45
1
4
| 餐廳: | 德國餐廳 (Wetland Seasons Bay) |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
影片
以上資料只供參考, 請與餐廳確認詳情
優惠
| 餐廳: | 德國餐廳 |
|---|---|
| 優惠: | 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。 |
|
條款及細則:
|
|
|
|
因為朋友生日，所以都想喺大家就腳嘅天水圍搵間好少少嘅餐廳食飯，呢間睇落食西餐、環境OK就入咗去試一試。我哋入去嘅時候8:10pm，個Staff已經即刻催我哋用QR code入單，話8:30截單，咁我當然問一句佢哋幾點關門考慮夠唔夠時間食，佢就話9:30關門。我覺得都ok啊夠時間食，就繼續落單。咁啲嘢食8:30-40陸續嚟齊，食物味道係冇問題嘅。正當你諗住可以好地地食返餐飯，佢9:00突然間熄音樂，我心諗咁早熄音樂趕客，然之後冇幾耐個Staff就拎住部信用卡機同埋張單過嚟好西咁話要埋數關門，叫我哋埋單同埋問我哋使唔使外賣盒打包拎走。我呆咗，即刻問：「你哋唔係話9:30關門？」佢就話：「其實係9:30前，因為聽日餐廳我地休息，所以今日我哋都想早啲搞掂啲嘢走」我聽完心諗：嘩咁都得，明明講好咗9:30，而家因為趕收工，所以轉口話9:30前，咁樣趕人走。講真如果你一開始同我講9:00就閂門我就唔會喺度食嘢，我以前都係做飲食，所以我從來都唔會阻人收工夾硬食，但今次完全係個員工嘅職業操守問題，趕收工大晒，鐘意幾點關門就幾點關門，個樣擺到明話我哋阻佢哋收工。香港飲食就係比呢啲咁嘅服務工作態度累死。其實我哋已經食得好快，佢趕我哋走嘅時候我哋都已經差唔多食晒，我就話不如你俾我哋食埋先，因為都已經食得7788，9:08我哋已經食完走。咁餐飯食得梗係唔開心啦，好似俾錢買難受，真係寧願食譚仔好過，起碼人哋話幾點關門就幾點關門。之後出門口睇佢都冇寫準確嘅關門時間，大家去食嘅時候真係要小心啲，因為你永遠都唔知道佢幾點關門趕你走
繼續閱讀
我近排lunch飯堂就係Wetland嘅德國餐廳！佢嘅lunch Menu好抵食😋食物質素又高👍🏻😆值得推薦比大家！入到去環境好企理乾淨闊落～落地大玻璃望住對面消防局，小朋友超級鍾意睇消防車🤣餐廳亦有BB凳同兒童餐具非常友善！裝修點少得德國餐廳元素！藍白色格仔布枱同埋木水桶嘅酒莊～彷彿身處於德國餐廳裏面🩵職員有禮貌！已經成為熟客打成一片～美食⭐️⭐️⭐️⭐️⭐️牛扒意粉（可選擇薯菜同米飯）hkd76牛扒好大塊✅冇根！呢個價錢仲可以選擇成熟度👍🏻我揀咗五成熟啱啱好😋小朋友鍾意佢哋嘅醬汁撈飯👍🏻仲可以揀多汁添😍份量超級足我同小朋友食都好夠飽！
繼續閱讀
離譜，睇到有set dinner 6-70蚊就試下 (未計加一)餐牌吸引入去結果全部嘢都係白灼呢個牛扒薄到呢！仲衰過大家樂 茶餐廳招牌既豬手白灼的無味豬扒 都係白灼的 又鞋又靭特價雞翼雞鎚 黑到甘都俾人食 粟米湯加$10 全部都係渣 真係冇人會再去第二次☹️ 隔離茶餐廳好過
繼續閱讀
首先，是日餐湯+$10係蘑菇湯，好水，係水加蘑菇榨汁，應該冇落鹽，冇味道！其次，主菜係德國白豬手配薯菜，豬手好多毛！薯菜都好少！成份都唔夠熱！然後，甜品+$8，係一口cheese cake。係仲未退冰嘅cheese cake! 切都切唔開，硬過我條命！餐廳環境方面，因為門面得店員一個人，斟茶遞水，收嘢，上菜，收錢都係佢。每次有人一食完嘢，佢都推車出嚟，好大聲咁收拾，鐵刀鐵叉好大聲！冇咩環境氣氛可言。點餐係掃QR code，斟水基本上只係入嚟時，比一杯水你，無咩服務。但要收10%服務費。總結而言，可一不可再，不推介呢間餐廳。
繼續閱讀
山長水遠來到濕地公園郊吓遊，又見呢間德國餐廳，真係有好多分店啊，又有BB櫈，今日同屋企人就揀呢間德國餐廳食個early晚餐啦🍖🍖 德國咸豬手配酸菜及薯仔沙律 ：🌟🌟🌟🌟🌟無錯又係小Sun最愛嘅脆卜卜嘅豬手😋啲豬手幫我哋切好晒，易分易食，屋企人大讚豬皮脆口，外脆內熱咁😍真係極度滋味！真係差杯啤酒🍻🍽️ 德國香腸併盤：🌟🌟🌟🌟當然，食德國嘢一定要試埋佢哋嘅德國腸😋我哋少少地叫咗個細併盤試吓😋今次有四款德國腸，長長嘅脆片腸、香草豬肉腸、芝士夾心腸同辣肉腸，由於小Sun比較喜歡芝士，所以真係勁愛佢哋嘅芝士夾心腸，配咪大大碟意粉真係飽到上心口😂🥩 燒紐西蘭肉眼配紅酒汁：🌟🌟🌟🌟5:30都仲有Brunch 咁就叫咗呢個肉眼試吓，雖然個汁有少少Overcook，但肉有牛味，燒得均勻，整體係ok嘅！算平靚正飽肚之選✨呢度裝飾都好有心思同聖誕氣氛🥳幾Baby Friendly，今次都係食得好開心！而且有Lunch Set/Brunch Set！真係平靚正之選🥳
繼續閱讀