彪哥海鮮菜館

營業中

休息中

今天去一間超過三十多年餐館吃飯，試下水準有無保持彪哥海鮮菜館地址：官塘宜安街4號牛頭角地鐵A出口，大約步行5分鐘又是重温這間三十多年的菜館南乳炒耦片一道開胃前菜，在人人茫海中，找到你的偶遇，吃了第一口，越吃越想吃的感覺懷舊蝦多士吃到年幼是爸爸帶你去吃飯感覺，多士香脆，加上沙律醬，細細已經喜歡上，蝦頭膏更香濃，蝦跟脆多士配搭，好味海班魚新鮮游水花英斑海魚，魚味超正，蒸魚豉油也做得很出色日本黑牛腹上肉堂灼黑牛腹肉味超凡，有口感，味濃，調味有花椒味小小辣香，加上清新菠蘿相配，惹味，底菜還有銀芽韮菜，油香豉油一道用西式雞尾酒杯擺盤，三色蒸水蛋，買相以為是甜品中間面放了一粒荔枝，荔枝入面是豬肉底層白色是蛋白，第二層是甘筍顏色，第三層是波菜色 ，面放上墨汁網，令買相加添美感温馨提示如果要吃特別菜式，請預早落單， 耐心等待，廚師要用時間去做出好菜，上天賜給我們福氣，是可以品嘗人間美食

諗住支持下食肆 幫襯下外賣但呢間彪哥海鮮菜館外賣既份量 少得離譜 同價錢完全不成正比呢餐成為$600 （4餸一湯加小食1個）就算網上外賣平台價錢每個餸大概貴1成個份量都唔應該係咁少 個外賣盒已經比正常細仲要裝一半都無😢響咁既經濟情況下 無晚市做 都唔做好啲 keep 多啲啲外賣客 太失望了！觀塘朋友 不要中伏蠔仔煎蛋豬肺湯泰式鳳瓜Wasabi 牛柳粒雜菜煲咕嚕雞球味道ok 但份量太少都裝唔到一半 個盒😢 太唔合理觀塘朋友 不要中伏

今個星期五…Happy Friday, 當然約班朋友仔岀去 聚一聚…咁就去左近牛頭角既彪哥，好彩有 book 到位…唔係就有排等位…都幾多人排隊。我哋就叫左唔少野食，有霸王雞，白切雞，椒鹽九肚魚，金銀蛋莧菜，牛仔骨，咕嚕肉，炸大腸，黑椒蜆肉炒面，炸鮮奶…樣樣我都有食下～整體都幾夠鑊氣。比我揀次序：我會揀炸鮮奶》黑椒蜆肉炒面》霸王雞》炸大腸》椒鹽九肚魚》金銀蛋莧菜》白切雞》咕嚕肉。呢度飲啤酒幾特別…係用戰鬥碗黎飲

話說同同事係裕民坊搵午餐食，行到去宜安街，見到好多蛇店，但同事唔食得所以就去左呢間菜館。菜館就應該係蛇羮店轉形做菜館。首先就係黎左碗蛇羮，屬於一般細size碗。肉已經唔多但係蛇肉就更少，啲雲耳都唔係爽口，而且個汁都唔算太濃，真係麻麻地。至於薄脆就有啲濃味，炒過左龍。糯米飯都係麻麻地。啲臘味唔多夠，同啲飯好濕，有啲漿口，好難食。豬手飯就正常，啲皮都算爽，汁都有南乳味，豬肉都算林，普普通通。環境就普通阿伯飯堂，野食就一般。可能晚市會好食，但日頭就真係食碟頭飯算

再次嚟到彪哥叫咗幾味都幾好｜不過招牌砵酒焗蠔，再次沒令我同朋友失望！蠔係桶蠔，先有脆漿炸過令到邊係有咬口，而洋葱及砵酒令到味道提升，好嘢！因為剛剛炸起咗炸牛奶，同朋友一人一件。個漿教得剛剛好，牛奶甜味適中。水準之作！

球會季度聚會,飲食組幹事找到呢間開業30多年得奬無數的老店,自太子爺接手,更努力鑽研新菜式,廣納食客意見,務求做到你想到佢做到。靚仔太子爺自小跟隨老爸學廚,看似30出頭,那份對製作菜式的熱誠,真是現今年輕人少見。太子爺精心為我們度身訂做當晚菜單,包含了多款得獎菜式,每個菜太子爺也親身介紹菜式烹調技巧及吃法(最佳),真貼❤呵☺。菜單包括👇川貝蘋果無花果燉大海星黑金磚豆腐彩蛋百花卷 砵酒焗美國桶蠔 鹿筋薑醋 豉椒炒蜆星面底 八寶鴨蜜椒薯仔牛柳粒半煎半焗馬友魚銀魚櫻花蝦炒花生苗掛鹿米線堂煎鐵板鹿舌燉湯材料更是當天才決定,因為他當天見有這新鮮稀有材料👉海星,㷛足6小時,清潤鮮甜非常適合現時悶熱天氣,喉嚨即時很舒服。💯黑金磚豆腐用了時下新興健康食材竹炭,簿簿一層於豆腐上,外脆内軟,味道濃,個人十分喜歡😋。其中一得獎菜式是彩蛋百花卷,簡單的材料,酸薑皮蛋蝦膠,外皮包威化紙炸脆,乾身不油膩,酸度帶甜平衡得剛剛好,擺碟還很西化,果然是得奬之作。👍砵酒焗蠔,蠔邊煎得微脆,加上砵酒汁洋蔥同吃,收汁濃度剛剛好。鹿筋薑醋是另一得獎作品,看似黑色啫喱,鹿筋的骨膠原已溶入薑醋啫喱,内𥚃還有鹿筋粒,煙煙韌韌的,第一

放工夜麻麻去邊吹水好？梗係去彪哥海鮮菜館啦，地點鄰近地鐵站而且營業時間長，最適合朋友吹水！首先環境方面，菜館以懷舊茶檔為主，幾張圓枱放於店內，裝修簡陋，地方不太乾淨，而且有d狹窄。其次食物方面，小編食左香脆花生苗，花生苗爽脆新鮮，而且味道調教得好，所以食落去唔太淡。另外，黑金鏄豆腐，大家唔好俾個名嚇新，佢唔係黑色，只係加左黑芝麻，所以先叫黑金鏄豆腐，豆腐好滑，炸得脆卜卜，熱辣辣，加上冰凍既啤酒，真係好爽！最後價錢方面同一般大排檔一樣，都係80-90 蚊一個餸，食海鮮當然會貴d。整體來說，除左環境不太好外，其他都還可以的，係附近返工既朋友也可以試下！

彪哥實在太令人失望，每況愈下，凍雞都算了，青芥牛肉而家唔係青色都算了，仲要少到咁都唔好意思影出黎。腐竹糖水又稀又油。 .....#hkfood #hkfoodblogger #hkfoodreview #hkig #hkfoodie #travelhk#foodstagram #eatstagram #foodie #foodblog #foodig #instafoodie #foodporn #foodreview #foodhunt #foodbeast #coffee #coffeeaddicts #먹방 #맛집 #인스타푸드 #홍콩 #먹스타그램 #일상#comida #delicioso #comer #gusto@eat_travel_weekly @ufoodhk

屋企人出外旅行，而我吔呢啲「無飯煮婦」最好梗係出街食啦。突然想食下大排擋嘅風味小炒，search 一下就搵到呢間喺附近嘅菜館，叫左兩個餸，一個Wasabi 牛柳另一個係香脆花生苗。牛柳粒好香而且冧，雖然我唔好wasabi, 但味道又幾好喎而且又唔會太辣，有肉喇咁就叫個菜啦，老闆娘推薦花生苗，平時花生就食得多啫，苗真係未試過，而且老闆娘話好爽口，咁就試下啦，估唔到又幾驚喜喎，好香鑊氣，再加埋惹味爽脆，搞到另一位煮婦話返屋企要試下整呢個菜式總評價來講，份量OK，味道好OK 價錢OK，係晚飯時間要排隊等位耐咗少少，建議打電話Book 枱

老豆話聽講幾好食就試一試佢見到一牆都係獎牌以為好得點知未食已經一肚氣樓面完全唔掂諗好菜想叫落單叫左幾次都無人理 被人當透明終於有個阿姐黎到佢一輪咀係咁推介啲海鮮乳鴨唔比我講我話已經諗好 唔想食佢介紹果啲 佢即刻走左招乎第二枱🤦🏻‍♂️⋯⋯🤷🏻‍♂️最後老闆娘好禮貌過黎比支筆我自己剔叫左支啤酒叫左四個菜椒鹽鴨舌金沙茶樹菇沙拉骨得獎名菜香港炒飯上左兩個餸酒小菜之後坐左幾個字都未上到菜隔離有好幾枱都係咁名過於實....除左個鴨舌幾好食個炒飯真係得啖笑味道一啲都唔特別埋單 $385雖然老闆娘好客氣不過我都係忍唔住要打返編我諗都唔會再食

叫咗個咸菜豬肚煲，第一次嚟入面有隻蚊滋叫佢換過！換完反嚟，食食下入面有邊竟然有隻小強同一個餸，嚟兩次入面都有料到，其他嘢都即刻食唔落！結果我同老公夜晚都肚痛，今日去睇醫生，醫生話係腸胃炎

一行6人特地約黎呢度食飯，特別早一日訂左燒鹿脷、羊腩煲同砵酒焗蠔，因之前食過好正🥰先黎個老火湯，大白菜煲到好淋，淡湯好甜下，岩岩好一人一碗。*黑金磚炸豆腐*用百福豆腐整，外脆內軟既口感不錯，而且份量都多，有淡淡芝麻味，其實幾有特色，只是我不愛吃芝麻😅*豉椒炒蜆配星麵*醬汁惹味，d汁送埋麵一齊食係幾夾，麵就脆卜卜咁，蜆肉都鮮味。*泰辣去骨鳳爪*個汁辣度剛好，去左骨仲有d筋位嗦嗦聲，而且入味，食完幾開胃👀呢個*辣酒花螺*岩晒我🥰夠晒辣，粉絲索左d湯汁好正！花螺煮到一拉出黎就係，都新鮮。*香濃羊腩煲*個汁又真係香濃既，真係羊腩黎，肉煲得夠淋👍🏻有冬菇、支竹都好入味。*香脆花生苗*第一次食，有d似芽菜咁，但大條好多，真係有粒花生係度，都算幾清甜。*砵酒焗蠔*好肥美既蠔，隻隻都好大隻好甜🤤個汁又香濃壓軸出場*燒鹿脷*廚師會走出黎燒比你食，會配埋雞髀菇一齊燒，令雞髀菇索埋鹿脷滲出黎既油😯雞髀菇本身甜帶少少鹿脷既香味，完美演繹🙊鹿脷味道比一般牛舌味道更濃郁，騷味更出，我鍾意🥰當然都好嫩滑啦～食到7788，整個*大良炸鮮奶*當甜品，甜度適中又滑嘟嘟，食飽飽食埋佢都唔覺膩😁

喺牛頭角地鐵站行5分鐘就到，依家餐廳係食小炒，佢有個炸鮮奶，非常好食，而且仲要超級抵食，七蚊件好大件，炸鮮奶裡面好滑，而且食到好濃既奶味，仲有少少椰香味，推薦炸大腸拼炸奶，大腸乾淨，肥美豉椒炒蜆，味道非常鹹，但好彩蜆冇沙，麵好乾沙拉骨，味道幾好，份量大，好多肉蓮藕片，煮法各師各法，依間就比較豬肉好多，好少蓮藕，但係煎得香口，唔係太油膩，仲可以逐件叫腐竹雞蛋糖水，味道唔太甜，煲到啲腐竹及白果溶晒，超級好味，仲食到蛋花香，下次試下個燉湯先，收錢服務仲好好添

很好，這頓飯，沒有點雞，雖然沒有吃過這兒的雞，不知是否十分驚為天人，但是由於其他各項小菜各具特色，因此多試其他小菜更好吧。第一次來到觀塘這條所謂食街，其實看見餐廳裏有很多特色食品，例如甚麼鹿薑醋、鹿肉掛米線等等。但是由於要顧及其他友人的偏愛，因此選了一些比較大路的菜色。士多啤梨骨，幾乎是一看餐牌之後，立即很想點來的。結果，就最為失望，因為一看餐牌就想試試，但是結果，不是那些新鮮士多啤梨去弄的京都骨，而好像只是差了一點士多啤梨果醬混入弄的排骨。但是，其實那件骨的肉質也非常好，大骨的部份口感會比較好，不太肥膩，口感一流，可惜汁醬不太具誠意。蒜蓉炒豆苗，蒜蓉的份量剛剛好，豆苗帶一點蒜蓉香，也不太細碟，算是挺划算的。份量多而出煙，賣相不錯。避風塘雞翼，反而，聽來只是普普通通一個雞翼，但是加入避風塘風味，賣相亦相當不錯。就像平日避風塘炒蟹那些蒜、辣椒、蔥粒。雞翼夠肥大，亦都夠大隻，避風塘味道已經完全吸入雞翼之內，不受得來的人可能會覺得挺辣，而我也剛剛好可以抵受得了這種辣味，覺得非常香口。蓮藕餅，其實蓮藕餅這種食品真是各師各法，因為有些地方的蓮藕餅，豬肉成份少蓮藕較多，那麼口感就會比較鞋。但彪哥這

觀塘牛頭角交界有一條宜安街，可說是區內食街，短短二、三百米距離內餐館之多嚇死人，而且中、泰、越、日、印尼等菜均找到。由於辧公室就在附近，一星期總有三、四天在此搵食。但因為九成九都係一個人食，多數去茶記便算，這天舊同事來呢區飯聚，話想食傳統粵菜，我就選了位於宜安街內、都有兩、三年冇幫襯過的「彪哥海鮮菜館」。此店不大，我又冇預訂，所以早一點在六時四十五分來到，總算不用等位。先叫支青島解渴兼等齊人，店家用現時流行的戰鬥碗，都有雪過D碗，還算貼心。雖然此店做蛇羹起家，但這天想清清地，決定來一大盅大白菜燉豬肺湯。呢個湯好清澈，大白菜散發淡淡清香。整體而言味淡但令人喝得舒服。懂做菜的都知洗豬肺好麻煩，而這裏的豬肺洗得十分乾淨，一點異味都冇，呢一些功夫錢抵比。黃金蝦味道合格，至少蝦尚算大隻，肉質亦算彈牙，若咸蛋黃用多一點的話會更惹味。金銀蛋浸菠菜普普通通，肉多個菜，其實菜的份量多一點會更好。蜆芥鯪魚球做得好好，個球搓得夠圓潤，放了一段時間也沒有縮水，抵讚。而且呢度用的蜆芥醬又不會死鹹，反而真的有提味之效。個豉椒炒花甲加多三十元要個星麵底，其星星賣相絕對是呃like之選。總算花甲夠新鮮，沒有打不開殼的