彩福國宴 (已結業)

回大埔探朋友，順便一起午膳. 友人提議到酒樓吃點心可以慢慢嘆~ 中午12:30來到，不用等位已可直入，不過只餘下數張枱，再遲一點就要等位了. 酒樓有數款得獎點心，見到賣相都頗吸引，我們也叫3款來試試. 原隻鮑魚燒賣皇 ($35) 燒賣大大粒，面頭有一小隻鮑魚，相當矜貴~ 咬一口，鮑魚嫩滑又鮮味，燒賣亦有不少蝦肉，估不到$35 都能吃到出色的鮑魚燒賣呢! 海皇太子餃 ($28) 有如小金魚一樣的太子餃，外皮煙韌，內裡蔬菜比起蝦肉來得多，都幾清新~ 龍皇野菌腸 ($30) 嫩滑腸粉皮包着熱烘烘的香脆春卷，內裡是大量的雜菌，即叫即製得有誠意! 脆素鵝拼燒腩仔 ($48) 素鵝香脆且不油膩; 燒腩仔入口是暖暖的，皮脆且肉質肥瘦相間，也有水準. 金箔芝麻卷 ($18) 這客芝麻卷冰凍可口，入口是濃濃的芝麻香氣，而且甜度剛剛好，很久沒吃過如此濃郁味美的芝麻卷. 再者現在已甚少酒家有懷舊菲林售賣，令我想起小時候與家人到酒樓吃點心的時光! 原個椰皇燉燕窩 ($45) 等候了約15mins，熱燙的椰皇燉燕窩送上了. 養顏的燕窩加上滑溜清甜的燉椰皇，這客甜品的水準比得上甜品

收到喜帖恭喜晒，到時早點到飲多杯，招呼唔到！寶湖夠近，飲飽食醉回家迅速。琴晚坐 11 號枱，今晚又坐 11 號，真巧合。菜單吸引，鴻運金豬全體、上湯焗生猛龍蝦、富貴珊瑚蚌帶子、百花炸釀蟹拑、紅燒蟹肉海皇翅、蠔皇玉掌鮮鮑魚、清蒸沙巴龍躉斑、彩福一品燒雞、瑤柱蛋白炒飯、瑤柱炆伊麵、蓮子百合紅豆糕、白兔仔棉花糖。鴻運金豬全體，靚靚豬山場，大家眼睛發光，久候多時好肚餓喇！肥瘦適中不油膩，皮脆肉嫩咸香出眾，滑滑瘦肉難得的質素。上湯焗生猛龍蝦，第二道菜就有脆麵食喇，怕大家太肚餓，真貼心。龍蝦份量十足，鋪得滿滿滴水不漏，大方得睇無失禮。波士頓龍蝦燴脆麵！客氣生疏食少好多，老友聚餐梗係要搶先開心啦！十二對筷子全開，殺呀！波士頓龍蝦爽甜啖啖肉，陣陣鮮味吸引力無盡，可口滿意。脆麵底不夠汁，彷如餅乾沾汁食，兩啖濕濕口算數，淨食龍蝦更舒暢。富貴珊瑚蚌帶子，雖然炒得暖暖地無鑊氣，幸好海鮮夠鮮、蔬菜夠嫩，好味道。爽甜的紅黃椒，凍而脆卜卜的西蘭花，爽脆鮮味珊瑚蚌，軟滑可口嫩帶子，沾點蝦醬更吊味。百花炸釀蟹拑，一向最好此道，啖啖肉又香口又無骨，一食愛上！先來個原味無添加試試真身。韌韌的皮像魚蛋不鬆脆，蝦膠鮮爽甜美，彈

放工後要回家煮飯真係十分疲累，所以如果有啲又好食，又似家常便飯，今晚就去了這裡食晚飯，本身想食啲家常便飯菜式，但望望吓個餐牌，都係認唔住點了啲家中難煮嘅菜式，晚飯自選特價推介嘅上湯焗加拿大龍蝦跟埋伊面底$250，同加埋隻脆皮黃金南乳雞 68，同個蝦子麵根豆腐煲$82，同柚子爽蕎頭京燒豚肉粒$89，除了有龍又有鳳，加埋兩菜，四樣菜三個人嘅晚餐絕對夠食，上湯焗加拿大龍蝦嘅肉質非常彈牙煙韌，味道夠晒鮮味，加埋跟上嘅伊麵同上湯一齊入口，呢個價錢絕對推介！而個脆皮黃金南乳雞，皮脆肉嫩就絕對正確，燒味部夠晒水準，入口有淡淡嘅南乳味道，又唔會搶了啲雞香味道，正！另外柚子爽蕎頭京燒豚肉粒，用有柚子味嘅燒豚肉就有點似食咕嚕肉，但個味就不是酸甜，而是有柚子香甜之餘，再加開胃蕎頭，入口外脆內軟，十分好味！而個蝦子麵根豆腐煲都真係十分足料，麵根入味軟熟，豆腐十分細滑，加埋啲蝦子在上面，入口口感豐富，如果加多個飯撈埋啲汁都係一個唔錯嘅選擇，可惜個伊麵已經打飽了！最多都係加埋個甜品香芋西米焗布甸$16，呢個甜品入口有濃郁嘅香芋味道之餘，還有軟熟彈牙嘅西米，估不到嘅驚喜之作！一個令人滿足嘅晚飯之處！

客家同鄉會係酒樓舉行一班鄉里十分開心可以大吃一餐哇 上菜之後發覺一D都唔簡單真係好奢侈樣樣都好高檔好足料呀而且海鮮好新鮮乳豬好脆呀啖啖都係魚翅 吃到好開心條斑魚好新鮮 好鮮甜炸蟹鉗好好味啊女不停食 食個不停鐘有桃包 好好味中間D料好正呀如果平時搞活動搞聚會黎呢間酒樓肯定好成功場面夠高級 又夠大坐好多圍台 而且服務好廁所乾淨食完可以打包中間仲有抽獎活動我地幸運地抽到現金獎希望下次再有機會聚餐就黎呢間國宴最佳之選！

放工返到屋企已經好晚，所以通常都唔會煮飯，間唔中都會到酒樓食下晚市小菜，方便得來又夠鑊氣，而小菜煮法過程大致上有炆炒煎炸係一大特色，將食材煮出不同層次，味道亦層出不窮，食落有時會意想不到係吸引之處，是日晚餐又去左彩福開飯！最近有好食推介，點了幾款精選小菜同晚市自選特價推介，就是開始品嚐美食時候先有係上湯焗加拿大龍蝦 $138，仲送埋伊麵底份量十足，趁熱食番啖伊麵吸收上湯味香濃，再食件龍蝦肉入囗結實又飽滿。其後有精選小菜有惹味香辣牛展粒（冷盤）$78，已聞到一陣香辣味道，有青瓜、花生同牛展粒，入口牛展肉質香嫩又帶點辣口感十足，食得惹味最埋飲番杯酒。再來係黑松露秋葵帶子炒滑蛋 $86，黑松露混入滑蛋食落更香甜，秋葵入口爽滑清爽，帶子鮮甜又香滑。夠晒開胃，配埋碗飯就最正。輪到最後一款櫻花蝦XO醬花生苗露筍炒蝦鬆（微辣）$88，櫻花蝦够香脆，花生苗同露筍爽甜，蝦鬆肉質鮮嫩加上XO醬炒食落香濃更滋味，又品嚐左幾款滋味小菜食埋個經典甜品金泊芝麻卷 $18 已經好滿足一餐晚飯，食得經濟又實惠。

中秋節前夕相信都好難搵位食飯，本身諗住七點幾去彩福叫餸食飯，點知原來已經滿座，唯有等夜啲先去，好彩都有位！見到酒樓非常熱鬧一家大小一齊做節食飯，而且裝修雅緻。見到粉紅色的餐牌食物同埋價錢列明晒出來，以為節日食物嘅價錢會比平日貴，點知睇落去又唔係，價錢都合理。茶位一位都只係$14，店員招呼周到，隨即幫我地開咗一壺茶水。見到隔離枱食燒腩仔食得咁滋味，就叫了一份小食-脆皮燒腩仔。驟眼睇兩條燒腩仔切成12小件，份量都頗多，食落去外皮仲係好香脆，咬落去仲有豬肉汁添。配以白飯食更加一流。唔夠喉再叫了兩個小菜，包括菠蘿咕嚕肉同埋西蘭花炒蚌帶子。當中嘅西蘭花炒得好林好入味，帶子非常大隻，食落去一條條絲，可見非常新鮮，仲要好有鑊氣。節日來說$400兩個人埋單有找已經算係超值價錢了。

彩福喺香港有好多分店，九龍區好多間都試過，咁啱見到大埔都有一間彩福，見到咁多人食我哋都唔執輸。隨即職員就帶我地入去坐一張大圓枱，途中經過見到其他食客枱上面嘅小菜非常吸引！已經垂涎三尺！當然唔少得開一壺我最鍾意嘅普洱茶，一邊飲一邊揀嘢食。酒樓餐牌推出左好多菜式優惠，例如彩福三大優惠、經典名菜同埋精選小菜等，價錢非常抵食。隨即我哋叫咗三碗小菜 : 脆皮旺金南乳雞，每一夾雞都非常大隻，外皮非常香口，肉很嫩滑，係呢度嘅招牌菜式，大家一定要試吓。女士們咁貪靚當然唔少得要食魚，經過店員推介之下就order左清蒸沙巴龍躉斑。龍躉斑終於等到佢了，烹調時間真的剛剛好，食落去魚肉唔會太老，反而係好滑溜，恰到好處。黑松露秋葵帶子炒滑蛋好大碟，而且份量都幾多，兩個人食足夠有餘。埋單都係$400有找，兩個人三款小菜嘅份量，已經非常飽肚，相比價錢合理，而且每一款食物都好味，值得再encore。

同朋友喺附近行緊街，就搵吓有乜嘢美食，一行四人梗係要食返啲小菜醫飽個肚。見到彩福酒樓環境舒適，而且座位位置寬敞，隨即店員就帶咗我哋入去坐一張大圓枱。酒樓以小菜、海鮮同埋套餐為招牌菜，而且多種種類選擇，包括時令小菜、燒味、主食同埋海鮮等。除此之外，酒樓餐牌推出左好多菜式優惠，例如彩福三大優惠、經典名菜同埋精選小菜等，價錢非常抵食。店員隨即幫我地開一壺我最鍾意嘅普洱茶，可以一邊飲一邊揀嘢食。脆皮南乳雞最後我哋選擇咗半隻，因為可以試多啲唔同嘅菜式！半隻嘅份量都幾多，而且多肉少骨，仲有雞髀位置添，食落去外皮有少少脆口之餘，肉質非常新鮮鮮嫩，再點少少配以嘅南乳醬汁，味道更加香濃。黑松露秋葵帶子炒滑蛋炒蛋好滑，黑松露味道好香，兩者非常match，而秋葵同埋帶子好有咬口，配以白飯食更加醒胃。招牌小炒皇小炒皇即叫即炒好有鑊氣，當中嘅韭菜尤其入味，仲見到有炒得好香嘅帶子添。除此之外，例牌燒鵝王同埋北菇紅燒豆腐都非常美味。埋單都係$800左右，四個人食咁多嘅份量，相比價錢合理，而且每一款食物都好味，值得再encore。

難得同屋企人食飯，仲要係我阿嫂生日，就去啲比較舒適啲嘅酒樓，大家聚埋一齊食飯順便慶生。見到大埔寶湖商場入面有一間叫做彩福酒樓，知道出面有好多連鎖店，酒樓嘅食物一定有保證，所以就去試吓。餐廳門面開陽，而且招牌大大隻字，仲係以我最鍾意嘅白紫色為主題，裝修歐陸化，華麗而且有氣派。餐牌圖文並茂，而且食物圖片非常吸引，價錢合理，每款餸菜都唔超過$100，好抵食咁。平時少湯水飲嘅我，即刻叫返一盅冬瓜盅，仲要係剩返一千零一個！一盅大約有6-8碗份量，飲落去好鮮甜，而且配料都幾多，包括有蝦、冬菇同埋帶子等，重點係有好多冬瓜蓉啊，大愛！！燒味肉類方面叫咗例牌燒鵝王同埋脆皮南乳雞半隻。不得不讚燒鵝新鮮，而且半隻嘅份量都頗多，多肉少骨，食到唔停口😋。小菜方面實在太多選擇，每一款都好想試吓，最後我哋叫咗黑松露秋葵帶子炒滑蛋、北菇紅燒豆腐同埋招牌小炒王等。當中嘅豆腐好入味，而且口感軟綿綿溶入口中，加上菜心新鮮爽口，送飯必選小菜之一。最後連切餅費都慳返，食飽飯就叫店員攞蛋糕出嚟，一齊唱生日歌切蛋糕，為呢一餐開心而豐富嘅晚餐畫上句號。四大兩小埋單都只係$800左右，可見非常抵食，價錢合理。

呢幾日打風落雨，天氣又潮濕悶熱，嗌左冬瓜盅比去下濕。冬瓜盅好大個冬瓜，就咁睇有竹笙，勝瓜，蝦，帶子，材料豐富🍜侍應一開始當然每人分一碗啦，飲落個湯好清甜，而且冇乜油，飲完一碗每人都要encore黎多碗。薑蔥粉絲中蝦煲：🍤蝦數量幾多，爆到好香口，蝦肉彈牙，墊底粉絲吸晒炒完既蝦汁，入面仲有魷魚乾，口感一軟一硬不錯😋豉汁帶子蒸豆腐：豆腐豆香軟滑，配上濃味豆豉，帶有淡淡陳皮味道，配上帶子，唔錯唔錯。。

今日同老公老爺奶奶出街食晚飯,來了彩福集團的國宴食中菜,雖然住左大埔咁多年,但係來這家食飯都已經講繄好多年次!入到黎人非常多,等左一陣先有位,咁多人黎食得相信都會有保證~入到黎坐低,翻開餐牌,有些套餐和晚市推介都幾抵食,而其中一張係有9度彩既精選小菜非常吸引,所以就點了2款來試試~來既精選小菜係蜜梅柚子京燒豚肉粒,亮精精燒到金黃,入口唔算好油,而味道好開胃,因為梅和柚子甘甜被燒到入晒豚肉粒既味,豚肉粒每粒熱辣辣, 旁邊配左炸香葉,外面甜蜜, 裡面肉質新鮮彈牙,作為開胃菜最適合不過!之後是大良炒桃姿帶子,大良是順德非常出名的名菜,是用旦白溝鮮奶來炒,而這裏竟然都食到,仲要加入帶子及桃姿,非常新穎,而西蘭花炒到剛剛好,超好味!海鮮類既香蒜惹味大海蝦,算幾新鮮同幾大隻,由於用香蒜炒過,所以蝦入晒味!再來蒜蓉粉絲蒸元貝,隻隻都有個碗咁大隻~超誇張!好新鮮,一口都食唔晒~清蒸沙巴龍躉,好大條下,肉質算好嫩滑甘甜,夠新鮮就係什麼都好吃~ 最後係明爐燒鵝皇,呢個值得一讚,燒得好出色!光亮色澤! 帶有鵝特有的味道,肉質非常鮮嫩而味道帶點鮮酥香,皮脆香口!  好出色!整體而言,每一味菜都好合我胃口,下次

係大埔食飯，酒樓選擇唔太多，同6299食飯又唔可以太求其，同老公商量後，我地選擇左彩福國宴，套餐選擇多叫左個三寶，有魚，有肉又有菜龍躉斑頭腩， 當然係為咗我而設啦! 酒樓火力足，黎到當然要食魚，魚肉嫩滑，蒸魚豉油都好甜唔咸，送飯食一流，伴碟仲有草菇，雲耳當然個肉比老公~ 片皮鴨, 個皮冇乜脂肪，可惜侍應有部份切到好厚肉，影響口感餅皮薄身，配上蔥，青瓜，醬，鴨肉整個口感唔錯，食到lam lam利😋西芹腰果炒蝦，口感豐富，腰果甘甜

今日一家大細去大埔食晚飯， 揀咗一間非常有感情嘅嘢茶樓， 就係位於大埔嘅彩福國宴， 呢間酒樓畀我印象好深刻， 因為想當年見家長就係黎呢度食飯 ， 事隔多年再嚟呢度印象特別深!酒樓嘅算係裝飾非常華麗， 非常適合做婚宴嘅茶樓， 位置寬敞而且有水晶吊燈裝飾。 作為一間專做婚宴嘅酒樓菜式通常都比較有保證。 明爐燒鵝皇例牌賣相精緻，而鵝皮色燒到紅而有光澤，皮肉飽滿!佢燒得好成功，因入口既鵝皮有酥香，且油脂豐盈不膩，外皮脆香，而鵝肉有濃郁鵝味，肉質嫩滑，一點都不乾，肉汁香料帶出肉香，整體非常出色!蜜梅柚子京燒豚肉粒呢個菜我比好高分，因佢既甜酸口感特別醒胃，加入了柚子梅子令豚肉更鬆軟，入口肉質香軟juicy。大良炒桃姿帶子用上濃滑既大良鮮奶來炒，加入爽口彈牙鮮帶子， 味道非常夾， 既有奶香又有帶子鮮甜味， 並且加入咗特色嘅桃膠食材更高尚， 西蘭花翠綠夾口!香蒜惹味大海蝦 海蝦好大隻，用香蒜炒到完依然咁大隻，用黎送飯一流。蒜蓉粉絲蒸元貝元貝超大隻，而且非常新鮮，舖在面既粉絲吸收晒元貝既精華，簡直無得頂。清蒸沙巴龍躉 沙巴龍躉足足有1斤2，算係幾抵食夠晒四個人食,而且蒸得啱啱好，熟得黎又滑!

湯內有雞腳味道清甜燒腩仔皮好香脆，肥肉瘦肉均勻(肉質嫩)炒蟹肉質好鲜甜，蟹膏好香口龍蝦(選擇開2邊蒸)蒜好香口，肉好爽口鲜甜蝦仁炒西芹西芹好爽脆，好清甜蝦肉好爽口冷盤滷水味濃郁西蘭花炒班片魚肉鲜嫩，西蘭花新鲜(炒得爽口)白菜配清湯(配瑤柱絲好清甜)額外加楊州炒飯炒得唔油(乾身)，飯粒分明红棗糕味道好清甜，有濃濃的红棗味

今天男朋友媽咪生日🌈🌈🌈😘我地一同六人去左彩福酒樓慶祝食生日飯叫左好多野食😁😁😁我地叫左乳豬，雞包翅，咕嚕肉，蘭花炒鮮魷，龍蝦伊面，同魚，同埋椰汁燉燕窩乳豬好脆好好食👍🏻👍🏻雞包翅 翅份量算多👍🏻👍🏻咕嚕肉炸得唔錯👍🏻👍🏻龍蝦伊面勁重芝士味份量多👍🏻👍🏻 魚蒸得啱啱好，唔會好老👍🏻👍🏻椰汁燉燕窩超正好香！又唔會太甜👍🏻👍🏻男朋友媽咪都好滿意ah🌈🌈🌈🌈🌈🌈整體來講，真係好好，值得一試🤤🤤👍🏻👍🏻👍🏻