影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
🔸千之海鮮拉麵💰88 湯底十分濃郁，用佐大量蝦殼製作湯底！仲有好多櫻花蝦，有蝦🦐、大大隻扇貝、仲有叉燒🤤任何拉麵中添加鵝肝壽司只需額外💰1，實在太高性價比！必食啦😎🔸特上刺身拼盤💰148 多種刺身，有赤蝦、三文魚、帶子、北寄貝、鯛魚各2款～每件都厚切😍口感同味道都好正，赤蝦仲超大隻又鮮甜！🔸火炙壽司餐（套餐）💰136 套餐包含佐10件火炙壽司，高質！每件壽司都厚實，仲搭配埋小食及沙律～套餐中添加三文魚海膽手卷只需額外💰28，啲料好豐富！厚切三文魚及海膽好新鮮🤤啖啖肉套餐還附送飲品，青檸梳打，清新可口。🔸日式什錦燒餅💰48 燒餅即叫即整需要等候25分鐘，大大塊！有成7.8塊咁多🤤口感鬆軟，內餡豐富，每啖都充滿層次感。🔸野菜牛肉鍋💰78 野菜和牛肉嘅口感豐富，牛同野菜嘅份量都鋪滿成個鍋！好抵食～🔸味淋魚乾💰48 味道濃郁，口感煙靭，非常適合作為開胃菜。搭配酒作為小食更佳。🔸唐揚雞軟骨粒💰28 雞軟骨粒外層酥脆，內裡軟嫩，口感爽脆。🔸唐揚魷魚鬚💰28 魷魚鬚係下酒嘅好夥伴，外層酥脆，內裡爽口，非常適合作為小吃。
繼續閱讀
放工近近哋就去咗食千之味，出晒名平靚正😆既然未去過九龍灣呢間分店，一於又入去打擾吓先😋🎬 千の海鮮拉麵不得不試佢哋嘅呢個海老濃湯拉麵🍜首先個湯底真係無得輸，蝦嘅味道係好濃郁🦐因為佢仲會有櫻花蝦嘅加入，令到個湯底係double香濃👍🏼而我嗌嘅呢一個海鮮拉麵，有隻珍寶海老，巨size😲仲會有帆立貝、叉燒、溏心蛋，豐富嘅配料加上特濃嘅呢一個蝦湯，抵食之餘又好食🤤𝄢..🎬 鵝肝壽司期間限定嘅一個優惠😍+1蚊就可以追加鵝肝壽司，好肥美呀🤩嚿飯吸咗鵝肝滲出嚟嘅油份，一嚿就啱啱好喇😆𝄢..🎬 壽司餐人氣嘅壽司餐所包含嘅10件壽司都係比較大眾化口味🍣三文魚、吞拿魚、赤蝦等等都會見到😋壽司嘅size都算大，亦都好新鮮，啱晒一個人嘅份量👍🏼𝄢..🎬 芝士鰻魚玉子燒邪惡到極嘅玉子燒😍芝士佈滿整個玉子燒上面，就好似瀑布咁🤭玉子裡面仲有鰻魚，每一啖都係滋味同邪惡😆蒲燒過嘅鰻魚亦都帶有微微嘅甜味同焦香😶🌫️芝士溶化後加埋拉絲效果🧀亦都豐富咗層次感！𝄢..🎬 極上刺身拼盤集鮮甜於一碟嘅刺身拼盤，有埋海膽嘅呢個價錢真係幾抵食😋海膽甜美，魚肉肥身，蝦肉又爽甜🤤仲有三文魚籽波波，夾埋紫菜海膽，簡直係一流🤞🏼𝄢..🐾 味淋魚乾🐾 唐揚炸雞食開佢都唔太擔心佢哋嘅質素，食壽司刺身最緊要新鮮，而且佢哋個價錢做到好平民🥹就算lunch行多幾步過嚟食都值得喇🤓🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 ➤ 9️⃣✿
繼續閱讀
《御品·千之味 - 九龍灣》成日覺得九龍灣冇咩好食嘅日本嘢，但原來行過德福少少嘅商場匿埋咗一間人氣嘅居酒屋，價錢同埋食物性價比極高，食物嘅種類都好多😌有串燒、壽司、拉麵烏冬等等🥴當日收咗工，我就同個朋友一齊過咗去食壽司同飲番杯🤓瘋狂食，都係食咗六百幾蚊炸💁🏻♀️真澄柚子酒 $138如果唔想飲咁強酒精，果酒就最適合不過啦，味道香甜又唔會太濃烈，凍飲或者加冰都唔錯💁🏻♀️千之海鮮烏冬 $88見到介紹話佢呢度個蝦湯底好有名，因為用咗大量蝦殼去烹煮，所以蝦味極度濃郁💪🏻可以選擇要拉麵或者烏冬都得，入面有一隻大蝦🍤元貝、流心蛋同埋肥美嘅叉燒，味道濃郁，而且好掛湯，食得出湯底嘅真材實料👍🏻仲有最抵嘅係惠顧任何拉麵或烏冬都可以加一蚊1換購焦糖鵝肝壽司一件😍呢件壽司我都覺得係必點的💁🏻♀️焦糖鵝肝壽司 $28肥美嘅鵝肝放咗砂糖再燒焦，香脆香甜！超級邪惡，鵝肝嘅油香滲透咗落個醋飯度，食一件一定唔夠喉🤣💁🏻♀️帶子壽司 $18帶子壽司都好新鮮，個帶子有個種黏糯嘅感覺，都算幾大件👍🏻💁🏻♀️三文魚腩壽司 $12去食壽司一定會食三文魚腩，唔算好肥身，但係咬落有魚油香，$12/件算抵食💁🏻♀️芥辣八爪魚 $28飲酒必點嘅小菜，呢度配埋紫菜俾你包住嚟食，脆卜卜嘅紫菜包住微辣既芥八原來都幾好食💁🏻♀️蟹籽沙律配沙律醬 $35呢度嘅蟹籽沙律可以配沙律醬又或者芝麻醬，計我話蟹籽沙律一定要配返沙律醬先至夠滋味🥴個沙律醬係另上的，咁就唔驚啲青瓜絲太早吸晒啲醬汁易淋，所以食嘅每一啖都仲係好爽口，配合蟹柳絲同埋蟹籽，食到多重口感💁🏻♀️海膽軍艦 $28朋友話個海膽嘅味道唔錯，偏向清甜嘅嗰一種，唔係濃味嗰一隻，不過睇落都好新鮮同埋好Creamy，$28個人覺得都算抵💁🏻♀️火炙左口魚 $14我的最愛，左口魚一定要燒過先至更好食，配合咗少少岩鹽吊返起個油香，必食💪🏻💁🏻♀️脆肉瓜1串 $15有冇人同我一樣去食串燒一定會叫翠玉瓜？唔知點解總係覺得翠玉瓜經過燒烤後特別好食同埋Juicy💪🏻配少少岩鹽已經好好味💁🏻♀️牛舌1串 $25牛舌我就覺得普通少少，記得要趁熱食，如果唔係凍咗就會有啲韌💁🏻♀️芝麻雞翼2隻 $38芝麻雞翼都做得幾出色，外面好酥脆而入面都仲有肉汁，連埋雞翼尖都炸到酥脆，鍾意食雞翼的話可以一試💁🏻♀️芝士鰻魚玉子燒 $88店舖人氣推介👍🏻玉子燒入面放咗燒香過嘅鰻魚，出面放咗燒溶嘅芝士同埋淋上大量沙律醬，成件事好惹味亦都好邪惡，兩三個人share食就剛剛好啦
繼續閱讀
九龍灣有間任食壽司放題, 價錢幾吸引於是就去試下！🍢 雞軟骨粒炸得香脆, 咬落有嚼勁, 送酒肯定一流。 🥗 和風沙律蔬菜沙律, 醬汁開胃, 用嚟清口唔錯選擇。 🍣 壽司/軍艦三文魚海膽花之卷賣相靚, 海膽味道唔算好濃, 但配三文魚同海膽配合都OK。 海膽軍艦海膽份量足, 好有鮮味, 亦食到有少少海水味。 吞拿魚蓉軍艦魚蓉夠多, 份量很配合, 口感好好。芥辣八爪魚軍艦八爪魚爽口, 芥辣味唔會太攻鼻。 蟹子軍艦蟹子爆多, 口感脆卜卜, 發揮唔錯。 🔥 火炙壽司火炙鰻魚壽司鰻魚肥美, 醬汁香甜, 必食！ 左口魚邊壽司魚油香濃, 入口即化, 推薦！ 🐟 刺身壽司甜蝦壽司蝦身鮮甜, 夠晒鮮味。 藍鱔吞拿魚大拖羅壽司油脂豐富, 口感軟滑, 好食必食！ 象拔蚌壽司爽脆鮮味, 口感極佳。 馬刀貝壽司口感爽甜, 入口爽脆煙韌。 北寄貝壽司水準之上, 好好口感。赤蝦壽司比甜蝦大隻少少, 鮮味濃。 鮮帶子壽司帶子厚身, 好鮮甜, 必食！油甘魚壽司魚肉肥美, 油香夠, 值得試。 三文魚壽司好夠新鮮, 肯定唔會錯嘅選擇。 八爪魚壽司咬落爽口, 肉質夠煙韌。 價錢經濟又合理, 而且上菜速度算快, 食壽司嚟講真係抵食 👍🏼成人$188, 小童及長者半價。加推特上升級優惠+$78, 多30分鐘放題時間, 仲可以任食甜蝦、大拖羅、海膽壽司手卷 🥳享用時間: 60分鐘 (45分鐘截單), 90分鐘 (75分鐘截單)。
繼續閱讀
九龍灣千之味分店近排推出咗60分鐘放題，$188再加一就食到60分鐘壽司放題，性價比超高，完全啱晒我同我老公！我就梗係唔執輸同埋我老公一齊去食啦！❤️❤️超過50款食物，有壽司、軍艦、小食、炸物等，仲有各種茶飲/汽水！而我最鍾意嘅係花之戀壽司！外面勁厚嘅三文魚，仲有沙律醬同滿瀉嘅蟹籽！我都點咗兩轉💓再嚟就係佢啲炸物真係即叫即整，上到枱仲熱辣辣！最鍾意食就係天婦羅蝦同炸蠔！真係勁新鮮勁好味！✨仲有其他多款唔同嘅壽司，例如帶子，左口魚邊，火焰三文魚，赤蝦等，同埋我同我老公最鍾意嘅辣味三文魚軍艦同芥辣八爪魚軍艦！真係好食到下次一定會再返嚟🫶🏻
繼續閱讀