御泰坊-泰越菜 (已結業)

上星期同幾個同事黎左呢度食lunch, 一行四人, 全部人都未試過, 都唔知好唔好食, 但又夠膽死黎試, 好勇!入到去環境幾好, 我地被安排坐於一張卡位, 四個人坐又唔覺得逼喎, 幾好! 睇一睇餐牌發覺有個四人套餐幾經濟抵食, 咪試下囉, 開始都有d擔心, 因為d套餐通常都差d架嘛, 點知佢又真係幾好!套餐有個湯, 拼盆, 咖哩牛腩, 海南雞, 沙律, 雙菇炒菜同埋蟹肉炒飯, 仲有甜品同四杯飲品! 湯係唔知咩野玉子豆腐湯, 都可以, 不過香茜太多, 我唔鍾意; 拼盆有豬頸肉, 春卷同埋炸雲吞, 豬頸肉係好爽好香, 春卷裡面係芽菜絲, 清中帶脆, 炸雲吞反而一般, 淨係脆; 咖哩牛腩超正, 咖哩又香又辣, 牛腩又淋又入味, 正呀; 海南雞半隻, 雞都幾靚幾滑同埋幾鬆, 可以; 沙律唔得, 因為我唔鍾意; 雙菇炒菜普普通通咁, 可以啦; 蟹肉炒飯係好得, 炒得香, 夠乾身不過蟹肉就少d! 總括黎講真係幾好, 服務態度又好, 野食又好味, 起初仲以為淨係食泰國菜, 原來都唔係好泰國feel, 好多款式, 真係非一般泰國菜, 下次一定再黎, 不過唔食餐喇, 試下其他野嘛! 埋單$320, 咁多

今晚和男朋友食飯，第一次光顧，點了3個菜：麵包咖哩雞、粉皮包、炸蝦多士。第一道來的蝦多士，賣相和味道都不錯，幾脆，差不多有8小件，仲有蝦片放底。之後來的粉皮包，有札肉放面，皮好滑，熱食最佳。最後來的麵包咖哩雞，有少少似食印度野，雞幾滑，幾好味，薯仔就唔太入味，但用佢\焗既麵包沾咖哩食都幾正。佢\d咖哩唔太辣，啱我胃口。兩個人食到好飽，侍應不時來添水、換碟，幾勤力。

補足我生日和預祝另一中學同學生日, 一行十人在此食生日飯.炸蝦餅–偏油, ok爽口.燒鱔–肉質唔夠爽, 也是偏油.炒芥蘭–幾油吓.燒牛肉糯米飯–牛肉仍見粉紅, 肉嫩, 配埋惹味辣汁更正.麵包咖喱雞–汁唔夠香, 雞肉唔夠入味, 胸肉幾鞋.Pad thai –普通, 懷念在泰國食的煙韌金邊粉.肉碎炒飯走辣–無食, 但見食水唔錯.炸蝦多士–切成三角狀, 外形似炸片頭, 但蝦告香唔夠出.泰式炒粉絲–唔太油, 清清地幾素.埋單只需六百幾, 算抵吧!

去完KT拜年, 親戚們唔鍾意飲茶, 而要食呢間我應該係2nd time黎食!7人團, 叫左都幾多野食, 不過可惜的是, 想食咖哩蟹就冇, 話尋賣哂喎... O 哂咀, 之後仲話冇garlic bread, 又係尋晚賣哂...再O 多次咀... 連bread都冇真係有d難以接受, 正如你話我聽一間茶餐廳冇飯賣一樣! 可笑!!1. 豬頸肉米紙卷:: 好清幾好食, d豬頸肉燒得幾香, 食左幾件都唔覺濟2. 越式春卷:: 親戚要求炸得香脆d, 話上次炸得差喎... 所以今次都幾好啦, 食落入面係好熱的... 不過其實本人就不太喜歡呢樣食物3. 香茅豬扒撈檬:: 豬扒好食! 香口... d 檬就差少少, 乾得太緊要, 撈檬都唔係咁乾...4. 炒通菜:: 冇乜特別, 幾油咁囉5. 童子雞:: 呢個有d驚喜, 個雞好滑, 跟個竹筒糯米飯都幾好6. 咖哩青口:: 個汁可以, 但青口唔得! 好唔新鮮!!!! 而且d 汁冇bread配我都冇心機食啦7. 菠蘿雞絲炒飯:: 原個菠蘿上, 其實個味可以的, 不過有親戚覺得d菠蘿腥腥地... 我都食到有腥味, 但視乎你可唔可以接

同行十人大吃大喝一餐1. 沙嗲蝦- 好大隻,燒得好味-讚2. 大蝦柚子沙律- 柚子頗酸-尚可3. 山竹蓮加喱蝦-味道奇怪,因個人口味覺好難食- 彈4. 加喱雞- 太多椰汁,加喱味不足-尚可5. 香茅焗魚- 香茅味入晒落條魚度,個汁亦幾好- 讚6. 春卷- 好香脆好好味- 讚7. 炒什菜- 蒜味好濃,都好好味- 讚8. 野莓園特飲- 有少少似藥水味- 尚可9. 唔知乜野烤牛肉- 牛肉烤得剛好,唔un,個汁好味-讚10. 焗釀翡翠螺- 焗得好香但好少肉- 讚11.送甜品- 椰汁糕及千層糕, 兩樣都好食,千層糕的斑蘭葉味好香好正= 讚整體水準不錯,都值得一試

和同事去食晏, 地點佢揀.叫左兩個lunch set share:1.咖哩牛筋腩飯- 咖哩有椰香, 可再辣D, 牛筋腩得牛腩, 早知叫多筋啦!2.越式雞柳炒粉絲–唔知有乜越式可言, 炒得唔油, 但好像淡了點.同事E請客為我預早慶祝, 很感謝.

和親戚們的飯聚,不然自己真的不會貿貿然來到觀塘搵食,雖然自己不大喜愛泰國菜,但見評語還不錯,姑且來試一試吧大蝦柚子沙律--魚露的份量略嫌多了點,把柚子的味道都給蓋\過去,可以的話魚露由顧客自己來加會比較好炒菜--夠辣,但太咸太油膩冬陰公羊腩煲--自己只嚐了一口湯,感覺上還好,算不上很辣,ok炒飯--沒試,不予致評炸蝦餅--蝦餅厚身,咬下去的時候口感一流,蝦肉亦很鮮甜,再沾點開胃的酸甜醬,好吃麵包雞--賣相可愛之餘,雞肉鮮滑,咖哩汁香香的,一點都不辣,配上香脆的麵包,是絕對會吃上癮的一道自己一向受不了口味太重的菜式,所以覺得還好相對來說,個人覺得灣仔的芭堤雅還比較出色

應該係兩星期之前既食評地方幾大,環境都幾靚...如果坐windows set望落去個view都唔錯架,叫左個半隻海南雞加個白飯,好大份,差d食唔哂=.=佢\有兩隻醬跟埋薑蒜溶同一隻唔知咩醬....酸辣味,好醒謂服務一般,不過吹水吹到太大聲,好似無客o係道咁....

想不到未到西方情人節已經可以來此與女友來一個溫馨二人晚餐整體來說無論是食物環境及服務都不錯當然個別食物可以更好如柚子沙律多少少其他雜菜因為他們的柚子肉真的很多不過這可能是好吹毛求疪溫馨二人晚餐每份$228加一有興趣大家不妨一試

APM食肆林立，選得落手的，其實不多。都幾同意食友的意見，以食物、服務、環境計，這裡是數一數二的選擇了。環境是最強的一環，雖然地方不算很大，四人卡位也坐得舒適。侍應服務也不錯，斟水、換碟也夠主動及快手，有禮貌亦值得一讚。單刀趁會，吃什麼朋友已代打點，好不輕鬆。單看餐牌，也不盡是純泰式的，加入了不少的西洋元素，也較為平易近人。如這裡的沙律，用上大量的長蔥、生洋蔥及西式沙律菜，加入魚露及切碎的紅尖椒，絕對的中/西/泰合璧，配上牛肉，味道又卻不錯。看之前的食評已知，「麵包咖哩雞」是很「人氣」的一味，咖哩雞盛在鴨仔盅內，上面舖上麵包去焗，切開麵包點咖哩汁，賣相討好之餘又吃得幾有新意。咖哩香料及香茅味足，雞肉當然是相對的淡味一點，反而同煮的薯仔是軟腍又香咖哩味。自携紅酒收開瓶費80大元，不算過份。除此以外，當然亦叫來幾支泰啤來撐撐場。是夜朋友請客，是一個開心舒懷的晚上，在此謝過。

食物充滿水準*特別係豬扒,,一試難忘*蟹肉粉絲也好好食*豬頸肉也不錯*令人回味無窮*服務態度好好*價錢合理*

最近新推介:冬蔭公羊腩bowl，５０幾蚊一bowl，抵食。上星期我還叫咗另一個推介：bowl仔飯，又係５０幾蚊一bowl，兩個人140蚊(連加一)。唯一要講:冬蔭公羊腩bowl唔包生菜，要另加$20，唔抵，所以無叫到；其實佢哋如果將ｂｏｗｌ羊腩價錢加到７０幾蚊但送生菜，消費者也不覺到ｄ哋貴。整體來說，一定再試。

黎襯apm又想食好d既話, 我多數會揀呢度, 因為d野真係好好食..上個星期又去左食...差唔多次次必叫蟹肉炒粉絲, 落單個時waiter介紹左款menu 冇既餸, 個名好似叫星洲xxx三文魚, 見佢咁落力介紹, 咁又試下啦, 不過碟野黎到之後都幾失望, 成碟野都冇咩味....下次都係叫返menu既食野好d, 仲有麵包咖哩雞, 個咖哩好好味, 除左用上面塊烤餅點咖哩汁之外, 我地仲前後叫左2藍蒜蓉包用黎點咖哩汁, 另外再叫左個粉同菜, 4個人食飽到上心口呀~

約左朋友放工係APM行個圈, 行完朋友話想食泰國野, 諗都唔諗就去呢間食安排坐卡位, 可能樓底矮既開係, 前後講既野都聽得好清楚第二杯飲品半價, 但唔包酒類所以最後都無叫椒鹽軟殼蟹($58) - 炸粉唔厚, 但來到既時候已經唔熱, 淋淋地口感麻麻, 而個醬汁係忙果汁, 同個食送D味唔係好夾, 所以都無點到素菜粉卷($48) - 薄粉皮包住菜, 冬菇等, 涼涼地口感好清新豬肉生菜包($58) - 生菜很新鮮好似好吸引, 但可惜D豬肉太淡, 要加魚露同食先夠味

和兩位同事食lunch, 佢地很好地為我荷包着想, 選擇呢度比較物有所值.叫左三個set lunch:前菜有酸辣八爪魚–都幾辣但幾好味.餐湯無飲到, 所以不評.1.雞絲撈檬- 雞絲不會淡茂茂, 幾清新開胃.2.海南雞飯–油飯唔太油但唔香, 雞幾嫩滑.3.甜酸魚柳–分量少咗, 雪藏魚柳無鮮味, 汁唔夠濃香.東亞信用卡有甜品送, 椰汁紅豆糕, 有四件, 甜度適中, 反而唔錯.