御好燒廣島燒 (已結業)

叫左個$48輕盈餐, 個燒餅會細D, 但係有舊tiramisu, 好似好好味咁, 點知食落口真係好難食, 好苦, 一D甜味都無!!!講返個燒餅, 明明見佢淋左好多汁, 但係都真係唔夠味, 可能我鍾意食濃味食物掛, 淨係得面ge一層蛋係有味, 下面ge炒麵, 生菜絲, 同埋肉, 全部都無味咁, 好難食... 同埋已經即刻食ga la, 但係都好似唔係好夠熱咁, 我諗佢塊鐵板係唔夠熱ga, 唔係點會果咁細塊燒餅都要整成十幾二十分鐘丫, 睇佢整就好睇喇, 食就一D都唔好食, 同埋真係好唔抵食...

前個2日行經呢個FOODCOURT突然好想去食這呢個廣島燒麵雖然冇影相不過有D野係要打下GE佢個價錢比之前抵好多一個LUNCH SET 有個燒餅同野飲都係$48D 員工態度仲唔錯, 有次食隔離個間大阪王將直情想殺人大阪個間野D員工態度差到痺........好似懶得答你咁UM.......TIMES呢間廣島燒同日本食個D一樣味都係以菜為主, 又夠熱又有口感,,,,,,,,,,,,

是日到時代廣場逛完街後，因為肚餓得很，所以來到foodcourt揾食，見到這裏的師傅不停地炒，便被吸引買了一個蝦燒餅，反正跟餐和散叫一樣價錢，所以跟餐(其實只是多一小杯汽水) 。這個燒餅的主要材料是椰菜、麵、豬肉和醬汁，味道就是醬汁的味道。吃近一半，才發現還未吃到蝦，於是去問問店員，她亦承認放漏了蝦，於是即場煎了隻給我，那當然不是新鮮蝦，食之無味。其實這個大大的燒餅我吃了一半巳「飽」了，可能因為不想再吃，又或者是沒有初吃時那種新鮮感－即是吃厭了。五十多元一塊這樣的燒餅實在不值，如果是十多元一小塊作小食的還好。

昨天到銅鑼灣剪頭髮，由於未吃午餐，決定到時代廣場food court一試廣島燒餅。我看到很多人在某飲食網頁中，把這家店子的食評寫得很差，原因是他們從未曾吃過廣島燒餅，也分不出大阪燒餅和廣島燒餅。我想，現在科技確實太發達，任何人都可以寫食評(包括我)，至於是否專業，就是另一個話題。廣島燒餅沒有大阪燒餅那麼多材料的，就只是炒麵和椰菜，加上醬汁造成的。日本人其實吃得很清淡，所以日本菜來到香港後，就變得不倫不類。我和表弟點了一個11號餐，$65，當然，在日本吃是便宜一點的。記得上次是在一家居酒屋點了一客，好像大約是500yen左右。這裡的味道跟我在日本吃的差不多，椰菜非常之清貼，很juicy的。麵大概都是那種甜甜的味道，有少許肉，在日本，這只是小食，所以，千萬別奢求味道會是一流。餅很大，比我在日本吃的大，可能是賣$65的關係吧，始終中國人還是個計較的民族。最失色的是那個炸魚柳，是暖偏凍的感覺，不吃也吧，下次還是不要套餐，飲品可在city super買，可能更有日本風。再說一下大阪燒餅，大家見大阪燒餅比較多，材料也非常之豐富，日本有些店子是提供了自助服務，我在池袋遇到一家，可惜友人卻不甚興趣，希

今日胃口不大和大舊2人到Time square 搵點小食, 遊到Food court 見廣島燒餅師傅起勁地炒呀炒, 睇到心郁郁, 於是決定要 “廣島燒餅”+ 章魚丸的套餐+ 一杯汽水. $65 聽落都有點貴, 點知食落先知 ….. 先講燒餅, 雞蛋皮作面灑上燒汁, 下面蓋著有”三片”豚肉, 一大墟的椰菜絲, 佔了7成, 一層無味的炒麵, 其實一打開表面已知有搵笨的感覺, 因為除左椰菜絲之外就係麵, 何來賣$65 ? 而味道更是淡同油膩, 無一可取。而另外章魚丸不夠熱, 唔講你都未必知佢係咩 ? 食到一間一小粒章魚粒, 迷底即開！！　一個超級搵笨實套餐, 價錢貴不在話下, 用料以及味道差, 又不夠熱 …今次有如被一個靚女所騙, 勿只看外表 ! 　

24-11-2008要 $70 或以下到銅鑼灣食 dinner, 真係有 d 難度, 大家0係毫無頭緒0既情況下, 好懶咁0黎了 food court 各自買0野食. 而咁多檔之中, 我就(好戇居地)買了呢度的所謂「廣島燒餅」+ 章魚丸的套餐 ($65; 跟一杯汽水).自多年前0係新宿街頭食過章魚丸 + 食過一次旺角買的所謂章魚丸之後, 就對香港的章魚丸零期望, 可能因為咁, 今日呢 4 粒0野又唔算太差, 起碼食到唔少實實在在的章魚; 而最大敗筆, 當然就係佢溫溫吞吞吧.章魚丸一般, 不過低處未算低, 原來廣島燒餅更唔掂 -- 由底至頂分別有一層爛爛地的薄餅, 一層乾乾的椰菜絲,一層又硬又凍仲帶雪味 (!!!) 的豬肉片, 一層又硬又無味的炒麵, 及薄薄一層爛爛0地的炒蛋, 再灑上燒汁, 沙律醬及紫菜粉, 賣相散收收, 食落凍凍的又「乾爭爭」, 味如嚼蠟, 難吃得很! 食到最後, 真係有想放原子彈的衝動. 俾 $65 買一壇咁0既0野, 早知去買 Triple O's!

Date : 18-10-2008Time : about 15:00Okonomiyaki with noodle HK$50Topping : Shrimp HK$5Small Size Coke HK$5The taste is not so good, have many vegetables inside, with about three pieces of something like beef or bacon, no flavour. The sauce was salty.

還記得少時候因為看過亂馬2份1而很想試一次日本燒餅今日見foodcourt有 不如再來重溫童年夢首先一定要提及就係店員好有禮貌!!!我試過咁多間之中 最好既都係這名男店員。叫了有一個topping既燒餅其實味道不算很好 但料是頗多的 特別出面有我喜歡的salad醬同燒汁 成個畫面都好豐富同吸引。將個餅打開 就會見到有好多椰菜 同埋炒麵 而且仲有兩片豬肉其實味道無咩特別 炒麵份量其實可以多點 個餅其實凍左d 同埋好似無咩口感椰菜好多 但味道缺少左點而且價錢絕對不便宜 相比鄰近的店子而言。所以比唔到笑臉了 但服務員的服務真係值得再讚。

見得多卻未吃過日本燒麵，在這裏叫來可配一樣topping的套餐試試，後悔！雖然是即整，但是內裏的炒麵卻不熱又「立」口，椰菜更是冷冷的，加上大大塊鞋口肉片，無理由滿意。也想不到city super的food court衛生情況差了不少，廣島奉送的紙扇，用來拍蒼蠅！

其實今餐唔係食得好滿足!主要原因係這裡的廣島燒同心目中期望的有一點的出入。主要係口感的問題！我覺得燒餅內的層次應該係分明一點，比較結實和有份量的感覺。但這裡的廣島燒內的層次比較鬆散。就好像用筷子分開燒餅後(因為他們沒有切好一份份的原故)，一次都未能從底到面夾著來吃。因為太散，結果只好當『蛋皮包雜碎』來吃。其次係汁醬太多太咸，搶走咗燒餅裏面的鮮味。（不過會有人鍾意的。）第一次認識日本燒餅是從漫畫書『火頭智多星』開始。直至今餐後才下決心上網和上YouTube查吓究竟廣島燒係唔係真係咁整。結果發現原本日本燒餅(Okonomiyaki)起碼分兩種：廣島燒(Hiroshima style)和大阪燒(Osaka style)。簡單來說，大阪燒是將高麗菜麵糊先在小碗中攪拌均勻，再鋪到煎板上煎熟；而廣島燒卻是一層層地鋪上去煎。但有些人在做廣島燒中途會用平鏟或平的蓋壓一下燒餅，讓空氣從中走出來，所以會結實一點。我唸噉會有口感多D!

星期六(16日)與男友係ifc睇完戲，本想去中環勝香園，點知佢放假冇開，之後約兩點出番銅鑼灣食野。由於我們都不太肚餓，二人只點了一個廣式燒餅（＄５５）。看來很大塊，很厚，內裏有好多椰菜絲，但炒麵就好少。食食下到中間先發現有肥牛，不過一ｄ有汁一ｄ冇汁。個汁都幾濃，有點鹹。食左半個燒餅，都覺得幾飽。食完覺得個燒餅都好普通，冇咩特別。

之前睇過冇食到,今次終於有機會試下喇~~哈!唔講咁多,睇下有咩好野先,睇下個餐牌,都唔係好多選擇,所以是但揀左個咩~夏日套餐~有一個炒麵燒餅啦,三粒燒章魚丸,同埋一杯汽水個燒餅係一層粉皮,一層椰菜,一層炒麵,最後係一層蛋,仲有d醬汁之類啦....一咬落去.....唔熱既?!唔係掛?!不過都冇計啦,唔通唔食咩~~基本上成件野係冇味架,只係得d醬汁同沙律醬味,好甜....根本就係正宗既~~行貨!!燒章魚丸更加係行貨中既行貨,仲要凍添.....死未!汽水又細杯到死,咁都夠膽收我$70......真係好夠膽呀!

原本同男朋友去灣仔吃反~ 但因為我隻腳痛所以落咗city super~其實一早己經見到呢間嘢~ (今晚終於食到~ 佢吔標榜唔肥~ 仲只有300卡路里tim)我男友叫咗個set$85 ( 一個餅,有3個餡料~ 揀咗雞肉,泡菜同魷魚~ <其實唔加都得啦,以為放埋入去餅內,点知放係表面, 又唔好味喎@@ 呃錢丫~ 章魚小丸子有 三粒 好味道~ ) 我就無食呢間丫 ~ 去咗隔離個間梨花園 (磨菇牛肉反~ d飯好淋呀~ no good 我好懷念上環個間御面丫~~ (可惜己結業)

我都係睇雜誌介紹,所以經過就試下~~~叫左個最普通的廣島燒餅,同friend share食令我諗起去日本時食的大阪燒我覺得幾好食,值得一試始終唔係度度都有得食有水準的廣島燒(可惜就係無爐係你面前 )價錢,我覺得差唔多可能你去日本食會平d但係,呢度始終係香港好難要求咁多

六月九日(星期一)之前幾個星期睇過d飲食雜誌,有介紹呢度!佢好似日本既店舖,其實係台灣既過江龍!人手好似唔多夠咁bor!得兩個人整燒餅!都有3種燒餅選擇,其實係有1-3種toppings~有魷魚,帶子,雞肉,蝦等選!我地食左可以選擇3種toppings 果種!魷魚,帶子,蝦個燒餅有菜啦,同埋肥牛,炒麵o係入面,個面有煎蛋同埋salad都唔錯架!.....不過d汁唔夠多,其實可以自己加d汁!呢度勝在第度冇同埋新鮮!!!^^o岩哂中意周圍試新野既我地!不過六十幾蚊就貴左dd