彩軒園林茶館

營業中

休息中

一早入泥涌影相, 影完未過馬路已經見馬路的另一邊有人係度招手. 一直都知道西沙呢邊係有泰菜食. 但係唔多知間鋪叫咩名. 初初重反問自己我會唔會去錯鋪頭呢? 但睇左openrice見呢間鋪都開左好多年, 咁即係我成十多年前黎食的個間. XD始終呢度有點山旮旯. 所以唔算好多人, 只有幾枱人. 坐係度可以慢慢食慢慢嘆, 至少無人會催你. 十分relax. 三個人叫左四樣野食. 一坐底就得到呢碟蝦片(?)招呼. 食落十分脆口, 一食就停唔到, 有點辣應該有少少黑椒. 但我都接受到的應該對好多人黎講係小兒科. 海鮮濕炒河. 一望落去全部都係料... 一分錢一分貨. 再入埋口. 只能說收呢個價錢我們都心甘情願. 味道剛剛好, 至少唔會淡亦唔會咸. 連身邊的朋友都話好味.  而且佢地係即叫即炒, 黎時係出晒煙夠新鮮熱辣.蝦餅. 同樣係即叫即整, 超爽口. 蝦肉彈牙. 配埋漿汁. 身邊的朋友已經食到停唔到口. 原隻菠蘿炒飯. 若果用碟上係會平$20. 呢個飯材料也同平日食的唔同, 連臘腸都有. 都係第一次食. 三個人食絕對足夠. 最後上的豬頸肉. 同樣配有漿汁. 而且份量大家自己望... 絕對唔欺場

昨晚一家人來到這裡吃晚飯，是朋友介紹的。餐廳環境優雅舒適，地方整潔，食材新鮮衞生，味道不錯，尤其特別要推介的是咖喱和粉絲蝦煲，還有很多特別菜式其他泰國餐廳是沒有的。這頓晚飯令我們感覺非常滿足，亦感謝服務員的熱誠招待，下次一定要再來啊！！

Al fresco dining. Friendly service. Good bathrooms. Parking available. Generous and savoury portions.

下午茶時間入內，發現凍飲要加$10蚊。另外還要加一服務費，但一行4人無奈接受因為已經坐底咗，叫了2份西多士，雞翅出前一丁，雞脾薯條，全部熱飲，男待應即時黑面，等了又等，其他遲來的客人也食完走了，最後我地忍唔住向待應問一下，食物才到，我們等了45分鐘。這次之後我們永遠不打算再來了。

今次係第一次同bf去呢度食泰國野dinner,點知就有個咁bad既experience~落左order,等左大半個鐘先黎第一樣野食,重要係唔多人既時段喎!叫左:1) 香辣雞肉炒飯ok2) 星洲炒米ok3) 黑椒軟殼蟹偏咸,軟殼蟹唔脆,係淋既! (老實講,咁既價錢,人地沙x王都好食過佢!)d食物黎既次序錯晒都算! 另外,永遠都唔會有staff主動過黎fill水,到我地舉手想叫staff黎既時候,都無人應你,感覺好似去左個荒島咁!!! 真係食到一肚火!!!!!!!!!!!!! 咁既服務質素,我地真係以後都唔會再去!!! 到我地埋單,走去攞車既時候,仲聞到出面有d古怪既臭味!!!

今日去左哩間野食,真係取巧到不得了,可以用過份嚟形容~~~一個茶餐,泰式湯河$45,凍飲加$10,但係一個散嗌既泰式湯河都係$39咋~~~超級當你係水魚,佢地標榜自己係正宗泰菜,我地嗌左個泰式生蝦,個蝦冇問題,但個生蝦汁完全唔掂,都唔係果樣野嚟架~~如果唔怕食貴得嚟又唔正宗既泰菜,可以去幫趁下~~

一行三人..因為附近的停車場無位，迫住駛入去呢間.... 咁就後悔莫及點了 2個椰青、2 個tea set小吃及1碗芒果椰汁西米露tea set 小吃是唔包野飲... 例如有西多士、串燒等等是次小妹點的是.. 雞脾併沙律 及春卷併沙律.... 味道及格椰青就no comment 啦,碗芒果椰汁西米露 稀得離譜... 只係得冰... 大家樂的紅豆冰好其10000倍而最令本人失望的是.... 小吃來了沒有餐具，向伙計索取. 有一個伙計把义和碟送到 並已放下枱上.另一個伙計走來，叫該伙計把該套餐具先給另一枱客人。實在太唔make sense!!!!!!點解要俾佢地先?? 已經放低左都要拎走??佢唔識攞過第二set俾人...???太離譜, 一定唔會再去.完全唔識尊重客人。

這次踩車地點改了去馬鞍山 , 順便到西沙茶座坐坐 , 過馬路時已經看見兩人在拉客 , 一個左一個右 , 看見彩軒有下午茶就選了它 . 坐下來才知原來是沒有飲品 , 一個西多士加一後也要 $30 , 最後也是選了炒粉麵 . 三個人點了泰式炒河和泰式炒飯 , 份量也好多 , 不會太多油 . Menu 上雖然有兩隻辣椒 , 不過不辣 , 問他們拿了泰式辣醬 , 又甜又辣 , 好好味 . 另外 , 我點了香蕉奶昔 , 朋友點了椰子奶昔 , 椰子好味些 , 又香又濃 . 一般的奶昔比較 "潔" , 這裡的就不是 , 少許稀 , 但也可以接受 . 下午茶也不錯 , 不會太多人 , 好舒服 .

Came here to have dinner before having some mid-autumn festival fun.It was quite vibrantly decorated with flashing lights in the countryside.The food is not so good, but the area and the atmosphere is OK.Ordered the Thai noodles, tasted sweeter than other thai noodles, there was not a piece of lemon or lime to be seen to add to it. As for the other dish, we had fried pineapple rice, curried prawn, sweet and sour pork. The fried rice tasted ok with fresh pineapple, but we thought it was a bit wei

第一次去彩軒係我中四0個年.....自此之後....平均每個月都會黎一到兩次...一黎D野食都唔算太差.....價錢都算OK....二黎....黎得多...同D staff熟晒....有講有笑...好開心....HAHA.....眨下眼....咁就幫襯左9年......如果話佢係泰國菜.....Er...又好似唔係好正宗.....應該算係改良版0既泰式風味餐廳比較適合.....今日lunch.....依舊去左彩軒....今次點左包藏點心, 蒜蓉炒雜菜, 炭燒豬頸肉, 串燒沙嗲(半打牛半打雞) & 招牌炒飯....包藏點心-->用蝦膠包住皮蛋黎炸.....彩軒D蝦膠一向都打得好靚....用料好新鮮....當然都會偶有失手.....根據我0既非正式統計....幫襯10次可能有兩次係打得唔太靚...其實呢個統計結果對我黎講都已經算好好...所以除左包藏點心之外....我最常叫0既菜式就係炸蝦餅....講返個包藏點心.....皮蛋好大.....雖然只有一隻皮蛋....但係呢隻皮蛋0既份量真係一D都唔可以睇少.....D蝦膠好厚.....真係落足料....咬落去....又彈牙...又軟滑

身為半個泰國人, 星期六日通常兩公婆周圍揾家鄉野食. 上星期我倆揾到呢一間食....呢間野o的野食唔錯, 推薦冬陰功, 好香同足料. 生蝦都好食, 有我係泰國食既水準. 當然唔少得烏頭魚, 炸蝦餅... 燒豬頸肉啦, 火喉剛剛好~ 還有個o的醬都幾特別.... 仲有老板介紹食o個個炸皮蛋...好特別..唔錯!食飽飽後再要甜品...ok好味.

(10/11/07)家庭樂郊遊。一心以為「西沙茶座」,與雍雅山房o個類feel。山長水遠來到,原來全變成泰菜,很失望。「幸好」這間也有多士,薯條等小食。一坐低比左兩籃香辣蝦片(收左$13)。彩軒特色炒麵,端來....吓?一碟亂龍(賣相求其)的炒烏冬?一試下,橙色汁好好味,應該有蕃茄、椰汁、菠蘿味,仲有煙鴨胸肉,不太咸,還很腍很香~驚喜!薯仔沙律配春卷,沙律很自家製,不是沙律醬沙律,我鍾意。春卷雖細少,但咖哩饀料ok架!西多士就不濟喇,花生醬好羶味,免強食埋。

在星期日的下午, 和薑餅人駕車到西貢, 想找一間餐廳食一個早午飯, 見這裏未試過, 便求其找一間試試吧.今日陽光很猛烈, 坐在室外縱有風扇也覺炎熱.叫左一客小食併盤和一客柚子蝦沙律.柚子蝦沙律細細碟, 柚子尚算清甜多汁, 蝦細隻, 汁覺略甜, 完全吃不出泰國風味.小食併盤有墨丸(第一次見有墨丸在內!), 唔夠爽彈, 蝦餅, 魚餅, 蝦春卷, 粉絲春卷, 一件荷葉雞. size個個mini版, 荷葉雞肉鞋, 無乜肉汁.加多杯咸檸七, 埋單要$188, 食物唔係咁得(反而未叫食物送來既炸蝦片最得), 所以覺得唔值law.

星期六下午陽光普照, 便駕車到西沙公路茶座品嘗和見識一下, 一坐下便叫了兩個"茶餐", 落單後, 忽然想起飲品, 問問連唔連飲品, 點知原來呢個所謂"茶餐"係唔連飲品ge, 跟住無奈咁叫了一個椰青, 食了一碟3條迷你小春卷和沙律+一碗小型扎肉冬蔭公湯河, 就成為我$120大元, 非常非常唔值喔!! 毫無特式~

上星期六同班friend滑完水去咗附近間彩軒食dinner，喺室外食泰菜都係第一次，好好feel！我最鍾意呢度嘅辣椒膏炒蟹，好冶味！仲有冬蔭功湯，香料夠多又夠辣；老闆介紹我哋食「包藏甜心」，原來係喺皮蛋外面加層蝦膠再炸，啲皮蛋全部糖心㖭呀！呢度啲座位雅緻，坐得幾舒服，室外都裝埋冷氣，服務又唔錯，仲有free parking，我哋五條友埋單都係$630，抵夾盞，值得推介！