御名園 (鴨脷洲)

wong88

等級4

238

平時不嬲都好鍾意去飲茶，聽人講御明園食物嗰日所以過嚟試下紅米銀蘿腸粉平時叉燒腸牛肉腸就食得多，呢個聽個名覺得好得意，仲要係粉紅色，原來係腸粉皮用紅米漿整成，裏面有韭菜蘿蔔絲，同埋啲脆卜卜嘅嘢放埋一齊做餡料，幾特別而且個口感都好豐富，腸粉皮比平時食到嘅覺得煙韌，我幾鍾意蜂蜜柚子蝦球蝦球炸得好靚好脆，蝦肉爽口，粉漿嗰啲都唔會過厚，外面仲有柚子醬汁，甜甜酸酸咁味道好好厚切黑豚叉燒皇御明園嘅叉燒不嬲都出晒名，燒得好靚好脆，叉燒半肥瘦好林，外面就脆卜卜，雖然食到最後係會有啲溜，但係真係好好味都算係我食過嘅叉燒數一數二鮮沙薑香茜豬手沙薑味好重，豬手好入味好爽口

平時不嬲都好鍾意去飲茶，聽人講御明園食物嗰日所以過嚟試下

11 瀏覽

0 讚好

0 留言

紅米銀蘿腸粉
平時叉燒腸牛肉腸就食得多，呢個聽個名覺得好得意，仲要係粉紅色，原來係腸粉皮用紅米漿整成，裏面有韭菜蘿蔔絲，同埋啲脆卜卜嘅嘢放埋一齊做餡料，幾特別而且個口感都好豐富，腸粉皮比平時食到嘅覺得煙韌，我幾鍾意

7 瀏覽

0 讚好

0 留言

蜂蜜柚子蝦球
蝦球炸得好靚好脆，蝦肉爽口，粉漿嗰啲都唔會過厚，外面仲有柚子醬汁，甜甜酸酸咁味道好好

7 瀏覽

0 讚好

0 留言

厚切黑豚叉燒皇
御明園嘅叉燒不嬲都出晒名，燒得好靚好脆，叉燒半肥瘦好林，外面就脆卜卜，雖然食到最後係會有啲溜，但係真係好好味都算係我食過嘅叉燒數一數二

8 瀏覽

0 讚好

0 留言

鮮沙薑香茜豬手
沙薑味好重，豬手好入味好爽口

(以上食評乃用戶個人意見 , 並不代表OpenRice之觀點。)

分享
推介

已推介
檢舉

張貼

評分

味道

環境

服務

衛生

抵食

用餐日期

2021-05-14

用餐途徑

堂食

人均消費

$200 (午餐)

Shinchan1993

等級4

1.2K

朋友搬咗入鴨脷洲多時，我一直都未有空拜訪。直至星期一我去開金鐘做嘢，咁就的起心肝約佢吧🙈。佢帶咗我去利東商場嘅「御名園」食晚飯，就咁睇門面完完全全係一間街坊酒家👀。不過可能正正係街坊店嘅關係，部長以至店員們嘅服務態度都超好👍，人情味特濃，佢哋禮貌好到令我有啲唔好意思，哈哈。星期一晚上唔算太多人，但都叫做坐滿個大廳。餐廳做街坊生意，定價自然大眾化，佢提供大量晚飯優惠小菜以供選擇，價格分別為$58、$68及$78。其實仲平過茶餐廳嗌餸食飯囉‼️，如果酒樓開喺我樓下，我同屋企人一定會成日去食。鮑魚汁扣原件花膠($28.8/件)，我哋茶都未開之際，店員就已經推介一定要食花膠😜。我本身唔特別好，但見個震撼價真係好鬼平，就一於唔好蝕底。花膠扒好大件，一人一件都要用煲仔飯個煲先放得落！花膠炆到超軟綿，膠原蛋白滿滿，仲吸哂鮑汁嘅味道，好惹味啊。我哋仲特意留低個汁陣間再食。題外話，店員見花膠放耐咗，仲主動提議幫我哋滾返熱佢🔥，服務非常細心。生猛西澳洲龍蝦配上湯焗伊麵底($338/隻)，澳洲龍蝦最近賣得平咗好多🦞，但酒樓賣呢個價近乎同自己買料煮差唔多，性價比極高。餐牌寫龍蝦約有一斤四両重，我覺得甚至唔止添。

56 瀏覽

1 讚好

0 留言

朋友搬咗入鴨脷洲多時，我一直都未有空拜訪。直至星期一我去開金鐘做嘢，咁就的起心肝約佢吧🙈。佢帶咗我去利東商場嘅「御名園」食晚飯，就咁睇門面完完全全係一間街坊酒家👀。

99 瀏覽

0 讚好

0 留言

不過可能正正係街坊店嘅關係，部長以至店員們嘅服務態度都超好👍，人情味特濃，佢哋禮貌好到令我有啲唔好意思，哈哈。星期一晚上唔算太多人，但都叫做坐滿個大廳。

餐廳做街坊生意，定價自然大眾化，佢提供大量晚飯優惠小菜以供選擇，價格分別為$58、$68及$78。其實仲平過茶餐廳嗌餸食飯囉‼️，如果酒樓開喺我樓下，我同屋企人一定會成日去食。

鮑魚汁扣原件花膠($28.8/件)，我哋茶都未開之際，店員就已經推介一定要食花膠😜。我本身唔特別好，但見個震撼價真係好鬼平，就一於唔好蝕底。花膠扒好大件，一人一件都要用煲仔飯個煲先放得落！花膠炆到超軟綿，膠原蛋白滿滿，仲吸哂鮑汁嘅味道，好惹味啊。我哋仲特意留低個汁陣間再食。題外話，店員見花膠放耐咗，仲主動提議幫我哋滾返熱佢🔥，服務非常細心。

生猛西澳洲龍蝦配上湯焗伊麵底($338/隻)，澳洲龍蝦最近賣得平咗好多🦞，但酒樓賣呢個價近乎同自己買料煮差唔多，性價比極高。餐牌寫龍蝦約有一斤四両重，我覺得甚至唔止添。龍蝦足以拆成十幾球，仲要全部都大大嚿，食龍蝦食到飽真係第一次🤣。

11 瀏覽

0 讚好

0 留言

西澳龍蝦比波士頓龍蝦好食😋，肉質爽彈，味道鮮甜。另外，亦講多少少兩者嘅分別，西澳品種嘅蝦頭同蝦尾相對較細，肉身則飽滿，好多人仲拎佢嚟做刺身添。咁樣足以証明西澳龍蝦喺龍蝦界嘅地位亦唔輕🇦🇺。

餐廳嘅烹調方法係用上湯焗製，配伊麵底🍜。高湯鹹香十足，芡汁唔會過笠，而且並沒有蓋過龍蝦嘅鮮味呢！伊麵喺底索哂啲精華，邪惡到不得了🤤。本身驚未必食得哂，但太好味，一啖接一啖，不知不覺間就將佢KO咗。

黑椒蔥爆安格斯牛柳粒($158)，牛柳粒就相對無咁大碟，純粹因為其他幾樣係巨無霸先有對比🆚。調味方面，幸好無乜蔥臭，黑椒味強，會刺激喉嚨，但又好爽，令人又愛又恨。🐮即使重口味，不過都食到牛味，而肉質就唔算好嫩，但亦都唔韌。牛柳粒以外嘅配菜好過癮，特別係白色一條條嗰啲🤍。原本以為係大蔥，但咬落口感爽脆，仲有啲拉絲出現添。咦咁似曾相識嘅，中心位置更有好多個孔，無錯佢係同蓮藕有關，叫做「藕藤」。首次食佢大感新奇，令我印象深刻。

瑤柱海味雜菜煲($68)，呢度連雜菜煲都足料過人🍲，擺盤仲好整齊同靚靚。各式食材鋪滿個煲，最矚目嘅一定係面頭堆瑤柱絲同蝦米，另外仲有🥦西蘭花、菜芯、白菜、竹笙、冬菇、木耳同腐竹等，超豐富呢💚。蔬菜並無煮到老哂，味道恰到好處，濃淡適中，而煲底原來更隱藏咗大量粉絲，粉絲好入味，食埋佢感覺就完整了☺️。