強記小食

營業中

休息中

啱啱去買燒賣 ，果阿姐買就插左落桶豉油度，佢啲豉油係咁滴，我咪攞個發泡膠盤盛住囉。本身想叫佢走豉油........ 點知一拎比兩個男人喝住話一串唔使拎，兩串先可以拎。跟住我見隔離鋪 (百佳對面) 一串都可以自己拎，仲要好惡咁喝住，我先頭仲諗住幫襯下小店...... 想講既係，使唔使拎係我主觀感受，點解要你幫我決定？再講啲豉油已經滴左落去，你就咁比下一個客又冇問題？燒賣亦唔平 ($7/5粒), 仲要唔熱🤢🤢🤢🤢🤢🤢下次一定唔會再去。

好久以前在討論區爬貼文，看到「強記小食」被不少網民稱讚為葵芳區最美味的魚蛋。想不到筆者今天下班後，終於有機會來見識一番。正值下班時間，大家不知是慕名而來還是收工醫肚，反正就是店門口排了一條長人龍。小食店出售的食物大都是港人喜愛的。店門放著一大煲魚蛋、一大煲燒賣。2位姐姐做到無停手：一邊問食客要吃什麼，一邊收銀。（此時點餐和付款速度必需要快！）筆者分別點了一串咖哩魚蛋和一串魚蓉燒賣，各7元，價錢尚算合理。魚蛋質感非常韌，亦不怎吃到魚香味。但咖哩汁的確很香，入口後有陣陣咖哩辣味，色香味都做得很好。咖哩汁的出色成功補救到魚蛋的質素。魚蓉燒賣和甜豉油是絕配。味道當然就是一般小食店都吃到的那股味，平平無奇，沒有驚喜。（但也慶幸沒有中伏。）總體而言，魚蛋的咖哩汁的確不錯。但筆者就不敢武斷它是否葵芳區最好食的魚蛋了。

收工之後返到葵芳 唔想食咁HEAVY之後就去左強記買魚蛋食每次食 我都話好辣好野味老公唔信今次終於有機會帶距去試下睇下距有咩反應我話好辣 距唔信仲要加辣 食到距 即刻要係7仔買支可樂即刻飲笑死我不過老公話越辣越想想食而且魚蛋裡面有少少陳皮另外叫多個腎第一次試都幾入味最緊要係食左咁多年呢間魚蛋最好味都係距不得了其實介紹過好多同事朋友仔黎食有D一試難忘 食完之後個個都番轉頭間鋪細細間 係KF MTR隔離條細巷行過去 好多人排隊買 果間就係喇

想推介呢間好耐！食左好多年！！我真係好喜歡呢間既墨魚丸！！！♥每逢放工放學時間，呢度必定人頭湧湧，大家經過都忍唔住食一串先番屋企！呢間野除左墨魚丸，魷魚之外，仲有好多都係好好味既選擇，例如魚蛋，生腸……各有喜好！有辣有唔辣，辣汁好出色好惹味！😋😋😋食強記祕訣1=唔好着白色衫！o係你忘我地食好野既時候，啲汁可能會彈左落件白色衫度整污糟架！(其實其他色衫都會彈到污糟囉==)食強記祕訣2=買兩串就可以比隻碟你裝住食食強記祕訣3= 由於強記係要企係街邊食，所以結伴同行，一個人拎住飲品，一個人食。咁樣輪流食，就唔會手忙腳亂啦，因為真係幾辣架~~~

喺葵芳地鐵站附近..一個唔顯眼嘅巷仔入面有一間好出名好多人排隊嘅小食店😍😍😍話說呢間小食店曾經上過電視😆😆😆今日嚟到葵芳咁就繼續試吓啦...2018年8月價錢👇🏻👇🏻👇🏻唔好睇佢店仔細細，但係入面都有成三至四個人幫手㗎！咁就證明佢人氣真係非常之勁啦👍🏻👍🏻👍🏻同埋通常呢d小食店都會覺得啲人好惡，但係佢呢度啲人全部都好nice😊😊😊睇吓佢兜魚蛋！ 睇見都覺得好吸引呀😍😍😍😍😍我哋叫咗最出名嘅牛肉球，魚蛋同埋八爪魚全部都沾上左佢哋嘅秘製辣汁😋😋😋😋😋牛肉球： 11蚊有三大粒...而且佢唔會太硬太乾，有小小陳皮嘅味道👍🏻👍🏻👍🏻陳皮魚蛋：魚蛋食到好重嘅陳皮味同其他普通街邊魚蛋係好唔同👍🏻👍🏻👍🏻八爪魚：有少少失望因為佢比較稔身唔太彈牙同爽口佢哋嘅秘製辣汁真係幾辣！食完之後好想買野飲呀，但佢嗰度冇得賣野飲㗎！大家如果去食辣汁嘅話記得買定支水啊~

葵芳地鐵站出面有兩個小食店，一大一細，我就通常去細個間食，你會發覺細個間會多人啲。呢度舖位細細，選擇都唔少。炸野就無喇，全部都係蒸煮類，燒賣魚蛋牛肉牛栢葉雞腎生腸魷魚都有。我就特別推介牛肉，真心好味，咬落夠質感，少少彈牙，質素有別一般街別小食。唔加辣醬都ok，今次唔小心口快快加左。雞腎一串四件，只售十蚊，咬落彈牙爽。另外，仲可以試生腸個啲，都係我成日都會食既選擇。環境方面就無得高分咖喇，街邊小店，垃圾桶就係附近，叫做唔係推車仔檔。

今日下午去了葵芳工作🤓好耐冇行葵涌廣場，我已洗樓式巡視每一間鋪頭都沒有一家能吸引我食慾，我就想起之前報導過一家魚蛋比較出名的小食店😉可惜我找了一小時也找不到，正想放棄行回地鐵站之際，發現很多人手持著一串串的山竹牛肉，我就朝著呢個方向去搵食，點知給我終於搵到你了，就是“強記小食”😎 牛筋丸大大粒如乒乓波一般大，肉質煙韌彈牙，再加上他們的秘製醬汁，暫時在其他小食店也吃不到的味道🍢 至於咖哩魚蛋真係唔講得笑， 細細粒皮脆有真魚蛋嘅感覺，而且都幾辣吓😥😥 放工時間仲大排長龍，食客的人數跟美味指數是對等的😉😉去葵芳想食魚蛋就必定要搵強記小食啦～😁😁😁

難得放平日，去試下多人介紹的強記辣魚旦，果然唔使排（其實係太早啱啱開檔)叫佐辣魚旦及牛柏葉，個辣汁果然冇令人失望，入口好香，食完後勁唔錯D辣味持久不散。誠意推介愛辣人士！

放工最開心係乜嘢啊，梗係去地鐵站食串魚蛋吖。不過呢度最好味嘅，個人認為係燒賣。因為佢有特別嘅豉油，喊中帶甜，呢個味道非常好食，亦都好鍾意佢嘅牛肉球，啖啖肉之餘，牛肉球亦都好紮實。

首先，它的店好隱蔽😂😂😂就係地鐵站旁邊（往巴士站方向）係條走巷到而條走巷只有它一間的店。整個店面雖小，但都有三個人在幫忙，而且每到放工放學時間總是排長龍，但放心佢地算快手快腳所以就算幾長都好快到你😂我個人好喜歡吃魚蛋、生腸、牛肉球、牛柏葉😋😋😋本來燒賣都好多人喜歡買跟吃，但個人喜好是不喜歡燒賣所以無列入我必吃名單😂😂😂係甘吾公平嫁啦🤔🤔🤔Anyway 任何野食加上佢既秘製醬汁都是一流，真的比起葵廣裡好吃多了🌸💓💛

工作經過葵芳站，諗起朋友好多年前介紹過葵芳站出邊有間小食鋪食牛肉球，好好味，所以就走左去試試佢！未行近已經聞到陣陣香味，亦有好多人已經企左係門口食緊一兜兜嘅小食。我就依照朋友介紹，叫左一份山竹牛肉球同埋一份燒賣當晚餐🤤🤤 真係好正，一份牛肉球有三個，份量好足，十分抵食，一串已經飽飽地🙊 牛肉球好有咬口好煙un，食得出用料係真材實料！淋上佢地嘅秘製辣汁，好惹味燒賣都好煙un，配佢地隻汁真係無敵，一定要再幫襯！

黎葵芳覓食，除左葵涌廣場外，強記絕對係另類既好選擇👍因爲強記既小食一直都好出名係收工高峰期既時候一定會大排長龍，不過店員分工好有效率，一個負責收錢，一個負責淥食物，一個負責串燒賣牛肉球，refill食物，所以條龍去得好快。🚶🏻‍♀️🚶🏻‍♂️🚶🏻‍♀️🚶🏻‍♂️強記以牛肉球最為有名，每次聽人講食強記一定要食牛肉球，因為又平又大粒又好食。但我個人認為最好食係辣魚蛋🌶️🌶️每次都要嗌翻兩串以上先夠喉。 強記既魚蛋係陳皮魚蛋，煮極都唔會爛，只會愈煮愈入味。配上強記既辣湯底，甜甜地辣辣地，真係好開胃。🌶️🤤記住一定要即買即食，熱辣辣咁先好食。我試過買翻屋企食，即時無左即場食既風味。如果嗌牛柏葉，魷魚等，食得辣既可以加埋強記特製既辣汁，包你愈食愈上癮。🤗😎

呢間嘅咖哩魚蛋好出名，成日都排曬長龍，上過東張西望後，好似更受歡迎，次次放學去食見到條龍咁長都唔敢排，今次難得早放，就買一串試下（BTW阿姐好似唔多在意我呢個order，我講明要一串咖哩魚蛋後，佢轉個頭問我係唔係要一串牛肉）不過講返食物，的確係幾唔錯嘅，佢唔會一味得個辣，而係有d甜甜地再加d果皮香，味道係幾有層次，口感都好特別，唔會好似平時我地食開嘅魚蛋咁“爽口”，而係有幾分煙韌，價錢正常吧，當然我唔會奢求佢可以做到5蚊2串咁旬啦（BTW 如果賣相靚d就好，宜家去吉到東歪西倒咁，如果食食下跌咗真係狼狽死）

經常出入葵芳港鐵站的朋友應該都知道D出口有一間小食鋪，面積不大，但遠遠都會見到一條長長的人龍，排隊等候買小食。如果要推介幾款的話，一定是魚旦和魷魚。陳皮魚旦配上秘製辣汁，香辣惹味； 而魷魚爽口彈牙，多麼令人回味。

今日去葵廣行街 經過地鐵站又忍唔住買咗一串黎食我自己就偏愛呢度既牛肉球 $10一串有3粒 大大粒爽口又彈牙 好有口感 加埋甜甜地嘅醬油就岩岩好 岩晒我呢d唔食辣既人絕對係高性價比既推介