彭慶記

營業中

休息中

前幾日同朋友去左彭慶記度食晚飯, 點了木瓜雞腳花生湯: 好似媽咪煲既湯士多啤梨生炒骨: d骨唔肥唔瘦, 夠熱同脆, 味道同士多啤梨好夾, 好好食~蒜香雞半隻: d雞肉好滑, 皮好脆, 連埋面上d炸蒜蓉一齊食好香口, 好食~啫啫生菜煲: 其實我唔太鐘意食生菜, 不過因為時令無通菜既關係所以先叫生菜, 個煲超熱, 味道都ok既, 有蝦醬既咸香味, 如果係通菜, 我諗我會鐘意d, haha~老闆同侍應態度都好友善, 地方又乾淨, 有機會會再去~

與某班朋友一年一度的聚會，選了來彭慶記。訂位時已經知道要分三輪，訂了七時半的位子，要九時交還桌子。我們七時已抵達，店子的人還不太多，即時有位子，可是就頗擠迫，不過一直都是這樣。沒法子，幸好食物水準仍在。因為要等朋友泊車，七時多才點菜，共點了五道菜，包括：話梅豬手、蒜香雞半隻、雞蛋焗魚腸、大良炒鮮奶、六寶（包括芋卷、蝦餅、耦餅等﹚，朋友泊車後來到，再追加士多啤梨骨。豬手頗酸，我不好此味，只吃了一件，好處是不覺膩，不過就好像沒甚麼其他味道。蒜香雞很滑，炸得很脆。魚腸是精品，洗得很乾淨，味道也鮮美，是最快吃光的一道菜。大良炒鮮奶水準仍在，很滑溜。六寶中我偏好耦餅、蝦餅，海蜇較乾，美中不足。士多啤梨骨的賣相很吸引，味道也很醒胃。

由於公司請食飯，咁岩公司又係跑馬地！所以就係ｅ到訂左桌子食ｌｕｎｃｈ！！鋪頭細細．．．．如果人多真係唔方便．．．．但係佢有出色既食物！！由於同公司同事仲有老細一起出去食．．．冇理由好似鄉下佬出城咁係咁影相架ｍａ．．．．所以今次冇相睇喇．．．真係唔好意思食咩我就唔係好記得左，因為人事部既同事一早訂左野食同桌子～我地一坐低已經可以上菜了！！只記得一味菜係士多啤梨骨．．．．外表好似一般既生炒骨，但係其實係用上新鮮既士多啤梨，加上ｄ骨炸到岩岩好．．．真係好鬼好味因為咁食左２碗幾飯，ｈａｈａ價錢方面就唔清楚，因為公司請～

是日重臨這裡, 感覺仍不錯. 很喜愛這裡的士多啤梨骨, 今次又再點了, 還叫了:1.例湯: 仍然濃郁, 好好味, 有住家感覺.2.拼盤: 其實都幾多炸野, 有蝦餅, 蓮藕餅, 魚餅, 炸豆腐….其中的蓮藕餅很出色, 把蓮藕跟別的食材混在一起再煎, 好味. 連不吃蓮藕的友人也十分受落.3.沙薑雞: 不太夠滑, 一般.4.啫啫生菜: 本想點通菜, 但季節沒有. 生菜也不錯, 一上枱, 已香味四溢.5.士多啤梨: 依然好味, my favorite!雖然沒有第一次吃那麼驚喜, 但味道仍然不錯.

天氣終於冷了，babe這次帶我來跑馬地試試這間深受好評的小菜館，碟碟份量足~點了:蒜香骨($58) - 感覺是很香口的豬扒，但不大有蒜香味道翠玉蘭花($58) - 上面是鮮冬菇，下面是西蘭花，冬菇的獻汁很濃，西蘭花較淡，似乎硬了點生汁班塊($78) - 其實是沙律汁班塊，味道不錯三個實在少了，下次要再來試其他~環境真的很擠迫，檯貼檯，坐入面的不能自由進出座位，要店員搬檯才能進出，而且很吵，幾乎聽不到對面的babe說話，反而聽到旁邊食客的全部對話，有點尷尬。如果只是想快快吃一頓飯，仍是不錯選擇。

都去過彭慶記好幾次，由它的士多啤厘骨，啫啫菜，糯米雞翼到雞翅，都好滿意。今次試它的砵酒蠔，２５元一只小的，３５元大的，我們叫了三只小蠔，其實一點也不小，大細剛剛好，肉汁非常新鮮，砵酒汁非常溫和好味。之後我們點了籠仔糯米蟹，不錯，還有簡單的蒜蓉芥蘭也十分清甜。以品質和價錢來看，真是超值，需然坐得逼一些，星期三的晚上仍full house，但感覺仍然很好！

一行13 人0黎食生日飯, 6:00pm 坐低, 7:00pm 都未夠就掃晒所有0野:- 蒜香雞(圖上): 好得, 皮好脆, 肉幾嫩滑, 蒜味幾夠. 果然係招牌菜!- 大良炒鮮奶(圖下): 呢個好得, 味道非常好, 好滑, 又唔會好漏, 落了少少帶子香0左好多, 口感亦豐富0左. 推介!- 士多啤梨生炒骨(圖中): 開胃0既一道菜, 唔會太酸, 汁唔會太杰/太稀; 排骨幾腍, 不過可惜炸得唔多夠脆啦.- 蔥爆牛肉: 我無食到d 蔥; 不過牛肉唔錯, 夠腍, 又唔係梳打牛.- 芋卷: 原本無叫, 係0黎錯的, 原來因為落單阿叔聽錯, 我0地clarify 一次我0地真係無叫, 但阿叔死都話我0地有, 仲不斷叫我0地試0下, 話好好味云云. 雖然汗顏, 不過阿叔咁有誠意, 就點話點好啦. 食落唔太特別, 幾香口咁囉. 同檯就有人話似食緊"芋頭魚" 咁.- 0者0者蝦醬通菜煲: 呢個好吸引, 一大鍋蝦醬通菜, 上菜時已經好香, 亦幾好食, 蝦醬香得0黎唔會太鹹.- 乾扁四季豆: 唔辣, 不過都幾好食, 鑊氣夠的關係吧.另外仲叫了栗米班塊同帶子炒西蘭花, 不過我無食.環境幾迫夾, 冷

真係一定要預先book定位，book咗八點半果輪，第一次幫襯，一望入去，第一個感覺就係好細，得果十零張檯，逼到爆，無計啦，跑馬地租貴嘛!心水推介:士多啤梨生炒骨$68(士多啤梨香甜，唔酸，配上唔肥唔瘦既生炒骨，送飯一流)，大良炒鮮奶$78(鮮奶炒得很滑，入口軟綿綿，加埋菘子仁及帶子同炒，好夾)。兩碟餸都大大碟，食唔晒。仲叫咗兩隻砵酒焗生蠔特大$35一隻(醬汁幾好味，不過隻蠔有d腥味，扣d分)。例湯$10係清補涼煲豬蹍(淨係覺得落咗好多味精，一般啫)。同男友食完飯就即刻埋單，因為覺得太逼太嘈喇。

2007-08-12幸好做了功課﹐所以一早打電話來訂了位﹐不用在門口當排隊一族。本來想訂7 點﹐老闆說7 點15 分好嗎﹐當然沒有問題啦﹐不過最後我們都早了10 分鐘到﹐怕大熱天時要媽媽站在門外等位﹐但不用等喎﹐好開心。這裡的海鮮價錢不菲﹐不過如果只是吃小菜﹐又不會很貴﹐是一個豐儉由人的好地方。是晚我們只吃小菜﹐服務一樣的勤快﹐一個小時都不用我們已經埋單離開了﹐但一點也沒有趕客的感覺﹐那些阿姐們是怎樣做到的呢﹖4 個人已經點了四個菜﹐但阿姐還介紹例湯﹐見才$10 一碗﹐就試試這晚的沙葛凌魚煲豬掙﹐都幾甜﹐而且好大碗﹐抵飲的。起碼比他收的$8 一位茶錢抵﹐要了鐵觀音﹐但味道完全不對辦﹐而且好淡﹐非常的差。瑤柱糯米釀雞翼($40 一隻﹐兩隻起) - 我們就要了兩隻﹐他們把雞翼一開二﹐剛巧一人一件。雞翼炸得好香口﹐但不會太油膩﹐讚。裡面釀的糯米有臘味的﹐所以特別香﹐再讚。芋卷拼藕餅($58) - 在小食類的﹐在加上價錢相宜﹐以為最多每樣2-3 件﹐怎知是每樣5 件﹐份量之多是有點意想不到。爽口彈牙的藕餅配外脆內軟的芋卷﹐當堂令本來單調的一碟炸物變得口感豐富了﹐都幾有心思。琥珀密椒牛仔粒($7

很久沒有來這裡了，辣椒女忽然話不如來這裡食，沒有所謂便來了。好在得兩個人，因很多已給人預訂了；看完餐牌後便決定了叫例湯、薑焗生蠔、士多啤梨生炒骨和通菜煲。例湯- 味道幾鮮甜，飲完又唔會口喝，都幾好；但忘記了是什麼湯了。薑焗生蠔- 很香很好味，蠔大大隻幾新鮮，送飯一流。士多啤梨生炒骨- 又硬又無味，完全唔得；叫經理來問問，經理二話不說，就叫我們另叫一個體菜，實在值得一讚。最後改了叫蝦仔柚皮，柚皮煮得幾淋，但蝦仔唔夠香，茨汁過濃但無味，都幾失敗。通菜煲- 炒得好香，鄰看到都引不著叫來一試；菜新鮮青綠又爽口，味道香濃又好味。店鋪比較細間，人多就比較濟迫，可惜人少又食不到什麼食物。

今晚一家人提早慶祝母親節, 今次唔要銖記嫦記, 一於試下0的新野, 小妹一早打電話去彭慶記book 好枱, 所以唔駛等~ 0黎到見到地方原來唔係太大, 枱與枱之間都迫迫地, 但0的人都幾好禮貌, 唔錯~六個人叫左六個餸: - 士多啤梨生炒骨: 呢個果然係招牌菜, 枱枱都叫咖, 味道真係好好- 話梅豬手煲:味道酸酸甜甜，哥哥話0的味道有0的似豬腳薑, 佢講完我地都認同, 哈哈- 0者0者通菜煲: 味道ok- 蒜香雞(半隻): 呢個好味, 皮脆肉滑- 粟米石班: ok- 冬菇紅燒豆腐: 呢個都好味, 唔太咸, 豆腐亦好滑嫂嫂另外叫左一碗例湯, 今晚係清保兩, 我都試左一啖, 飲得出無味糧0的餸整體上唔錯, 今晚加埋0的白飯菜芥計埋$600, 都reasonable 啦, 而且我地都食地好開心, 如果佢地方大少少, 無乜迫就好好啦~下次會再0黎試其他餸 ~

今日再戰跑馬地，揀了吃中菜。蒜香骨(好香口)﹑西施四菇(類似炒鮮奶，有冬菇﹑磨菇﹑草菇﹑金菇)﹑豉椒鮮魷炒河(幾大碟，味道淡了些)。多些人來會比較好。

新年又到此吃飯,留意到菜牌加左價, 大部份加10元,加幅都超過10%, 所以會減少次數來吃晚飯了!

每次有朋友回來, 我都會帶他們到此吃飯, 因為每次都保持水準, 朋友亦讚好.今晚改吃貴妃雞, 有鮮雞味, 士多卑尼骨好好味,獻汁少不會一堆紛, 生菜褒, 話梅手係必食.其他小菜亦有特色, 係一間值得推介食店.唯一可惜係地方細, 不可以慢慢坐閒聊.

9 November 2006 (Thur) - 晚飯去到已經係差不多九點既事，所以完全唔需要排隊，我同姐姐叫咗個士多啤梨生炒骨，同一個金銀蛋硯菜，再加兩碗白飯及例湯，食物真既好唔錯，雖然其實只係好普通既菜式，值得一讚既係佢哋既態度極好及’忻’勤，令人覺得好舒服，不過舖子就細啲～～希望下次去叫多啲人，我好想試下佢其他既餸～