御名園 (已結業)

呢間酒樓坐低傾嘢又幾舒服😄樓底夠高，水晶吊燈，而且枱同枱之間都算寬躺👍🏻✨陳醋珊瑚紅海蜇頭～陳醋醋味醇厚，香味濃郁，海蜇厚身，入口凍冰冰，好入味，層次分明，口感爽脆滑溜，很不錯！✨水晶鎮江餚肉～一粒粒晶瑩剔透啫喱狀嘅餚肉，點下調配過嘅香醋汁，整件放入口，酸酸地又開胃。✨蔥香油鹽焗軟殼蟹～一人只可以order一客，蔥油味略咸，沾上少少已經好夠味，軟殼蟹即叫即炸外脆內軟，用咸香酥脆嚟形容最貼切不過。

最近御名園新推出左兩款海鮮套餐無論係蒸 蘇格蘭蟶子定係新鮮帶子，又或者叫個時令當造手揀本灣肉蟹，再配個自選小菜，都只係2百多元起，（食蟹就3百幾）其實都OK~，and that's why we were having dinner here.我地叫左豉椒涼瓜焗肉蟹 配瑤柱海味雜菜煲328估唔到隻肉蟹用豉椒涼瓜爆炒又有另一番風味肉蟹肉質鮮甜又厚實，涼瓜吸收了蟹的鮮味，非常惹味。-瑤柱海味雜菜煲蝦干同瑤柱的分量都多，唔會剩係得粉絲同菜，而且原個煲仔上，夠晒熱，唔會凍晒。-食得蟹，唔差在叫多條魚清蒸老虎班188估唔到都好鮮嫰啊～蒸得剛剛好骨肉分離魚肉夠魚香帶雪香，滑滑的。-另外仲叫左燒鵝半隻188半隻燒鵝上檯時超澎湃好大隻，而且真係脆皮，鵝油香係個咀到滴出黎，送飯一流。-即燒脆皮文昌雞128順面叫埋招牌燒文昌雞，雞肉嫰滑，脆卜卜自己屋企整唔到。-最後仲叫埋咕嚕肉d菠蘿係新鮮菠蘿黎，呢點要加分咕嚕肉夠爽口，唔會太肥膩

好耐無同屋企人酒樓食晚飯今日諗住慶祝屋企人生日，去左大角咀呢間酒樓食飯之前喺呢度食過點心，覺得質素都唔錯，所以試吓晚飯小菜茶位$15一位，花生$30一碟，比起一般茶樓嘅花生，呢度有唔同種類既果仁😙叫左陳皮脆香燒鵝王（一例）燒鵝皮夠薄夠脆😋😋，鵝香味濃，咬落去鵝肉多汁嫩滑，鵝香滿溢，送飯一流！其他俾既部位都幾多肉，算幾唔錯濃雞湯浸野菌竹笙娃娃菜雞湯味濃郁，好多野菌，竹笙索晒啲雞湯同菜味好香甜，娃娃菜軟硬適中，索晒啲湯汁都幾惹味～薑蔥炒揀手本灣肉蟹一上枱已經俾佢深深吸引，好香！！！🤩🤩 有兩隻蟹，蟹身、蟹腳都算多蟹肉，本身擔心好難起到肉，但原來餐廳好貼心咁整爛咗啲蟹殼，好容易就拆到肉，蟹肉吸左薑蔥香好惹味，口感保持爽滑，唔會霉或者過熟

上星期同左屋企人去食飯慶祝生日啊～中國人都係喜歡去酒樓多d大角咀新九龍廣場 御名園餐廳地方大坐得舒服，而且中菜廳食物肯定啱食有海鮮有龍蝦有魚翅有燒味又有水煮牛肉無論廣東定四川菜都有任君選擇。-羊肚菌南北杏燉花膠 餐廳每隔一期就會轉燉湯款式 ，唔會怕飲到悶羊肚菌南北杏燉花膠 ，補虛健脾養顏潤膚 -今次揀左散叫菜色自己配搭-燒鵝半隻都只係188，性價比高上檯果下個個都爭住影相鵝大厚肉燒到鵝皮超晒格皮脆肉嫩又多汁，果然無介紹錯。--清蒸老虎班 188有鵝有肉當然要叫埋海鮮老虎斑 即叫即蒸肉質嫩滑又富彈性，蒸得剛剛好，食落超嫰口。-豉椒涼瓜焗肉蟹 配瑤柱海味雜菜煲328除左散叫，呢到的海鮮孖寶亦都好抵食especially 肉蟹加小菜都只係328仲要足足有2隻1斤8兩的揀手本灣肉蟹呢個月份最當造用苦瓜炒更加能突顯肉蟹的美味。-小菜揀了瑤柱海味雜菜煲材料多，各類 蔬菜 ，仲有蝦乾瑤柱簡單帶咸鮮。-廚皇炒飯138材料有蟹子蟹柳欖菜，炒得 夠鑊氣，果然係酒樓的大鑊鏟。-脆皮文昌雞128最後仲叫咗半隻脆皮文昌雞炸到金黃色皮脆肉嫩， 入口帶爽滑。

話說疫情以黎真係好少去茶樓飲茶，今日媽媽話想去茶樓，點都要陪下佢。呢間茶樓有午市點心放題，望落好抵食，不過媽媽話自己食得唔多想叫單點，又得啫，反正兩樣各有各好~我最鐘意香口食物，坐低即時點咗脆皮豚肉韮菜粿，剛上枱望落感覺較油，但入口又唔會喎!非常鬆脆而且韮菜味香濃，仲有豚肉香甜味，讚!蝦餃大粒又飽滿，晶瑩外皮塞滿鮮甜蝦肉，爽彈爽彈~~食落非常滿足。銀羅腸粉食得多，呢個手磨紅米銀羅腸外型更吸睛，手磨紅米皮香燸軟熟，中間油條勁脆卜卜，點多D醬汁令佢入口有又軟又脆嘅口感，特別好味!茶樓定期仲有唔同特價燉湯，我就揀咗雪蓮果椰皇燉竹絲雞，湯料份量十足，湯汁清徹清甜~$2X飲一個燉湯真係超值!呢度雖然賣嘅都係傳統點心，但帶有自家特色，味道真心唔錯!

今晚同親戚食飯，試左大角咀呢間酒樓，叫左幾個小菜，有幾樣真係要讚下晚市每日都有兩款特價嘅燉湯，$28.8起跳，呢款就每碗$38.8，羊肚菌南北杏燉花膠燉湯都幾足料，搵到好大舊豬肉，仲有幾舊羊肚菌，同埋花膠，花膠食落口感較軟同黏口，感覺滋潤。燉湯落足料，香甜無味精，好補！生猛西澳洲龍蝦落左order之後店員會俾你睇睇隻生猛龍蝦先落刀😗龍蝦肉都折開晒，好易就食到，而且因為新鮮劏，味道鮮甜，口感爽滑，另外伊麵份量都好多足夠四個人食，伊麵比較幼身，但無煮得過淋，索晒龍蝦同上湯超級入味另外仲叫咗炒蟹、娃娃菜同燒鵝，大滿足！最後仲有紅豆沙西米露糖水食

大角咀真係好多好野食😋 朋友介紹呢間中菜茶樓，喺奧海城附近嘅小商場，食物質素同性價比都好高！👍🏼我地幾個叫咗幾款燒味、海鮮同炒飯，估唔到每款都好好食～ 🐷 黑豚叉燒切得四四方方，半肥瘦入口好軟嫩，油香十足，平面嘅蜜汁燒得微焦、好香口，係必點之選！🐔 脆皮文昌雞即叫即燒，外皮炸得薄脆，雞肉保持嫩滑🦀 薑蔥炒肉蟹好夠火喉，兩隻蟹都幾有肉地🦀 蔥油軟殼蟹好吸味，係邪惡之選😋 蟶子係好大隻好新鮮！同蒜頭同粉絲一齊蒸，連粉絲都吸收晒鮮味🤤 蠔皇扣3頭鮑魚，鮑魚好鮮味而且煮得剛好、食落好軟嫩🍚瑤柱蛋白炒飯清清地幾好味，仲有好多瑤柱絲同細帶子粒粒🥛 桃膠杏仁茶入面啖啖都係桃膠，好足料，而且唔太甜今餐真係食得好滿足，下次會約埋屋企人黎再食過～😋

朋友話佢附近間酒樓幾好食，所以今日就跟佢去食吓～🤗一入座就有花生、果仁前菜，香脆惹味👍🏻晚市組合 B ($348) - 薑葱炒揀手本灣肉蟹 + 即燒脆皮文昌雞（半隻）肉蟹啖啖肉🦀，蟹肉鮮甜仲有幾多蟹膏🤤，用薑蔥炒真係好夾好惹味，送飯一流🍚脆皮雞外皮香脆🐥，雞肉夠嫩滑，好食到停唔到口😋精品黑豚叉燒皇🐷（$88）半肥瘦叉燒，一口size，外面搽左蜜汁，叉燒入味而且肉質夠嫰，仲有芝麻喺面香味即時提升～蠔皇扣3頭飽魚（$268）飽魚入口軟滑，味道濃郁，食完呢隻真係返唔到轉頭食罐頭飽魚😹金蒜銀絲蒸空運聖子（$38/隻）聖子鮮甜彈牙，配埋蒜蓉粉絲食一流🤤蔥香油鹽焗軟殼蟹🦀（$38.8）軟殼蟹夠酥脆🦀，入口即化～瑤柱蛋白炒飯🥚🍚（$138）炒飯粒粒分明，唔會太油，濃味啲會更好食🧐桃膠西施杏仁茶🥣（$28/碗）杏仁味好濃郁，桃膠夠彈牙，為呢碗飯後甜品增加口感～

Steamed food 蒸點蒸點心係港式飲茶嘅精髓，個人最鍾意鮑魚燒賣、特色灌湯餃同埋呢度獨有嘅養生像形合桃包🥯，啡色嘅包望落去真係好似合桃外殼，唔會太甜裏面仲充滿合桃😍，其他點心就有健康黑松露素粉果、原隻鮮蝦腸🦐、芋絲脆軟夾等，種類幾多元化Snacks & main course 小食、主食任食小食方面有入口即溶嘅椒鹽一口豆腐粒、香脆可口椒鹽魷魚酥🦑、超足料嘅帶子粟米粥同埋其他涼拌appetisers，都幾值得試吓㗎Handmade desserts 🍮 手工甜品除咗傳統嘅脆蛋散🍳、薑汁千層糕同棗皇糕之外，今日嘅是日糖水係滋補杏仁露，整得好有牛奶杏仁香同滑啊🥛，而阿華田椰汁布甸可以話係中西合璧嘅desserts🍫，食落去特別得來又夾

今日屋企無煮飯所以就同屋企人去咗附近商場食晚飯，御名園出名抵食夾大件，所以梗係要幫襯下。御名園出名多優惠，未到晚飯時間所以食客未算太多，自己同屋企人都有啲肚餓，所以叫咗好多嘢食。🥰水缸啲龍蝦非常生猛，可惜果日晚市組合無龍蝦揀，如果唔係一定叫，最後叫咗蒸聖子配炒海螺片，聖子超正啖啖肉。😋燒鵝同乳鴿好出色，肉夠香皮夠脆，入口油香滿溢，好食到要將所有脂肪同膽固醇都抛諸腦後。星洲金沙焗海生蝦同黑松露醬爆蝦球相當惹味，流沙蛋黃醬同黑松露醬味道都勁濃郁，而且蝦肉非常爽口彈牙。第一次食呢個餸，豬扒沾上薄炸漿，炸至金黃色，口感不但鬆化之餘蝦醬味亦非常濃郁，估唔到豬扒加蝦醬係咁好味。最後食埋個糖水摸住個肚離開。😋

今日我女朋友，話帶我試吓佢屋企附近好食嘅嘢，御名園，一開始我聽個名，有啲老土，以為係間茶餐廳，估唔到原來今晚餐飯咁好食一去到，我女朋友已經好貼心，叫咗好多嘢食今日比較推介，有個響螺湯，一打開個蓋好香，材料勁多，同埋有我最鍾意嘅黑蒜，仲有豬肉雞肉，同埋個重點，響螺，飲完即刻覺得好補跟住仲叫咗個蒜蓉粉絲蒸元貝，好抵食，隻隻都好大粒，配埋蒜蓉粉絲蒸，好惹味另外一個好嘢，上湯焗澳洲龍蝦伊麵，澳洲龍蝦肉鮮甜又多汁，啲伊麵吸收晒所有上湯精華，大家記住要加伊麵底

前排同朋友喺大角咀打波，打完波想搵個地方食下飯傾下計，唔經唔覺就行咗嚟新九龍廣場，喺度諗緊乜嘢地方可以坐耐啲又可以飲酒食飯，見到呢間酒樓都幾多優惠，所以就決定入去幫襯。坐低就慢慢發現周圍都係優惠 😍 梗有一款優惠啱你，所以都叫咗幾多餸。先嚟同朋友一人一碗翅漱下口先，菜膽雞燉翅味道幾清甜，而且翅亦非常大梳。🤤晚市組合 A : 金蒜銀絲蒸聖子配XO醬翡翠炒海螺片，聖子新鮮大隻夠入味，海螺片同其他配菜都非常爽口，而且份量都唔少，幾抵食嘅組晚市組合。💯呢個江蘇名菜水晶餚肉，自己超鍾意食 🥰 點少少鎮江黑醋食，豐富味道之餘又可以平衡膩滯感。黃金蝦咸蛋黃味濃郁，而且仲有流沙口感 🤤 黑松露蝦球爽口又彈牙，黑松露味亦相當突出，朋友超鐘意食。同個餸名一樣鵝皮好夠脆 😍 而且半隻真係好大隻，最後要打包拎走，返屋企再慢慢嘆。

為食妹👧🏻超鍾意飲湯。醒起*御名園*燉靚湯平靚正。即刻落樓幫襯下先😮‍💨。午市優惠都幾多。樣樣都想點。一個人點咗兩碗燉湯。一籠蝦餃。兩隻五常米釀脆皮鳳全翼。✨蟲草花姬松茸燉土雞湯一年四季都鍾意飲燉湯。呢款燉湯好啱夏天飲。滋陰清熱。潤腸通便。湯料都唔輸蝕。有我最鍾意嘅姬松茸同蟲草花❣️。湯頭清甜滋潤好岩口味😛。✨五常米釀脆皮鳳全翼雞翼外皮趣卜卜。入面塞滿糯米。口感非常豐富。一個人食兩隻會會唔會太過分🤪🤪。✨鮮味蝦餃皇皮薄喊靚。蝦肉爽口大大粒。次次飲茶必點點心😋。

好耐冇同屋企人飲茶，所以揀左黎御名園試下。之前都黎哩度食過晚飯，不過飲茶就未試過。店面唔算細，每枱唔會距離太近，揮手叫侍應都容易嘅。茗茶$12/位，價錢合理。鮑魚燒賣皇($45.8) - 燒賣幾大粒，肉質扎實，加埋鮑魚喺面更加吸引。鮮味蝦餃皇($38.8) - 蝦餃皮唔會太厚，口感微彈，入面都有兩隻蝦，幾爽口。羅漢齋腐皮卷($30.8) - 雖然冇肉，不過腐皮夠脆口，就咁蘸喼汁食都唔錯。手磨紅米銀蘿蔔糕($34.8)  - 用紅米整嘅腸粉，雖然腸粉皮厚左少少，但入面包左春卷同蘿蔔絲，口感非常豐富，加返唔少分。黑金流沙奶皇包($34.8) - 奶皇包好軟熟，咬開入面嘅奶黃非常流心，而且奶黃香味亦好突出，必點！香煎臘味蘿蔔糕($34.8) - 蘿蔔糕比較軟身，食落唔會太粉，蘸辣醬食好惹味。八年陳皮燉水鴨湯($38.8) - 燉水鴨湯上枱時熱辣辣，入面好多料，入味得黎唔會太鹹，陳皮香味都好重，非常抵飲。乾清養顏棗皇糕($30.8) - 棗皇糕好香紅棗味，唔會太甜，口感軟糯。總結，點心選擇都幾多，價錢正路，除左散叫仲有好多唔同優惠組合/套餐，環境亦乾淨企理，揮手叫侍應都容易，上菜亦唔洗等好耐，

旺角同奧運，茶樓酒樓有好多，包括翠苑、海港、稻香、潮庭，喺咁多間茶樓之中，御名園係我嘅首選。因為嗰度除咗點心好食，款式好多，嗰度仲有好多唔同嘅小菜，飲茶大概都係50至100今日同大家講，主要就係講佢嘅晚餐，可能位置唔喺奧運市中心，所以晚餐都唔算話好爆，不過服務非常之好，上菜速度高，落單一陣，就有嘢食今次重點推介，係佢嘅燒鵝王，份量好多，同深井燒鵝有得比，所以我特別鍾意揀佢嚟食另外我哋叫咗龍蝦加上湯焗伊麵底，龍蝦好大隻，啲肉好鮮甜，好多肉，伊麵煮得啱啱好，好好味