御和亭日本料理

營業中

休息中

呢間太和人氣排隊日式餐廳，午市套餐好多選擇，都比其他嘅日式餐廳平，套餐仲包咗沙律、餐前小食同茶碗蒸。今次試咗壽司拼盤同天婦羅，兩樣嘅食物質素都好高，天婦羅絕對唔會食到成口油。

午餐外賣咗三份特上雜錦壽司，包含八件壽司兩件捲物。其中兩件壽司，一個係蛋捲，一個係青瓜絲，想食呢個set嘅朋友要留意。亦有打咗去舖頭查詢，回覆指因應食材每日所以唔同。我就唔明，重覆其中一款魚都得姐，點解係青瓜絲？青瓜絲不嬲喺日式餐廳係用嚟伴碟。同埋用蛋捲或者青瓜絲做一件壽司，點解唔同個客講聲？如果知道係呢款食材，起碼仲有得選擇要定唔要，或者轉其他餐。一直都食開御和亭，依家對佢好失望，仲有外賣自取已經少咗蒸蛋。

17/11/2024📍御和亭日本料理呢間日本餐廳係大埔 中午開門冇耐就full晒 排咗半個鐘先入到去⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨御和亭魚生丼御膳（$88）呢個角切魚生丼好抵食 啲魚生都好大件又新鮮 食落好鮮甜 有三文魚、吞拿魚、赤蝦、玉子燒、青瓜、章魚 好抵食 88蚊呢個份量質素無得輸🤩✨極上魚生丼御膳（$138）呢個丼嘅食材再高級啲 有三文魚籽、吞拿魚蓉、赤蝦、帶子、海膽 全部都咁鮮甜😍個set仲包茶碗蒸、麵豉湯、沙律 茶碗蒸唔會有蛋腥味 沙律都唔hea 不過份量感覺上就少過另一個丼⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$226（冇加一）以呢個價錢嚟講 啲魚生真係唔錯 下次想試下佢啲熱食😚推薦指數🌟：4/5📍大埔翠和里1號永發樓B座地舖

其實每星期都會到御和亭lunch / dinner食物質素及性價比一直保持得很好但你預咗食到好受氣 + 好似欠佢錢咁話說，我哋一點入座，講好咗60分鐘用膳時間。然後不斷催你落單，到咗12:55勁惡同你講叫你即刻埋單，因為已經夠一個鐘，但明明仲有5分鐘跟住極速收走你枱上兩杯水，仲要潑到成張枱都係水，果下我真係呆咗，我埋完單都冇一個鐘，唔使俾人潑水丫？跟住俾錢想用八達通，個阿姐叫你同佢等到部機有聲先移走，本身溫馨提示係冇問題，重點係態度真係超級差，命令你做嘢咁我仲好記得個阿姐係矮D負責收錢嘅食物係好好，但態度差成咁真係唔會再嚟食

平時極少寫食評 除非間餐廳真係太過份…🙂🙂鋪頭關門時間寫住10pm 我地8:35pm左右入席 食到9:30左右 d侍應就係甘收走d碟 連有食物未食完既碟/食客進食緊個碟都想收走係咩事？當時仲有樣食物未上齊….仲要勁大聲係食堂叫入廚房 同洗碗個個講仲差幾個碗 然後幾個侍應企哂係我地附近望住我地食野又係咩事？？？食餐飯食到甘大壓力都係第一次…..另外9:30pm先黎話last order 有冇野要落單即係野食就俾落 錢就識賺 但食野時間就唔俾？如果以上既事發生係9:50pm或之後 我可以理解 但唔好營業時間寫10pm closed 9:30pm就開始黎趕客…1. 諗清楚你地係想做到9:30pm定係10pm2. 唔想甘趕就將last order 提前到9:00/9:15pm3. 一間收10pm既餐廳 請預留足夠時間俾洗碗工收尾清潔 依家俾我既感覺係9:45pm洗碗工就要收工甘 4. 提升前線員工既服務質素….common sense please食材味道係唔錯 但有食物質素既日本餐廳 香港都唔少🙂 甘既服務態度真係唔會再幫襯👎🏻👎🏻 唔係要侍應向客人卑躬屈膝 但起碼要有基本禮貌+服務🙂🙂🙂

一段時間沒有到來，但水準仍保持一貫的高。今天非常幸運，門外竟有錶位泊車，而無需泊較遠的停車場。中午未到12時，門外已有人龍排隊預備入內，開店不久已坐滿，遲來的唯有等下一輪了。今天我點了”極上魚生丼御膳”，首先有沙律、湯、蒸蛋、前菜，蒸蛋是我喜歡的，口感非常細緻，之後到主食丼飯，赤海老及帶子非常新鮮，海膽、三文魚籽、碎金鎗魚腩拌飯好鮮味，份量足，每次到來都沒有失望，而價錢亦非常實惠，性價比高，值得再來。

撞啱朋友生日，另一位友人係呢度翻頭客，推薦住北區嘅我哋一同去試！居酒屋位置唔算好多，不過今晚都係唔滿客，大概3 group人，20位左右。我地一行7人，都叫咗好多嘢食，魚生、熟食、沙律、天婦羅、烤豬牛、鍋物⋯⋯總括嚟講全部都無！伏！，可以放心試哂唔同食物。值得highlight係個魚湯🤩，我哋叫咗5碗，另外一鍋同一份魚湯烏冬，實在太出色，真係每人飲咗一碗有凸！個天婦羅蝦頭出色！埋單7人$2000幾，抵食！

落街搵野食，唔知食咩好嘅時候，就幾掛住間人潮洶湧嘅御和亭。今次終於有機會同三五知己去攞位，撈下呢間嘅好味到底有幾正！🤤首先，牛蒡質感幾得意，脆口酸甜，刺激下味蕾算係開場白。至於枝豆，第一份有啲過咸，唔過順嗲嘴，轉瞬間已經攞光光。第二份就岩岩好，清新自然，得閒唞兩粒都幾嘆。😌串燒環節，哥哥，燒雞髀係明星級別！肉質嫩得滑，每啖都飽滿咁彈牙；燒墨魚仔做得幾好，唔會硬梆梆，話晒加上青檸就幾有提味。而其他雞內臟系列我就pass咗，聽朋友講都幾正。👏講到丼飯🍚，米粒粒分明，魚生片片新鮮厚切，幾滿足。只係個玉子差少少，要甜啲先至上心頭。話說返，今晚嘅扛把子非壽喜燒和鰻魚炒飯莫屬！壽喜燒嘅湯底夠晒醇厚，牛肉滑溜，飲落去暖笠笠。而鰻魚炒飯嘅燒汁香味簡直霸晒口，鰻魚滑嫩，每粒飯珠都包裹住濃濃日式燒汁，不得了！至於豚肉炒烏冬，開始覺得平平無奇，但後來發現底部嘅醬汁，混合後整體味道得嚟又香又滑，烏冬呢，夠彈牙，略嫌豚肉平庸。總括嚟講，今次食飯體驗中上，好過中也算係滿意，和朋友一齊共度愉快嘅時光，呢個就係最正嘅啦！🥳

今日要出大埔做嘢，上網搵左依間餐廳，午餐覺得好抵食，而且魚生新鮮，好味🤤好彩有訂定位，去到間餐廳都幾受歡迎，非常滿座， 大家想試記得要預先打電話訂位阿，可以揀12點或者 1點，用餐時間為一小時。所有御膳有前菜、沙律、 蒸蛋、 湯和御飯。 最好係午市係免收加一阿！ 價錢概當抵食， 難怪坐無虛席，可見非常之受歡迎。御和亭魚生丼御膳 $88魚生飯配料充足，有三文魚、油金魚、玉子 蟹籽、青瓜和粒粒厚切魚生。魚生加上爽脆嘅青瓜，蟹籽，口感清爽，新鮮足料。赤海老亦大隻， 食完好滿足。餐廳魚生飯底有加芝麻，令香氣倍增，食用時能感受到粒粒芝麻，層次更豐富，大食嘅朋友仔更可以要求加飯。

💁‍♀️💁‍♂️ 5/10/2023(Thu), Dinner🍽之前都講過大埔太和附近都有唔少餐廳小店，比起商場入面嘅大集團嘅連鎖式餐廳，喺呢邊食飯隨時有驚喜，今晚為食妙妙同A先生去咗間唔錯嘅日本🇯🇵餐廳食晚飯，順便慶祝🍾週年紀念👫。平時我哋路過都見到餐廳好多時都要等位，今晚可能我哋都比較接近關門時間去到，所以都立刻安排到座位入座。餐廳裝修平實，沒有太花巧嘅裝飾，座位尚算濶落。場內播住日文歌曲🎵，進食環境同氣氛都好輕鬆。而今晚我地order咗：🔆 料理長推介八品刺身拼盤（$528）八品刺身包括有帶子、三文魚、魷魚🦑、拖羅、吞拿魚赤身、赤蝦、油甘魚同埋池魚，每款兩件，切得都算厚身。食落新鮮，唔會話雪到無晒魚味。赤蝦爽口彈牙；拖羅油脂豐富，入口即溶；赤身則魚味濃郁；三文魚油脂分布平均，入口嫩滑。🔆 御壽司🍣八貫（$248）壽司八件嘅魚類同刺身拼盤的分別不大，同樣地都係新鮮好食。壽司飯握得剛好，唔會太實或者太鬆散。🔆 螢光沖漬魷魚🦑（$53）鹹香爽滑，一口一隻要嚟伴酒一流。🔆 燒日本青森豚肉蘋果串（$60）豚肉片包住一粒蘋果肉，燒得金黃，入口鹹香再加上蘋果嘅爽脆清甜，兩者互相配合，味道很搭配。🔆

住在大埔的同事大力推薦這間餐廳 除了十分抵食 更加好味 新鮮 由於餐廳受歡迎 朋友多次提醒 想試一定要預先打電話訂位 可以訂12:00 或者 13:00 用餐時間一個鐘 餐廳位置雖然不是在大街 但午市座無虛席 所有御膳包括有 前菜 沙律 蒸蛋 湯 御飯 午市更加免收加一 以呢個價錢 十分抵食 可以理解到受歡迎之原因御和亭魚生丼御膳 $88魚生飯配料多 有三文魚 油金魚 玉子 蟹籽 青瓜 粒粒厚切魚生 新鮮足料 赤海老亦大隻新鮮 魚生肥美 加上清爽的青瓜同青瓜 是令人十分滿足的味道餐廳魚生飯底有加了芝麻 更添風味 因為魚生飯配料多 可以要求加飯 

今日到大埔選擇吃個日式中午飲，朋友介紹了這家，噢！客人真不算少！幸運的是居然可以在不需要等的情況下，有位置。中午提供的日式定食選擇很多，有飯、麵、烏冬，食品不但有刺身、壽司，還有天婦羅、煎魚等等，喜歡吃午飯又天天吃不同款式的，這家非選不可。刺身井最好試出日式料理的食品新鮮水平，雖然是井都不容少看材料問題。刺身切得厚身且十分新鮮，果然不錯。煎魚又是另一煮食功夫的考試，這魚煎和烤後，肉質鮮嫩且多汁，保存了魚本身的鮮味，食品果然合格有餘。

呢度嘅午市性價比高質素高 相信大埔嘅居民同埋喺大埔做野嘅人都知道 所以呢間餐廳午市時段經常都full哂🤣🍴御和亭魚生丼御膳 ($88)所有御膳都會跟前菜、沙律、蒸蛋、湯、飯佢地嘅沙律d都唔hea 有埋生果喺入面😳蒸蛋亦都好滑溜👍🏻呢度嘅角切魚生丼誠意真係100分 每粒角切魚生都係好大粒 勁厚切 仲要好新鮮！❤️除左大大隻赤海老之外 仲有三文魚、八爪魚、鱆紅魚、玉子、蟹籽、青瓜唔單只種類多 份量仲唔少呢個價錢真係超值 可以理解到點解長期爆滿🫶🏻🫶🏻大家想試嘅話就記得要提早book位啦！

中午12點嚟到大埔就即管去「御和亭」望望，想嚟食好耐但次次都排隊，今日喺無心理準備情況下竟然有位，但要1點鐘交枱，唔理咁多，嚟食過快丼飯，足以頂癮。睇午餐餐牌都真係抵食，幾十蚊到百五蚊就食到刺身丼，仲要午市無加一，唔怪得長期都咁多人排隊嚟食。❀極上魚生丼御膳 $138(碎金鎗魚腩、赤海老、海膽、帶子、三文魚籽）個人好鍾意海膽、三文魚子、碎金鎗魚腩嘅配搭，基本上喺餐牌見到就一定會叫，仲要有埋赤海老同帶子，款多但每樣份量唔算話好多，同埋海膽有啲溶溶哋。赤海老夠大隻，樣樣都鮮甜，撈埋蔥絲，一大片脆紫菜一齊食。❀御和亭魚生丼御膳 $88通常呢個價錢嘅雜錦魚生丼飯，都預咗係角切魚生。嚟到反而有驚喜，雖然望落都係角切魚生，但係好大粒，我覺得其實係厚切粒狀，並唔係切剩刺身嘅頭頭尾尾，三文魚、鱆紅魚肥美、仲有八爪魚、赤海老、蟹籽、玉子同青瓜，份量多，食完飯啲魚生要空口食。如果再想要多啲飯，係可以向店員加嘅。每樣都好新鮮，呢個價錢非常抵食。所有午市御膳已包括：前菜、沙律、味噌湯、茶碗蒸，蛋蒸得好滑，裏面有鳴門卷同粉絲。雖然食得有點衝鋒陷陣，但係都非常滿足。#御和亭日本料理地址：大埔翠和里1號永發樓B座地

收工約左都係大埔返工既朋友食飯，見到呢間都幾多好評，價錢唔算貴，就試試好唔好食💪因為朋友唔食牛，唔食熟魚，所以今次就叫刺身拼盤，牛油果軟殻蟹卷，蘋果豚肉串，明太子雞翼，食日本野當然唔少得啤酒🤣🤣🤣刺身拼盤，每件都大大件，厚切夠凍，不錯😋我本身好鐘意食卷物，所以叫左牛油果軟殼蟹卷，味道都幾好🥰蘋果豚肉串，甜甜地，幾清新，少咗油膩感😍明太子雞翼就啖啖肉🍗餐廳全場滿座，離開個陣都有人等位，CP值都幾高👍如果喺大埔想食日本嘢，呢間都係唔錯嘅選擇，但係要記得訂位。不過如果想坐耐啲慢慢食，我應該會揀過第二間🤣