御品·千之味 (深水埗) (已結業)

呢個星期返左屯門，今晚補請阿哥食生日飯，阿哥話想食壽司 🍣 我就叫外賣揀咗呢間千之味（冇錯就係之前喺蘋果賣咗大大版廣告嗰間良心壽司店💛）上佢個網站落order都幾方便，落完之後再PayMe 或過數確認就ok, 我住係屯門買夠$500以上加$50運費就ok，送貨方面唔單止準時仲早到，哈哈個司機話怕落雨塞車，都好好禮貌👍包裝除咗保溫袋，仲有乾冰，都好保溫👍👍我同阿哥兩個人叫咗兩個派對盤，一共50件，一盤係火炙壽司，另一盤係雜錦壽司，材料都算新鮮正常，我最愛都係火炙壽司🥰入口即溶，正呀😋😋😋👍阿哥應該夠飽，不過我以我嘅地盤佬食量食完就好似食咗陣風咁都唔係好飽🤣，但因為我請客嘅關係要為我荷包着想，都係夠啦XD🤣都會再幫襯！

忽然間好想食壽司，就搵吓深水埗有乜平平哋嘅日式餐廳，去到門口冇人排隊，諗住即刻可以入去食，一伸個頭入去就俾個員工叫返出去，喺外面等吓先，好似我唔識規矩唔識喺門口寫名咁樣...唔好意思第一次嚟食，唔知道。唔緊要啦食物先係重點。叫咗兩個set，刺身壽司餐$158，刺身有三文魚、北寄貝、帶子同埋甜蝦。壽司有三文魚、吞拿魚、鯛魚、油甘魚、玉子、鰻魚、蟹籽、赤蝦同埋熟蝦，份量好多，仲有沙律+小菜+麵豉湯+甜品迷你雪米糍。魚生都鮮甜好味，後來仲加錢要多兩隻赤蝦。另外一個迷你蟹肉丼刺身壽司餐$138，份量都係超多，有五舊火炙壽司，四款刺身，仲有一個蟹肉蟹膏丼飯，唔逐樣介紹，反正全部都好食。整體來講性價比超高，食完飽到飛起。仲要係黃店，值得支持！

超冰刺身配熱水無味烏冬...刺身是冰的，是冰，還未解凍的樣子咬落去都係冰既沙律只有眼見幾滴汁（不如比細半舊檸檬我吱檸檬汁落去算啦），其實幾滴真係夠？我唔係話要撈湯咁，但呢個份量既汁真係好少前菜螺肉是暖的（？）真是刷新我對螺肉前菜的印象烏冬完全無味，個湯連小小咸味都無，木耳絲硬到可以當牙籤（？）麵豉湯，我覺得去$12店買果d仲好飲過佢其實出餐都算慢，可能慢工出細貨啦？但係我就唔係幾識欣賞因為之後佢見有人等位就趕我走....聽見成班人喺廚房入邊嘻嘻哈哈好似喺party room玩緊咁就算我係街坊真係唔會考慮再幫襯

誤打誤撞之下撞正每月第1個星期二既「感謝日」🙇🏻‍♂️ 幾個指定既午餐17:00前全部都係良心價🥺💰$20咋😵 仲包埋紙包/罐裝飲品添😳 性價比太過份了吧😵👍🏻1️⃣三文魚🍣魚生飯*三文魚🍣 份量十足👍🏻 唔係講笑係厚切添架😍 仲要超級肥美😆 食落幾新鮮😃 魚籽細細粒但量多多😮 紫蘇葉仲要好香添🤤2️⃣汁燒牛肉🥩飯🍚*未食已經傳黎陣陣汁燒牛肉既香味🤤 牛肉沾滿牛肉汁😋 洋蔥🧅好軟腍👍🏻 略嫌牛肉汁會偏鹹少少🤏🏻日式格局既千之味唔算好大, 但質量絕對唔差😌 平時食既價格都唔算太貴😉 良心價格良心小店絕對值得支持💪🏻 下次再黎過🙈 感謝你為香港人既付出👏🏻

五一黃金週，適逢屋企有人生日開party，我哋當然會幫襯黃店，撐「黃色經濟圈」。 今次我哋就幫襯，出曬名黃店嘅「千之味」叫外送速遞過嚟，方便快捷又唔怕染 武漢肺炎。壽司拼盤、劍魚壽司、三文魚丼、鰻魚丼、雜錦壽司丼。各種壽司都做得好新鮮，魚有魚鮮味，壽司飯握得好柔軟又唔會散。鰻魚丼，鰻魚大大件又夠厚肉又小魚骨，鰻魚烤到好香，但係肉質又好鮮嫩，蒲燒汁夠香又甜甜哋又唔會好鹹。三文魚丼，好有特色！總共有三款同三文魚有關嘅，就係三文魚刺身片，火炙三文魚片、三文魚子，有鮮味又好味。壽司多多好好味，又好水準。

有冇人同我一樣都係一星期食一次日本嘅先安樂🤫午市定食真係好抵食！！1️⃣迷你吞拿魚蓉丼刺身壽司餐 $128 (4/5)吞拿魚蓉有口感，會食到碎粒嘅吞拿魚，唔會一pat野咁。壽司方面，全部都係火炙🔥最好食係左口魚裙邊，入口即溶，又重魚油味。基本上全部都重魚油，好正👍🏻刺身不過不失，帶子特別新鮮。2⃣迷你蟹肉丼刺身壽司餐$118 (3.5/5)蟹肉比較乾身，味道唔重。蟹膏比較黏身，份量少，勝在夠重味的👍🏻壽司方面都係火炙，最好味係三文魚腩，入口即溶，好肥美🥰其實個飯我覺得只值3分，但啲壽司會俾4分🥳3⃣珍寶赤蝦 +$20/2隻 (5/5)性價比超高，非常抵食🦐大隻，啖啖肉，鮮甜👍🏻啜埋頭入面嘅蝦膏真係無得輸💯

星期日午市食飯 一點半左右 基本上都滿座甘濟*燒鯖魚定食 $68鯖魚燒得好靚仔 魚皮少少脆 魚肉唔會乾身 送飯一流 白飯好大碗 粒粒飽滿 暖笠笠 我倒左溫泉蛋上白飯 切開蛋黃 啲蛋黃汁流落飯到 好奢侈啊🤤 生菜沙律有和風汁調味同蟹籽 菜葉唔會爛曬或者唔新鮮溫泉蛋可以揀其他野 卷物/玉子/枝豆包麵豉湯或者盒裝飲品 飲品自己喺雪櫃攞 食完正餐 仲有粒手作之店的雪米糍！68蚊 唔使加一 咩都有 超抵食ps 同枱嘅朋友食魚生丼 望落好新鮮大塊 而且價錢唔貴

晚上在深水埗找黃店，很多都排了人龍，呢間都唔例外，所以大家要來，要注意時間喔。之前其實已經幫襯過，是公司到會，發現呢間的確CP值高，當時到會叫了很多壽司刺身熱食，十幾人都食到飽曬，野食份量唔小氣價錢又平。所以今次再跟友人來撐枱腳，雖然需時等候，但看到轉枱速度，上菜都算快既。今次點了兩個定食，四色丼及吉列炸蝦冷烏冬。定食再包主食，沙律，小食，甜品及湯或野飲。四色丼有三文魚，油甘魚，甘蝦，蟹子，墨魚，算新鮮，口感ok，一百蚊有找！吉列炸蝦冷烏冬份量很夠很豐富！特別是烏冬，女生的話應該吃不完啦。整體來說，雖不算高級刺身，但這個價錢已令人很滿足。到會也很值得點這間～

食咗咁多次終於捨得食評了，因為呢間午餐價錢又抵又多花款，日本菜來講都划算。飲品係包埋的，可以免費揀麵豉湯或者飲品，麵豉湯味道唔算濃。迷你蟹肉丼刺身壽司餐 ($118H餐）蟹肉丼嘅蟹肉都幾甜，而且啲飯食落又冇睇落嘅硬身，比想像中好味刺身唔好睇落好似份量好笑咁，但唔單止個面有蝦，下面兩塊三文魚係大大嚿，食落口油脂分布都算平均，一啲都唔慳皮㗎❗️壽司嘅味道夾得唔錯，千島醬係面加少少燒過，提升咗壽司嘅甜味，唯獨係食完隻碟面都有唔少油迷你角切魚生飯刺身壽司餐 F餐（$98）

日日幾乎留咗喺屋企發毛，有胃口都變冇乜胃口，突然抽起咗條筋，好想食三文魚！就叫左家姐介紹嘅千之味！去openrice一睇食評覺得唔錯咁！就決定試吓，外賣叫左三文魚壽司，熟蝦，蚧子，芥末八爪魚，玉子，炙燒黑椒三文魚，汁燒牛肉烏冬，三文魚見相都流晒口水，油脂分布平均！一口連附上的芥末同豉油！有一下子嗆口，十分強烈！三文魚肉質嫩，色澤均勻，又甜又新鮮，仲好肥美！炙燒黑椒三文魚燒得足夠，黑楜椒粒，好香火燒味！熟蝦好大隻！啖啖肉！肉質幾結實！蚧子好甜呀，不腥！（冇影相）芥末八爪魚好新鮮彈牙！玉子不是甜的，冇乜特別，外表幾好！至於烏冬賣相幾好，有粟米，木耳，溫泉蛋好流心，又好滑，牛肉份量多到驚人，嫩又唔肥，汁幾好味，烏冬彈牙，食完心情好番曬！真心推介千之味！

晚市抵食套餐（主食、小食、沙律、甜品、飲品）都係$100+而且套餐款式多，有17款選擇！大概壽司、刺身、拉麵、吉列、牛肉、豬、雞、魚等定食.沙律個汁係柚子醋好開胃.小食：中華沙律.甜品：維記雪米滋飲品：罐裝、紙包、味噌湯刺身壽司餐（$158):刺身有4款-北寄貝、帶子、三文魚客2件同一隻大甜蝦.而且刺身新鮮！壽司： 有9款.赤海蝦好新鮮.套餐仲可抵價話加食物金龍卷（$78）：有8件.仲要配上大量蟹子.不過炸蝦略為幼身.

第一次幫襯因為佢係黃店亦都無下次，女樓面毫無禮貌可言，中午去落單態度已經唔好，套餐包飲品或湯雪櫃嘅汽水唔凍嘅仲要比室溫熱都算，有幾個朋友飲面豉湯，女樓面行到朋友後面又無出聲就咁落湯，咁啱朋友攞茶飲佢就成碗湯淋落朋友隻手度，道歉都無聲仲要怒啤我朋友，之後又無比紙巾善後抹枱咩都無，連問候一句都無……食物質素一般，有d套餐會儲埋其他一樣嘅單至一齊做，所以壽司會好快，熟食就會等好耐，我哋同隔離枱相距咗差唔多半個鐘入坐，隔離枱全部嘢到齊我哋至出最後一個餐戈，足足等咗成大半個鐘最後，唔係黃店就做咩都係啱都要自我檢討吓，食物質素一般服務又差，唔係街坊或者咁啱喺嗰頭嘅根本無需要專登去食

#御品·千之味 (大角咀)公司開party都會食千之味👀貪佢會送外賣又唔貴而且質素好。同男朋友尋覓緊下午茶嘅時候，先知道原來千之味有實體店。見到餐牌佢嘅午市定食真係好抵，見人哋食份量好多，價錢平而且冇+1。不過我哋食下午茶，食唔到好多嘢關係就散叫咗壽司同卷物。呢度有兩款豉油，問完先知，白色樽身係昆布豉油帶鹹味，用嚟點刺身。淺灰色樽身係甜豉油用嚟點壽司🍣。仲有呢度會用上生磨Wasabi，新鮮。細節位做得好好，俾我有一種好專業同一絲不苟嘅感覺。火龍卷，裏面係炸蝦🍤，足料脆口，上面啲蟹籽多到一夾就瀉，點沙律醬，好食。另外散叫壽司🍣 壽司上面嘅刺身帶有自身嘅光澤，睇得出好新鮮。三文魚魚味好香是必點的。仲有做得好出色嘅係灸燒左口魚，魚油燒完出哂黎，令到魚味更香。鍾意魚既油脂感。其他壽司都做得相當唔錯。總結壽司上面嘅前身夠大件同新鮮，飯既份量唔會太大件，一口食得晒啱啱好。最後埋單發現叫套餐抵好多，建議大家叫套餐。大角咀大全街22號地舖

人多懶得個個輪流睇餐牌，通常都會直接簡拼盤比較方便，又唔洗有選舉困難症。小食拼盤有螺肉,八爪魚,中華沙津。八爪魚件件都有夠份量，大大件又好有咬口，螺肉新鮮清甜，而中華沙津雪得好夠凍，清爽又好食。帶子刺身，非常鮮甜，極富彈性，肉質好厚身。火炙壽司拼盤，最鍾意充滿炙燒既香味，三文魚燒出既油脂香，視覺同味覺上都好吸引。仲有層半融既芝士，入口香濃。御品極上壽司拼盤，食材都好新鮮，壽司飯既份量剛剛好，一口一啖，而且飯粒軟韌適中。醬油都有分2種，高身個支味道較鹹，適合用黎食刺身。而另一支就較甜，食壽司岩用，睇得出餐廳都幾講究。臨走前仲有送芝麻味雪米?做甜品，好唔錯，整體黎講真係間性價比高既餐廳。

這間壽司店是有分店的，之前去過大角嘴那間也不錯，多數吃日本餐要排隊是常識吧🤣menu有定食有單點可供大家選擇，我點了一個汁燒雞扒定食另外加了$10二件壽司😍😍另外朋友加了赤蝦刺身，好大隻😍環境不錯，有卡位坐，算不錯了食物保持好的水準👍🏻