御前大江戶日式料理 (已結業)

Happy friday night 約左一大班朋友食放題及慶祝朋友生日！呢間放題好多人推介話好正，今日親自試下！用餐入座時段每日兩節：5:45pm 同 8:45pm因為要就埋朋友放工過觀塘，揀了8:45pm 場。亦因爲預訂大枱，預訂時要先俾訂金。未到8:30pm 到地下，已經勁多人排隊等lift，上到去仲要排隊等入座，人龍排到入後樓梯🙈😖今次安排了一間房俾我地，都幾好，自成一角！自己可以係自助區拎飲品、小食、卷物、雪糕及甜品，另外可以係平板電腦order 野食主角燒海鮮就只得一set , 每人一隻蠔、扇貝、蟶子及鮑魚，兩人share 一個蟹膏蟹蓋海鮮放係爐上燒，店員會不時黎講解同幫手個人覺得d 海鮮幾新鮮，所以都好好食另外就order左刺身、焗蠔、天婦羅、串燒、烏冬等等最後因爲有朋友生日，餐廳送左迷你壽司 及 每人一隻赤蝦刺身👍🏻整體來說好好，但計埋加一每人$330，d 靚海鮮又冇得任叫，抵唔抵就自己衍量啦～

很少來觀塘這一邊，有天，有人說要試試這間放題，作為慶祝某些事情。原來，這一棟什麼一亞太中心，好像變成了食廈，就像荃灣的大鴻輝中心一樣，幾部升降機，不敷應用，食客排長龍乘搭升降機到各層的放題、火鍋店、或是酒樓。去到上面門口，我想，可能因為要先將頭一輪的食客清空，執拾細軟，打理清潔，才釋放外邊肚子空空、飢腸碌碌的食客進來，因此大家想到這家放題店的門口，還是需要大排長龍，甚至排到後樓梯等候。進來之後，可能有點兒微冷，但是因為大家都會對著燒爐整整兩個小時，因此之後你便會越坐越熱，甚至乎面色紅潤起來。室內裝修非常之有氣氛，平日如果你去過大型喜等等放題店，多數都是黑漆漆，沒有什麼特別，而這一間，燈籠高掛，好像那些日式居酒屋。其實先前已經留意到這間放題店，當然最有趣的地方就是它的抹手濕紙巾的包裝吧😏。一個爐子，你可以將各種海鮮放在上面磯燒，究竟磯燒的原理為何，其實也像是普通燒烤，將食物放在格格網上燒。盤子內房有一支溝烯白酒，據稱是為了防止海鮮的外殼燒焦了易「爆火」，還可以為海鮮增加味道。這間放題店，落單也是用電子的形式，一大塊平板，用電量不少，但是非常環保，因為平時我們去其他放題店，都是一大本由於電

官塘嘅亞太中心，一到放題入場時間，都總要排幾個圈先入到lift, 可想而知，呢度真係有幾家日式放題，每層樓嘅空間仲好大呢！今次我地幾個好朋友來補慶生，揀左呢間有磯燒海鮮嘅，坐低就已經送上一盤海鮮俾你燒住先，呢盤按人數攞出來，自己點嘅就係另外一堆海鮮款式！呢度用平板電腦落單，都幾好。唔駛浪費紙，同埋唔會漏單！侍應都有過來幫忙燒下睇下，服務算幾好！環境好闊落，我地都坐得好舒適！洗手間仲好乾淨呢！食物都好新鮮，今晚真係飽到攬住個肚

前菜唔多介紹啦，冇咩驚喜 個湯都唔好味，飲品選擇都多 食物質素 ~ 刺身ok新鮮 ! 三文魚 吞拿魚色澤都okay 有囗感 ， 甜蝦都鮮美，但係就未清潔乾淨有好多一粒粒卵仔咁， 其他刺身都普普通通冇驚喜 ! sushi very good 夠細件易入囗 味道okay跟住都燒物果part okay啦 鮑魚，聖仔都ok ，貝殼果隻帶子就普通啦 燒海鮮而言 唔新鮮 而燒生蠔都幾細隻 一啖冇左 都冇鮮味其他燒物都okay夠熱，羊架都幾細隻 2啖食完 ! 其他都普普通通。 甜品方面都係果d選擇唔多介紹 ，叫果個焦糖布甸 等左好耐 等左20分鐘 原來等埋其人一次過出 其他甜品就自己係外面拎 我就拎左 牛奶樂 同mochi (green tea) okay 啦overall 黎講 刺身算幾好 主打食刺身ge值得去 但最好booking 啦 好似個個都book 我就walk in 等左25分鐘啦 不過我同我bf 講等多5分鐘冇就轉埸 跟住就有位啦 所以d位好飄忽 ，想食ge book枱穩陣 ！

2座位好迫，根本無位放食物。海鮮吾新鮮。甜品種類少得可憐。雪糕只有mango 味。vanilla 味就要食甜筒 雪條。 食到飽邊會有人食甜筒 雪條呀哥哥。星期四食 $278加一。同一大廈有大滿喜同大瀛喜，好後悔黎左食呢間

同同事去happy hour開心一聚，是日相約左觀塘，一岀地鐵好就腳，啱曬懶懶的我，而且早兩日卜，難得都仲有位。質素有番咁上下，食物無花假， 除咗有得食大路既刺身壽司外，難得仲有高級既浜燒食。呢度唯一唔同係要自己燒，居酒屋就有侍應生燒，不過沒關係，因為我喜歡自己落手燒。氣壞我，去放題竟喉嚨痛，所以是夜唔敢燒太多what a waste😢紐西蘭生蠔元貝大但比較易熟，鮑魚個子反而要燒耐少少，見到縮少少水又岀水就起得，原味無掩下，加少少清酒，食味較簡單。蟶子帶子等海產都好大只，厚肉過癮。蟹味噌甲羅燒切記別燒太熟，這個有水準，蟹味濃蟹籽夠脆超撘配。Well~赤身帶子三文魚切得幾靚，具光澤。花之戀，黑松露帶子壽司，焦糖芝士三文魚腩壽司，芝士皇帝蟹棒壽司，岩鹽左口魚群邊壽司樣樣都好美味，材料用足又有樣又夠飯細，讚，所以一叫再叫。菠蘿乳酪同雪糕雪批都不是一般放題岀現的選擇😋其他豆花飲料均是自助，款式品種許多。食後感：地方坐得闊落，温度剛好唔會太凍，上菜快手因爲員工數目充足，最開心同正既係平過曬港島區既浜燒外，岀品仲幾高，而且無漏單。P.S.用ipad餐廳好環保，呢樣相當喜歡，有下次。

🍍食放題最緊要☝🏻嘢食新鮮、食物上枱速度快🏃🏼‍♀️💨、會有人定時行過嚟收碟！呢間御前大江戶👂🏻聽朋友講咗好耐，話有浜燒（日式燒海鮮）放題，而且刺身、甜品、飲品都好多選擇，仲好難卜位🤔入到去裝修都幾有🏮日本氣氛，一坐低先送上海鮮盤比你放上爐燒。除咗帆立貝同大蝦之外其餘都麻麻，甲羅燒唔夠香、鮑魚同蠔無味、蜆成口沙，所以之後已經再冇encore 。而刺身同熟食都可以接受，但如果唔食炸野選擇就得好少，反而甜品就好有驚喜，有百福豆腐花、雀巢Mega雪條、甜筒、乳酪，飲品除咗一般汽水之外又有🍊果汁先生同多款道地支裝飲品，放題嚟講喺甜品同飲品算係超多選擇。-總括嚟講，大家留位食甜品，千其唔好對燒海鮮抱太大期望😔

海鮮控注意 新鮮生猛活海鮮磯燒放題 性價比超高位客人可享用特選海鮮拼盤一份 這裏是二人份量 海鮮洗得好乾淨 而且每款都好新鮮 放題有啲咁嘅質素食材 唔使怕回唔到本 海鮮拼盤放到你面前已經感覺超值店舖會有廣播 亦有職員輔助你點樣燒 好貼心呢建議於燒烤時可加入稀釋了的清酒 可避免海鮮燒乾之餘 同時能令提升鮮味 燒味噌蟹蓋首先將蟹蓋內的蟹膏 蟹肉 蟹子和鵪鶉蛋拌勻 然後放上磯燒爐烤至凝固 蟹膏甘香軟滑 相當有驚喜餐廳以平板電腦下單 既方便又環保大赤蝦刺身 體型相當大 要分開兩啖先可以將佢食曬 而且肉質彈牙鮮甜 好好味牛舌相當唔錯 燒得唔乾 有咬口 帶有鹹香天婦羅炸得好脆 脆漿好薄羊架燒得啱啱好唔會過老 非常嫩滑海膽手捲 細細個份量唔會太大 唔怕食完之後食唔落其他嘢除咗可以用平板電腦(柯打)野食之外 門口位置仲有自助食物區 賣相亦都非常吸引 款式仲好多添 仲可以無限任飲 雪糕雪條 甜品 水果任食真心覺得好抵 尤其海鮮最為出色

近期人氣爆燈嘅磯燒放題 睇下係咪咁堅先一出𨋢 嘩使唔使咁長呀條人龍呀 排到去後樓梯 好彩一早訂咗位 如果唔係真係白行一趟 今日食八點半呢一輪 時間一到店員馬上放行餐廳面積大得好誇張 可以容納好多人 而且裝修好和風 每個檯面上面都會有一個機燒爐 個感覺好似去咗日本嘅居酒屋一坐低即刻點咗盤刺身食 數量完全同我點嘅一樣 冇多亦冇少 而且效率好快見到包0.03 嘅濕紙巾 聯想起某些東西刺身種類好多 而且款款新鮮 有頭甜蝦係我嘅最愛這款海鮮盤按人頭而定的 放題每人包一客 如果追加要另外收費生蠔 鮑魚 扇貝 聖子皇 蟹蓋 款款都超新鮮 今晚有口福了有部分海鮮係可以任點任食 而且係活海鮮 新鮮嘅程度係五粒星其實唔使怕唔識燒 唔知佢幾時熟 因為店舖會有廣播話畀你聽點燒先係最好 而且係你燒嘅時候會有員工照顧你嘅食物 例如幫你返下佢 調教爐火嘅大細 服務好周到蠔仔湯飯 超級好味 必點之選仲有自助美食區 款式好多不能盡錄放嘢飲嘅雪櫃都有幾個 嘢飲種類不能盡錄甜品種類 例如雪糕雪條 乳酪等等 超過十幾款以上 二百零蚊一個人嘅放題 一啲都唔貴難怪有咁多人排隊啦

雖然等位要一段時間，但系完全值得! 去過好多放題餐廳價錢可能優惠但是食物質素一般! 衘前海鮮夠新鮮 ，價錢優惠&座位又舒服! 這個價錢可以給顧客這個食物質素真的是良心餐廳!如果新界可以開一間就好啦。想同一班朋友或者屋企人去嘅話，記得Book位！如果冇訂位，walk in真係要看彩數，唔好彩嘅就要坐大脾 (即係冇得食喇….講到咁犀利…) 我個人覺得必食之選有黑松露帶子壽司，炸榴槤，燒羊架，秘制麻辣蜆，炸蝦天婦羅!

第一次離，本來以為只係得壽司放題，但原來仲有得燒烤，真係好驚喜一開波點咗一輪刺身，刺身幾新鮮，種類都幾多，其他壽司，小食，炸物同燒烤嘅種類都幾多，味道都可以然後就陸續上海鮮俾你燒住食，海鮮份量按人頭計，無得任食，size都幾大件，食落都算新鮮，但蟹盖麻麻，無乜蟹味，但有幾重嘅蝦醬味唔議燒都唔緊要，waiter, waitress都會教你，有時仲會幫手燒上菜速度快，而且無出現亂上菜嘅情況，整體感覺都唔錯

早在農曆新年期間，已經在facebook見到幾個好友不約而同share這間，又有得燒，又食放題，仲勁多海鮮咁，我就已經好想好想食嘞！奈何幾次想去，電話總是打唔通，據講當時實在太受歡迎，冇打返個零兩個星期電話係冇可能訂到位…所以就只好耐心等一等，等熱潮稍過，半年後我還是不心息的捲土重來，終於，今次book到嘞剛到埗，還是見到座無虛席，其實真係幾利害，我們已是平日晚上，訂九點，倘大的店子還是塞滿了客人……滿場都是磯燒海鮮味，氣氛一流！坐低見到呢包嘢有嚇一嚇，其實係濕紙巾啦！這店真係點子多多哇！！！！！！！一坐下就有得送呢set嘢，雖然只有一次，不能再點，但我相信食完一盤已會很滿足的了！蟹羔滿到溢出，一邊燒一邊散發誘人香味…帶子好新鮮，不消一會就煮到半生熟，灑上點點七味粉和清酒………………超！好！味！呀！在等磯燒的同時，我有走出去望望，原來自助buffet都有不少choice, 啱晒肚餓又冇耐性燒嘅人我第一次食放題見到有咁多部雪櫃刺食算多種類，質素全是中上，尤其欣賞魚切得厚身，我最愛的帶子也很鮮甜！鮑魚燒時仲識郁雖然有點於心不忍，但我決定懷着感恩的心去享用！蟶子也是極度新鮮我覺得光係食呢盤海

曾看到媒體推介，都不為所動，後來，看到朋友在Facebook發放照片，便引咗我這個貪吃鬼去試了。這兒相比我去開的殿大喜屋，這兒的食物種類不算很多，只是多了磯燒這玩意，對我來說並不吸引，但家有小孩，當作有得吃，有得玩的親子活動都是不錯的選擇吧！除燒蠔外，沒有甚麼食物很突出，值得推介的，當然，這不是表示這兒食物唔好，只是中規中矩。但一試無妨。另值得一提的，落單的平版，選擇完又冇曬，重覆叫了兩次忙得不可開交，碟都唔願收既侍應來幫忙。以個人來說，這店一試無妨，但不會再刻意訂檯或專程再來。

一入到去就覺得環境唔錯，裝修幾有特色，環境都乾淨企理。一般餐廳嘅廁所通常好污糟，呢到嘅廁所就唔會，可以放心去～雖然係燒烤，但唔會話煙霧瀰漫/好大油煙味，桌椅亦唔會因為油煙而立痴痴，值得一讚好滿意每枱都送嘅拼盤，有生蠔、鮑魚、蟹蓋同其他食材，好食！！！可惜只送一次，之後再叫就要收錢。其實食物選擇唔算好多，海鮮類嘅全部都係甲殼類海鮮，如果有魚類/海膽燒就更好！不過海鮮都算新鮮，唔錯。雖然知道呢到唔係主打熟食，但都估唔到熟食小食咁少款。唯一有樣好嘅係所有小食都超細份！啱哂咩都想試但胃口唔大嘅人，呢點非常好甜品黎講，雪糕都幾多款，仲有雪條同雪米磁揀但其他類型嘅甜品就太少～另外有一點希望餐廳可以改善，希望可以加多d調味料比客人用！！海鮮雖然新鮮，但又未去到十分鮮味，有時會覺得食到有d寡，但淨係得豉油同鹽可以點如果有牛油去燒扇貝/其他日式醬汁/蔥花之類嘅調味就會好食好多。我地叫咗個廣島蠔湯飯，可以話係一d味都冇......其實呢個湯飯材料尚算豐富，如果有得調味會好好多，宜家冇調味，好淡，有d嘥咗......

去咁多間日式放題未試過有一間係差到咁嘅， 入到去半個鐘都唔夠就拎張意見書嚟叫寫意見，話唔得閒寫等陣寫畀佢，佢就不停過嚟問寫左未，足足問左3，4次， 跟住就有個人行過嚟叫埋單，話得一個人收錢，所以要早啲埋單！（原來佢一早張張帳單夾咗響意見書裏面等你埋單）訂枱嘅時候話由六點半食到八點半， 點知八點搭一，二 佢就開咪廣播叫人預啲時間畀夥記清潔座位， 咁點解訂枱嘅時候唔一早講！落咗單嘅食物冇又唔出聲，追單嘅時候先至講話冇貨， 點解唔係一落單冇就通知呢！？食物方面係ok嘅，係服務態度差啲！！