德勝小廚 (已結業)

最近多數響上環工作，所以常在上環搵食，見呢間餐廳外停到車咪停低部車行入去食午飯囉！點知入到去人山人海，完全無位，坐唔到，但咁旺就一定有佢嘅原因嘅！一定要試吓，行埋去問收銀位妹妹咩最快唔使等，但佢又要收錢又要接外賣電話，都唔得閒答我，只係指一指門口位燒味檔，望落D食物都幾靚仔，就叫盒义鵝飯攞返公司食啦！10分鐘後返到公司，一打開盒飯，D义燒又香又淋，半肥瘦！啱啱好！燒鵝（鴨）皮仍然脆，好食！另外，特別要提下D飯，真係好香，明顯用靚米，好少食店咁注重用米！成盒飯都好正好好食，可惜掛住食無影相，下次補翻!

平靚正, 基本所有食客都追求, 朋友介紹此食店是可以達到此要求, 好奇下與其他友人走去試食。老實說此店位置很一般, 不是在這處附近上班或地膽很少行到, 加上沒有門面, 生客一般很少。一入去見到很多人, 男男女女, 剛好有位不用等, 看到食客坐在非常近, 背對背。安頓下來, 看看menu, 其價錢在上環區不算便宜, 平均每人40元, 看清楚後看到有種比較特別的午市套餐, 叉燒飯加雲吞及油菜, 合共44元, 如果散叫, 應該過50元, 就試下。先上雲吞 , 一碗都有六隻, 雲吞算皮薄, 餡料有豬肉, 蝦仁等, 有韭黃, 味道合格好味, 雲吞湯當然是味精湯, 蝦仁是雪蝦, 也不能要求太多。叉燒飯 要肥叉, 叉燒包滿麥芽糖和蜜汁, 富有口感, 肥瘦適中, 水準相當不俗, 比有些酒樓的叉燒百多元一碟出品要好, 友人提及過此店叉燒有水準, 果然沒說錯, 平野有好野, 推介!!! 油菜 都很大碟, 跟單叫一碟有得比, 綠油油, 沒有得投訴。以現今的香港生活指數, 合共港幣44元筆者認為Very good value for money, 在國內也不容易找到, 推介!!!

午飯時間到中上環，都知道揾食艱難，見有間茶餐廳並不是太多人，不加思索便鑽了進去。一間典型的茶餐廳，有好幾款特價午餐可供選擇。每款都是三十五元左右，可以另外加湯或茶，種類不算多、隨手便點了第一款、燒鵝紅腸飯。不一會便先來例湯，湯的賣相唔錯。其實我對例湯的要求不是太高，只要不是水一般的淡、或是太多味精便可以了。這裡的湯是在兩者之間，湯有味，但是味精也不少，可幸的是在我容忍範圍以內。最起碼是渴完之後不需四處找便利店買水渴。值得一讚的是湯料算多，但有一點點奇怪的就是青紅蘿蔔湯而加了一點菜干。坦白講，我只能飲得出青紅蘿蔔湯味，這點菜干就是多餘了。反而這樣加法弄得個湯有點怪怪的，有點似二手湯，如果不是，就真係畫蛇添足了。輪到燒鵝紅腸飯了，飯的碟頭不算大，男士大食一點的可能會不夠飽。燒鵝的味道唔錯，算有水準，只可惜份量太少了，得五件，而有三件又係鵝背。唔知係唔好彩，還是這就是這裡的標準？紅腸的份量亦不多，大約有六、七片。但這裡的紅腸我相信是長期浸在滷水汁中。所以紅腸皮的顏色是偏淡和 “瓦” 色的，而肉身亦是偏鹹和偏“林” 。喜歡與否，見人見智啦，但個人就比較喜歡傳統燒臘店的那種。差不多一點三，店外開

今天到上環郵政總局寄東西，順便走到德勝小廚吃個午飯，說是午飯，其實巳經三時半，下午茶時段。她的門面愈貼愈多手寫字的菜名，經過真以為是在大陸的餐店，不要被她地痞外表欺騙，食物很不錯。入到去除咗阿姐熱情又好招呼外，店的貓貓也會靜靜的走過望望你。店的內在也有些混亂，周圍也貼滿食物的招字，朋友一時花多眼亂，我就好快決定吃‘叉燒冬菇魚肉角米線‘，其實我每次都是點這個。最後他也點了‘燒肉叉燒飯‘。我的‘叉燒冬菇魚肉角米線‘一貫無失準，叉燒肥瘦適中有蜜味，冬菇入味，魚肉角炸過後有咬口，米線滑嘟嘟，加上‘嘢‘味菜圃，湯很夠味道，不過今天的菜心就浸得太耐有些黃，係之前煮定的。但上幾次吃就沒有這個問題。朋友的‘燒肉叉燒飯‘，他一吃就大讚今天的燒肉很脆口很好食，比貴價茶樓的燒煵仔更好吃。叉燒也沒失準，今天瘦咗少少，但燶位也夠。得快就見他清了他的碟頭飯。跟餐本來想叫例湯，記得她的例湯很不錯，但沽清了，惟有飲凍檸茶，雖然叫了少甜，不過都重係有啲甜!期間不停有很多做地盤或熟客進出，老板娘或waitress們都熱情招呼，有傾有講，見佢老板，仔女都在店一起做各自的工作，這間人情味濃的舖除了出色的燒味，那種和陸友善的氣

朋人說發現地方食野好好味, 於是我就跟對方出發去試食, 外面跟內裡都十分舊式格局, 小店人很多, 我因為黎既時候已經係 13:40, 所以都走左好多人! 待應雖然好忙, 不過都好有禮貌, 呢 d 真係叫服務態度! 朋友推介冬菇叉燒魚片頭米線, 於是我都 order 了一個, 叉燒肥瘦適中, 冬菇好入味, 魚片頭跟平時食的有點不同, 顏色較深, 味道也不覺得特別不同, 不過加左雪菜粒真係好好味!由於時間太急, 所以我都唔可以好好咁試清楚味道! 下次要再黎過, 因為好似有好多野都好好食咁!

今日Lunch無乜胃口只係食咗三文治，放工就即刻揾嘢食補充返。最近又平又好味的，即刻想起德勝。嚟到要了個下午茶餐，沙嗲牛肉通粉（本來是麵，改了小妹鍾意食嘅通粉）併腸仔煎蛋，紅豆冰。充滿期待。沙嗲牛肉通粉啲沙嗲牛肉同湯不是太夠味，淡了一些，不過通粉就出奇地滑，太滑比家X牌的即食通粉還要滑。腸仔煎蛋裡條腸仔都煎得很香，但蛋就太熟了，有點硬。下次記得要炒蛋，小妹都不太喜歡太陽蛋呢。淡奶紅豆冰，味道小妹就好鍾意（連埋美好的回憶在內呢），今次紅豆就硬了些，若果淋一點，成杯飲品感覺更滑更滋味，咁就超級正啦。這樣的價錢其實已經是超超抵食啦！！

這家離公司最近的店子，同事強烈推介叉燒及燒排骨。燒排骨不是每天都有的，同事食早餐知道今日有供應，於是十分期待。六個同事12:30pm來到店子，可能早，沒有太多人。不用等就有座位。我要了燒排骨冬菇魚角魚肉麵加紅豆冰。燒排骨的骨太大，肉很少，但味道不錯。魚角甜甜的，喜歡甜的我就覺得不錯。魚肉麵沒有魚肉味，麵都算爽。同事要了牛肉炒意粉，很香，意粉很幼。他給了一些意粉我試，非常好食。嘢味又有鑊氣，超好。紅豆冰用淡奶，很少店子用上淡奶；記得小時候家裡常用淡奶做甜點，給我重溫小時點滴。價錢很便宜，亦有水準。可以作公司Canteen之選。

百聞就當然不如一見，因為呢個set o既組合實在少有，但相對就更抵食！快餐店一間，燒味，炒粉麵，中式飯，粉麵，都有齊晒人氣set，就係呢個$33 包肥叉飯一碗，油菜同五隻雲吞油菜完全唔油膩，o的生菜食得出幾新鮮唔老叉燒就比想像中遜了一點點，唔係好肥，豬味唔重，但都算above mean 啦個雲吞就真係無咩特別喇，唔係好鮮蝦食得飽飽o既，但卡位好窄又矮身，唔係咁好坐

幾個月前， 我和舊同事路經此店，覺得好似幾多嘢食，便入內試一試其食品。當時我的舊同事還說其水餃麵很好吃呢！後來從網上得知，原來此店的食物都得到幾多好評，於是我和老公再次到此店試一試其招牌菜。我們點了一個午餐A(肥义一碟，白飯一碗，油菜一碟，淨雲吞一碗)'义燒東菇魚角米線和涷奶茶。 我們發現其肥义真的如網友所言，既香且淋，十分味美，就算浸在米線湯裹的义燒也不會太差。至於雲吞裹的蝦都幾大隻，味道都唔錯，淨雲吞和魚角米線的湯都有地仔味，只是不太濃。而魚角方面,都炸得幾香口，ok。至於涷奶茶則普普通通，沒有什麼特別。 綜合來說，我和老公都幾滿意其食物質素！

本來想去自由行大鑊飯食飯的, 誰知門口一大張紙說內部裝修, 再細心看....不來被律師樓查封了, 隨即揮手一指, 行到街尾, 德勝小廚.沒有裝潢的食店, 眼前的燒臘檔又令我憶起 "見鬼" 那一幕. 平常不是lunch hour見到, 不是太多人的, 估計亦普通吧. 今日正正中午到達, 原來座無虛席的. 店內, 牆上什麼什麼餐, 第一次來, 有少少花多眼亂. 門面看落吸引不大的燒臘部, 本來不在意的, 但看見鄰檯食客一碟叉雞飯....唔...就一個叉鴨飯啦. 問過, 有套餐, 雖沒有飲品, 但換來淨雲吞一碗. 試多一樣野, 無妨.套餐既叉燒飯, 原來用碗上, 唔熟架部的我們問不是一碟嗎, 大姐說, 你們叫碗咪一碗攞......"啊?!" 叉燒是正宗蜜汁叉燒, 有蜜汁甜味亦帶點燒燶既脆口. 肥瘦適中, 咬落帶有少少肥糕, 因為有少少燶而脆脆地既肥油. 這才是正宗叉燒的精髓. 燒鴨, 比較好肉, 皮亦可以, 沒想過不以燒臘為主的茶記, 竟然出到靚燒味.雲吞一碗, 呢個味部cross麵部套餐, 又幾獨特. 雲吞, 也是不俗之作, 蝦粒原隻, 惟不夠香口. 一碗有5隻, 咁樣配落個飯餐度, 連

Though it's situated on the main road still it's difficult to locate, obviously serving regulars, it's run by family, you may enjoy homely chat while taking its signature, rice noodles with mushroom, roasted pork, fried fish patty.The fried fish patty was a surprise with a tint of sweetness, nicely accompanied with the half-thin-fat roasted pork, yet the soup was bit oily.The boss was real nice by stopping by and asked if I like it or not and I did reflect and was offered a better one next time.

係上環返工已經幫親咗呢間好多次。佢d野好食﹐仲好抵食。$28午餐跟野飲或例湯。正如其他食評所講service好﹐例湯夠大豌。lunch我鐘意食豉椒雞球飯﹐但唔係日日有﹐同埋叉燒東菰魚角米線不過我會唔夠飽。呢個米線d叉燒唔知點解特別靚﹐食過幾次都係。但反而燒味飯果d就好瘦﹐唔夠肥。早餐食過一次﹐食咗腸粉炒旦﹐都ok﹐但腸粉入面實咗dd﹐可能再炒耐d會好d。唔好既地方係食lunch時好多人﹐要等位。同埋lunch選擇入面一定無炒粉麵飯﹐想食要散叫。但幾好食﹐而且都幾大碟。

其實係指呢間餐廳個外表非常地踎~但係食物水準好好~如果唔係同事介紹我都唔知有間咁既餐廳係電車路個邊~一入到去~人好多~要自己搵位~好彩我地人唔多都易搞D一坐底~同事就叫左個腸仔蛋公仔面~我就叫個芋頭雞飯~(跟例湯)湯上先~非常大碗~好似係屋企個D湯碗咁大~要同人SHARE先可以飲曬佢~仲好好飲~有渣食潻~再黎就係個飯~好大碟又足料~好食~同事個面比較後到~但係一上檯~見到佢個公仔面唔係個D大光面對係用出前一丁嫁~點解~就係一丁個隻獨特!H戈麻油白出賣左佢~真係好香~唔怪得之佢叫呢個啦~亞姐個快手又醒目勁呀~

食完海x , 去埋德勝. 兩個人叫左一個蛋煎腸粉同炒米粉, 蛋煎腸粉唔夠蛋味, 不過都幾新奇, 炒米粉是濕濕的, 好多菜, ok啦!不會有下次了, 因為沒有什麼特別.

己經幫襯左幾次佢既早餐,雞蛋炒腸粉真係好好食,一Ｄ都唔油,仲要好香口今日阿姐仲要體貼問我用蛋白炒好唔好仲要賣8蚊未食過佢既燒味...~搵日試埋先