影片
更多
2008-06-01
24 瀏覽
我真係未食過一間咁差o既酒樓，真係等執笠啦！！話說我屋企做節，咁咪去酒樓食飯囉~~~原來訂位時個部長已經狂sell個2388全包宴，點知佢就當左我地ORDER左呢個Set！唔緊要，我一去到，即刻呆左一呆：嘩！星期日7點鐘，成間酒樓得6檯客？！！我心裡面都已經打定輸數喇~~~~我地叫起菜時，個阿姐話：「你地幾多人呀？」「9個人實食唔哂啦！」我地即刻忍唔住問：「咁係咪可以轉返個8人餐丫？！」佢又答：「咁又唔得，你一早落左單！」咁我就話喇：「咁你問黎做乜呢，即係廢話啦！！」點知，第一道菜唔係燒味唔係翅，竟然係炒斑塊！食食下，個部長又就黎細細聲講，話套餐裡面個「美極煎海中蝦」冇喎，廚房冇大蝦喎！丫！嗌起菜時你又唔講清楚？！等我食左一半先黎講！佢叫我地轉「西蘭花炒蝦球」，是但啦！西蘭花炒蝦球d蝦，一食就知係雪蝦啦！算啦，都叫做有隻蝦食~~~之後個阿姐又黎上菜，上一味叫「唔知乜野扒四蔬」~~~阿姐話：「嘩，得9個人，實食唔哂d菜啦，咁多菜！！」仲要再「得」多一句：「係今日個場淡淡地先幫你排得咁靚咋！」我地終於忍唔住話喇：「你仲好意思講，2388蚊，不停俾菜我地食！仲好意思話『咁多菜』！！」西芹炒斑
話說我屋企做節，咁咪去酒樓食飯囉~~~
原來訂位時個部長已經狂sell個2388全包宴，點知佢就當左我地ORDER左呢個Set！
唔緊要，我一去到，即刻呆左一呆：嘩！星期日7點鐘，成間酒樓得6檯客？！！
我心裡面都已經打定輸數喇~~~~
我地叫起菜時，個阿姐話：「你地幾多人呀？」「9個人實食唔哂啦！」
我地即刻忍唔住問：「咁係咪可以轉返個8人餐丫？！」
佢又答：「咁又唔得，你一早落左單！」
咁我就話喇：「咁你問黎做乜呢，即係廢話啦！！」
點知，第一道菜唔係燒味唔係翅，竟然係炒斑塊！
食食下，個部長又就黎細細聲講，話套餐裡面個「美極煎海中蝦」冇喎，廚房冇大蝦喎！
丫！嗌起菜時你又唔講清楚？！等我食左一半先黎講！佢叫我地轉「西蘭花炒蝦球」，是但啦！
西蘭花炒蝦球d蝦，一食就知係雪蝦啦！算啦，都叫做有隻蝦食~~~
之後個阿姐又黎上菜，上一味叫「唔知乜野扒四蔬」~~~
阿姐話：「嘩，得9個人，實食唔哂d菜啦，咁多菜！！」
仲要再「得」多一句：「係今日個場淡淡地先幫你排得咁靚咋！」
我地終於忍唔住話喇：「你仲好意思講，2388蚊，不停俾菜我地食！仲好意思話『咁多菜』！！」
西芹炒斑塊、瑤柱節瓜甫生菜、扒四蔬﹙娃娃菜、菜心、西蘭花、小唐菜﹚、冬菰湯鮑扒小唐菜！
仲要之前轉左個西蘭花炒蝦球！
痴線，每一道菜都係好多菜，好少肉，甚至冇肉！！！
最後，個阿姐又黎上o個度燒雞！佢每次上菜都好多野講架！！仲要語不驚人死不休~~
佢竟然超級倒米咁話：「呢度d燒雞唔夠太子o個間好食！！太子o個間由頭脆到落尾架！」
咁我地就話喇：「咁即係呢度d燒雞唔好食呀？」
個阿姐竟然答：「係呀！」
嘩~~~唔怪之得冇人黎食啦！！咁樣倒米法，真係服左佢！！
最後，連「環球生果盤」都話冇，話個西瓜唔靚喎！﹙你唔係咁大間酒樓得一個西瓜呀嘛？﹚
轉左上杞子桂花糕~~~~連生果都冇得食~~~~~
一出門口，竟然仲見到頭先個倒米阿姐擔住口煙係度打牌！！！！
張貼
