張仔美食館 (已搬遷)

雖然已經是很久以前, 但到現在依然歷歷在目, 那五百蚊的花蟹糯米飯, 三百蚊一碟的花甲, 三百蚊一盤的黃金蝦, 兩舊水的炒聖子, 百五蚊的枝竹火腩炆班頭腩...這可以怪邊個呢? 其實係有問的, 不過答的價錢同實際價錢出入頗大, 不是沒有問的, 是沒有明碼實價. 這可以怪誰呢?但味道真的不錯, 花蟹糯米飯的蟹比較細, 很甜美但絕對不值這個價錢. 花甲, 大隻肥美香口, 不錯. 黃金蝦, 很香脆, 不錯.炒聖子, 味道濃郁鮮味重, 不錯. 枝竹火腩炆班頭腩, 肉軟汁入味, 不錯. 味菜鵝腸, 鵝腸很入味, 爽脆可口, 不錯.…查看更多

同一班同事一行十人去左西環呢間張仔記食飯！ 店舖環境唔係裝修得好靚，不過食物質素幾好喎！ 食左9樣野！特別要讚下個湯，好飲，同事們每人差不多飲左2碗！另外d食物唔太記得個名，不過椒鹽九肚魚白飯魚幾特別，送啤酒一流呢！但唔記得影相~其次個咸菜粉絲花蛤，值得推介！仲有蟹好鮮甜！咸魚蝦餅幾香口！…查看更多

嬲怒指數: 爆出街食飯預咗貴，不過真係無諗過貴到離晒譜囉！！同友人一行四人突登架車去西環食飯。本來諗住喺小甜谷附近搵食，點知無咩食肆揀又full晒，大肚lum dump的我費事等，結果亂打亂撞行咗去厚和街呢間＂張仔美食館＂。最初都唔知咩來頭只見有位唔使等就入去，咁啱門口見到小儀張相就估到係之前上過電視既其中一間食肆。入到去有個比較後生既男人介紹我地招牌菜＂籠仔荷葉糯米蒸花蟹＂，我地咩都問就叫好，個男人只係同我地講要等４－５個治。跟住我地叫咗花甲王，橙香斑塊拼咕嚕肉，瑤柱蝦乾節瓜粉絲煲，同埋佢推介既蒜香雞。第一道菜嚟咗個豉椒花甲王。見到好surprise，真係好大隻！雖然我無份食，見到咁肥美都知道正。三位人兄勁快清碟。餐牌係無價錢既，大家完全無問過價錢。第二道菜嚟咗個橙香斑塊拼咕嚕肉。味道Ok，但唔覺橙香，咪又係普通咕嚕肉既酸甜汁。咕嚕肉都算脆。第三道菜係瑤柱蝦乾節瓜粉絲煲。味道Ok，無咩特別。跟住嚟咗隻風沙雞，起初見到隻雞乾睜睜咁，不過入口好滑，Ok。到大家最＂期待＂既蟹。一嚟到。。。隻蟹勁細隻，有兩隻去cover佢勁大個既蒸籠。個蟹蓋size只係手板咁細隻。我地自己講緊做咩唔用一隻大d既蟹呀。。。大家都算就食啦！朋友都話d肉唔滑，老，無蟹味。自問算海鮮怪既我地，已經估到係隻蟹唔太新鮮（即係。。。又比人呃啦）。跟住呀哥哥仔行咗嚟問下我地d食物點，我地話隻蟹唔得，同埋細隻。。。你真係估佢唔到，佢竟然話唔關d蟹事，佢話有客都講過，佢問過蟹供應商，話近排d水唔係好得影響咗d蟹。我地無人答佢，心諗佢真係當我地唔識咁。佢跟住指住隻勁大既蟹，話今次我地第一次嚟食所以無推介我地。到埋單喇，大家覺得呢餐飯應該幾多錢埋單呢？？真係估佢唔到。我地一直無問海鮮價錢，但見佢up up dup dup，都唔會收得太貴啦～估花甲王頂盡百零二百，蟹咪三百到。。。點知張單一到，我地一睇O晒咀，過千蚊！！再睇睇。。。嗰兩隻＂細＂蟹竟然收咗＄５９８，係，無睇錯＄５９８！！跟住到個花甲王，＄２９８！！簡直離晒譜，明搶！！！！！！花甲王我地都算啦，大隻好味。嗰兩隻蟹真係不知所謂，佢仲真係夠擔收我地呢個價！！佢嗰兩隻又唔係咩富貴蟹，食大閘蟹都唔使咁貴啦！！！海鮮價唔緊要，但真係唔好咁離譜囉！！上過電視大晒咩～～～！！我地固之然唔會再去幫襯。請呢間食館有良心做生意啦！！！！！！…查看更多

心目中想光顧的食店清單，有如水蛇春一樣長，很多也不算什麼高級食店，好像在西環厚和街上的張仔美食館，是我心目中其中之一間心水，藉著友人為小弟慶祝生日，便提議來到這裡。因為她住在爹核士街附近，對她一家來說是非常方便。聽說此店的人氣很盛，年前的食評也提及過，這是爆場店。這一夜一行五人來到，沒有太多食客在內，似乎人氣已不及從前。張仔最有名的菜式，莫過於籠仔荷葉糯米蒸花蟹了，我們四大一細，絕對應付得來，另外再點其他菜式為副。例湯為青紅蘿蔔煲豬錚湯，煲得火路夠，味道鮮甜，幾個人分一窩，份量頗多。以油鹽水浸花甲就吃得多，以胡椒咸菜來浸花甲，也是第一次嘗試，此味胡椒咸菜粉絲高湯浸花甲王，湯底還要比油鹽水般辛辣，更為刺激。用上的花甲肥大肉厚，肉質爽而鮮甜，完全沒有沙，處理得非常之好。另一味海鮮豉椒炒聖子，並不是聖子皇，不過一樣肉厚爽甜，豉椒惹味。如果是聖子皇的話，我會選擇蒜茸粉絲蒸，好像這個聖子，用豉椒炒也不錯。也要香口一點的菜式作點綴，便來一碟椒鹽鮮魷，金黃外層的炸漿不厚，香脆鬆化，魷魚香甜彈牙，另外在魷魚面上耍上炸蒜，更加惹味可口，很可惜這晚不大方便喝酒呢。主角籠仔荷葉糯米蒸花蟹，賣相挺有霸氣，以炒過的糯米飯，釀入在蟹蓋內焗之，基本上吃這一道糯米蟹，等同兩道菜了，可謂一石二鳥。花蟹肉質鮮甜纖細幼嫩，蟹蓋上的蟹膏，滲進入糯米飯在內，本來炒得很不錯的糯米飯，在味道上添上一份蟹膏的鮮甜味。吃得這麼重，沒有可能不叫一碟菜吧，來個者者通菜煲，錯不了。雖然環境比較街坊一點，但價錢不算十分便宜，與海邊的西環碼頭消費相若。轉眼間下個月便到妳們的生晨，又要想想與妳們在那裡慶祝了。謝謝。…查看更多

今日同屋企人食端午節飯大家決定又係張仔見。雖然只係嚟過幾次但係每次都食得好開心, 或者因為老闆識推介而且用料夠新鮮。每次必食有：上湯浸鮮雞 - 真係食雞有雞味, 新鮮雞係唔同d椒鹽狗肚魚 - 香口得嚟唔會得個脆字炒時菜 - 有鑊氣，唔會因為想快d起菜就淥完先炒籠仔糯米飯焗紅蟹 - 糯米飯一d都唔油，隻蟹又鮮甜多肉豉椒炒聖子 - 好惹味呀差d唔記得仲有是日靚湯 - 足料 yummy!:)而今日老闆嘅推介係涼瓜炒班片 - 正…查看更多