彩晶軒 (已結業)

觀塘開左間新的好彩酒樓，同左幾個朋友上去試下，食過好彩另一間V Cuisine，覺得水準不俗，所以對呢一間同名的酒樓都有信心。4個人，叫得唔係好多菜，先叫左個長白山野生冰天木耳蝦。個名夠哂長，其實都係木耳同埋蝦，木耳比我地平開食開的厚好多，唔係脆那種，咬落酸酸甜甜，應該係浸過話梅汁，酸酸地好開胃；個蝦一樣係外面酸，然後都吃到蝦味，蝦身都算爽，可能都浸過某種醬汁，吃不出。跟住上係北海道長腳蟹燴薯蓉羹，先講長腳蟹，差唔多碗碗都有一條大大條的長腳蟹，雖然用來煲羹，但仲係好鮮味，而個羹，薯蓉都真係溶哂，但飲落都仲感覺都有些細薯粒，個羹相當鮮甜，結果我一個人飲左兩碗。最令我滿意的，係醬燒牛肋排。近骨頭的肉，一向最好食，這個燒牛肋排，肉味濃，而家肉質好淋，入口即散，就算連筋的肉都一樣，一咬就開，而且醬汁配合亦相當好，偶然仲食到幾粒黑椒，有種特殊的芳香。這間酒樓都有甜品食，我叫左個心太軟，細細個，兩口攪掂，入面的朱古力好香好濃，不太甜。雖然好似新開無幾耐，但都幾多人，環境都算靚，整體感覺良好，下之會試下飲茶。仲有，原來呢間酒樓可以由APM直接行過去，我地仲由MTR出左行一段路先去。

鱷魚恤中心開了幾間新酒家，本來打算到另一間酒家飲茶，但因太多人等位，所以去了彩晶軒。裝修很美，適合設宴。點心選擇不多，但點心的名稱很吸引人。份量精巧，比一般酒家份量少1/3，很多點心可以一口一件。叫了安格斯牛肉腸，牛肉不錯。小籠包皮薄，口感不錯。糯米雞一般。呂宋芒米紙蝦筒，吃不出芒果味，而且因芝麻吸油，感覺很油膩。心太軟用醬油碟盛起，暖的，亦沒有朱古力流出來，不吃也罷。