廣東燒味餐廳 (已結業)

黎依度我只食4寶飯.但自我第一次黎到依家,開始有慳皮現象.四寶有乳豬,叉燒,油雞,同咸蛋加兩條菜.連cold drink$32乳豬一貫水準,好味,脆,香,就咁食唔點野都好味.叉燒,要真正半肥瘦先得.其他過肥過瘦唔係食到成口肥油就係乾爭爭同較硬.而且我係見證佢由叉燒變成俾豬頸肉,再變成有時俾燒骨有時俾紅腸.依個令我最谷氣.你當客係咩!有叉燒就俾唔夠就俾其他野.油雞如果俾中係脾既就最正.胸太"鞋口"!不過以4寶計佢係水準之作,即使叉燒果part時有時冇變成由其他野代替令佢分數大減.其他野都好ok服務員普通.

放學後下著大雨, 和同學們都沒有什麼特別意見, 還是走到最就近的食店來一個簡單的晚餐; 點了一碟叉燒燒鴨飯, 叉燒肥瘦適中但味道一般肉質亦偏韌, 燒鴨翼位骨多肉小不太討好, 梅子醬亦偏淡; 再來一杯咸檸七, 整個咸檸檬浸在七喜內, 飲起來有點甘吉味度, 幾特別.

係度食過晚飯, 以燒味為招牌的廣東, 燒味同小菜都只係麻麻, 不過遇著隔離個間"我從未食過咁難食的大家樂", 廣東一路都客以雲來不過都有d好野食的, $22一客公司冶, 意想不到的好, 有煎蛋,咸牛肉,午餐肉,火腿,酸瓜, 大大份, 好鬼正, d料多到一咬落去d料"必"晒出黎, 成日都去買, 呢個同奶茶都ok架!

兩次做facial前o係度食, 一次order竹笙玉子豆腐($35), 另一次order即蒸鳳爪排骨($30), 跟白飯同湯~湯o既味精多o左d, 竹笙玉子豆腐太厚獻汁, 蒸鳳爪排骨幾大碟而味道ok~ 不過小菜同蒸送都要等好耐, 下次都係食燒味算喇~

奶茶不俗，有一定水準。最正係炭燒，不過價錢都吾平，所以下午茶餐底過斬料好多。