御滿屋日本料理

營業中

休息中

🍽 朋友通知這間日式放題餐廳裝修過，坐位舒服 ( 有好多卡位) ，地方光猛又乾淨，所以約咗幾個朋友一齊食lunch， 滿足一下。 🍥 前菜 有別於其他日式放題餐廳，即使是自取的食物，都非常乾淨企理，食物品種比較少見，例如 大大盤的蟹子、海葡萄、大大條的海蜇。 其他的凍盤例如 青口、花甲、翡翠螺、日本漬物、中華沙律，就一定唔少得啦。 🍤 第一輪梗係要食刺身，很少在放題餐廳見到咁大隻 赤蝦，差不多有我手掌咁大，一定要嘗試，另外帶子 都幾肥厚。 🍣 壽司、燒物、炸物 有中上水準。 🍦雪糕梗係指定動作啦，最開心我喜歡的 Haagen Dazs， 有岩鹽焦糖口味，真係大滿足。同時，🍨自助區雪櫃仲有好多款甜品，唯有下次先啦。 🍶 中午放題還包括 清酒和梅酒， 這個價錢認真抵食。由於是中午時間，我沒有飲酒 。這個大雪櫃，見到都開心，我估計有50款以上的飲料。 😋 女仔食放題，90分鐘都好足夠。因為送食物好快，所以都可以食到2至3 round。選了一個75品的 90分鐘放題 成為$198，都幾抵食呀！最緊要坐得舒服，服務唔錯，侍應送食物及收拾都好快手，又唔會漏單， 真係大滿足了！

好朋友生日，佢最鍾意食自助餐，諗起幾年前曾經去過旺角既「御滿屋」質素都唔錯❤️原來而家疫情，佢哋改咗兩個小時放題，價錢只係每位$198，超抵😚地方仲要裝修過，全部卡位，坐得好舒適, 位置係旺角港鐵站一出就到，非常方便。❣️食物方便有差不多成百種俾你選擇：種類有刺身、壽司、火炙壽司、手卷、軍艦、卷物、串燒、鐵板燒物、天婦羅、炸物……….我地就食左🤤🔹劍魚腩、油甘魚、北寄貝、北海道角螺、赤貝、松葉蟹棒、北海道帶子、赤蝦～全部刺身都超大隻，好新鮮好鮮甜，encore 左好多次🤣🔹清酒煮黃金螺～ 黃金螺好大隻，配埋清酒🍶，酒味好香濃🔹海膽手卷～ 海膽好creamy 好新鮮🔹燒紐西蘭羊鞍、廣島牡蠣羊鞍煎得好香，無羊羶味，肉質好淋。廣島蠔好大隻，炸到熱辣辣，外脆內軟，非常香口🔹虎蝦天婦羅～ 虎蝦天婦羅🍤炸得好香脆，虎蝦超級大隻🔹 御品鮑汁燴花膠花膠炆得好淋，好大塊，配埋鮑魚汁超級好味🔹鹽燒海蝦、有機菠蘿🍍雞軟骨、牛舌～ 海蝦新鮮、菠蘿juicy、雞軟購香口、牛舌好重牛味，正！飲品🔹有幾個飲品櫃係自助，好開心有Apple Cider, 配埋炸物串燒一流甜品🔹甜品區都係自助既，有多款蛋糕🍰甜品任揀同朋友一

同同事去食lunch~見到有抵食放題～忍唔住lunch都要食多d😉一入到餐廳有勁大area係for 沙律吧～ 西式，泰式沙律都有！好多選擇，熱食區仲有埋菜～ 方便平時食得小菜既朋友健康下～ 熱爐區有薯角，炸帶子，炸魚柳等～ 帶子真心幾好味～ Lobby 除左有食物area仲有飲品area, 真心勁大個雪櫃～茶，果汁，汽水等，超級多選擇放題最緊要係即點即送個下食得新鮮又開心，我地叫左花之戀，三文魚壽司，芝士玉子肉碎，小龍蝦，鮑汁花膠，仲叫左吞拿魚刺身同赤蝦～ 燒牛舌真心好味～ 燒得好香口！加埋新鮮檸檬汁好正！由於想食小小熱食所以就叫下牛肉烏冬，迷你烏冬份量岩岩好～ 非常之合適放題暖胃食，烏冬都好彈牙美味～ 辣子雞都好香口！仲有粟米～ 牛奶卷都唔錯～～ 炸物好香口！

放題係最開心既時候，因為可以選擇既野有好多～ 餐廳放題真心多選擇就是蝦都有幾款～ 有赤蝦，泰式生蝦同埋甜蝦～ 開心刺身仲有北寄貝同帶子都好清甜好好味❤️個放題除左刺身有好多選擇多～ 壽司都有好多選擇～ 有廣島號壽司燒肥牛壽司仲有帶子壽司等等～ 款式多到選唔曬～ 食左依幾款都好好味既～ 熱食有花膠同小龍蝦都好好味～ 燒牛脷都唔錯手卷有海膽同埋吞拿魚茸～ 迷你又好味😋炸物有炸雞翼，炸榴槤波波同埋炸芝士年糕～ 全部都好好味！炸雞翼炸得好香脆～ 炸榴槤波波一咬落去流晒啲榴槤醬出嚟～ 真心好好味😋！芝士年糕都超正，啖啖都係cheese! 食完油膩野我就叫左碗粥～ 真心超美味！鮮甜嘅海鮮粥～海鮮新鮮又入到個粥令到個粥好鮮甜！前菜嘅自助區域都好多選擇有唔同嘅沙律，炸物同菜～ 真心好多選擇既餐廳雪糕都有好多唔同味道可以揀～

※位置、環境※位置極方便，喺旺角站e1出口出，行一分鐘就到。到胡社生行上1層，無論等電梯或行樓梯上去都好快捷。餐廳環境都唔錯，枱與枱之間嘅相距都還可以。※食物※有A,B,C,D 4個set選擇A set係基本餐，但其實已經好夠食。根本試唔晒所有野，已經好飽。比較其他set，主要分別在於:B set有大目吞拿魚， 池魚王， 紅燒汁煮鮑魚等。C set有中拖羅，澳洲海膽等。D set有大拖羅，加拿大海膽， 魚子醬手捲，海膽鵝肝帶子壽司等。由於A set對小編已足夠，所以都係揀返A set, $208(星期日午餐價錢)可以食2個鐘對小編嚟講，食放題，其中一個最主打當然係刺身!呢度嘅刺身選擇都好多，而且質素都唔差，尚覺新鮮。除左蟹棒同甜蝦，都好鮮好好味。蟹棒略嫌質素麻麻，係嗰種好假既蟹棒。甜蝦就無乜味。上菜既時候都好好，就算點既刺身唔多，都會附住盤冰上菜!讚!其餘食物都不錯，其中最推介要試:1.貓山王榴槤炸彈☆☆☆☆☆好濃榴槤味，又香又濃2.炸蠔☆☆☆☆炸得不錯，粉薄，又唔會太油膩，蠔質素都可以※服務※食放題，每每都會要點餐交單幾轉。平時最怕交單嘅時候舉極手都冇人收單!欣賞呢度上網自助點餐。一

餐廳開十二點，十二點鐘嚟到已經好多人排隊!可見呢間餐廳都幾受歡迎!今次揀左個基本set A($198)試試。用餐時間兩小時，最後點餐時間係用餐時間完結的半小時前。一坐低，即刻落單先!scan 個 QR code就可以落單，我諗可以省卻好多收單、交單既時間，快捷方便!讚!睇下個menu先,嘩!選擇極多!刺身、壽司、手捲、串燒、鐵板、燒物、天婦羅、炸物，包羅萬有!點完餐，就出去取食物區望下!嘩!原來仲有好多野可以任食!都好吸引，例如: 蜆、螺、青口、海蜇，仲有薯條、炸帶子、麵豉湯、有熱食。飲品選擇都唔少:茶、果汁，仲有熱茶!好啦，拎左少少野食，拎埋野飲，返埋位，order既野食已經到左! 上菜上得好快!有效率!又一讚!刺身ok,感覺新鮮。炸物、tempura 都好好味!如果食榴槤的話，佢個貓山王榴槤炸彈絕對值得一試!最後食埋個雪糕!有haggen daz, movenpick 同dreyers揀!完全係滿足的一餐!絕對值得推介!

心血來潮想食放題來到朗豪坊對面，都好多選擇，最後來到一樓這間日式放題，好似新裝修？！環境頗光亮乾淨，坐得舒服！食完去行街～午市兩小時放題，QR落單，方便無漏單，收碟快，這幾點要讚讚👍🏻食物質素對得住個價錢😍人均：$218.總共75項，好多款食完會想再叫…以下5大類精選出來今日最愛之選！.1. 刺身三文魚、油甘魚、赤貝、北海道帶子、希靈魚！So far都新鮮，特別油甘魚、帶子、希靈魚叫了幾轉….2. 創作精選海膽吞拿魚茸壽司好出色，飯細細可以食多啲，叫了三轉～🤣.3火焰壽司火焰三文魚、火焰蒜香牛油熟帆立貝好食！推介！.4. 燒物羊架、蒲燒鰻魚，羊架好有羊味，我好ok!.5. 串燒鹽燒牛舌、燒有機菠蘿兩款必叫！菠蘿多汁又甜！.最後飲品好有驚喜，清酒梅酒任飲，啤酒都有多款，帶男友黎實好愛🤣

一早約咗朋友慶祝生日，原先就係打算食晚餐。點知突然無左晚市，所以就改早啲食啦，因為唔想重新再約過。原來而家係開12點到4點嘅，我地2點鐘上到去。個員工問我地有無訂位，話上Openrice 訂位呢個時段有88折，我哋話咁而家即時上網訂😂不過佢都照俾88折我地。所以大家上去食，可以訂位先，有折嘅。原來呢間已經重新裝修過，全部都係卡位，坐得好舒服！一入門口員工會問你食邊個set,有分ABCD，我地揀左A餐試下先，有75樣食物可以揀。坐低用QRcode落單之後，就可以係出面拎小食，食住等。出面食物好多，有前菜小食，又有海鮮，仲有炸物添！飲品櫃，款式真係花多眼亂！茶類，汽水，果汁。仲有啤酒，Apple cider都有，出面真係好少見！刺身赤蝦，三文魚，赤貝，榮螺肉，帶子，八爪魚，甜蝦，虎蝦。。。。。。真係好多種類。。。啲赤蝦真係好大隻！！甜甜的又鮮味，勁好食！赤貝好爽脆，帶子鮮味，呢3種真係大推！我食左好多轉壽司每樣都點左一件試下，我覺得係啲飯差左小小，因為啲飯好淋，一patpat咁太濕。不過全部細細件，一口一件岩岩好。推介海膽手卷，鮮味唔腥好食！竹笙海皇羹呢個真係不停order！勁好食！好足料

今日同朋友喺旺角行街，收到宣傳單張見到有日本料理放題好似非常吸引，而且價錢都非常合理，我哋就決定去試一試！入到去餐廳嘅座位非常闊落，而且已經坐咗好多人，好彩我哋早咗入場如果唔係就開始要等位。因為我哋係一至四去所以只係$248一位，就可以食足三個小時。而且我哋睇過佢嘅餐牌有好多款式嘅食物，有晒我自己鍾意食嘅鐵板燒同埋朋友想食嘅壽司和刺身！坐低之後佢係自助形式喺手機落單，我哋就好快咁叫咗好多壽司天婦羅等等。佢哋上菜嘅速度亦都非常之快，我哋出去拎完調味料和飲品之後就已經陸續有嘢食到枱，而且佢哋出菜好少有漏單嘅情況出現👍🏻👍🏻打返啲嘢食，佢嘅天婦羅選擇都有好多，有啲比較特別同埋喺出面少見嘅天婦羅我哋都試咗，佢哋嘅炸粉唔算多炸出來非常薄脆！我對佢哋嘅魔鬼魚天婦羅非常有驚喜，平時食魔鬼魚覺得有好多骨，但係佢哋炸到非常香脆但係入面都唔會好乾🤤🤤除咗天婦羅當然唔少得就係佢哋嘅壽司，除咗有好多經典嘅壽司刺身之外，佢哋都有經典創作料理，就好似有一款係芝士肉醬玉子燒非常特別👍🏻👍🏻佢哋嘅壽司都非常新鮮同埋肥美❤️覺得如果想同朋友食日本放題都非常推薦佢試吓呢間餐廳，佢哋除咗食物後OK之外嘢飲嘅選擇都非常之多！

今日又去到旺角搵嘢食，當時朋友就介紹咗我哋去一個任食日式放題，佢哋嘅特色就係做鐵板燒嘅食物比我哋揀，而且佢價錢都好平，平日夜晚成人只係248就可以食足三個鐘頭！佢哋嘅食物種類真係好多，只係前菜都有10幾款選擇例如青瓜、螺肉、泡菜等等👍🏻👍🏻非常迎合唔同人嘅口味，你一定會揀到你鍾意食嘅嘢食🤤🤤餐廳係主打食日本料理嘅，所以都唔少得有好多刺身壽司、天婦羅，我哋都叫咗好多唔同款式嘅壽司同埋天婦羅，就好似有比較特別嘅魔鬼魚天婦羅、玉子天婦羅，仲有其他虎蝦天婦羅等等。佢每款嘅天婦羅都非常特別，而且炸到個外皮好脆又夠簿！除咗天婦羅我哋壽司都叫咗好多唔同嘅款，佢哋仲有一啲係經典創作精選，就好似芝士肉醬玉子燒、蟹子伴帶子壽司等等。佢哋嘅壽司都係非常新鮮，而且都非常鮮甜！仲有非常值得一讚嘅就係佢呢上菜嘅速度都非常快而且唔會有漏單嘅情況出現👍🏻👍🏻餐廳除咗嘢食飲品都有好多嘅選擇，都係可以自己出出面自助形式去提取自己想要嘅嘢飲！

味蕾大滿足-旺角御滿屋任食經典日式放題120分鐘 $198地點勁方便 環境漂亮 餐單款式多 食物新鮮 熱湯🍲粥 甜品 飲品清酒 啤酒… 種類琳琅滿目 眼花撩亂 當然最緊要係點完食物好快上 有最喜愛的北海道帶子刺身 雖然細細粒 新鮮爽甜手卷：細細件好QQ海膽手卷 蟹🦀️膏蟹肉手卷 香蔥吞拿魚手卷蟹子伴帶子壽司🍣👍🏻燒物：鹽燒雞翼 鹽燒海蝦 普通 不過不失喜出望外仲有埋小炒 辣子雞 夠熱 仲有京蔥同三色椒🫑夠哂鑊氣👍🏻竹笙瑤柱蟹肉翅香蔥麻辣雞肉串瑤柱海皇粥 勁足料 鮮蝦 娃娃菜 蜆北海道牛乳海鮮鍋勁足料 鮮蝦 娃娃菜 蜆御品鮑汁燴花膠 竹笙虎蝦天婦羅🍤北海道魔鬼魚天婦羅 南瓜天婦羅 炸得鬆脆 粉厚 勝在即叫即炸仲有每位一客呍呢拿雪糕 🍦Movenpick

第一次食旺角呢間分店嘅日式放題。平日晚上估唔到滿座非常多人。而家食放題其實好抵食，因為價錢唔貴，而且食物多款選擇。我哋揀咗最平嘅75項任食，其實都相當夠食！種類都唔算少，出邊有飲品任飲，連清酒都有。有啲熟食、前菜等等，落單仲可以叫多款刺身壽司串燒、炸物等。刺身基本上大眾化嘅種類都有，一大盤上，賣相靚夠冰凍。而創作壽司亦都有好多款，海膽吞拿魚茸壽司、蟹子伴帶子壽司、花之戀呢幾款味道都唔錯。細細件試少少好味再叫，又唔會浪費。海膽手卷都唔錯。我最鍾意食天婦羅：北海道魔鬼魚天婦羅、蝦天婦羅🍤新鮮炸起又唔會太油膩。吉烈蝦卷脆口。燒物都叫咗少少。鹽燒牛舌夠黑椒味，咬落唔錯。鹽燒雞軟骨，非常有咬口。竹笙瑤柱蟹肉翅足料，北海道燒帆立貝有好多芝士。最平呢一款放題都好豐富！

想款式多又想食日本嘢，兩個人最好就係食放題。有好多款嘢食可以任食。基本上一開頭就叫刺身、壽司～～刺身叫咗帶子、三文魚、油甘魚、八爪魚、蝦等，每日食兩片，已經好滿足！由於壽司都好吸引，所以都叫咗一啲～～花之戀細細個好鍾意食，而且好貴，所以放題有就會叫！！另外仲有海膽吞拿魚茸、蟹籽帶子壽司。東風螺都唔錯～～仲食咗炸蠔同和牛薄燒。牛舌串都幾好食。甜品種類都好多有蛋糕、泡芙、撻、布甸、水果等等～～好豐富～～

旺角行完街，搵食期間，收到阿姐派的御滿屋日式放題紙張，見到餐廳現時段$248/位，任飲任食放題，而且餐廳嶄新裝修，當然選擇試下啦。出電梯已見到非常多人等位，想食唯有等下。餐廳入門口已見到自助放題，有沙律、 小食、小菜、湯，還有炸物炸薯條、炸薯角……，還有飲品、甜品、水果……等等，嘩見到令人興奮！先取了一些喜愛的薯條、薯角、東風螺、青豆……等等，放題開餐喇~~現在落單非常方便，網上qrcode點餐，點後上枱非常快速，食物一下子鋪滿了檯面！刺身要了油甘魚、三文魚、劍魚腩、北海道帶子，尤其喜愛三文魚及北海道帶子，又軟又滑，很鮮味。火針海鰻壽司、忌廉芝士軟殼蟹卷、芝士鰻魚卷……御品鮑汁燴花膠，又淋又滑，任食當真是抵食，我們每人叫了一份。麻辣小龍蝦雖然細細隻，但麻麻辣辣 的又爽口，非常好味。燒紐西蘭羊鞍當然是不可錯過，食落啖啖肉又香口。鹽燒雞軟骨，很爽脆也是很香口。虎蝦天婦羅肉質爽又鮮味，還有南瓜天婦羅~~還有燒有機菠蘿、鹽燒海蝦、乾燒香魚……，真的食到停不了口~~~芝麻雞翼、貓山王榴槤炸彈，真的不可錯過，尤其是榴槤炸彈。最後當然是不可錯過的甜品，食得非常滿足~~~

😆👍🏻好耐冇食放題，今日經過旺角就揀咗食餐好嘅。今次揀左經典A餐😆食足2個鐘！除咗餐牌上嘅嘢食，餐廳都預備咗好多餐前小食，仲有好多熱食可以揀。質素幾好沙律配料都幾新鮮，其他餐前小食選擇都幾多，而且最最緊要係夠凍。👍🏻飲品選擇亦都非常之多，連茶類都有好多選擇。首先一定要食嘅就係刺身，甜蝦好大隻，而且好新鮮，赤貝、鮑片、帆立貝，都非常新鮮。款式十分多，仲有三文魚、帶子、赤海蝦、同希靈魚等等。三文魚同油甘魚都有油香；帆立貝都幾鮮甜爽口。壽司款式生熟款式都有。整體黎講，壽司出品都出色，池魚食感滑爽，和風牛肉同蒲燒鰻魚兩款口味，後者食感稍勝一籌。👍🏻👍🏻👍🏻👍🏻👍🏻👍🏻叫到成枱都係食物好滿足，👍🏻但最緊要食得晒先好叫咁多。另外除咗日式嘢仲有中式嘅花膠😆呢個令我覺得幾意外。仲有天婦羅同燒物。平日食天婦羅最怕皮厚油口，但呢到炸品最起碼無呢個問題。食材只係薄薄上粉炸😆，放題黎講都算不錯。壽喜燒牛肉鍋生熟度都啱啱好，壽喜燒甜甜地，但啲肉略嫌厚左小小。但重點係鍋入面多菜，索晒味👍🏻👍🏻👍🏻最後仲有各類甜品，大滿足。