彩逸皇宮

營業中

休息中

明明條魚吾熟 女經理（應該係呢個post) 拎上黎時仲扮曬野話好熟 係甘淋油遮住吾熟既紅肉 態度惡劣 叫極都吾拎去蒸 最後先死死氣拎去再淋滾油嬲到暈 服務態度好差好差 咩料呀間野

食野，除左味道，衛生，價錢等，服務都非常重要，但呢2間野，免費我都唔會去，睇電話都知2間野其實同集團，下至知客，上至經理都寸寸貢，而且我地前日有訂台，有訂=無訂，訂台時接電話既係睇彩逸，但琴晚去到，我比埋電話既通話紀錄係22543322佢睇，但佢都話無我訂台資料，之後又掉個波比隔黎，話我應該訂左隔黎，到我過隔黎，隔黎個知客又話無哂台，訂左台都要係門口重新walk in排，重點係，你2間野電話一樣，接電話既又係彩逸，試問客人點知你幫人卜左既係叫鼎豐呢?而過到鼎豐又話無台，要重新walk in排，呢個訂台程序又係咩玩法呢（同場加映：就以上事件，我地梗嘈左陣啦，亦搵左經理出黎了解啦，但經理竟然講左句，鬧完未，我出黎比你鬧完我先開始做野，原來佢既職責貢特別，返工係主要比人x既）

由於早前姨媽生日正日撞正八號風球，之後表姐同我們又一直都有嘢做，所以要等到今日先可以同姨媽補祝生日，首先我們去咗天水圍嘉湖銀座嘅「彩逸皇宮」飲下午茶！我們叫咗金沙千層糕嘅質感好鬆軟，而每層中間嘅流沙蓉亦好香甜濃郁！斗門鮮蝦餃嘅餃皮好煙煙韌韌，蝦肉亦好爽甜彈牙！絲苗白腸粉都幾軟滑，而且有淡淡嘅米香味！川汁紅油抄手嘅抄手皮都幾薄身，醬汁嘅味道唔算好辣，但都幾惹味！蟹籽北菇燒賣嘅肉質雖然都算爽口彈牙，但蒸到有啲過咗火，所以感覺有啲「粗嚡」！四寶滑鷄扎嘅魚肚燜得好腍好入味，其他亦不過不失，雖然味道唔錯，但賣相就「麻麻地」！香橙燒風鱔一開始攞嚟嘅第一碟嘅燒鱔竟然有兩種唔同嘅顏色，而且大小比例亦完全唔同，我們即刻同店員講話點解同一碟裡面會有咁嘅問題出現，係唔係求其將兩碟唔同嘅撈埋一齊？雖然店員表面話肯同我們換過碟，但面口就表現出好唔滿意咁！菜遠龍躉球湯淮山麵嘅材料雖然係好足料豐富同味道都幾好，但啲麵就煮得唔係好熟咁，有啲黏埋一「嚿」！

好耐無飲茶，今日突登嚟彩逸飲，4個人去，都食得夠飽叫嫁🤤一開頭嗌咗份蘿蔔糕，一份有3件，味道可以，亦唔會好散係實實哋嘅感覺，煎得好香口，食落都仲熱辣辣，有附甜醬辣醬，但我覺得都係原汁原味最好食😚之後嚟咗碟腸粉，一共有6件☺️每件腸粉入面都有一隻蝦🦐 腸粉好滑嘟嘟好有咬口🙈蝦餃都有原隻蝦嫁，仲大粒過腸粉入面個隻😋跟著嚟嘅係我最中意嘅燒賣♥️ 食落口唔會感覺肥淋淋，上枱隔咗陣先食都仲熱♨️入面仲有冬菇，但冬菇有點薄😢 不過整體味道係okay的😳當然唔少得排骨啦😝 墊底嘅芋頭好香，而啲排骨數量都唔少✨件件都好多肉嫁😌 即使有骨都唔會好大夠骨，排骨唔肥唔瘦啱啱好😛鳳爪都係必叫之一😙 整得好入味，另外花生好腍，放喺條脷到用上顎輕輕一壓已經扁咗😲仲有粉果， 皮唔算好厚😬入面好多料，花生炒得好香，連我唔太中意食花生嘅人都要俾個like唔少得最中意食嘅包包，無論無中式定西式我都咁中意😋另外仲嗌咗鯪魚球😚雖然係啖啖肉但係有芫茜嫁，唔中意芫茜嘅人要小心唔好中伏😖4個人食咗$236

間吾中同家人都會去依間飲下午茶，今次又再去！每次必嗌流心奶黃包，之前食都覺得依間係附近嚟講比較好食既一間！點知今次去到食根本無流沙，同店員反映佢地無正視，態度係吾可以接受的！首先無流沙，入面餡係完全得咸蛋黃味道，有點令人懷疑係翻蒸好多次既結果？餡完全變左固體！之後我地向侍應定吾知係經理既人反映話係咪嚟錯第二隻奶黃包，因為光顧過好多次都吾係依個質素！我地語氣都係平和！之後個個人就回應話我地淨係得一隻流心奶黃包，無嚟錯，係依隻！我地就話但之前食都吾係甘既！佢都係一直重覆我地得一隻流心奶黃包，係依隻！係完全無諗住處理我地既情況！如果個包係因為製作既過程變成甘真係有對身體吾好既可能性！當時家人諗住我地已經咬左其中一個包就廢事話取消或者點，我地並吾係要搞事既客人，但得到既反應態度真係吾係甘好！之後我地再問係咪製作既問題（因為想得到答案，如果一路都會係依個質素，下次就吾需要再點），個個人就話會同師傅了解一下！但以為了解完會比番個答覆我地，但眼見個位人士依然係樓面行嚟行去，無意欲同我地解釋番其實我地都知道奶黃包都係十幾廿蚊既點心，但一睇就知吾係一個流心奶黃包該有既樣貌，顏色，所以先作出反映希望有改善

話說今日早上同我個仔去飲茶，由於小朋友比較百厭同好動，所以選擇吾搭抬，講左係一大一細，叫我入v房，入到去有個態度好差個女人話你幾位，我話一大一細囉，佢話呢度要兩位先坐得，叫我坐出面，於是我即刻著左，咁我吾食啦。 我想講我個仔吾係人咩，同埋咁你出面個位都覺得無問題，你出咩聲先，最低能係我打去寫字樓投訴，佢話比店長電話我，聽都無人聽，咁既態度吾怪得你95年成立到宜家都係得果幾間分店啦，垃圾中既垃圾，你間酒樓吾好收加一，因為根本無服務。最後一提，呢間野係新榕記集團

由於今日係本人嘅七姨丈生日，七姨丈特意喺天水圍嘉湖銀座嘅「彩逸皇宮」訂咗一圍同我們一眾親友一齊食晚飯慶祝！今晚嘅菜色有：白灼海生蝦真係超新鮮，肉質非常結實彈牙，而且好大隻！高湯本地龍蝦伊麵嘅肉質相當爽甜彈牙，而且擺放得都幾整齊，令到賣相都幾吸引，而伊麵嘅麵質好爽滑，唔會好腍身！姬松茸海星螺頭燉唐排燉嘅火候十足，而且湯料相當足料，所以湯底嘅味道好鮮味濃郁！蜜餞鱔拼盤有爽滑嘅海蜇、炸得外脆內軟嘅豆腐、比較清淡嘅腐皮同燒得相當皮脆肉滑嘅燒鱔，味道都幾香甜！蜜欖燒肉排喺上碟嗰陣見到肉排係一條一條好整齊咁擺到好似層層疊咁，賣相好精緻吸引，肉質好鬆化軟滑，唔會有硬實實嘅感覺，而且味道好香甜！腰果鮮淮山藕片嘅質感好清甜爽脆，食完幾道比較濃味嘅菜色，再食呢個清淡啲嘅，感覺都幾舒服！翡翠炒龍躉球嘅肉質相當鮮甜彈牙，而且份量超多，起碼每人都可以有兩件！清蒸海星斑好大條肥美同相當新鮮，肉質非常鮮甜嫩滑！長壽伊麵唔算好乾身，但味道都幾入味，而且唔會好鹹！鮮蝦荷葉飯嘅材料都幾足料豐富，米飯吸收晒荷葉嘅清香味，但質感就比較諗身！

今日去咗天水圍同朋友飲茶，幾個中年女士叫我去呢一間。一餐一餐埋單每人＄60左右即係＄240。總數大概點左七個點心。其實本來點了8個，因為有一個被取消所以變咗7。算啦百無禁忌。其實以呢個俾個價錢，我都冇乜講架，只能說我會用呢60蚊去食更好既下午茶。成個下午茶都無野特別好食，但係我最唔開心嘅就係個流心奶黃包，請問點樣流心法？睇圖就知。我只見到好流，係流料個流....流唔到心就叫奶黃包啦，被騙了無下次啦⋯⋯

一向不太相信食評,見到有讚有踩先覺得比較正常,但見到有關依間酒樓既食評,真係難分真與假我覺得都係大家親身試一次比較好,但我相信大部份人食完都是一肚氣依間d食物一向講求抵.好味.衛生,但係依間酒樓係做不到有幾次要入去天水圍探啊媽,就會去到嘉湖酒樓食野就係食物質素真係麻麻地,自己都叫食過4~5次,食物有時熟有時唔熟,燒味望落樣衰又唔熟咁,咁上次衰過今次醒目叫點心食就算啦,煎個蘿蔔糕白滑到我都唔知熟左未,更加唔好講話煎啦彩逸間野唯一叫好d既地方就係個環境同地點,雖然食物真係幾垃圾但係坐底個大堂都算闊同熱鬧,都唔怪得啊媽鍾意去依間野食記得好耐以前依個地點的另一間酒樓,個窗望到出面個公園,而且大堂仲闊d長d咁依間野好似封住個窗咁,真係幾哂左個窗外環境今日放假陪個朋友入去天水圍行轉,點知佢又話要去依間酒樓我問佢點解要去食間野,點知佢話見到食評網話都算ok,而且又叫皇宮都唔會好差掛咁我望望佢話個食評網,睇完d食評真係.....如果間野現實同食評評價一樣既話,咁我都可以勉強食,睇完我都係唔q信食評網,我睇完拉佢去下面間稻香食野算依家坐係稻香間野都唔錯,雖然係2樓但都望得到出面個風景,食野都唔算差打緊依

早茶時份，我們一家到了彩逸皇宮吃點心。布置看上去很華麗，環境很舒適。😄菜苗餃🌱是我的最愛，每次必食之點。菜苗餃是蒸的，不熱氣，不上火，一大健康之選，而且味道很好，菜苗新鮮，口感爽口，多菜少肉，首選點心。牛肉球顆顆大粒，配上酸酸的喼汁，絕配。牛肉球彈牙，香口，老人家牙齒不好也能輕易咬開。炒猪紅味道真心不錯，不咸不淡，剛剛好，有點點辣味，不能吃辣的我也很享受當中的滋味，口感十分好，而且還大大一盤，很值得一嚐。Like😊👍咸水角，大大三顆排排隊出現，很可愛的出場。皮脆脆，誘惑力特強，餡料咸咸的，雖味道可好，但是炸的食物，還是吃少少吧！蝦餃粒粒飽滿😆，皮薄餡靚，夾起不輕易弄破皮。品嚐一下，絕對會愛上那種味道，很鮮甜，裏面有蝦味的肉汁，蝦肉佔上大比例，小比例的韭黃，韭黃十分有口感。

難得帶仔同公公婆婆飲茶，本身都無打算寫食評，但呢到既下午茶時段真係唔係好掂，真係忍唔住要反映下，等佢地自己公司有機會知又好？等其他人人打算去呢到飲下午茶前考慮下都好。舅父仔三點左右去到，已即時落定單，婆婆好鍾意呢到既檸蜜脆蛋散，我地叫左兩碟，的確名不虛傳，入口鬆化到你會想笑，真係做得好好味又唔會有油膩感，甜味適中，唔太甜，雖然我唔太食到係檸蜜味，不過絕對係呢到既必食點心。（由於本身無打算寫食評，所以食到尾先影相，得返一舊（≧∇≦））係我地正開心食蛋散之際，侍應姐姐拎住我地遞入既點心紙出黎話我地叫既所有炸物都無，即咸水角、春卷、炸雲吞都無，ok la，咁佢話薄「餐」要問下先知有無，其他我地叫既蒸點心都有，咁ok la。過左陣侍應姐姐返黎話有薄「餐」，咁唔該佢幫忙啦。隨後薄「餐」黎到，煎得外圈脆卜卜，中間又維持到軟糯感，我地都一至讚賞係少有酒樓造到既質素。然後我地見到隔離檯個xo醬炒蘿蔔糕好似唔錯咁想叫啦，填點心紙再加埋金莎千層糕，結果又係話無喇，連個部長自己都同同事講「學咩人做下午茶唧？乜鬼都話無，唔係一日半日架喎，日日都係咁，日日都不停要同啲客講無呢樣無個樣」去到呢到已經有啲忟，叫十樣

三代同堂一齊去飲下午茶，兩個女士加一個小朋友食量細，所以叫嘅嘢食都少啲，主要係想試下啲點心如何。燒鵝湯米線（$16.8）米線比較硬身，好似有煮過就直接放落熱湯咁。燒鴨大約有5-6舊，有啲係皮包骨，有啲係鵝胸，好多肉，鵝肉肉質唔老冇羶味，所配嘅酸梅醬，梅子味好特出又夠酸，精華所在。整體黎講為左個梅子醬可以一試金沙千層（$8.8）面頭有少量蛋黃，但蛋黃味唔特出。蟹籽甫魚滑燒賣（$20.8）內餡真係一啲豬肉肥肉都冇，面頭啲蝦肉好爽口養生棉花雞（$26.8）點解叫養生？因為做法唔似傳統嗰啲用腐皮包，而係材料上高放紅棗,杞子，桂圓。似棉花般嘅豬皮冇咩問題，問題係嗰啲雞肉，有大陣羶味！！！根本可以用臭黎形容

今日放夜左 所以食宵夜時段 叫左個蟹 花膠煲 同通菜煲個蟹有流浮山水準 個味道好出到黎 個蟹肉又鮮嫩！個花膠煲 都唔差既 花膠少左d得2舊仔 個菇都入晒味既 個菜太多油啦 油淋淋咁 唔太掂 總括黎講 d食物黎講都唔差

今日下午我們去咗天水圍嘉湖銀座嘅「彩逸皇宮」飲下午茶！我們叫咗蝦球福建炒飯、百花鳳尾蝦、盆滿砵滿、碧綠帶子腸粉、斗門鮮蝦餃、蟹籽鮮蝦菜苗餃、醬皇蒸鳳爪、原汁蜜味叉燒包同金沙千層糕！蝦球福建炒飯嘅材料都幾豐富，蝦球亦幾爽口彈牙！百花鳳尾蝦嘅賣相都幾精緻吸引，肉質都幾爽甜彈牙！盆滿砵滿嘅賣相唔係好吸引，好似將啲材料求其放面，舖底嘅糯米飯係淡而無味！碧綠帶子腸粉嘅腸粉都幾嫩滑，帶子亦幾鮮味彈牙！斗門鮮蝦餃嘅餃皮唔係好薄身，蝦肉都幾爽口彈牙！蟹籽鮮蝦菜苗餃嘅餃皮比較厚身，唔係好晶瑩剔透！醬皇蒸鳳爪炆得都幾腍幾入味！原汁蜜味叉燒包嘅包質都幾香滑鬆軟，叉燒嘅味道亦幾香味！

你好 .我今日同屋企人第一次光顧貴酒樓 .以下是我的評語 ( 滿分 - 100 分 ; 合格 - 50 分 )：食物方面 (8 分)職員服務方面 (6 分)職員效率吾錯環境方面 (7 分)座位舒服、地方非常大抵食方面 (7 分)價錢合理衛生方面 (6 分)吾錯