御品·千之味

營業中

休息中

渣馬後要獎勵自己，食壽司就最開心🥳 基本上每次外賣壽司都會到呢間，因為性價比高🙌🏻🍣 火炙盛盒 A (25件) $2841️⃣ 火炙左口魚邊我嘅至愛🫶🏻 真係油脂豐富，入口即溶🤤2️⃣ 火炙三文魚腩三文魚腩軟嫩肥美，口感一流。3️⃣ 火炙芝士三文魚驚三文魚腩太邪惡可以食呢個，芝士處於半溶狀態好正😋4️⃣ 火炙芝士鰻魚鰻魚肉質軟綿又香口，無骨刺。5️⃣ 火炙芝士熟蝦熟蝦彈牙唔會太軟爛，加埋芝士就增添鹹香味。🍣 蟹子軍艦 (2件) $16蟹子份量十足，仲有青瓜絲爽脆又健康。壽司係即做即做，外賣嘅水準都可以媲美堂食💯

💖呢間連鎖外賣壽司店不嬲出名高質，同係出面壽司舖食到嘅質素有得揮，今日又黎買番屋企做晚餐🥰。1⃣️千の人氣壽司盛盒D (18件)🍣 $238💖佢地有好多款搭配好嘅盛盒，今次要左D👇🏻🔸赤身吞拿魚4件：口感厚實，咬落較腍，佢地嘅壽司飯好出色，飯粒飽滿、濕潤度好，醋飯嘅酸甜味啱啱好，微開胃🔸赤蝦2件、甜蝦2件：赤蝦肉質較爽口飽滿，味道鮮得黎清新；甜蝦口感更軟糯，味道鮮甜🔸吞拿魚蓉黃瓜小卷6件：魚蓉口感軟綿又滑，配上爽脆嘅青瓜口感豐富🔸芥辣八爪魚2件、三文魚籽2件：芥辣八爪魚嘅芥末味唔嗆，恰到好處🤏；三文魚籽大大粒，魚油香味濃郁2⃣️加州反卷(4件)🦀️ $38💖出面係爽口嘅蟹籽，包裹住蟹柳、蛋、青瓜，出面仲有香口嘅mayo🤤。3⃣️龍蝦沙律軍艦(2件)🦞 $18💖口感綿密，帶微芥末味，唔會喧賓奪主👍🏻，食到鮮味。💖佢地除左壽司拼盤，仲可以單點壽司同埋有刺身飯等選擇，港九新界都有分店夠曬方便！

呢間千之味全港有成8間分店，主打外賣壽司拼盤同日式定食，都幾多人黎叫外帶壽司，啱哂開party食。佢每個外帶壽司都附帶埋冰包，保持魚生新鮮。今晚我叫左千之味壽司盛盒D，共有25件壽司（三文魚腩×5，辣味三文魚x4,三文魚粒x4,火炙黑椒三文魚x4,火炙三文魚x4,花之卷x4)。呢個盛盒主打三文魚，中意食三文魚既朋友就啱啦。呢個盛盒$288，兩個人食啱啱好。佢啲三文魚都好新鮮肥美，壽司飯都好味。呢啲壽司拼盤仲有不同件數，同埋佢都好多一人定食款式，係外賣既好選擇！

今日返工有啲攰，決定買份豐富小小嘅宵夜返屋企慢慢嘆😛 無咩期望之下，竟然有驚喜，呢個價錢有咁嘅質素，係我心目中絕對好味同抵食過好多大型壽司連鎖店😳甜蝦刺身👍🏻👍🏻甜蝦肉質爽彈，最正嘅係連蝦頭都咁鮮香🤤✨ 第一下入口驚艷咗我，有小驚喜，唔係平價放題中常見又霉又瘦既蝦😛北寄貝、赤貝、帶子、特大赤蝦壽司同樣都係好鮮甜😋 價錢非常合理-火炙海贍壽司比較少見嘅壽司，買黎試一試。海膽冇腥味，海水鹹香味唔突出，帶少少甜味，整體合格👍🏻✨-吞拿魚蓉軍艦吞拿魚蓉加埋蔥絲，滿足🤤芝麻雞翼👍🏻👍🏻不得不提芝麻雞翼非常好食，成隻雞翼都好入味，調味恰如其分，非常推薦🥹

晚餐又唔想煮食外賣就最方便, 而外賣壽司就更加方便我揀完就走得, 但要高質又抵食既就真係要想再睇下喇, 返到黎元朗就記起有間千之味價錢抵質素又唔錯, 所以今晚晚餐就係佢喇😆1/ 三色吞拿魚蓉丼 $98呢個三色丼有哂我中意既鮮蝦, 帶子同吞拿魚蓉, 樣樣新鮮美味, 而我中意食千之味因為佢地連飯都好食, 撈埋魚生一齊食相真係一啖接一啖!! 而佢而且呢個餐價錢已經包埋汽水飲品其實真係幾抵👍🏾2/ 帶子壽司🍣 $37咬得出黎一絲絲既帶子肉鮮味十足, 而且幾大件完全蓋住壽司飯!🤭3/ 中華沙律壽司🍣 $15平平地叫左個中華沙律, 佢比一般所食到既有的唔同, 咬落去chocho聲好似食緊菜咁, 好有趣!☺️4/ 蟹子壽司🍣 $16粒粒分明既蟹子壽司仲粒粒都脆卜卜, 而且滿到溜哂出黎!😋5/ 海膽壽司🍣 $48超大片海膽食落軟綿綿海水味滿滿, 就算夾住飯食都鮮味十足!🤩6/ 軟殼蟹天婦羅🦀 $68熱辣辣既天婦羅炸得好酥脆, 咬落去啖啖肥厚既軟殼蟹肉, 非常好食!👍🏾7/ 火炙三文魚🐟 $25用新鮮三文魚再係面頭炙燒, 所以食落口仲非常嫩滑, 令人好掛住既味道!!😊

壽司盛盒首選～千之味想食好耐架啦☺️ 咁岩聖誕節🎄屋企人黎開party，一於叫兩盒黎比大家食！有盛盒真係好方便，幫我配搭好，而且除返開每件都係$11，性價比好高！🍣千之味壽司盛盒A (25件)$268.0 🍣三文魚壽司5件帶子壽司 4件鰻魚壽司 4件玉子壽司 4件赤身壽司 2件油甘魚壽司 2件吞拿魚沙律壽司 2件龍蝦沙律壽司 2件🍣火炙盛盒 A (25件) $284 🍣火炙芝士三文魚壽司 5件火炙三文魚腩壽司 5件火炙芝士熟蝦壽司 5件火炙芝士鰻魚壽司 5件火炙左口魚壽司 5件三文魚，帶子刺身好鮮甜，龍蝦沙律都好正😋 赤身就有小小腥～ 其實我一直都麻麻地食🔥火炙壽司，但見咁多人話依間火炙好食，我一於試下！😳真心好食，層次豐富入口即溶，特別係火炙芝士三文魚🍣 火炙芝士鰻魚同火炙左口魚❣️ 一定會encore🤣🤣

高質壽司刺身店全港都有分店的千之味，元朗區的分店在合益中心，不過唔係旺位，我都係朋友講先知道食飯質素唔差，又平搞聚會的話外賣依度的拼盤係好選擇好多款比你簡餐廳環景都乾淨，堂食都唔錯

今日試呢間！因為我唔食魚，佢刺身同壽司嘅套餐好多都唔係咁啱我食，所以全部散叫，龍蝦沙律軍艦，火焰芝士熟蝦，火焰芝士帶子，吉列炸蝦卷，三文魚壽司，軟殼蟹反卷，蟹柳玉子燒。包裝都幾好、豉油同Wasabi都俾得好夠，仲好貼心咁有一個冰袋包裝。食物質素都算新鮮，但係有個問題就好似我主題咁講啦！點解啲壽司（除咗三文魚）全部都甜嘅？Wasabi又一啲都唔辣，壽司全部都甜，幾款都係，我真係覺得好奇怪。我食過咁多間壽司未試過一間啲壽司全部都甜，唔知個製作過程有咩問題？講真真係唔啱我食，唔會再試啦！如果你鍾意食甜嘅你可以試囉！

近排天氣咁熱，我又懶，真係唔想煮飯，咁不如食壽司啦！一於試吓👉👉御品·千之味 《15 件壽司拼盤》，包括有帶子壽司，劍魚腩壽司、油甘魚壽司、赤身吞拿魚壽司&吞拿魚蓉軍艦壽司，每樣各三件。《帶子壽司》，帶子大大隻， 口感當然豐富，啦，味道鮮甜，仲好爽口彈添。《劍魚腩壽司》，肉質雪白，魚香味比較濃郁，味道鮮甜。《油甘魚壽司》，肉質明亮帶淡紅色，入口甘香， 油香十足，惹味！ 《赤身吞拿魚壽司》，大大件厚切， 口感紮實，鮮味濃郁。《吞拿魚蓉軍艦壽司》，口感綿綿密密，配上青蔥，更加清新， 好味。 《三文魚腩壽司》加咗3 份三文魚腩壽司，肉質細嫩，又鮮甜又肥美，好食。 外賣$300就可以送貨㗎啦， 勁方便呀！

今日去左元朗探朋友，當我地仲諗緊食咩外賣時，就見到這間日式餐廳，有定食，有壽司拼盤，有串燒！好多選擇今次人數不多，叫了兩個定食，加埋個壽司餐同螺肉小食，去唔到日本旅行都可以滿足下「日本」胃。鰻魚飯定食，鰻魚肥美，鰻魚汁香而不濃，不會蓋過鰻魚的香味，一個字：正！燒汁牛肉飯定食，牛肉嫩滑，份量十足，好香，送飯一流！定食套餐還配有螺肉小食及沙律，性價比極高！ 十件壽司餐，有九款不同類型（三文魚二件，油甘魚，白身魚、赤蝦、吞拿魚、蟹籽、熟蝦、玉子、鰻手），啱晒同人分享，好抵食！

平日在家用膳 吃慣自家煮的家常菜式成日煮飯諗吃乜餸都頭痕而且天氣炎熱 外賣成為最方便的途徑解決早，午，晚餐咁當然都不少得深受香港人歡迎的日本菜🍱🍣 再一次order 廣為人知既壽司店御品千之味不知不覺開到第8間分店 恭喜恭喜🤗🤗🤗到會party🎉必選的壽司刺身店😋 御品·千之味深水埗荔枝角道390C號利聯益大廈地舖 大埔安慈路1號海寶花園地下15號舖 大圍積運街海福花園商場地下31-C1地舖 長沙灣福榮街218號美居中心地下64號舖 觀塘榮業街2號振萬廣場地下G號舖 荔枝角長義街10號昌隆工業大廈地下3A2號舖 元朗合益路17-53號合益中心地下25號舖 屯門屯門鄉事會路112-140號雅都花園商場地下G4號舖

今次來到元朗一間外賣壽司店（御品-千之味），這間店舖裝修帶有日本色彩，店內裝修簡潔，原來已有多間分店，可想而知食物品質有一定質素，所採用食材多數由日本空運到港，超級有誠意！我點了一個三文魚腩刺身，三文魚腩厚切，厚身又帶有口感，吃一口三文魚腩，在口腔內慢慢咀嚼，魚油甘香，滿口滲出油脂非常好味，證明食材十分新鮮。北寄貝壽司，我很喜歡食，北寄貝入口煙韌爽口，口感非常正，加少許豉油和Wasabi一齊食，攻鼻的感覺和北寄貝帶有的鮮甜，不得了。蟹子軍艦，看見表面橙色滿滿的蟹子，蟹子每粒都很渾圓，一食入口蟹子在口腔內爆開，卜卜聲，鹹香的味道，加上蟹子的口感，正！正！吉列炸蝦卷，表面黏滿了蟹子，吃一口蟹子卜卜脆，中間珍珠米煙煙韌韌，最裏面的吉列炸蝦十分鬆脆，吃一口有三重感覺，真不錯。蟹子沙律，表面鋪滿了滿滿的蟹子，加上沙律醬攪勻來食，青瓜絲清甜爽脆冷冷的，有蟹柳和蟹子，天氣炎熱食個冷盤，真寫意。今次一場嚟到元朗，食完之後感覺都冇令我失望。

去完泰國一個月 番到黎就勁想食日本野 ，但有時又懶得落街食，於是就叫外賣千之味真係一間回頭率好高既外賣sushi店，一直都keep到好好既水準特別係佢個三文魚腩刺身 真係超肥厚 又鮮甜 每一次黎都必叫 好正而佢個赤蝦sushi都唔同其他店用既蝦 好有海水味 又唔會腥 呢個價錢真係有驚喜另外不得不提係佢個火炙系列 係個店外真係睇住師傅用火槍燒 新鮮滾熱辣 芝士溶化落隻蝦同鰻魚到 真係不得了呀其他sushi都相當抵食 今次仲叫左蟹籽 三文魚 腐皮 吞拿魚蓉等等 全部都係平均$10一件 性格比相當高！

今日喺元朗行街，行經合益路發現開了一間日式外賣店，心思思好想食日本壽司，就決定買外賣回家吃，店舖新裝修，入到店內清新乾淨，選菜單點了自己喜歡的食物就交給店員，店員很有禮貌，大約等了10分鐘左右，外賣已經在我手裏。我點了一份三文魚腩刺身，入口魚腩肉質爽口，有口感，三文魚腩在口腔裏慢慢咀嚼，魚油慢慢滲出越食越甘香，非常肥美，而且魚腩十分厚身很大件，食材非常新鮮，冇得彈。海膽軍艦，看見表面滿滿的海膽，已經流口水，一放入口海膽獨特的甘香味，在口腔內徘徊非常甘甜，食得出海膽很新鮮。三文魚子軍艦，眼看表面滿滿的三文魚子，半透明橙色十分吸引，當三文魚子一放入口，魚子在口腔裏爆開，鹹香的味道充滿着口腔，我非常喜歡。北寄貝壽司，我喜歡他的口感，肉質爽口而且越食越鮮甜。蟹子軍艦，表面放滿了滿滿的蟹子，顏色鮮艷，一放入口卜卜脆的口感， 蟹子爆開鹹鹹的味道，我十分喜歡。芥末魷魚軍艦，一放入口芥末的味道直上我的腦袋，魷魚粒有口感加上芥末一齊食，很好味，店舖選用的食材十分新鮮，而且看得出師傅用心的製作，會再幫襯

星期6日唔想煮飯，老公就去嗌外賣返黎，2人餐夠哂我地一家3口食lu, 等左9 個字，終於都有得食啦🤤💛💛刺身拼盤有牡丹蝦兩隻，三文魚同赤身各兩片，仲有鮑魚，蟹腳，好少可可以食到生既蟹腳。👍💛💛壽司拼盤如圖～有幾個唔同味道嘅花之戀，魚類及貝類，仲有甜蛋壽司，食到呢度都飽左啦！💛💛刺身沙律有一粒粒唔同嘅魚類刺身沙律，仲有啲三文魚子，幾fresh!💛💛炸雞軟骨拼炸墨魚如圖，送到過嚟都仲係酥脆，又唔會炸過龍，比較乾身冇吸油，ok👍💛💛日式冷麵味道正常，好多醬