。除咗食物之外，餐廳嘅環境亦非常美麗。餐廳設計風格簡約大方，燈光柔和，讓人感到非常舒適。此外，餐廳嘅服務態度亦非常好，服務員非常友善，熱情地為我們服務，讓我們感到非常貼心。最後，我叫咗一杯檸檬茶，味道非常清新，酸酸甜甜，非常適合消暑解渴。總括而言，這間餐廳非常值得推介。食物美味，環境舒適，服務態度好，讓我有一個非常愉快嘅用餐體驗。如果你想要嘆食同享受一個舒適嘅用餐體驗，這間餐廳絕對係你最好嘅選擇！另外，值得一提的是，這間餐廳位於天水圍的濕地公園內，環境非常清幽自然。

講起德國 🇩🇪你會諗起咩？世界盃啤酒定係紐倫堡腸？去到天水圍都有好德國餐廳介紹 裏便暫時未有酒牌 但係都有好多經典德國美食 有辣有唔辣任君選擇 德國腸好多款式肉汁爆滿 啱啱焗好嘅時候 真係要小心入口恨不得即刻飲杯可樂！拼盤仲有分大細 如果多朋友一齊食就可以嗌大size嘅腸拼盤 之後唔太飽 就叫埋個拿破崙意粉🍝拿破崙意粉由新鮮小蕃茄同黃椒青椒絲組成 加上茄醬 啱晒食素菜嘅朋友 醬汁唔會太濃 富有清新感覺下次再嚟同朋友chill可以試吓坐戶外感覺都唔錯㗎！

喺天水圍同朋友睇完樓見到附近濕地公園原來都幾多嘢食 開咗幾間過江龍都大排長龍 食德國豬手都係一個唔錯嘅選擇 附近環境非常幽靜 喺濕地公園隔離同大自然融為一體入到餐廳好多食客都係一家人 👨‍👩‍👧‍👦三五成群嗌到滿枱食飯 先嗌咗個德國鹹豬手配薯仔沙律酸菜 製作需時即叫即烤 確保新鮮未到保證唔會令你失望 因為台台都會叫一上到枱豬手真係好大隻 外表豬皮烤得剛好 入口香脆 啲肉預先砌好 方便點蜜糖芥 酸菜唔會太酸 加埋薯仔沙律 🥗成件事好平衡 食完豬手再飲多杯薑茶夠晒滋潤 冇諗過佢嘅薑茶係用新鮮磨嘅薑粒 做到無添加 飲完成身暖晒😸😸👍

同屋企人去濕地公園郊遊，諗住入場玩之前喺附近搵間餐廳食個飽飽lunch，隔籬Wetland Seasons地下有幾間食肆。Das Bier係新開嘅德國餐廳，裝修以木材元素為主，設計充滿歐陸式風情，好有度假feel，猶如置身外國。#德國鹹豬手配酸菜及薯仔沙律 $238食德國菜必定點呢款傳統菜式德國鹹豬手，一上枱陣陣香氣已經湧上嚟，賣相吸引。餐廳已經將豬手切開，方便客人進食。皮超級酥脆，豬手經過長時間燉煮，肉質好鬆軟，鹹香惹味，沾埋芥末醬好夾。配埋薯仔沙律同酸菜食，好鍾意呢個薯仔沙律酸酸地好開胃，酸菜比起出面唔係勁酸嗰隻，更易入口，可以平衡豬手嘅油膩感，同增加味道層次。#德國超級香腸拼盆 $198呢個拼盆非常豐富，可以一次過試到多種唔同口味同質地嘅香腸，有烤香腸、德式白腸、辣味香腸⋯⋯每一款都有獨特風味。炸薯條粗身，表面炸得脆，裡面保持到薯仔質感。配有茄汁及蜜糖芥末醬。#卡邦尼意粉 $68有驚喜，醬汁濃郁掛身，鹹度同奶味嘅平衡恰到好處，煙肉脆，最鍾意個意粉煮嘅時間剛剛好，食到爽口煙韌Al Dente口感。#百香果芝士奶蓋綠茶 $40綠茶嘅香氣好清新，同淡淡苦澀嘅滋味。混埋芝士奶蓋嘅濃郁奶香

濕地公園附近開左好多間餐廳 選擇多環境又清幽確實係覓食嘅好去處 德國菜🇩🇪相對比較特別 所以一於試試佢😋香煎豬扒配蜜糖芥末燒汁配薯菜賣相幾好 特別鍾意個醬汁-蜜糖芥末食落都幾開胃 豬扒唔會好老都幾juice 特別要贊下d配菜 都幾入味又好食😋唔似一般既配菜咁淡茂茂 而且都算多 營養均衡德國鹹豬手配酸菜及薯仔沙律黎食德國菜點少得豬手😈😈 幾驚係原隻上枱要自己切 好在餐廳都幾細心已經幫我地拆骨切件👍🏻👍🏻少少咸味道適中 有d juice又唔會好乾 特別讚賞層皮 勁脆咬落齒頰留香🤩配埋酸菜、沙律食唔會好膩朱古力芝士蛋糕🍰細細件幾精緻 食落有d似布朗尼🍫但係係cheese cake 果種順滑度 甜點適中😋😋咖啡☕️飲落似係即磨咖啡☕️好有咖啡豆果種香醇 比較苦少少 對我黎講要加多少少糖😂😂

難得疫情緩和，星期日到濕地公園走一轉，輕鬆下。唔知大家會唔會知，位於天水圍濕地公園附近嘅Wetland ，有間德國餐廳Das Bier，提供咗一個好chill 嘅環境，仲有好多正宗德國美食可以滿足你嘅味蕾！其中，大家一定要試下佢嘅‘德國豬手’! 外皮香趣可口，表面有著金黃色，酥脆多汁，沾著醬汁更加獨特，口感滿滿，令人食指大動。它的表皮有著淡淡的椒鹽香味，令人舌尖上的滋味更加濃郁，讓人口齒留香！搭配精致嘅配料，口感滿足，滋味濃郁。用佢嘅醬汁蘸啲豬手，更令滋味更加獨特！‘Fish n chips’是一道英國經典菜式，魚肉酥脆，沾著薯條一起吃，滋味更加美味，令人回味無窮。魚肉酥脆，薯條鬆軟，滋味濃郁，令人食指大動😋!此外，德國餐廳Das Bier嘅服務亦都好好，服務員友善有禮，一定令你有個愉快嘅用餐經歷。總之，德國餐廳Das Bier絕對值得一試，絕對能夠滿足你對德國口味嘅熱愛！而且份量足，叫咗兩份主菜都夠三個人食😋一定要去德國餐廳Das Bier試下啦！！

大西北都有好野食，係 wetland 新開左間德國餐廳，難得今日放假就約左朋友黎食。位置寧靜，好有郊外 feel, 好似真係去左外國咁，歐陸式既裝修，3 點黎到人唔多，座位好闊落。用 QR code 落單，諗住兩個人食少少野，嗌左一個香腸拼盆同意粉，點知份量好大，都幾飽下，好滿足德國香腸拼盆，有兩款既德國腸再拼薯角，配蕃茄醬同芥末醬，香腸份量真係好飽，咬落去肉汁鮮嫩，色香味俱全另外嗌左個卡邦尼意粉，卡邦尼醬味道濃郁，好 creamy 好 juicy, 意粉軟硬煮得剛剛好奶蓋荔枝綠茶，奶蓋味好香濃，配埋清香既荔枝綠茶又幾 match Bailey's 朱古力芝士蛋糕，最後點少得甜品，細細個賣相好吸睛，甜而不膩整體店鋪野食高質，店員態度友善，落單都好快，幾適合約埋朋友仔黎歎個靚下午茶

以招牌菜式而聞名， 餐廳地方闊落，坐得好舒適🤩適合一家大細或者三五知己，一定要黎試下先😋😋🐷招牌德國鹹豬手 $238每台必點的脆皮豬手，一上枱好誇張 ，足足有1kg，超級出色嘅鹹豬手，啖啖肉但唔會太肥膩，外表酥脆惹味😋做到皮脆肉嫩既效果，🙈伴碟除咗有烤薯、酸菜外，仲有好香濃既芥末籽忌廉汁👍🏻法式香煎原條龍脷柳 $198看似做法簡單，但食材同煮法都非常講究，魚柳外面煎得金黃酥脆，內裏嫩滑，加入檸檬汁，已足以令魚肉更鮮甜，鮮味更富層次份量好充足，真係食到好飽，各方面唔錯，德國餐廳嚟講價錢都合理，適合各種聚餐，可以慢慢傾下計。