廚十三老壇酸菜魚 (海之戀商場) (已結業)

上個月朋友係台灣返黎探親，梗係要約見一下聚舊。約係荃灣西一帶，傾到夜晚係時候食dinner, 本身冇book定食乜嘢嘅，冇idea就邊行邊睇。行下行下就見到，印象中都多人提起過，就去😋試食下啦，重點我同朋友都食得辣嘅😬兩個人就叫左(小份嘅老壇酸菜魚🐟)加3,4種配料。另外叫左兩款小食(🌶️麻辣牛𦟌)(🌶️麻辣鳳爪)。小食兩款都唔錯，夠香，辣就可以再辣d都接受到。酸菜魚嘅酸菜好好食，小份兩個人已經夠晒數，我同朋友都覺略嫌唔夠辣，食得辣嘅朋友可以Level可以揀勁d。因為係商場入面嘅餐廳，想坐得夜啲又怕阻住員工，所以早少少去食會好啲。希望lee篇文可以俾到意見大家😆👍🏻😉

今晚同家人外出食晚飯，在海之戀廚十三老壇酸菜魚開餐。我地點左藤椒魚，四川回鍋肉，菠蘿咕嚕肉，再一人整碗白飯。服務都好好，一去到有麥茶飲，個麥茶都好香。藤椒魚：魚既肉質非常好，咬口好而魚味都好鮮味，魚厚度岩岩好辣辣地更加野味可口。配菜蓮藕，金菇，豆腐配合起來都唔錯。四川回鍋肉：肥瘦岩岩好，夠晒入味，依個菜真係要配搭上白飯食更加正。菠蘿咕嚕肉：酸酸甜甜都係配白飯最佳配搭，肉唔會過肥，炸起來岩岩好。肉質良好，吃上來也好好。

點解咁鍾意食廚十三老壇酸菜魚？好簡單，就係佢嘅酸菜好正宗！夠味、又夠香⋯⋯因為份量多，所以今次叫咗細份就夠！剛剛好，可以留肚食其他好嘢😏魚肉厚切，啖啖肉！又滑又入味！提一提細份不包配菜（豆腐、金菇、蓮藕），但我食魚加酸菜就夠！大份及土豪份就包的！有別於廣東式咕嚕肉！肉是一卷卷，好有層次。店員說是四川做法。又幾特別送飯一流我今次叫小辣，要是清楚食材本身嘅味道！腩肉用豆豉炒，好野味。配搭青椒嘅回鍋肉！解辣一絕另外加入大量新菜式，有排試！

海之戀揀左食呢間酸菜魚。呢邊人流比較少，又唔洗排隊。黎得呢度一定食下酸菜魚啦~#酸菜魚 細份 HK$198估唔到細份都好大碟。佢用嘅係鱸魚片，小葉酸菜，魚骨湯。鱸魚片都好大片同埋好滑。另外加左配菜，有豆腐、金菇、藕片。叫左小辣，食食下其實都幾辣下。不過個湯係幾正嘅。#紅燒牛肉 HK$108份量都幾多，佢果隻辣味好有大陸果D辣味。唔算好辣，個薯仔好林好好食。# 宮保雞丁 HK$98好多辣椒，但其實唔係好辣。雞粒仲有D甜味添。總括呢度人流少坐得舒服，野食份量大份，喜歡食辣可試。

本身我係唔食辣既人，所以對於辣既食物真係可免則免不過前排朋友聚會時，我地點了一次酸菜魚，本身我都唔會掂架啦，因為對我而言好辣呀嗎，但係原來呢一道菜真係令我一試難忘自此之後，我就成日去搵酸菜魚去食，今次我就搵到去荃灣海之戀啦，食呢家廚十三老壇酸菜魚呢家廚十三老壇酸菜魚，其實有不少既分店既，不過吃都係第一次，店員帶我們在位子坐下之後就送左呢一枝麥茶，我真心要讚一下呢個麥茶超好飲的，由其吃酸菜魚時超Match 的!!!今次我地點選左一份老壇酸菜魚(小) ($198)  同兩份既小食真心要讚一下，開頭在吃這店時，我已經打算要另外跟小孩吃其他東西誰知在這店可以給我不。加。辣!!!!真的令我有驚喜，我知道酸菜魚唔辣就唔係酸菜魚啦但係總係有人食唔到辣嗎不過最估唔到係，呢個所謂既二人份都好大份呀，我地就加左豆卜及寬薯粉 各加$28酸菜魚選用了鮮鱸魚入饌，魚肉唔會個種好細塊之如，仲要勁滑同埋啖啖肉，連小孩都連吃幾件呢魚塊連帶酸菜魚的湯，很惹味同時會愈吃愈多記得我說加了寬薯粉呢? 我真心推薦，吃酸菜魚時一定一定加這個，因為這個寬薯粉很入味，連帶湯品時吃很好吃的然後加埋魚塊吃時超惹味剛剛就介紹過，我都點左兩

今日剛經過廚十三，即時試試佢嘅酸菜魚。佢酸菜魚分兩種1.2人份（一條魚）$19x2.3人份（2條魚）$3xx成班同事9個人，叫左兩個3人份再加小菜，都夠食。配菜：本身酸菜魚附帶蓮藕片、豆腐等配菜，如果需要其他配菜可以加錢加，不過酸菜魚本身沒有附帶白飯，有需要都可以在配位加。如果喜歡吃寬粉的你，要留意，會比較煙靭，我覺得有啲難咬酸菜魚：有機會會食到魚骨，食嘅時候要留意味道：可以選擇大中細/唔辣，我揀咗小辣味道上偏酸

今個月中同兩位老友聚餐，大家都話好耐冇食過酸菜魚，所以約左大家都就腳既地方，位於荃灣海之戀商場3樓《厨十三老壇酸菜魚》，因為大家之前都食過其他分店都覺得質素唔錯，所以大家都選返厨十三食酸菜魚，之前訂咗位當日準時1800入坐，我地叫左：老壇酸菜魚(大份) 中辣、泡椒鳳爪、蔥油撈豬肚同3支忌廉汽水，食物陸續送到檯面，酸菜🐟連碗嘅分量龐大，魚肉夠大塊又夠嫩，配菜份量亦好多(有豆腐、酸菜、蓮藕同筍片)，食到停唔倒口👍🏻，泡椒鳳爪整得好入味好好食，豬肚就整得啱啱好唔會老同靭再加埋啲蔥油真心好香口好好食，荃灣呢間食物質素同樣高質👍🏻，現場職員服務唔錯，環境都舒適啲座位唔會話set到密密麻麻， 總括嚟講都值得推介比大家😋😋👍🏻👍🏻

今晚行過這裡，見到啲好懷念嘅味道，就係咁入去了，餐廳地方闊落座位舒適！今晚就點了這裡嘅招牌菜老壇酸菜魚，同埋哩個正經的雞被撕！正經的雞被撕即是平時的手撕雞，雞絲加上了麻油同芝麻等配料外，還有爆香了嘅辣椒混埋一齊，雞絲入口嫩滑入味，帶點麻油香味之餘還有點點辣味，夠晒惹味！而主角就係老壇酸菜魚，份量十足，首先用了鱸魚去做這個主菜嘅主角，鱸魚肉質細嫩，加上吸收了酸菜湯底，入口十分入味，而本身個老壇酸菜魚，除了有已經片成一片片嘅入味魚片外，還有爽口酸菜，同埋豆腐、豆卜、蓮藕片，吸收了湯底個種味道，一樣十分好味！喜歡食酸菜魚嘅朋友這裡嘅酸菜魚真係十分好味道！

朋友住荃灣海之戀，樓下商場好多美食，拜年其中一個節目就係食開年飯，主人帶我哋去食廚十三老壇酸菜魚。廚十三老壇酸菜魚有3間分店， 荃灣店海之戀分店空間感十足，裝修簡約坐得舒服。老壇酸菜魚(大份）$328大大碗嘩一聲！好足料，足夠三至四位享用的酸菜魚，食材非常新鮮，精挑細選的老壇酸菜，老壇醃製酸菜味道剛剛好，特別入味，味道濃郁，酸辣開胃，是一道色香味俱全的川菜傳統名菜。酸菜魚肉質細嫩，魚片大片，口感又滑，魚肉好鮮味！其他配料有蓮藕、豆腐和老壇酸菜、泡椒一起烹製，鮮香令人回味無窮。一口接一口，酸辣湯底好味，配米飯一絕，我都食咗一大碗白米飯。麻辣牛腱 $88真心辣！我都睇少咗佢嘅麻辣度，送啤酒一流！麻辣到非常透徹的牛腱，配上秘制麻辣醬汁，每一口都能感受牛腱麻辣味從口中溢出！食落有多種辣椒混合的香氣，辣勁十足，隨著牛腱入口，香辣喋喋不休。藤椒砵砵雞 $88藤椒溫柔的辣，讓砵砵雞香氣爆棚，味道鮮美。香麻藤椒湯汁，一串串好有特色，啖啖肉睇見都想食，妹妹吃一串都回味中，雞腎、牛𦟌浸到入曬味，食唔停口。萵筍爽脆而且入味。鵪鶉蛋、牛柏葉爽脆可口。總括酸菜魚令人回味，年年有餘，遲啲仲有新菜推出，可以再嚟試吓

約朋友提早團年，今次去位於荃灣海之戀的廚十三食酸菜魚~~~正呀有酸菜魚，還有多款配料加配還有涼菜、小食等選擇老壇酸菜魚有小份2位用 $198選擇小辣，大大碟賣相吸引先呷一口湯底，少辣帶酸好開胃，魚肉份量夠多之餘，大片無骨又嫩滑，還有酸菜、豆腐、金菇等配料。正經的雞被撕 $88即是手撕雞，有芝麻、香芹、麻油、辣椒等配料拌勻，味道香口惹味，雞肉嫩滑爽口。酥炸無臉男 $68炸豬肉，外層金黃香酥，點辣粉食更添惹味。

最近去左位於荃灣海之戀［厨十三老壇酸菜魚］3日前已訂左位，當日一到步店員即時安排入座，安排左我地坐4人卡位，現場環境雖然唔算好大，但地方整潔企理的👍🏻👍🏻睇完餐牌當然要叫招牌菜，點左老壇酸菜魚(大份)加埋寬粉同以下小食: 1)蔥油撈豬肚, 2)泡椒鳳爪 3)紅糖冰粉2碗 (甜品)重頭戲酸菜魚送到上枱，個碗差唔多有半張枱咁大非常架勢，魚肉片新鮮好食口感好好，唔會好似出面啲舖頭咁整到啲魚肉片又薄又易散，酸菜魚加埋寬粉呢個配搭係好好食，其它小食都唔錯(水準之作👍🏻)，紅糖冰粉出奇地好好食有減辣作用同好冰涼嘅感覺，呢度店員服務殷勤有禮，見倒我地茶壼冇茶都即刻為我們補充返，抵讚👍🏻綜合個幾位朋支既意見都覺得這間厨十三既老壇酸菜魚個級數比起國內出名主打食酸菜魚店舖，係有過之而無不及👍🏻👍🏻😋😋😋😋

今朝未食早餐,大约中午十二點半去到海之戀商場,忽然想食酸菜魚,見到呢間餐廳進食客人唔多,就入去食叫左酸菜魚米線要中辣,酸菜都幾多,味道唔錯,另外仲有豆腐,金菇,蓮藕配料,普通啦,魚片數目唔少,食落冇骨易消化夠魚味,個湯辣度都幾好,埋單$68加一都抵食嘅!

約咗朋友嚟荃灣海之戀商場逛下，順便辦年貨。買到一抽二掕，收穫非常豐富，係時候食晚飯；揀咗 3/F 呢間「廚十三老壇酸菜魚」。餐廳佈置得好優雅，裝潢別具格調，以木色系為主調，環境寬敞，座位闊落，坐得好舒服。一坐低店員就先為我哋送上麥茶，茶湯熱暖，入口帶淡淡麥香👍，有助消滯解膩。 點咗一份細嘅老壇酸菜魚，另外再加咗兩款小食同白飯。老壇酸菜魚 ($198)  酸菜魚選用了鮮鱸魚入饌，湯底酸味十足，夠勁道，但又無太嗆喉嘅感覺，非常醒胃。魚片灼熟時間準繩，食落肉質好嫩滑，彈牙又無骨，入口啖啖肉。老壇酸菜用芥菜及十多種香料自然發酵做成，入口爽脆又不死鹹；配埋軟嫩嘅豆腐一齊食，滋味又飽足。小食點咗蔥油撈豬肚 ($88)  豬肚爽脆彈牙，煙韌有口感；把花生粒、芝麻及芫茜與豬肚拌勻，食落香口又唔油膩，送飯一流！至於另一客小食就點咗酥炸無臉男 ($68)，餸名好得意，原來係炸豬肉條，外層金黃酥脆，入口肉香濃郁，配搭蘸料吃，香辣過癮。

今日同朋友黎試下食廚十三酸菜魚，3個人叫左個2人份加左配菜，有豆腐、午餐肉，豆卜同寬粉， 叫左少辣。 我個人口味覺得酸度岩岩好，唔會太酸，辣度少辣都岩我朋友，我自己就覺得下次可以試下中辣。而主角魚片都有好多，好滑配上啲湯汁一齊食好惹味。我們仲叫左啲涼菜及小食：有皮蛋，麻辣砵砵雞同磁巴。 砵砵雞有牛展、牛肚、鵪鶉蛋、萵筍、雞腎、豬脷、土豆片等 ，我朋友負責食內臟，佢好鍾意食，仲話好好味，辣度會比酸菜魚較辣，而我就伐鵪鶉蛋，萵筍同土豆片，重申一點這些是涼菜，萵筍同土豆片好爽口，辣度又刺激味蕾，真係好正。最後食甜品：雨露均沾即係磁巴，呢個要趁熱食，磁巴煎得好香口，外脆內軟，又唔會癡牙，再配上黑糖， 鍾意食甜食的朋友，這個值得推介👍👍👍

香港近年興起食酸菜魚，其中㕑十三老壇酸菜魚都有左好幾年，分店仲越來越多添，是晚同朋友到左新開的海之戀分店試下。店內環境唔錯，木系裝修，枱與枱間幾濶落。每張枱上都放有一支蕎麥茶，茶味幾香呀😊黎得酸菜魚店當然要點一份酸菜魚啦，再點左幾樣涼菜，餐牌上有辣有唔辣㗎。🥢老壇酸菜魚四個人黎食，咁就點份大嘅先，大份酸菜魚已包括豆腐同蓮藕片。果然好大份，超大個盤入面仲滿晒㗎，要拎起佢上枱都唔簡單，店員好厲害👏魚片份量好多，用上鱸魚，幾鮮味魚肉亦滑，最開心係無骨吖嘛，正😋酸菜湯底鹹香鮮味，要左小辣口味，個人覺得唔辣，飲多幾啖湯都無問題，直頭要拎黎撈飯。🥢碧綠脆筍諗住食返條菜叫左呢樣，醃得好爽口喎，正。🥢藤椒砵砵雞有麻辣口味或藤椒口味選擇，揀左要藤椒，意外地只係微辣，但個藤椒就好香，少少麻幾啱口味喎。入面串串有牛肚、鳳爪、萵筍、土豆片等，吸飽醬汁幾正呀😝🥢正經的雞被撕仲叫左碟手撕雞，雞肉有口感，配菜有大量芫茜、木耳等，香口爽脆，又係好好味。食辣野點都要返碗飯解下辣，哈哈，軟綿綿拎下酸菜魚湯正呀。食咁多野都係二百蚊人頭左右，抵食呀😆