影片
諗住去完staycation喺黃竹坑行返去香港仔食完個晏晝返屋企。行咗幾間餐廳諗住試吓呢間啦，叫咗叉雞飯，瓜粒湯飯，凍檸茶兩杯，滷水拼盤。叉雞飯嚟到入邊有雞髀腳尾嗰舊骨 ，但係佢冇俾個雞脾我，都唔知點解要無啦啦比舊骨我。果碟蔥油係暗綠色似係整咗幾日，唔新鮮！食落去都食得出。叉燒係正常野冇乜特別叫瓜粒湯飯嗰時問阿姐，瓜粒湯飯入邊有咩餸，阿姐答我師傅俾乜你就係乜🤣 OK，我只係需要知道有冇蛋。因為阿女食唔到但佢冇蛋就算啦！但係黎到見到都真係大雜燴有豬肚豬頸肉，全部都大大件，係求其咁樣煮埋一齊就俾你囉，見到其實都唔想食。。諗住凍檸茶應該正常啲啦⋯⋯點知係冇茶味 ，係似個茶膽沖好多次已經沖到無曬味得返啲色。。好似人生未試過飲過茶餐廳嘅凍檸茶差到咁。。最後兩杯只係飲咗其中一杯既三份一杯，就冇郁過嗰兩杯凍檸茶。。其實以上既野都算，但係佢嚟咗個滷水拼盤先嬲到我哋。佢圖入邊個滷水拼盤$88乜嘢都有好似好吸引，點知嚟到之後同個圖根本係唔不符，跟住佢話你叫嗰個係細㗎，大先係跟圖一樣，大佬啊你嗰個圖根本都唔係寫，完全係誤導客人，其實因為嚟咗呢啲碟野我先影相係呢度寫佢。落單阿姐就覺得係我地錯咁$88點會有圖嗰啲嘢食，但係你個你個參考真係好誤導人！食完以上嗰啲嘢我直頭覺得呢間餐廳係唔尊重啲食物唔尊重啲客人唔尊重佢哋自己！完！
繼續閱讀
點了鹵水鵝片、蠔油芥蘭。味道一般，還算正常。不過服務員非常不懂禮貌，不說謝謝不說再見。點菜時間小姐都不願意站起來，好不容易過來一下還在客人面前剪指甲，感覺髒髒。完全不能推薦。
繼續閱讀
受疫情影響少咗出街食飯，都想買好食啲嘅外賣，未試過德興都想試下，企門口等外賣，見到完全冇客既....？老公揀咗一款飯，而我就揀咗四寶飯，返到去開出嚟睇，呢個係四寶飯！！？？豬耳佔大部份，而燒鴨大部份係骨，加兩條好硬嘅肉！+1隻冇味道嘅滷水蛋。至於我老公嘅燒鴨飯仲慘，靠啲骨嘅味道送飯，完全冇肉食！本身都鍾意飲湯，但係對佢個湯都冇期望，跟住飲兩啖，感覺到加咗幾次水，淡到不得了......不過好好彩，杯飲品冇問題，算係正常可以絕多兩啖，不過經過今次，以後冇下次啦！減到$20一個飯都唔會想食...
繼續閱讀
今日午餐想食好少少所以出左香港仔，行過附近已經聞到好香既滷水味，於是發現呢間店就決定試下。由於成間店既滷水味好濃，所以我都好自然咁叫左個潮式四寶飯食，其實仲有好多選擇都好似幾正，不過留返下次再試啦!過左5分鐘左右已經送到，首先以一個午餐黎講佢絕對係份量足夠，有鵝、豬耳、腩肉同埋一隻蛋，加埋碗熱辣辣既白飯真係好夾。每一款滷水都好入味，唔會過咸或者煮得太耐，鵝亦都係相對上少骨，啖啖肉既感覺好滿足。另外佢既醋亦都係好好食，唔會太酸同辣，就算係腩肉有少少肥肉都唔會覺得膩，今餐真係好滿足!
繼續閱讀
香港仔有間德興小廚開了幾個月 間中都有幫襯 鹵味同小菜都ok 昨晚四條友決定食好D 試咗佢地新出嘅鮑魚雞煲翅四人餐 $888 每人有一隻鮑魚冬菇 一煲翅有五至六碗 龍躉炒球及蒸班頭腩 仲有個鹵水拼盤 味道都唔錯 連酒水$1023 除開每人都係$250左右 有鮑魚有翅 有龍躉 都算抵食
繼續閱讀