德國熱狗 (已結業)

上完堂三點幾未食lunch，行到勝利道記得這間好多好評就試試。$30 蚊一個套餐，一個熱狗，配野飲+薯條/薯餅。店員向人推介芝士腸、德國脆皮腸、洋蔥豬那個什麼…的確有眾多款式，讚! 我散叫了一個德國脆皮腸熱狗（＄22），一個車打芝士薯蓉（＄15）阿姐招呼好好，主動話俾多杯水我飲（唔係一般食肆D水喉水已經好好）選了酸瓜、芥末加少少茄汁。（它有酸瓜、芥末、茄汁、沙津醬、BBQ）任你揀汁多得黎不覺得太濃，好好味!推介酸瓜汁!脆皮腸共兩條，好好，好抵食，又好味。包又不會好乾，我最憎熱狗少汁包又乾，但食到尾我都未洗飲水!個薯蓉也不錯，不過唯一就係芝士係溶一溶就倒落整好的薯蓉度，不夠混和，但味道仍好好。芝士也不少，好飽。薯蓉都是真材實料，有D口感，不是完全粉開的感覺。總括黎講，都好滿意。全店4,5位店員全都是女，全部都各自各做緊野，店內乾乾淨淨，我去的時候無乜人，她們都周圍清潔。一叫野食就好快手搞掂。讚! 本來當食D小食，但三十幾蚊已經飽到幾個鐘之後仲飽緊。下次再來!

三點先食lunch~我個fd推介左依間食Hot Dog既好耐~所以黎試試~一入到去~冇位等位既時候就睇下有咩食同埋叫左先~睇住個meun~種類繁多~最後叫左細芝士腸加車打芝士~要酸瓜同BBQ醬~而且變埋做野飲同薯餅~之後就開始等位~等左好耐先有位~一埋位佢地就整好~正~~~~時間岩岩好~一咬落去~唔夠汁~差少少~條腸就名副其實既「細」~不過冇咩芝士味~反而佢個個車打芝士仲大條過條腸~D芝士真係好好食~BBQ醬食落就真係好惹味~Good~而個薯餅就炸到脆卜卜~食完又唔會太熱氣咁~非常好~店員態度好好~不過由於舖位面積既限制~舖頭D位就真係好少~得六個位~~有機會再加多d就好~

在陳記喝完豆漿吃過燒賣腸粉，肚子當然還有空隙，用來填滿空間的重任，就交給在數個街口之隔的德國熱狗店吧.....要order套餐可能是勉強了些，不過只一小隻熱狗包，想是可應付得來的....各式各款的熱狗腸紛陳羅列，看得人花多眼亂。已忘了上次吃過的種類，所以還是挑選打了記號的店方推介較穩陣....熱狗包即叫即製，熱騰騰的拿在手中，幸福感覺頓然滿溢包烘得皮帶微脆又夠軟熟，就算不是甚麼貴價貨，但只要是夠新鮮就必定好吃了；醬料雖只是最back to basic的茄醬及mustard，但勝在落得重手，吃至醬汁從手指之間漏出來，一向是自己吃hotdog最喜愛的餘慶節目；是日的主角香葱豬柳腸反而沒有甚麼特別，當然不是說它很難吃，但嗒落自覺肉香不算濃，黑椒味亦不很突出；附加的德國酸菜是偏鹹多過酸味的，若果要用之來醒胃又或消膩，效果就不太大了....吞完一隻後，肚皮滿足了兩頓簡簡單單的小吃，加起來便是很豐富的一頓飯.....

好彩無黎勝利道食野，更加耐無幫襯呢間德國熱狗，原因其實係因為以往行開過黎都已經下午三點後，唔係太多人唔想等就係佢地收鋪前已經賣晒d包，今日兩點幾時間就最正，唔算太多人。因為只係食下午茶所以唔要餐只係想食個包，見倒除非招牌熱狗外仲有牛角包，20蚊個都ok所以試下，雖然應該唔係新鮮係返熱但個牛角包都算幾鬆軟，入面塊肉係罐頭貨色就無乜特別，不過佢d醬加埋洋蔥等等既配料就好夾個包，真係好食呢度服務有好有唔好，無人專門執(木台)，不過又會關心客人需唔需要刀叉之類既野，叫做合格啦

食了一個spicy hot dog...我add了 onion 同chesse點知cheese太多了令到我好濟...ice black coffee, o係呢d 店來講好好了, 起馬唔苦唔酸!!

本人第一次寫食評, 所以一定要把我的第一次獻給一間超凡食店, 相信這間是必然之選!! 其實今次已經是第二次幫襯這間熱狗店了.第一次大約在兩星期前, 看了openrice 80Vs1 的食評, 決定要來試試, 那次是外賣的, 要了香蔥豬柳腸熱狗+酸瓜汁+芥辣, 跟餐還有小食和罐裝飲品, 小食選了薯條, total $28. 由買完到番到屋企一共15分鐘, 途中不斷聞到陣陣熱狗香味, 真係超級香, 好想停低食埋先番屋企.. 不過都係堅決到番屋企. 好彩番到屋企條熱狗仲暖暖地, 一入口個下真係覺得好正, 啖啖肉, 而且條腸既肉汁keep 得好好, 非常之Juicy!!! 食熱狗既過程真係好enjoy!! 不過薯條就麻麻地, 比較硬身. 不過正如之前既食評所講, 呢個只係大配角, 影響唔到我對呢間熱狗店既好印象! 自從食完第一次, 我對呢度既熱狗就念念不忘, 兩星期後再同好友去食. 當時正是中午食飯時間, 所以好多人, 成間店迫爆, 好不容易先搵到兩個位縮埋, 今次叫了珍寶雞肉腸+沙律漿和家鄉白腸+酸瓜汁, 熱狗切開兩個人share, 可以試晒兩款!! 跟餐一個選了薯餅, 一個選車打芝士, 加

找尋何文田的食評, 排頭位的係hot dog link, 於是, 今日下晝就去食我食左個特餐一號, 係肉醬熱狗 + 薯條, 只係 $18肉醬的味道幾好, 不過最欣賞係條熱狗腸, 有好香既豬肉味, 仲有豐富的肉汁, 個包熱辣辣, 真係好好食, 唔怪鬼之咁多人讚!薯氣就一般啦, 唔係好夠脆, 不過都只係一個大配角, 所以無所謂, 熱狗好食就可以了, 下次一定會再幫襯!

食熱狗, 一定要食德國熱狗, 因為佢認第二, 香港無人敢認第一試食一隻香蔥豬柳腸, 用個飯盒裝住, 幾大隻 仲要用支膠义食....睇佢做的時候, 已經有點吞口水的感覺, 因為佢地將芝士 (仲要好香的) 倒埋d 洋蔥一齊落個煎爐度炒熟, 跟住兜起放上個豬柳腸熱狗度, 未食已經流口水豬柳腸都幾粗, 味道仲有唔錯, 有少少的香草味, 份外可口同地道到今晚回來寫食評, 都仲掛住佢陣香味!

因為海南雞飯太細碟, 搞到要去德國食熱狗, 當然唔係搭飛機去啦, 只係行過對面買左隻洋蔥豬柳腸熱狗食, 仲有罐汽水揀, 隻熱狗好好味, size夠大夠長, 麵包的質地軟熟, 洋蔥汁好香口, 風味很獨特, 同上次去宜家食的完全係兩回事 (雖然個度係平), 豬柳腸咬落味道好好, 咬破腸衣的一刻, 肉的鮮味就開始滲出, 呢條腸好味在於肉汁很豐富, 所以味道好夠見人客一出一入未停過, 就知道此店非池中物, 好食的餐廳, 人客多係理所當然的, 相信大家都認同這間餐廳的好啦

OPENRICE的食家們差不多一至認為佢係好食, 79 vs 1 所以我買一隻試試感覺係... 好地道的歐洲味, 香港人做的熱狗, 係沒有這種風味的, 條豬肉腸有特別的香味, 什至茄汁都唔同, 我唔知點形容, 因為我唔知佢地用咩香料同調味品做, 總之就係好食, 或者你地自己去試就會明我講咩老板係德國人, 可能真係要德國人先做到呢種味道啦!

舖頭面積不大,座位有少少迫既不過無影響我既食欲首次黎唔知食乜好跟朋友一樣點了個車打芝士細芝士腸熱狗加沙律醬跟餐熱狗既面飽同出面既好唔同佢應該有烘過,外脆內軟,加上有芝麻香味,口感的確不錯條腸真係有芝士必出黎放在面上的車打芝士亦唔弱,真係有一絲絲扯下扯下絕無偷工減料薯條一包都幾多下本身都有少少咸所以可以唔點茄汁不過友人話呢度既茄汁好唔同一試就覺得似係自家制既唔知係唔係呢

今日下午好肚餓...唔知點解個腦就不停浮現出呢間店舖橫掂係屋企行過去都係 5 分鐘所以就去左食啦次次我都剩係叫個包就夠因為食完都已經幾飽下今日叫左:車打芝士+細芝士腸熱狗配酸瓜汁"試過幾個汁覺得呢個最合我口味因為幾似沙律醬，但佢酸酸地同熱狗呢樣野好夾!雖然係細芝士腸，但已經好夠因為其實加埋車打芝士都幾漏下條腸仔好長架，由頭食到尾都有一咬落去有D芝士流出黎，好正!佢D車打芝士都好多下，好厚...又係食到尾都有好香芝士味架，好好食呢個份量已經好夠啦服務好好! 我唔叫餐佢會主動話俾杯水我!所以食親熱狗都會黎搵佢架 =)

琴晚一行5人去食, 去到後見到鋪頭坐滿人, 結果要等位等左一陣, 廢話少說, 逐樣講味道：好食, 雖然唔好拎大酒店或專門食肉腸的店鋪相比, 不過絕對唔差, 個包係一般餐包熱狗, 唔係特製包, 好正常, 薯條/薯餅係雪藏食品, 炸好左無雪味, 合格啦環境：地方比較細, 無辦法, 不過坐埋牆邊食至有小店風味吧服務：老細好nice, 會不厭其煩地話你聽各種肉腸的味道同特色衛生：店鋪雖小, 但唔覺得污糟抵食：十幾廿蚊食到咁好食0既肉腸, 都已經無投訴喇, 仲記得某酒店有好多肉腸食, 係個度食幾條已經夠係呢度十個包喇~

一向都是食肉獸和香腸迷，日前難得經過附近，當然不會錯過機會試吓這兒的熱狗。要了一個洋蔥豬柳腸熱狗，即叫即製，腸同麵包都熱烘烘的，尤其是那麵包有少許芝麻和烘到少少脆，更添香味和口感；而炒熱的洋蔥給大香腸起了中和作用，令香腸食落沒那麼滯膩，加上茄汁、芥辣、沙律醬等等的醬料，令視覺和味道都更加豐富。下次再有機會一定要試埋其他的熱狗

見到嗎? 這幅相唔知有無令你吞口水, 但我打開個盒蓋之後, 陣香腸的香味撲埋我度的時候, 真係想大啖大啖咬落去這個香蔥豬柳腸熱狗, 超好味, 因為係個餐, 我唔揀薯條, 改為要丁容的芝士淋上個熱狗度食, 仲野味個熱狗仲好大隻, 我諗都差唔多十吋咁滯, 但係因為實在太好食, 所以都唔覺得滯, 仲食哂成隻熱狗呢間德國熱狗, 平時都好多人食, 仲好出名添架 實在係食家們不容錯過的地方呢