彩興來來火鍋 (已結業)

廚師會當面煮湯，味道比傳統火鍋新鮮，而且味道亦比較濃，食物目測應該挑選過，唔似雪藏，價錢亦算平民化，值得一試，可能本人鍾意食雞關係，加上花膠蟲草煲嘅湯底簡直一流，份量ok，位置於高尚住宅區，感覺上食得高尚咗

一間不錯的火鍋店，今日經朋友介紹去試試，吃左個麻辣雞煲。伙計即埸煮，一落鑊香味四溢。吸引到隔離枱D客過來影相。吃左手打丸、黑松露餃、安格斯肥牛都冇失望。下次會再去試鮮魚湯底

第一次來食，老闆娘推介「黃金雞鍋」。儘管試試。原來係蟲草花花膠雞做材料，職員即場爆炒啲雞件，然後再落蟲草花同花膠，叫我哋等湯滾。終於，等到湯滾。嘩！好鮮味，啲湯好鮮甜。嗌咗花雕牛肉，四寶丸，黑松露餃子等。花雕牛肉夠哂入味。四寶丸，係手打，內有驚喜，會爆醬。黑松露餃，夠彈牙。今晚，呢餐食到捧住個肚走。整體嚟講，真心值得推介。

係Facebook見到有間火鍋係帝景灣商埸開左，抱住試新嘢嘅心態去試試，但原來有驚喜。同一般火鍋吃法不同，湯底係上枱先滾。今晚試左鮮魚火鍋，原來係飲左湯先再打邊爐。叫左牛頸脊，入口牛味濃。手打丸全手打食落有驚喜，每款丸入面有吾同味道。其中黑鬆露牛丸值得一讚。 吃至中途有陣麻辣香味傳過來，原來隔離枱炒緊個麻辣雞煲，連麻辣雞都上枱炒？但又真係好吸引！下次再約班辣人會一會個麻辣雞煲。忘記一提佢吔打邊爐係用鑊吾係用鍋。